رێکخراوی کۆچی نێودەوڵەتی رایگەیاند، نزیکەی ٩٠٪ـی ماڵەکانی کەرتی غەززە وێران بوون و سەدان هەزار کەسیش هیچ شوێنێکیان نییە بۆی بچن.

بڕیارە سبەینێ سوپای ئیسرائیل ٦٠٢ زیندانیی فەڵەستینی ئازاد بکەن، لەبەرامبەر شەش بارمتەی ئیسرائیلی.

بڕیارە سبەینێ سوپای ئیسرائیل ٨٠٠ زیندانیی فەڵەستینی ئازاد بکەن، لەبەرامبەر شەش بارمتەی ئیسرائیلی.

یەکێتی ئەوروپا بڕیاریدا سزای وزە، گواستنەوە و ئاوەدانکردنەوە لەسەر سووریا هەڵبگرێت.

حەماس تەرمی چوار بارمتەیان رادەستی ئیسرائیل کردەوەو سوپای ئیسرائیلیش دەڵێت، لە دوای ٤٨ کاتژمێر تەرمەکان دەدەنەوە بە کەسوکاریان.

وتەبێژی گروپە چەکدارەکانى غەزە رایگەیاند، سبەینێ تەرمی چوار بارمتە رادەستی ئیسرائیل دەکەنەوە. سوپای ئیسرائیلیش دەڵێت، لە دوای ٤٨ کاتژمێر تەرمەکان دەدەنەوە بە کەسوکاریان.

له‌گه‌ڵ ده‌ستپێكردنی دانوستانه‌كان له‌سه‌ر قۆناغی دووه‌می رێككه‌وتنی ئاگربه‌ست بزوتنه‌وه‌ی حه‌ماس رایگه‌یاند، ئاماده‌یه‌ هه‌موو بارمته‌كانی ئیسرائیل به‌ یه‌كجار ئازاد بكات، به‌ڵام بۆ ئه‌و مه‌به‌سته‌ مه‌رجی هه‌یه‌.

کۆمیسیاری باڵای پەنابەرانی نەتەوە یەکگرتووەکان رایگەیاند، لەدوای رووخانی رژێمی بەشار ئەسەدەوە، ٢٨٠ هەزار ئاوارەی سووری گەڕاونەتەوە وڵاتەکەیان.

گروپە چەکدارەکانی حەمماس رایگەیاند، بڕیارە شەممەی داهاتوو شەش بارمتەی زیندانیکراوی ئیسرائیل بە یەکجار ئازاد بکرێت.

رۆژنامەی ئەهرامی میسری رایگەیاندووە، میسر پلانێکی داڕشتووە تا دانیشتوانی غەززە لە ناوخۆدا نیشتەجێبکات بە بێ ئاوارەکردنیان.

مەزڵوم عەبدی رایگەیاند، سەردانەکەی ئەحمەد شەرع بۆ عەفرین دەستپێشخەرییەکی گرنگ بوو بۆ هاندانی گەڕانەوەی دانیشتوانە رەسەنەكەی عەفرین. دەشڵێت، خاڵی رێککەوتن لەگەڵ دیمەشق هەیە، لەکاتێکدا پرسەکانی دیکەش هێشتا لە گفتوگۆدان.

سەرۆک وەزیرانی ئیسرائیل رایگەیاند، دەروازەکانی دۆزەخ بەسەر حەماس دەکەینەوە ئەگەر حەماس هەموو بارمتەکانی ئیسرائیل ئازاد نەکرێن.

لە دوای رووخانی رژێمی ئەسەدەوە، سەرۆکی نوێی سوریا دەستیکردووە بە سۆراغکردن بۆ ئاشکراکردنی سامانی ئەسەد و هاوپەیمانەکانی، بەپێی ئاژانسی رۆیتەرزیش ژمارەی ئەو کەسانەی حکومەتی سوریا بە ئامانجی گرتوون ١٢ کەسن و حکومەتیش توانیویەتی دەستی بە چەند کەسێکیان بگات.

گروپە چەکدارەکانى غەززە سێ بارمتەى ئیسرائیلی دیکەیان ئازاد کرد لەبەرامبەردا ئیسرائیل ٣٦٩ زیندانی فەڵەستینی كە ژمارەیەكیان زیندانی هەتاهەتاییان بەسەردا سەپێنرابوو ئازاد دەکات.

دوای هەڕەشەکانی سەرۆکوەزیرانی ئیسرائیل لەبارەی ئازاد نەکردنی بارمتەکان لە لایەن حەماسەوە، گروپی چەکداری حەماس رایانگەیاند، پابەندن بە جێبەجێکردنی ئاگربەست بە مەرجێک ئیسرائیلیش پێوەی پابەندبن و بەردەوام بن.

هێزی دەریایی ئەمریکا رایگەیاند، کەشتییەکی فڕۆکە هەڵگری ئەمریکی لە جۆری 'هاری ترومان' لەگەڵ کەشتییەکی بازرگانی لە نزیک میسر پێکییاندا دا.

کۆشکی کریملن رایگه‌یاند، سه‌رۆكی روسیا، په‌یوه‌ندییه‌كی ته‌له‌فۆنی له‌گه‌ڵ ئه‌حمه‌د شه‌رع سه‌رۆكی كاتی سوریا ئه‌نجامداوه‌ و باسیان لە دۆخی کۆمەڵایەتی و ئابووری سوریا کردووە. دەشڵێت، سەرۆکی روسیا پشتیوانی یەکپارچەی و ئاشتی سوریا دەکات.

بەهۆی ئەو شەپۆلە سەما و سۆڵەی ڕۆژهەڵاتی کوردستان‌و ئێرانی گرتوەتەوە، لە ٣١ پارێزگا دەوامی قوتابخانەکان راگیرا و تەنها بەشێکی کەمی ناوەندەکانی خوێندن دەوام دەکەن.

سەرۆکوەزیرانی ئیسرائیل رایگەیاند، ئەگەر حەماس تاکو رۆژی شەممە بارمتەکان ئازاد نەکات شەڕ دەستپیدەکەینەوە و ئاگربەست دەشکێنین.

سەرۆکی راگوزەری سوریا رایگه‌یاند، دوای رووخانی رژێمی بەشار ئەسەد و هەڵوەشاندنەوەی سوپا و خزمەتگوزارییە ئەمنییەکان، هەزاران خۆبەخش پەیوەندیان بە سوپای نوێی سوریاوە كردووە.

سەرۆک وەزیرانی عێراق، بە بۆنەی تەواوبوونی پێکهێنانی حکومەتی نوێی لوبنان، پیرۆزبایی لە سەرۆکی کۆماری لوبنان و سەرۆکوەزیرانی لوبنان کرد.

ئاژانسی فرانس پرێس بڵاویکردەوە، سوپای ئیسرائیل بە تەواوەتی لە ڕێڕەوی نێتزاریم لە ناوەراستى کەرتی غەززە کشاوەتەوە و سەرۆکی ئیسرائیلیش دەڵێت، سەرۆکی ئەمریکا لەگەڵ هەر یەک لە سەرۆکی میسر و شازادەی جێنیشینی سعودیە کۆدەبێتەوە بۆ تاوتوێکردنی پلانەکەی دەربارەی غەززە.

دوای ئەوەی لە سەرەتای مانگی رابردوو و لە پاش دوو ساڵ جۆزێف عەون وەک سەرۆکی لوبنان هەڵبژێردرا، سەرۆکی ئەو وڵاتە، نەواف سەلامی ڕاسپارد بۆ سەرۆکایەتی کابینەی نوێی حکومەت. سەرۆک وەزیرانی ڕاسپێردراویش حکومەتی بە ٢٤ وەزیرەوە پێکهێنا و رایگەیاند، کاردەکەن بۆ بنیادنانەوەی لوبنان و دەستکردن بە چاکسازی لە کەرتە جیاوازەکاندا.

سعودیە وەڵامی ناتەنیاهۆی دایەوە و رایگەیاند، فەڵەستینییەکان مافی خۆیانە لەسەر خاکی خۆیان بمێننەوە و نابێت ئاوارەی وڵاتان بکرێن، دەشڵێت ناتەنیاهۆ بەو وتانەی دەیەوێت تاوانکارییەکانی ئیسرائیل بشارێتەوە لە غەززە.

سەرۆک کۆماری لوبنان لەگەڵ سەرۆکوەزیرانی راسپێردراودا بڕیارێکی واژۆکرد کە حکومەتێکی ٢٤ وەزیری پێکبهێنێت.

گروپە چەکدارەکانی فەلەستین، سێ بارمتەی ئیسرائیلییان ئازاد کرد و لە بەرامبەردا ئیسرائیل ١٨٣ زیندانی فەلەستینی ئازاد دەکات.

میدیاکانی سوریا رایانگەیاند، شەڕ و پێکدادان لەنێوان هێزە ئەمنییەکانی سنووری سوریا و گروپە چەکدارەکانى سەر بە حیزبوڵای لوبنان روویدا.

گروپە چەکدارەکانی فەڵەستین رایانگەیاند، سبەینێ سێ بارمتەی ئیسرائیلی ئازاد دەکەن و لە بەرامبەردا ئیسرائیل ١٨٣ زیندانی فەڵەستینی ئازاد دەکات.

بەڕێوەبەرایەتی ئاسایشی لیبیا و مانگی سووری لیبیا رایانگەیاند، لانیکەم تەرمی ٢٩ کۆچبەریان لە دوو شوێنی باشووری لیبیا دۆزیوەتەوە.

سەرۆکی راگوزەری سوریا بۆ جارێکی دیکە داوای رادەستکردنی بەشار ئەسەد لە روسیا دەکات بەرامبەر بە مانەوەی هێزە سەربازییەکانی روسیا لە سوریا.

سەرۆکی حەماس رایگەیاند، لێدوانەکانی ترەمپ سەبارەت بە غەززە بەسە بۆ ئەوەی ئاگر لە ناوچەکە بەربدات".

سەرۆکی ویلایەتە یەکگرتووەکانی ئەمریکا رایگەیاند، کۆنترۆڵی کەرتی غەززە دەکەین، دەشڵێت دیدارەکەی لەگەڵ ناتانیاهۆ تیشکی خستۆتە سەر چۆنیەتی نەهێشتنی حەماس لە کەرتی غەززە.

وتەبێژی گروپە چەکدارەکانی غەززە رایگەیاند، دانووستانەکانی قۆناغی دووەمی ئاگربەست بۆ ئاڵوگۆڕکردنی دیلەکانی نێوان غەززە و ئیسرائیل دەستیپێکردووە و دەشڵێت، قۆناغی دووەم بریتی دەبێت لە نۆژەنکردنەوەی غەززە.

لە چوارچێوەی ئاگربەستی کەرتی غەززە، ئیسرائیل ١٨٣ زیندانی ئازاد کرد، لەبەرامبەر سێ بارمەتی ئیسرائیلی کە رادەستی خاچی سوور کران.

بڕیارە سبەینێ چوارەم ئاڵوگۆڕی بارمتە ئیسرائیلی و زیندانیە فەڵەستینیەکان لەچوارچێوەی ئاگربەستی غەززە بەڕێوەبچێت.

وەزارەتی تەندروستی لوبنان رایگەیاند، لە هێرشێکی ئیسرائیل دا بۆسەر شارۆچکەی جەنەتا لە رۆژهەڵاتی لوبنان دوو کەس گیانیان لەدەستدا و ١٠ کەسی دیکەش برینداربوون.

میدیای ١٢ی ئیسرائیلی بڵاویکردەوە، ئەربیل یەهوود رادەستی خاچی سوور کراوە، هەروەها لە گرتە ڤیدیۆییەکاندا دەرکەوتووە کە لە خان یونس لە باشووری غەززە لەلایەن جەماوەرێک و چەکدارە فەلەستینیەکانەوە دەورە دراوە.

وتەبێژی ئۆپەراسیۆنە سەربازییەکانی ئیدارەی نوێی سوریا، کارکردنی بە دەستووری ساڵی ٢٠١٢ راگرت و رایگەیاند، دەسەڵات دراوەتە دەست ئەحمەد شەرع تا پەرلەمانێکی کاتی پێکبهێنێت.

ئاژانسی رۆیتەرز رایگەیاند، لە كۆبوونەوەی سەرۆكی ئیدارەی نوێی سوریا لەگەڵ شاندە باڵاكەی مۆسکۆ، داوای كردووە كە بەشار ئەسەد، سەرۆكی پێشووی سوریا رادەستی دیمەشق بكەنەوە.

لەگەڵ بەرەوپێشچونی ئاگربەستی غەززە، گەڕانەوەی ئاوارەکان بۆ سەر ماڵ و حاڵی خۆیان زیادى کردووە. ڕێکخراوە مرۆییەکانیش هۆشداری دەدەن دەبێت دەستبەجێ هاوکاری مرۆیی بگەیەندرێتە ئاوارە گەڕاوەکان ئەگەر نا قەیرانێکی مرۆیی گەورە لە غەززە سەرهەڵدەداتەوە. میسر و ئوردنیش داواکارییەکى ترەمپیان بۆ وەرگرتنى ئاوارەى زیاتر رەتکردەوە.

ئەمڕۆ کاتژمێر چواری بەرە بەیان ئاگربەستی ئیسرائیل و حیزبوڵای لوبنان کۆتایی هات و جموجوڵى سەربازیش لە نێوانیاندا دەستى پێکردووەتەوە.

لە چوارچێوەی رێککەوتنی ئاگربەست و پرۆسەی ئاڵوگۆڕی بارمتەکانی نێوان حەماس و ئیسرائیل، ٢٠٠ زیندانیی فەلەستینی ئازادکران کە لەناویاندا کۆنترین زیندانیکراوی فەلەستینی تێدابوو.

رێكخراوی خاچی سوری نێودەوڵەتیی (٤) كچە دەستبەسەركراوی ئیسرائیلی لە بزوتنەوەی حەماسی فەلەستینی وەرگرت، ئەمە لەچوارچێوەی رێككەوتنی ئاڵوگۆڕی بارمتەکاندا.

گروپى چەکدارى حەماس رایانگەیاند، لەچوارچێوەی رێکەوتنی ئاگربەستدا چوار بارمتەی دیکەی ئیسرائیل ئازاد دەکەن.

نوێنه‌ری سه‌رۆكی ئه‌مریكا له‌ رۆژهه‌ڵاتی ناوه‌ڕاست رایگه‌یاند، بەمزوانە دەچمە غەززە بۆ دڵنیابوون لە جێبه‌جێكردنی رێككه‌وتنی ئاگربه‌ست. وتیشی، رێککەوتنی ئاگبەست قورسە. هاوکات وتەبێژێکی باڵی سەربازی حەماسیش دەڵێت، ئێمه‌ ده‌مانه‌وێت هه‌موو مه‌رج و قۆناغه‌كانی رێككه‌وتنه‌كه‌ جێبه‌جێبكه‌ین.

سەرۆک ئەرکانی سوپای ئیسرائیل دەستلەکارکێشانەوەی خۆی لە پۆستەکەی راگەیاند و دەڵێت، بەرپرسیارە لە شکستی سوپا و ئاسایشی ئیسرائیل لە کاتی هێرشەكەی حەماس بۆ سەر وڵاتەکەی.

بەهۆی ئاگرکەوتنەوەوە لە هۆتێلێکی چیای کۆرۆغڵو لە ناوەڕاستی توركیا لانیکەم ٦٦ گیانیان لەدەستدا و زیاتر لە ٥٠ کەسی دیکەش بریندار بوون.

گروپە چەکدارەکانی غەززە رایگەیاند، هەفتەی داهاتوو بەشی دووەمی بارمتەکانی ئیسرائیل ئازاد دەکەین و خاچی سووری فەلەستینیش بڵاویکردەوە، تیمەکانیان بەردەوام ئامادەن بۆ ئاڵوگۆڕکردنی بارمتەکان لە نێوان ئیسرائیل و حەماسدا.

لە دوای جێبەجێکردنی ئاگربەستی نێوان هێزە چەکدارەکانی حەماس و ئیسرائیل و ئازادکردنی سێ بارمتە، حکومەتی ئیسرائیل ٩٠ زیندانی فەڵەستینی کە ئافرەت و منداڵن ئازاد کرد.

سوپای ئیسرائیل رایگەیاند، ئەو سێ بارمتەیەمان وەرگرتەوە کە رادەستی خاچی سوور کرابوون.

بڕیار بوو بەیانی ئەمڕۆ کاتژمێر ٨:٣٠ ئاگربەست لە نێوان ئیسرائیل و حەماس بچێتە بواری جێبەجێکردنەوە و کۆتایی بە شەڕ بهێنرێت، بەڵام ئیسرائیل لە بەرامبەر ئاگربەست مەرجی بۆ حەماس داناوە تاوەکو ئاگربەستەکە بچێتە بواری جێبەجێکردنەوە.

سەرۆک وەزیرانی ئیسرائیل رایگەیاند، پاشەکشە لە جێبەجێکردنی ئامانجەکانی جەنگ ناکەین و ئیسرائیل مافی خۆیەتی شەڕ لە غەززە دەستپێبکاتەوە بە پشتیوانی ئەمریکا، ئەگەر قۆناغی دووەمی ئاگربەستەکە بێسود بێت. دەشڵێت، لە قۆناغی یەکەمی ئاگربەستدا شەڕ بەشێوەیەکی کاتیی دەوەستێت.

میدیاکانى عێراق بڵاویانکردەوە کە دوو دادوەرى ناسراوى ئێران لەبەردەم دادگا تەقەیان لێکراوە و کوژراون، چەکدارێکیش لەو نزیکانە خۆى کوشتووە و گومان دەکرێت ئەو کەسە کارەکەى کردبێت.

گروپە چەکدارەکانی یەمەن ناسراو بە حوسییەکان رایانگەیاند، لە دوای جێبەجێ بوونی ئاگربەستی غەززە رێڕەوی بازرگانی دەریای سور دەکەنەوە.

سەرۆك وەیرانی قەتەر رایگەیاند، "ئاگربەست دواهەمین بژاردەی بەردەم غەززەیە، ئەمە دوا دەرفەتی ئێمەیە بۆ رزگارکردنی غەززە لەو شەڕەی لە ئێستادا هەیە ".

حکومەتی ئەمنیی ئیسرائیل ئاگربەستی غەززەی پەسەندکرد و نوسینگەی سەرۆک وەزیرانی ئیسرائیلیش بە خانەوادەی بارمتەکانی راگەیاندووە، "خۆتان بۆ پێشوازی کەسوکارتان ئامادە بکەن".

سەرۆک کۆماری ئێران گەیشتە مۆسکۆ و بڕیارە لەگەڵ سەرۆکی ڕووسیا کۆببێتەوە و رێککەوتنێک لەگەڵ ئەو وڵاتە ئەنجام بدەن.

بڕیارە ئەمڕۆ حکومەتی ئیسرائیل بۆ پەسەندکردنی ئاگربەستی غەززە کۆبێتەوە و بڕیاری کۆتایی لەسەر ئاگربەستەکە بدات، نوسینگەی سەرۆکوەزیرانی ئیسرائیلیش بە خانەوادەی بارمتەکانی راگەیاندووە، خۆیان بۆ پێشوازی کەسوکارتان ئامادەکەن.

وه‌زیری ئاسایشی نیشتمانی ئیسرائیل رایگه‌یاند، ئه‌گه‌ر له‌ غه‌ززه‌ رێككه‌وتن له‌سه‌ر ئاگربه‌ست بكرێت، ئه‌وا پارتی عوسمای یه‌هودی ده‌ست له‌ حكومه‌ت ده‌كێشێته‌وه‌.

دواى راگەیاندنی ئاگربەستی غەززە گروپە چەکدارەکانی یەمەن وەستاندنی چالاکییە سەربازییەکانیان دژی ئیسرائیل راگەیاند.

دوای ١٥ مانگ جەنگ و کوژرانی زیاتر لە ٤٧ هەزار کەس و برینداربوونی زیاتر لە ١١٠ هەزار کەسی دیکە، ئیسرائیل و حەمماس گەیشتنە رێککەوتن لەسەر ئاگربەستی غەززە.

وەزارەتی دەرەوەی عێراق پێشوازی لە رێکەوتننامەی ئاگربەست کە کەرتی غەززە کرد و رایگەیاند، ئەم رێککەوتنە لە دوای قوربانیدانی زۆر و ئازاری زۆر گەلی فەلەستین لەکەرتی غەززە دێت

سەرۆکی هەڵبژێردراوی ئەمریکا رایگەیاند، حەماس رەزامەندیی لەسەر ئاگربەست لە غەززە و ئاڵوگۆڕکردنی بارمتەکان داوە. بڕیارە سبەینێش حکومەتی ئیسرائیل دەنگ لەسەر ئاگربەستەکە بدات.

وەزیری دەرەوەی ئەمریکا رایگەیاند، ئەگەر حەماس بە ئاگر بەستی غەززە و رێككەوتنی ئازادكردنی بارمتەكان رازیبێت، رێككەوتنەكە ئامادەیە بۆ جێبەجێکردن.

سوپای ئیسرائیل رایگەیاند، لە ئەنجامی هێرشێکی موشەکی گروپە چەکدارەکانی یەمەنەوە بۆسەر چەند پێگەیەکی گرنگیان ١١ کەس بریندار بوون و وتەبێژی گروپە چەکدارەکانیش دەڵێت، جگە لە هێرشی موشەکی بە فڕۆکەی بێفڕۆکەوانیش هێرشیان کردووەتەسەر بنکە سەربازییەکانی ئیسرائیل.

دۆناڵد ترەمپ رایگەیاند، نزیکن لە گەیشتن بە ئاگربەست لە غەزە و رەنگە لە کۆتایی ئەم هەفتەیەدا رێکەوتنەکە بکرێت، هاوکات راوێژکاری ئاسایشی نیشتیمانی ئەمریکاش باسی لەوەکرد، هەوڵەکانیان فراوانتر دەکەن بۆ ئاگربەست.

سەرۆکایەتی کۆماری لوبنان رایگەیاند، نەواف سەلام، دادوەری لوبنانی پشتیوانیی بەشی پێویستی لە پەرلەمان دەستەبەر کرد بۆ ئەوەی وەک سەرۆک وەزیرانی داهاتووی لوبنان هەڵبژێردرێت.

میدیای پارتی بڵاوی کردەوە، نوێنەری پارتی لە شاری حەسەکەی سوریا پەیامی مەسعود بەرزانی بۆ مەزڵوم عەبدی نارد کە جەختی لە یەکڕیزی کورد و سوریا کردەوە.

ئاژانسی رۆیتەرز رایگەیاند، نێوەندگران رەشنووسی کۆتایی رێککەوتنێکیان بە ئیسرائیل و حەماس دا بۆ کۆتاییهێنان بە شەڕی غەززە.

دانوستان لەنێوان حه‌ماس و ئیسرائیل بەردەوامە و نزیكن لەرێکەوتن لەسەر کۆتایی هێنان بەجەنگ لە غەززە و ئازادکردنی بارمتەکان.

میدیای ئیسرائیل رایگەیاند، تەلئەبیب ئاماژەیەکی ئەرێنی لە قەتەرەوە سەبارەت بە خاڵە ناکۆکییەکانی دانوستانەکان و ئازادکردنی بارمتەکانەوە پێگەیشتووە.

ئەمریكا، زنجیرەك سزایی نوێی سەپاند بەسەر روسیادا دا كە كەرتی نەوت و غازی ئەو وڵاتەی بەئامانج گرتووە و كاریگەریان لەسەر هەردوو كۆمپانیای "گازپرۆم نەفت" و "سورگوت نەفت گاز" هەیە و وەزارەتی گەنجینەی ئەو وڵاتەش دەڵێت، "سزا نوێكان هەوڵێكن بۆ بە ئامانج گرتنی سەرچاوە سەركییەكانی داهاتی روسیا".

گروپە چەکدارەکانی یەمەن رایگەیاند، فڕۆکەکانى ئەمریکا و بەریتانیا و ئیسرائیل ژمارەیەک هێرشیان کردووەتەوە سەر ناوچە جیاوازەکانی سەنعای پایتەخت و پارێزگاکانی عەمران و حودەیدە.

وەزیری بەرگری ئیسرائیل رایگەیاند، پلانی شکستپێهێنانی تەواوەتی دادەنێن بەرامبەر چەکدارانی حەماس، ئەگەر بارمتەکانمان ئازاد نەکرێن تا پێش دەستبەکاربوونی سەرۆکی نوێی ئەمریکا.

دوای زیاتر لە دوو ساڵ، پەرلەمانی لوبنان بە زۆرینەی دەنگ سەرۆک کۆمارێکی نوێی هەڵبژارد.

لە پێشهاتێکی بەرچاو لە گۆڕەپانی سیاسی لوبناندا، پێدەچێت دانیشتنی داهاتووی پەرلەمان شایەتحاڵی هەڵبژاردنی ژەنەڕاڵ جۆزێف عەون بۆ سەرۆک کۆماری لوبنان بێت، ئەمەش دوای زیاتر لە ٨٠٠ رۆژ لە بۆشایی سەرۆکایەتیی لوبنان لاپەڕەیەکی نوێ دەکاتەوە

وه‌زیری ده‌ره‌وه‌ی ئه‌مه‌ریكا رایگەیاند، ئاگربەست لە نێوان ئیسرائیل و بزوتنەوەی حەماس زۆر نزیکە.

سودانی گەیشتە ئێران و لەگەڵ خۆشیدا چەند دۆسیەیەک دەبات تا بە یەکجاریی یەکلاییان بکاتەوە

میدیا عەرەبیەکان بڵاویان کردەوە، ئەمڕۆ فڕۆکەخانەی نێودەوڵەتی دیمەشق دوای نۆژەنکردنەوە دەستی بە ڕۆیشتن و هاتنی فڕۆکەکان کردەوە.

دوای سێ مانگ لە کوژرانی حەسەن نەسروڵا، ئیسرائیل وردەکاری کوشتنەکەی بڵاوکردەوە و رایگەیاند، ١٨ ساڵ بەردەوام چاودێری نەسروڵایان کردووە دواجار لە ئێوارەی ٢٧ی ئەیلولی ساڵی رابردوو بڕیاری کوشتنیان دا.

بزوتنه‌وه‌ی حه‌ماس به‌ رێككه‌وتنی ئاگربه‌ست لەگەڵ ئیسرائیل رازی بووه‌ و به‌پێی رێكه‌وتنه‌كه‌ش، ئاڵوگۆڕی ٣٤ بارمته‌ بە ژمارەیەک زیندانی له‌نێوان هه‌ردوولا ئه‌نجام ده‌درێت.

ئێوارەی دوێنێ، فڕۆکەیەکی روسیا کە ٢٣٦ سەرنشینی تێدابوو، بەهۆی لەکارکەوتنی یەکێک لەبزوێنەرەکانی فڕۆکەکەوە بەناچاری لەمیسر نیشتووەتەوە.

سوپای ئیسرائیل رایگەیاند، بە سەرکەوتوویی رێگرییان لە موشەکێک کردووە، کە لە یەمەنەوە هەڵدراوە.

كۆمپانیای هێڵی ئاسمانی قه‌ته‌ر رایگەیاند، گه‌شته‌كانی نێوان ده‌وحه‌ و دیمه‌شق رۆژی سێشه‌ممه‌ ٧ـی کانونی دووەم، ده‌ستپێده‌كاتەوە.

لە ماوەی ١١ مانگدا ئەمەریکا بە بەھای ٢٢ ملیار دۆلار ھاوکاری سەربازیی پێشکەشی ئیسرائیل کردووە.

سەرۆكی ئۆكرانیا رایگەیاند، راگرتنی هەناردەکردنی غازی روسیا لە رێگای ئۆکرانیاوە بۆ ئەوروپا، گەورەترین شکست دەبێت كە مۆسکۆ رووبەرووی دەبێتەوە.

کۆبوونەوەکە لە کاتێکدایە کە هەستی دڵەڕاوکێ لەناو کەمینەکانی سوریادا زۆرە، کۆبوونەوەکە هەوڵدانە بۆ وەرگرتنی گەرەنتی لەدەسەڵاتی نوێی سوریا.

به‌رگری شارستانی سوریا رایگه‌یاند، ئۆتۆمبێلێكی بۆمبڕێژكراو تەقیوەتەوە له‌ شاری ته‌ل ره‌فعه‌ت.

گروپی حوسیه‌كان و به‌رپرسێكی ئه‌مریكی رایانگه‌یاند، فڕۆكه‌ ئه‌مریكی و بریتانیه‌كان ئێواره‌ی ئه‌مڕۆ ‌ ١٢ هێرشی ئاسمانییان كرده‌ سه‌ر شاری سه‌نعای پایته‌ختی یه‌مه‌ن.

حکومەتی راگوزەری سوریا رایگەیاند، مهرەف قەسرە فەرماندەی سەربازی تەحریر شام، بۆ پۆستی وەزیری بەرگری لە حکومەتی نوێ دیاركرا.

وەزیری دەرەوەی عێراق، لە پەیوەندییەکی تەلەفۆنیدا لەگەڵ وەزیری دەرەوەی سوریا، دواین گۆڕانکارییەکانى دۆخى سوریایان تاوتوێ کرد و باسیان لە دەستپێکردنەوەى پەیوەندییە دیپلۆماسییەکانى نێوان بەغدا و دیمەشق کرد.

وەزارەتی بەرگریی ئەمریکا رایگەیاند، ئاگربەست لەنێوان تورکیا و هێزەکانی سوریای دیموکرات لە شاری مەنبەج و دەوروبەری بەردەوامە.

وه‌زیری ده‌ره‌وه‌ی حكومه‌تی راگوزەری سوریا بانگێشتنامەیەکی له‌ لایه‌ن وەزیری دەرەوەی سعودیەوە پێگەشتووە بۆ ئه‌وه‌ی سه‌ردانی وڵاته‌كه‌ی بكات.

شاندێکی ئۆکرانیا، گەشتە دیمەشق و لەگەڵ ئەحمەد شەرع، کۆبوونەوە و جەختیان لەهەماهەنگی نێوانیان کردەوە.

وەزیری دەرەوەی روسیا رایگەیاند، روخانی خێرای دەسەڵاتەكەی بەشار، دەرئەنجامی بێتوانایی ئەو بوو و نەیتوانی پێداویستییە سەرەتاییەکانی دانیشتوان دابینبكات.

دوای روخانی رژێمی بەشار ئەسەد، ئەڵمانیا بە نیازە بەبڕی زیاتر لە ٦٠ ملیۆن دۆلار پڕۆژەی خزمەتگوزاری لە سوریا دەستەبەربکات.

كه‌ناڵی ١٢ـی ئیسرائیلی رایگەیاند، سەرۆک وەزیرانی ئیسرائیل، تووشی شێرپه‌نجه‌ی قۆناغی سێیه‌می پرۆستات بووه‌.

سه‌رۆك کۆماری ئازه‌ربایجان، داوای قەرەبوو لە روسیا دەکات لەبەرامبەر خستنەخوارەوەی فڕۆکەکەیان .

ئه‌نجومه‌نی وه‌زیرانی میسڕ رایگەیاند، رێکەوتنێکی تەکنیکیان واژۆکردووە لەنێوان گروپی ئۆتۆمبێلی مەنسوڕی میسڕی و کۆمپانیای ( ئێم جی) چینی.

سەرۆکی ئەمریکا، ده‌یه‌وێت پێش دەستبەکاربوونی ترەمپ، دانبنێت به‌حكومه‌تی نوێی سوریادا و پشتیوانی وڵاتانیشی بۆ به‌ده‌ستبخات.

وەزیری ناوخۆی بەریتانیا رایگەیاند، بەهۆی بەسەرچوونی پاسپۆرتەکەیەوە رێگا بە ئەسما ئەسەدی خێزانی بەشار ئەسەد نادەن سەردانی بەریتانیا بکاتەوە.

سەرۆکی دەسەڵاتی ئیدارەی نوێی سوریا رایگەیاند، کورد بەشێکی دانەبڕاوە لەسوریا و لەگەڵ گروپی سوریای دیموکرات دانوستان دەکەین.

تا ئێستاش لە سوریا دەنگی فیشەک و تەقە دەبیسترێت و ئاڵۆزییەکان لەنێوان هەسەدە و گروپە چەکدارەکان بەردەوامی هەیە، ئەحمەد شەرعیش دەڵێت، کاردەکەن بۆ رێکخستنەوەی هێزەکان و نوسینەوەی دەستوری نوێ.

نوسینگەی سەرۆک وەزیرانی ئیسرائیل رێکەوتنی ئاگربەست لەگەڵ حەماس رەتدەکاتەوە و دەڵێت تائێستا لێکتێگەیشتنى تەواو نییە لەوبارەوە.

رێکخراوی یونیسێف رایگەیاند، لە ١٩٪ ـی منداڵانی جیهان لە ناوچەی شەڕدا دەژین و هەروەها نزیک ٤٧ ملیۆن منداڵیش ئاوارەبوون.

سوپای لوبنان، ٧٠ هاوڵاتی سوری رادەستی ئیدارەی ئۆپراسیۆنە سەربازییەکانی سوریا کردووە کە لە ناویاندا ئەفسەری پلە جیاجیاکانی ناو هێزەکانی رژێمی پێشووی ئەو وڵاتەهەن و رادەستکردنی ئەو كەسانە بە ئامادەبوونی شاندێکی ئەمنی لوبنان ئەنجامدرا.

مۆسکۆ بەرپرسیارێتی کەوتنەخوارەوەی فڕۆکە ئازەربایجانییەکەی گرتە ئەستۆ، سەرۆکی روسیا لە پەیوەندیەکەی تەلەفونیدا داوای لێبوردنی لە سەرۆکی ئازەربایجان کرد و رایگەیاند، بەهەڵە خستویانەتە خوارەوە.

بەرەبەیانى ئەمرۆ دوو تەقینەوە لە مەنبج روویاندا و هەسەدەش ئیدانەی دەکات و رەتیکردەوە دەستی تێدا هەبوو بێت.

رێکخراوی تەندروستی جیهانی رایگەیاند، لە دوای هێرشێکی سوپای ئیسرائیل بۆ سەر نەخۆشخانەی ئەبو کەمال دواین بنکەی تەندروستی لە غەزە لەکارکەوت.

سه‌رچاوه‌ یه‌مه‌نییه‌كان رایانگەیاند، چه‌ند هێرشێكی نوێی ئاسمانی كراوه‌ته‌ سه‌ر پێگه‌كانی حوسییه‌كان لەیەمەن.

سه‌رۆكی ئۆكرانیا، ناردنی یه‌كه‌م قۆناغی یارمه‌تییه‌ خۆراكیه‌كانی بۆ سوریا راگەیاند.

چەند سەرچاوەیەکی ئاگادار لە ئازەربایجان دەڵێن، روسیا ئەو فڕۆکەیەی وڵاتەکەیانی خستووەتە خوارەوە کە بە هۆیەوە نزیکەی ٤٠ سەرنیشین گیانیان لەدەستدا.

فرۆکە جەنگیەکانى ئیسرائیل هێرشیان کردە سەر ژمارەیەک دامەزراوەى یەمەن لە سەنعاى پایتەخت و شارى حودەدەیدە کە لەژێر کۆنترۆڵى گروپە چەکدارەکاندان.

وەزارەتی راگەیاندنی سوریا رایگەیاند، بڵاوکردنەوەی هەر هەواڵ و بابەتێک کە ببێتە هۆی تێکدانی گیانی برایەتی سوریا، قەدەغەیە و رووبەرووی سزایی یاسایی توند دەکرێنەوە.

هێزەکانی هەسەدە رایانگەیاند، ئامادەکاریان کردووە بۆ کۆنترۆڵکردنەوەی ناوچەکانی سەرێکانی و گرێ سپی، دەشڵێن تا کۆتای ئەمساڵ مۆڵەت دەدەن بە گروپە چەکدارەکان بۆ چۆڵکردنی ئەو ناوچانە.

بۆ یەکەمجار دواى روخانى رژێمى بەشار ئەسەد شاندێکى حکومەتى عێراق گەیشتە دیمەشقى پایتەختى سوریا و لەگەڵ ئەحمەد شەرع سەرۆکى دیفاکتۆى سوریا کۆبوونەوە.

وەزیری ناوخۆ لە حکومەتی راگوزەری سوریا رایگەیاند، لە پارێزگای تەرتووس شەڕ و پێکدادان لە نێوان گروپە چەکدارەکان و لایەنگرانی بەشار ئەسەد روویداوە.

وەزیری دەرەوەی روسیا رایگەیاند، ئەحمەد شەرع پەیوەندیەکانی سوریای لەگەڵ روسیا بە ستراتیجی و درێژخایەن وەسفکردووە.

نووسینگەی راگەیاندنی حکومی لە کەرتی غەززە رایگەیاند، لە سەرەتای دەستپێکردنی شەڕ لە ئۆکتۆبەری ٢٠٢٣ەوە، ژمارەی ئەو رۆژنامەنووسانەی لەسەر دەستی سوپای ئیسرائیل کوژراون بۆ ٢٠١ رۆژنامەنووس بەرزبووەوە.

میدیا ناوخۆییەکانی سوریا رایانگەیاند، دوای ئەوەی هێزەکانی سەربە حکومەتی راگوزەری سوریا لە شاری حەما مزگەوتێکی شێخی عەلەوییەکانیان سوتاند، شەوێنکەوتوانی عەلەوییەکان لە چەندین شار خۆپیشاندانیان کرد و تەقە و رووبەرووبوونەوە رویدا لە ئەنجامە چەندین کەس کوژران.

هێزەکانى سوریاى دیموکرات (هەسەدە) رایانگەیاند، ئامادەکاریان کردووە بۆ کۆنترۆڵکردنەوەی ناوچەکانی سەرێکانی و گرێ سپی، دەشڵێن تا کۆتای ئەمساڵ مۆڵەت دەدەن بە گروپە چەکدارەکان بۆ چۆڵکردنی ئەو ناوچانە.

ده‌سه‌ڵاتدارانی سوریا، بڕێكی زۆر ماده‌ی هۆشبه‌ریان سوتاند، له‌نێویاندا نزیكه‌ی ملیۆنێك حه‌بی كاپتاگۆن هه‌یه‌ كه‌ له‌ناو خاكی سوریادا به‌رهه‌م هێنرابوون.

وه‌زیری ده‌ره‌وه‌ی روسیا رایگه‌یاند، وڵاته‌كه‌ی هه‌رچه‌شنه‌ ئاگربه‌ستێك له‌گه‌ڵ ئۆكرانیا ‌ ره‌تده‌كاته‌وه‌.

تەلەفزیۆنی سوریا رایگەیاند، سوپای ئیسرائیل دەستیکردووە بە چوونە ناو جەرگەی شارۆچکەی سوەیسە لە لادێی قونەیترە لە باشووری رۆژئاوای سوریا.

وتەبیژی هێزەکانی سوریای دیموکرات رایگەیاند، لە سێ قۆڵەوە هێرشمان کردووەتە سەر گروپە چەکدارەکانی سوریا.

دواى نزیکەى شەش مانگ لە کوژرانى سەرۆکى بزوتنەوەى چەکدارى فەلەستین لە تاران، ئیسرائیل بە فەرمى بەرپرسیارەتى کوشتنى ئەو بەرپرسەى پێشووى فەلەستینى راگەیاند.

ئێوارەی ٨ی کانونی یەکەم، کۆتا ئێوارەی دەسەڵاتی ئەسەد، ئەو شەوە بارودۆخی سوریا بە جۆرێک تێکچووبوو بەشار ئەسەد پەیوەندی بە بەرپرسانی سوپاکەیەوە کرد و پێی وتون خۆیان رزگا بکەن، خۆشی هەرچۆن فریاکەوت لە سوریا هەڵات و تەنانەت ماهیر ئەسەدی براشی ئاگادار نەکردەوە، بینەری ئەم راپۆرتە بن چیرۆکی هەڵاتن و کۆتایی دەسەڵاتی ئەسەدتان بۆ باس دەکەین.

وەزیری دەرەوەی تورکیا دوێنێ شەممە رایگەیاند، تورکیا "هەرچی پێویست بێت" بۆ دەستەبەرکردنی ئاسایشی وڵاتەکەی دەیکات ئەگەر ئیدارەی نوێی سوریا نەتوانێت چارەسەری نیگەرانییەکانی ئەنقەرە سەبارەت بە گروپە کوردییەکانی هاوپەیمانی ئەمریکا بکات.

بەشێک لەدانیشتوانی شاری قونەیتەرە ، رووبەڕووی هێزەکانی ئیسرائیل بوونەوە و رێگریان کرد لەهاتنە ناوەوەی سوپای ئیسرائیل.

سەرۆکی دەزگای کۆچ لە نەتەوە یەکگرتووەکان رایگەیاند، گەڕانەوەی پەنابەران بە لێشاو بۆ سوریا دوابەدوای رووخانی رژێمەکەی بەشار ئەسەد رەنگە وڵاتەکە نقووم بکات و تەنانەت ببێتە هۆی دروستبوونی ململانێش.

دوای ١٣ ساڵ لە داخستنی، قەتەر باڵیۆزخانەکەی لە دیمەشقی پایتەختی سوریا کردەوە، هاوکات حکومەتی راگوزەری سوریاش وەزیری دەرەوەی وڵاتەکەی دیاریکرد.

ئەحمەد شەرع، سەرۆکى دیفاکتۆى سوریا لەگەڵ زۆربەى فەرماندەى گروپە چەکدارەکانى دژ بە نیزامى ئەسەد کۆبووەوە و رایگەیاند، پێویستە سوپاى نیشتیمانى دروستبکرێت و هەموو گروپە و لایەنە جیاوازەکانى سوریا لەخۆبگرێت.

فەرماندەیی ناوەندی هێزەکانی ئەمریکا رایگەیاند، درەنگانی شەوی رابردوو زنجیرەیەک هێرشی ئاسمانیان کردووەتە سەر گروپە چەکدارەکانی یەمەن کە ناسراون بە حوسییەکان.

شاندی گروپە چەکدارەکانی غەززە ناسراو بە (حەماس) رایانگەیاند، لە قاهیرە گفتوگۆکان بۆ ئاگربەست لەگەڵ ئیسرائیل بەردەوامن، وتیشی گەشتن بە رێکەوتن و راگەیاندی ئاگربەست لەگەڵ ئیسرائیل لە هەموو کاتێک نزیکترە.

فەرماندەی گشتی هێزەکانی سوریای دیموکرات رایگەیاند، لەگەڵ یەکپارچەیی سوریان و داوای هەرێمێکی فیدڕاڵی ناکەن.

حکومەتی راگوزەری سوریا بەردەوامە لەدەستنیشانکردنی وەزیرەکان بۆ تەواوکردنی پێکهاتەی حکومەتەکەی، لەو چوارچێوەیەدا چەند وەزیرێکی دیاریکرد.

رێكخراوی نێوده‌وڵه‌تی كۆچبه‌ران، داوای له‌ كۆمه‌ڵگه‌ی نێوده‌وڵه‌تی كرد پاڵپشتی فراوانكردنی بازنه‌ی كاره‌كانی سیسته‌می نه‌ته‌وه‌ یه‌كگرتوه‌كان و كۆكردنه‌وه‌ی سه‌رچاوه‌كان بۆ گه‌ڕانه‌وه‌ی ئاواره‌كانی ناوخۆی سوریا و په‌نابه‌ران بكه‌ن.

وەزارەتی بەرگری ئەمریکا رایگەیاند، وەزارەتی دەرەوە رازیبووە بە فرۆشتنی چەک و کەرەستەی سەربازی بە وڵاتی میسر.

سەرۆكی لیژنەی پەیوەندییەكانی دەرەوە لە كۆنگرێسی ئەمریكا رایگەیاند، ئەو توند و تیژییەی بەرامبەر بە كوردانی سوریا دەكرێت جێگەی نیگەرانیە.

یاریدەدەری وەزیری دەرەوەی ئەمریکا رایگەیاند، لەگەڵ ئەحمەد شەرع کۆبوومەوە بۆ گفتوگۆکردن لەسەر ئەو پرەنسیپانەی کە ئەمریکا و هاوبەشەکانمان لەسەری رێککەوتوون

وەزارەتی دەرەوەی ئەمەریکا رایگەیاند، شاندەکەیان لە دیمەشق لەگەڵ تەحریر شام گفتوگۆی گواستنەوەی دەسەڵاتیان کرد، هەروەها باسیان لە پێویستی بەرەنگاربوونەوەی گروپە توندڕەوەکان کرد.

باڵیۆزخانەی ئەمەریکا لە دیمەشق رایگەیاند، بەهۆکاری ئەمنی کۆنفرانسە رۆژنامەوانییەکەی بەرپرسانی باڵای وەزارەتی دەرەوەی ئەمەریکا، دوای کۆبوونەوە لەگەڵ ئەحمەد شەرع هەڵوەشایەوە.

ئەسما ئەسەد، خێزانی بەشار ئەسەدی سەرۆکی هەڵاتووی سووریا لە ژیان و گوزەرانی مۆسکۆ ئاسوودە نییە و داوای جیابونەوەی لە بەشار کردووە بۆ ئەوەی بگەڕێتەوە لەندەن و لەوێ بژی.

شاندی دیپلۆماتى ئەمەریکا بۆ کۆبوونەوە و گفتوگۆ لەگەڵ دەسەڵاتدارانی نوێی سووریا گەیشتنە دیمەشق و بڕیارە لەگەڵ ئەحمەد شەرع سەرۆکى دیفاکتۆى سوریا کۆببنەوە.

فەرماندەی گشتی هێزەكانی سوریای دیموكرات رایگەیاند، پێشنیازی رادەستكردنی كۆبانی دەكەن بە هێزەكانی ئاسایشی ناوخۆ بە سەرپەرشتی ئەمریكا. دەشڵێت، دۆخێكی جیاواز لە سوریا هاتووەتە ئاراوە و ئێستا دەستدەكەن بە قۆناغی سیاسی.

لەگەڵ روخانی بەشار ئەسەد رۆژ بەدوای رۆژ پەردە لەسەر چەندین نهێنی بنەماڵەکەی ئاشکرا دەبێت و دەبێتە مانشێتی میدیاکانی جیهان.

سەرۆكی روسیا رایگەیاند، بەشار ئەسەدی نەبینیوە لەوکاتەوەی هاتووە بۆ مۆسکۆ، بەڵام پلانم هەیە بیبینم.

چەند وێستگەیەکی کارەبا و وێستگەی سووتەمەنیی لە یەمەن، پاش هێرشەکەش سوپای ئیسرائیل بەرپرسیارێتی خۆی لە ئەنجامدانی ئەو هێرشانە راگەیاند.

سەرکردەی حەیعەت تەحریر شام رایگەیاند، سوریا بەهۆی شەڕەوە ماندوو بووە هەڕەشە بۆ سەر دراوسێکانی و رۆژئاوا ناکات، داوای ئەوەشی کرد کە سزاکانی سەر سوریا لا ببرێت و تەحریری شام لە لیستی تیرۆرستی لا ببرێت

سەرۆك وەزیرانی ئیسرائیل رایدەگەیەنێت، سوپای وڵاتەکە تا كۆتایی ساڵی ٢٠٢٥ لە سوریا دەمێنێتەوە.

وەزیری دەرەوەی ئێران، دواینجار لەگەڵ ئەسەد باسمان لە جموجۆڵی وڵاتانی دراوسێی کرد بە ئاڕاستەی خستنی حوکمەتەکەی.

سەرۆکی فەرەنسا بە ئەردۆغانی راگەیاندووە، دەبێت سوریای دیموکرات بەشداربن لە پرۆسەی سیاسی سوریا و داوای راگرتنی شەڕی کردووە لە مەنبەج و کۆبانێ.

بڕیاربوو رەفعەت ئەسەد، مامی بەشار ئەسەدی سەرۆکی هەڵاتووی سوریا، لە سویسرا دادگەیی بکرێت، بەڵام ئێستا پێشنیاز کراوە لەبەر خراپیی دۆخی تەندروستی، دادگەییەکە هەڵبوەشێنرێتەوە.

سەرۆك وەزیرانی عێراق، دووپاتی کردەوە عێراق ئامادەیە بۆ هاوکاریکردن لە پێناو بەرقەرارکردنی ئاسایش و سەقامگیری لە ناوچەکە.

دوای زیاتر لە ١٠ رۆژ لە وەستانی گەشتە ئاسمانییەکان لە فڕۆکەخانەی نێودەوڵەتی دیمەشق، ئەمڕۆ جارێکی دیکە دەستیان پێکردەوە

هەواڵی دژبەیەک هەبوو لەسەر ئەوەی کە ماهیر شەرع برای سەرۆکی تەحریر شام ئەحمەد شەرع، پۆستی وەزیری تەندروستی لە حکومەتی ئێستای سوریادا رادەستکرایەوە

وەزیری دەرەوەی ئەڵمانیا رایگەیاند، کۆبانێ سیمبولی ئازایەتیی کوردە و نابێ خوێنڕشتنی زیاتر لەوێ هەبێت

دەزگای کاروباری پەنابەرانی نەتەوە یەکگرتووەکان رایگەیاند، پێشبینی دەکرێت لە ماوەی شەش مانگی داهاتوودا نزیکەی یەک ملیۆن پەنابەری سوریی بگەڕێنەوە بۆ سوریا.

وەزارەتی دەرەوەی ئەمریکا رایگەیاند، ئاگربەستی نێوان تورکیا و هێزەکانی سوریای دیموکرات تا کۆتایی ئەم هەفتەیە درێژکرایەوە

شاندێکی ئیسرائیل بۆ گفتوگۆ لەسەر ئاگربەستی غەززە لە قەتەرن، بابەتی سەرەکی گفتوگۆکانیش چارەکردنی کێشە و بەربەستەکانی بەردەم ئاگربەستی غەززەیە کە لەسەر پێشنیازی جۆو بایدن، سەرۆکی ئەمەریکایە.

پەرلەمانی روسیا، یاسایەک پەسەنددەکات کە دەرگا دەکاتەوە بۆ ئاساییکردنەوەی پەیوەندییەکان لەگەڵ تاڵیبان و گروپی تەحریری شام.

رێکخراوی فریاکەوتنی سوریا رایگەیاند، گۆڕێکى بەکۆمەڵیان لە دەرەوەى دیمەشق دۆزیوەتەوە کە زیاتر لە ١٠٠ هەزار روفاتى تێدایە و سەرجەمیان لەژێر ئەشکەنجە و لە سەردەمى رژێمى پێشوى بەشار ئەسەد کوژراون.

ئاژانسی رۆیته‌رز بڵاویکردەوە، كۆگاكانی بانكی ناوه‌ندی سوریا نزیكه‌ی ٢٦ ته‌ن زێڕیان تێدایه

سەرۆکی دیفاکتۆی سوریا رایگەیاند، رێگەنادەن سوریا بەکاربهێنرێت بۆ هێرشکردنە سەر ئیسرائیل و وتیشی، داوا دەکەن گروپەچەکدارەکانی ئۆپۆزسیۆنی سوریا لە لیستی تیرۆردا دەربهێنرێت.

لە دوای کەوتنی حکومەتەکەی بەشار ئەسەد،دۆخی سوریا نزیکە لەوەی ئارام ببێتەوە،وەزیری گواستنەوەی سووریاش رایگەیاند، لەم هەفتەیەدا گەشتە ئاسمانییەکانی فڕۆکەخانەی دیمەشق دەستپێدەکەنەوە.

وەزیری دەرەوەی ئەمریکا رایگەیاند، لەگەڵ گروپی چەکداری تەحریرشام گفتوگۆیان لە بارەی حکومەتی راگوزەری لە سوریا کردووە، وەزیری بەرگریی ئەمریکاش دەلێت، پاڵپشتی هەسەدە دەکەن لە سوریا و بە هاوبەشێکی گرنگیان دەزانن لە رووبەڕووبوونەوەی تیرۆردا.

ئیدارەی خۆسەر رایگەیاند، پێویستە یەکپارچەیی خاکی سوریا بپارێزرێت و ئۆپەراسیۆنە سەربازییەکان بوەستێنرێت و دەستبکرێت بە گفتوگۆکردن.

وەزیری دەرەوەی ئەمەریکا رایگەیاند، حکومەتی نوێ لە سوریا دەبێت رێز لە مافی کەمینەکان بگرێت و نەبێتە بنکەیەک بۆ گروپە توندڕەوەکان.

ئەمڕۆ ئاگربەستی نێوان هێزەكانی سوریای دیموكرات و گروپە چەکدارەکانی ئۆپۆزسیۆنی حکومەتی پێشووی سوریا پێدەنێتە رۆژی چوارەم و كۆتایی، كە بڕیارە كاتژمێر ٥ ئێوارە كۆتایبێت.

رۆژنامەی "تایمز ئۆف ئیسرائیل" بڵاویکردەوە، بەرپرسانی وڵاتەکە رایانگەیاندووە، لەماوەی دوو هەفتەی داهاتوودا ئەگەری هەیە بگەنە رێککەوتن لەگەڵ گروپە چەکدارەکانی غەزە بۆ راگرتنی شەڕ.

بەهۆی گۆڕانکارییە خێراکانی رۆژهەڵاتی ناوەڕاست، باسکردن لە کشانەوەی رووسیا لە هەندێک لە شوێنە سەربازییەکانی سوریا پرسیاری زۆری لێکەوتەوە کە ئایا ئەم کشانەوەیە تاکتیکییە یان بەشێکە لە رێککەوتنێکی گەورە

فەرماندەی گشتی هێزەکانی سوریای دیموکرات، پێشوازی لە بەیاننامەی کۆتایی لوتکەی عەقەبەی وەزیرانی دەرەوەی عەرەبی سەبارەت بە سوریا دەکات

فەرماندەی گشتیی هێزەکانی سوریای دیموکرات رایگەیاند، داوا لەلایەنە کوردییەکانی سوریا دەکەن لە بەرژەوەندی دووربکەونەوە و هەوڵ بۆ یەکڕیزیی نەتەوەی کورد بدەن لە سوریا.

ئەندامانی لیژنەی پەیوەندیی وزاری عەرەبی لەبارەی دۆخی سوریاوە کۆبوونەوە و رایانگەیاند، پشتگیری لە پرۆسەی گواستنەوەی دەسەڵات لە قۆناغی راگوەزەرییەوە بۆ قۆناغی نوێی سیستەمی سیاسی لە سوریا دەکەن کە نوێنەرایەتی هەموو هێزە سیاسی و کۆمەڵایەتییەکان بکات.

رێکخراوی تەندروستی جیهانی هۆشداری دەدات لە تێکچوونی رەوشی تەندروستی لە سووریا و یەکێتى ئەوروپاش دەڵێت، دەست دەکەن بە ناردنى هاوکاریی مرۆیی بۆ خەڵکی وڵاتەکە.

وەزیری دەرەوەی ئەمریکا، داوای لە سودانی کردووە، رێگە لە ئێران بگرێت چەك رەوانەی سوریا بكات و رێوشوێنی توندیش دژی میلیشیاكان بگرێتەبەر.

سەرۆک وەزیرانی عێراق دووپاتی کردەوە، کە پێویستە هەموو پێکهاتەکانی گەلی سووریا لە بەڕێوەبردنی وڵاتەکەیان بوونیان هەبێت بۆ مەبەستی دڵنیابوون لە سەقامگیرییەکەی.

دەسەڵاتی دادوەری فیدراڵی ئەمەریکا، پیاوێکی سووری کە لە ئەمەریکا زیندانی کراوە بەڕێوەبەری زیندانێکی دیمەشق بووە و تۆمەتبار بووە بە ئەشکەنجەدانی زیندانییەکان

روانگەی سوری بۆ مافی مرۆڤ رایگەیاند، کشانەوەی هێزەكانی روسیا لە دیمەشق دەستیپێكردووە و دەگەڕێنەوە سەربازگەی حەمیمیم.

ئیدارەی خۆسەر رایگەیاند، "ئەو قسەوباسانە رەتدەكەینەوە لەبارەی رەشنوس یاخود لێكتێگەیشتن" لەگەڵ دیمەشق بڵاوكراونەتەوە".

رووداوێکی تەقەکردنێکی هەڕەمەکی لە کاتی ئاهەنگی هەڵکردنی ئاڵای سەربەخۆیی سوریا لە ناوەندی شاری رەقە روویدا، کەسێک کوژرا و ٤٣ کەسی دیکەش برینداربوون.

رۆژنامەی "نەهار"ی لوبنانی رایگەیاند لەئەنجامی وەرگەڕانی پاسێکی نەفەرهەڵگر، زیاتر لە ٢٠ هاوڵاتی کە بە رەگەزنامە سورین برینداربوون لە باکووری لوبنان.

بڕیارە سبەى لەسەر دۆخى سوریا کۆبونەوەیەکی وڵاتانی عەرەبی و نێودەوڵەتی لە ئوردن بەڕێوەبچێت.

فەرماندەی گشتیی هێزەکانی سووریای دیموکرات داوادەکات دەسەڵاتی هەرێمی کوردستان هاوکاربێت بۆ یەکگرتوویی هەڵوێستی کورد لە سوریا تا بە بەهێزی دانوستان لەگەڵ دیمەشق بکەن.

راوێژکاری ئاسایشی نیشتیمانی ئەمریکا رایگەیاند، هێزەکانی سوریای دیموکرات هاوبەشێکی گرنگی ئەمریکان و هاوبەشییان لەگەڵیان بەردەوام دەبێت، وەزیری دەرەوەی ئەمریکاش دەڵێت، هەسەدە رۆڵێکی گرنگی هەیە و ئەمریکا پاڵپشتیان دەبێت.

وەزیری دەرەوەی ئەمریکا رایگەیاند، سوریا پێویستی بە حکومەتێکە کە نوێنەرایەتی خەڵکی هەموو مەزهەبەکان بکات

بەڕێوەبەرایەتی خۆسەر، بڕیاریاندا ئاڵای نوێی سووریا لەسەر هەموو دامەزراوە و بەڕێوەبەرایەتیەکانیان هەڵبكەن

وەزارەتی پەروەردەی حکومەتی نوێی سوریا رایگەیاند، خوێندن لەسەرجەم دامەزراوە پەروەردەیەکان دەستپێدەکاتەوە

ناوبژیوانانی عەرەبی رایانگەیاند، حەماس ملکەچی "مەرجێکی گەورە" بوە بۆ ئیسرائیل، بەمەبەستی گەیشتن بە رێککەوتنی ئاگربەست لە کەرتی غەززە و ئازادکردنی بەشێک لە بارمتە ئیسرائیلییەکان لە ماوەی چەند رۆژێکدا.

سەرۆكی پێشوتری پەرلەمانی عێراق رایگەیاند، یەكێك لە سیناریۆ چاوەڕوانكراوەكان سەرهەڵدانی شەڕی ناوخۆو دابەشبونی سوریایە بۆ سێ‌ پارچە

سەرکردەی حەیعەت تەحریر شام، لەرێگەی بەیاننامەیەکی نووسراوەوە کە ئاژانسی ڕۆیتەرز بڵاویکردووەتەوە، نیازی خۆی بۆ هەڵوەشاندنەوەی هێزە ئەمنییەکانی سەر بە رژێمی هەڵاتوو بەشار ئەسەد راگەیاند

وەزارەتی تەندروستی لوبنان، بە هۆی هێرشی فڕۆکەکانی ئیسرائیل پێنج کەس شەهید بوون

به رپرسێکی ئه مریکی، رووسیا بە موشەکی ئۆرێشینک ئۆکرانیا دەکاتە ئامانج لە چەند رۆژی داهاتوو

رێبەری کاسۆلیکەکانی جیهان، نزا دەکەم کە گەلی سووریا بە ئاشتی و ئاسایش لە زێدە خۆشەویستەکەی خۆیان بژین و بە دۆستایەتیەوە کار بۆ وڵاتەکەیان بکەن

بریكاری وەزیری دەرەوەی ئەمریكا رایگەیاند، عێراق هاوبەشێكی بنەڕەتیە لە ناوچەكە و پابەندن بە پاراستنی ئاسایشی عێراق لە هەر هەڕەشەیەکی دەرەکی

وتەبێژی ئاسایشی نیشتمانی کۆشکی سپی، سەرۆک جۆو بایدن زۆر بە وردی چاودێری رووداوەکانی سوریا دەکات.

سەرۆکی گروپی تەحریر شام، لەو کەسانە خۆشنابین کە دەستیان لە ئەشکەنجەدانی دەستگیرکراوەکاندا هەبووە و هۆکاری ئەم کارە بوون

بەڕێوەبەری روانگەی سوریا بۆ مافەكانی مرۆڤ، لەناوبردنی تواناكانی سوریا و لەشكركێشی ئیسرائیل رێككەوتنی روسیا و ئەمریكا و ئیسرائیلی لەسەرە.

سەرۆکی حکومەتی ئینتقالی سوریا، داوای لە ملیۆنان سوری لە دەرەوەی وڵات کرد بگەڕێنەوە بۆ زێدی خۆیان.

دوو سەرۆکی ئەرکانی هێزی ئیسرائیل لە قاهیرە گەڕاونەتەوە، لەوێ لەگەڵ سەرۆکی هەواڵگری میسر کۆبوونەتەوە، بۆ تاوتوێکردنی پێشنیارێک بۆ راگرتنی شەڕ لە کەرتی غەززە.

فەرماندەی گشتی هێزەکانی سوریای دیموکرات رایگەیاند، بە نێوەندگیریی ئەمریکا لە منبج ئاگربەست کراوە لەپێناو سەلامەتیی هاووڵاتیان، وتیشی هەسەدە هێزەکانی لەو شارە دەباتە دەرەوە.

سەرۆک کۆماری تورکیا جەختی لە گرنگی یەکڕیزیی ناوچەکانی عێراق و سوریا کردەوە.

کۆشکی سپی رایگەیاند کە لە ئێستادا هیچ گۆڕانکارییەک لە سیاسەتی واشنتۆن بەرامبەر بە حەیعەت تەحریر شام نەکراوە، بەڵام چاودێری جموجۆڵەکانی دەکات، هەروەها وەزیری دەرەوەی ئەمریکا رایگەیاند کە ئەمریکا دان بە حکومەتی داهاتووی سوریادا دەنێت

سەرۆک وەزیرانی ئیسرائیل هۆشداری دایە سەرکردایەتی نوێی رژێمی سوریا کە رێگە بە ئێران نەدەن بۆ چەسپاندنی بوونی خۆی یان گواستنەوەی چەک بۆ حزبوڵای لوبنان، سوێندیشی خوارد کە بە هێز وەڵامی بداتەوە

دوو سەرچاوەی نزیک لە چەکدارانی فراکسیۆنی چەکداری سوریا بە ئاژانسی ڕۆیتەرزیان راگەیاند، فەرماندەیی هێزەکان فەرمانی بە چەکدارەکانی کردووە لە شارەکان بکشێنەوە.

محەمەد بەشیر ئەرکی فەرمی خۆی وەکو سەرۆکی حکومەتی راگوزەر لە سوریا راگەیاند، ئەوەش دوای ئەوەی لەلایەن دەستەی تەحریر شامەوە داوای لێکرابوو بۆ سەرۆکایەتیکردنی حکومەت.

سەرۆک کۆماری تورکیا، هەموو هەوڵێک دەدەین بۆ ئەوەی بەشداری بکەین لە بنیاتنانی سوریایەکی دوور لە تیرۆر.

ئیسرائیل بەردەوامە لە پرۆسەی چوونە ناو قوڵایی خاکی سوریا بە رەزامەندی ئەمریکا.

وەزارەتى دەرەوەی ئەمریکا بڵاویکردەوە، وەزیری وەزارەتەکە لەگەڵ وەزیری دەرەوەی تورکیا بە تەلەفون قسەی کردووە و جەختیان لە پاراستنی گیانی هاوڵاتیان و بەردەوامبوونی هاوپەیمانێتی دژی داعش لە سوریا کردەوە.

سەرۆکی دەستەی تەحریر شام رایگەیاند، دەسەڵاتی نوێ بەم نزیکانە لە سوریا ناوی ئەو کەسانە بڵاو دەکاتەوە کە ئەشکەنجەی زیندانیان و هاوڵاتیانی سوریایان داوە و وتیشی، داوای ئەو کەسانە دەکاتەوە کە هەڵاتون بۆ دەرەوەی وڵات و دەبێت رووبەرووى یاسا بکرێنەوە.

روانگەی سوریا، ئیسرائیل لە دوای روخانی ئەسەدەوە نزیکەی ٢٥٠ هێرشی ئاسمانی بۆ سەر بنکە سەربازیەکان ئەنجامداوە.

سەرۆک وەزیرانی ئیسرائیل رایگەیاند، حکومەتەکەی بە شێوەیەکی سیستماتیک کاردەکات بۆ هەڵوەشاندنەوەی "میحوەری خراپە"، جەختیشی لەوە کردەوە کە ئیسرائیل رۆژهەڵاتی ناوەڕاست دەگۆڕێت.

میدیا عەرەبیەکان رایانگەیاند، بڕیارە سبەی سێشەممە بنیامین ناتانیاهۆ، سەرۆکوەزیرانی ئیسرائیل بۆ یەکەمجار لە دادگاییکردنیدا بە تۆمەتی گەندەڵی، ئیفادە بدات.

سەرۆککۆماری تورکیا رایگەیاند، وڵاتەکەی “چاوی لە خاک و سەروەری وڵاتێکی دیکە نییە”.

دوای هێرشى بەردەوامی گروپە چەکدارەکانی نزیک لە تورکیا بۆ سەر شارۆچکەی مەنبەج توانیان کۆنتڕۆڵ بکەن. ڕوانگەی سوریش دەڵێت، بەهۆی بۆردومانى تورکیاوە بۆ سەر ناوچەکە ١٠ هاوڵاتی مەدەنی کوژران.

ئەمڕۆ دووشەممە، لە دوای روخانی رژێمی ئەسەد فەرماندەیی گشتی دەسەڵاتی نوێی سوریا چەند بڕیارێکی نوێی دەرکرد، لە گرنگترینیان باسی خوێنی شەهیدان، ئازوقە، قەدەغەی هاتوچۆ، ئازادی تاکە کەسی، ئازادی رۆژنامەوانی

بانکی ناوەندی سوریا رایگەیاند، پارەی دانراوی هاوڵاتیانی سوریا لە سەرجەم بانکە کارپێکەرەکاندا "سەلامەتە".

ئۆپۆزسیۆنەکان، سەرۆکی حکومەتی رزگاری سوریایان راسپاردوە بۆ پێکهێنانی حکومەتێکی نوێی سوریا

گوتەبێژی کۆشکی کریملن، پشتڕاستی نەکردەوە بەشار ئەسەد لە مۆسکۆ بێت، وتیشی ئەوەی لە سوریا روویدا توشی سەرسوڕمانی کردوون.

كەوتنی ئەسەد و گەڕانەوەی ترەمپ، ئێران ناچار دەكات بەپەلە كەناڵی پەیوەندی لەگەڵ سەركردایەتیی سیاسی نوێی سوریادا بكاتەوە.

سوپای نیشتمانیی سوریا، تەواوی شاری مەنبەجیان کۆنترۆڵ کردووە و خاڵەکانی هێزەکانی سوریای دیموکراتیان لە شاری مەنبەج چۆڵکردوە

سەرۆکی ئەنجومەنی باڵای ئیسلامی عێراق، هیوای خۆی دەربڕی کە گۆڕینی رژێمی سیاسی لە سوریا خاڵی وەرچەرخان بێت بۆ گۆڕانکارییەکی وشیارانەی دیموکراسی.

بەرپرسێكی ئەمریكا رایگەیاند، واشنتۆن بەدووری نازانێت دەستەی تەحریری شام لە لیستی تیرۆر بسڕێتەوە لەپێناو سەقامگیری سوریا.

سەرۆک وەزیرانی سوریا رایگەیاند، هیچ کێشەیەکیان لەگەڵ گروپە ئۆپۆزسیۆنەکاندا نیە و ئامادەی گفتوگۆ و رادەستکردنی کاروباری دەوڵەتن وتیشی، هەوڵدەدەن قۆناغی گواستنەوە بێ گرفت و خێرا بکەن.

وەزارەتى بەرگری ئەمریکا رایگەیاند، فڕۆکەکانیان زیاتر لە ٧٥ ئامانجی داعشیان لە سوریا بۆردومانکردووە، ئەوەش بە مەبەستی رێگریکردن لە ئەنجامدانی ئۆپەراسیۆنی دەرەکی و دڵنیابوون لەوەی کە هەوڵی سود وەرگرتن لە دۆخی ئێستا نادەن.

سەرۆکی ئەمریکا رایگەیاند کە دواجار رژێمەکەی بەشار ئەسەد لە سوریا کەوتووە و ئاماژەی بەوەدا کە ئەوە "ساتێکی مێژوویی" بووە بۆ گەلی سوریا، وتیشی "دەزانین کە ئەسەد لە مۆسکۆیە"

سعودیە هۆشداریی دا لە خلیسکانی سوریا بۆ ناو پشێوی و دابەشبوون و جەختی لەوە کردەوە کە "لە پاڵ گەلی برای سوریا و هەڵبژاردنەکانیاندایە".

سەرۆکوەزیرانی ئیسرائیل رایگەیاند، کە فەرمانی بە سوپای وڵاتەکەی کردووە "دەست بەسەر ناوچەی پاراستن لە جۆلان بگرن، کە هێزەکانی نەتەوە یەکگرتووەکان تێیدا جێگیرکراون.

دەزگای پەخشی ئیسرائیل رایگەیاند، ئیسرائیل ناوەندی توێژینەوەی زانستی دیمەشقی بۆردومان کردووە، کە چەکی کیمیایی و بەرنامەی مووشەکی بالیستیکی تێدا بەڕێوەدەبرێت، هەروەها هێرشی ئاسمانی بە ئامانجی گەڕەکی مێززە لە پایتەختی سوریا دەستپێکردووە.

وەزیری دادی سوریا رایگەیاند، موڵک و ماڵی گشتی و تایبەت نەکەنە ئامانج، وتیشی بەشار ئەسەد ناچار بو بەیانامەی دەستلەکار کێشانەوەکەی بدات بە خەڵکی سوریا

سەرۆکی هاوپەیمانی دەوڵەتی یاسا، و سەرۆکی ئەنجومەنی نوێنەران رایانگەیاند، پەرۆشی عێراق بۆ پاراستنی سەقامگیری لە سوریا بۆ دەستەبەرکردنی ئاسایش لە عێراق و وڵاتانی ناوچەکە دووپات کردەوە

ئەمریکا و هاوپەیمانەکانی داوا دەکەن شەڕ بووەستێنرێت و ئاسودەیی و خۆشگوزەرانی بگەڕێتەوە بۆ هاوڵاتیانی سوریا.

وەزارەتی دەرەوەی روسیا رایگەیاند، پێویستە رێز لە بیروڕای هەموو نەتەوە و مەزهەبەکانی سوریا بگیرێ.

دوای نزیکەی چارەکە سەدەیەک لە حکومڕانی سوریا، تەلەفیزیۆنی فەرمی وڵاتەکە کۆتایی هاتنی ڕژێمی بەشار ئەسەدی راگەیاند.

ئاژانسەکانی هەواڵ رایانگەیاند، ئەمشەو ئەو دوو هەزار سەربازەی کە هاتبوونە عێراقەوە بە فڕۆکە دەگوازرێنەوە دیمەشق و فەرماندەی گستی سوپای سوریاش بڵاویکردەوە، بەردەوام دەبن لە شەڕ و خۆیان بەدەستەوە نادەن.

فەرماندەی گشتی هێزەکانی هەسەدە رایگەیاند، لەگەڵ پێشڕەوی هێزەکانیان بۆ دێرەزورلە چوارچێوەی گۆڕانکارییەکاندا لێبوردنی گشتی رادەگەیەنن، وتیشی هیوادارە هەمووان هاوکاربن بۆ پاراستنی ئاسایش و سەقامگیری.

لەگەڵ راگەیاندنی کوتلە چەکدارەکان سەبارەت بە “دەستپێکردنی قۆناغی کۆتایی گەمارۆدانی دیمەشقی پایتەخت”، سەرۆکی کوتلە چەکدارەکان، پەیامێکی بۆ شەڕکەرەکانی بڵاو کردەوە لە تەلەگرامەکەی خۆیدا بۆ شەرکەرەکانی وتی “دیمەشق چاوەڕێی ئێوەیە”.

سەرۆکایەتی کۆماری سوریا بەیاننامەیەکی بڵاوکردەوە و تیایدا ئەو هەواڵانەی رەتکردەوە سەبارەت بەرۆشتنی بەشار ئەسەد بۆ دەرەوەی وڵاتەکەی

دوابەدوای ئەو کشانەوەیەی سوپای سوریا لە چەند رۆژی رابردودا، وا دیارە ئێرانیش دەستی کردووە بە کشانەوەی چەکدارەکانی.

وەزیری دەرەوەی روسیا نیگەرانی خۆی لە چارەنووسی گەلی سوریا بە هۆی پێشهاتە ئەمنییەکانی ئەو وڵاتە دەربڕی و رایگەیاند، مۆسکۆ نایەوێت گەلی سووریا وەک عێراقییەکان و لیبییەکان کۆتایی پێبێت.

بەڕێوەبەری گشتیی ئاژانسی نێودەوڵەتیی وزەی ئەتۆمی سەربە نەتەوە یەكگرتووەكان رایگەیاند، ئێران نزیکی هەشت هێندەی پێشوو پیتاندنی یۆرانیۆمی زیادكردووە و نزیكە لە چەكی ئەتۆمیی.

روانگەی سووری بۆ مافەکانی مرۆڤ رایگەیاند، بەهۆی زیادبوونی هەڕەشەی گروپە چەکدارەکانی ئۆپۆزسیۆنەوە بۆ سەر شارەکە، دەیان هەزار دانیشتووی شاری حمس ئاوارە بوون.

وتەبێژی وەزارەتی بەرگریی ئەمریکا رایگەیاند، هێزەکانیان لە سووریا لەوپەڕی ئامادەباشیدان. وتیشی، لە چەند رۆژی رابردوودا چەند جارێک پێگەی گرووپە چەکدارەکانیان لە سووریا بۆردوومان کردووە

وەزیری دەرەوەی ئێران بەرەبەیانی ئەمڕۆ هەینی بە سەردانێکی فەرمی گەیشتە بەغدای پایتەخت بۆ بەشداریکردن لە کۆبوونەوەی سێ قۆڵی نێوان عێراق ئێران سوریا.

وەزیری دەرەوەی رووسیا رایگەیاند، لایەنە نێودەوڵەتییەکان تۆمەتبارن بەوەی کە گروپە چەکدارەکانی سوریا پارەدار دەکەن، وتیشی مۆسکۆ زانیاری هەیە سەبارەت بەو قەوارانەی کە پشتیوانی گروپە چەکدارەکان دەکەن کە هێرش دەکەنە سەر هێزەکانی حکومەتی سوریا.

رەجەب تەیب ئەردۆغان لەگەڵ ئەمینداری گشتی نەتەوە یەکگرتووەکان لە پەیوەندییەکی تەلەفونیدا گفتوگۆیان سەبارەت بە پرسە هەرێمایەتی و نێودەوڵەتیەکان کردووە.

راوێژکاری کاروباری رۆژهەڵاتی ناوەڕاست رایگەیاند، لە کارە پێشینەیەکانی ئیدارەی داهاتووی ئەمریکا ئازادکردنی دەستبەجێی زیندانییەکانە بەبێ دواکەوتنی زیاتر.

نەتەوە یەکگرتووەکان رایگەیاند، بەهۆی شەڕ و ئاڵۆزییەکانی سوریاوە نزیکەی ١١٥ هەزار کەس ئاوارە بوون کە لە باکووری حەلەبەوە بەرەو ناوچەکانی تر رۆیشتوون.

لە هێرشێکی دژەتیرۆری سوریا بۆسەر حەما توانی نزیکی ١٦٠٠ ئەندام لە گروپە چەکداریەکان لەناو ببات لە دوای هێرشەکە سوپای سوریا توانی ٢٠ کیلۆمەتر گروپە چەکدارەکان لە خاکی حەما دوور بخاتەوە

میدیاکانی ئێران رایانگه‌یاند، بۆ درێژه‌دان به‌ گفتوگۆکان سه‌باره‌ت به‌ پێشهاته‌كانی سوریا رۆژی هه‌ینی وه‌زیری ده‌ره‌وه‌ی ئێران سەردانی عێراق دەکات. وەزیری دەرەوەی ئەمریکاش لە بارەی دۆخی سوریاوە دەڵێت، نابێت ڕێگە بدەن داعش سەرهەڵباتەوە.

وەزارەتی ناوخۆ رایگەیاند، لە رێگەی کەناڵەکانی دەزگا هەواڵگرییەکان و خزمەتگوزارییە ئەمنییەکانەوە چاودێری سنوورەکانمان لەگەڵ سووریا دەکرێت، هاوکات ئاماژە بەوەش دەکات کە ئاسایش تەنیا بە هاوکاری لەگەڵ هەموو وڵاتانی دراوسێ و ناوچەکە و دۆست بەدی دەهێنرێت

دوێنێ هیزەکانی ئەمریکا هێرشیان کردە سەر چەک و تەقەمەنیەکانی سوریا، هاوکات، وتەبێژی پنتاگۆن لە کۆنگرەیەکی رۆژنامەوانیدا رایگەیاند، ئەم چەکانە مەترسیەکی گەورەن بۆ سەر هێزەکانی ئەمریکا و هاوپەیمانان

سەبارەت بە دۆخی سوریا، هەریەک لە سەرۆکوەزیرانی عێراق و سەرۆکی روسیا پەیوەندیان بە سەرۆکی تورکیاوە کرد. پوتن دەڵێت، بە هەماهەنگی یەکتر دەبێت کار بۆ ئاساییکردنەوەی دۆخی سوریا بکەن. سودانیش ئاماژەی بەوە کردووە کە عێراق بێدەنگ نابێت لە بەرامبەر ئەو رووداوانەی لەسوریا روودەدەن.

هێرشی هاوبەشی رووسیا و سوریا بۆ سەر ناوچەی کوتلە چەکدارەکان لە ناوچەکانی سوریا دەستی پێکرد

نوسینگەی سەرۆکوەزیرانی عێراق بڵاوی کردەوە، لە پەیوەندیەکی تەلەفونی نێوان سەرۆکوەزیرانی عێراق سەرۆککۆماری تورکیا سودانی وتی کە عێراق لە دورەوە ناوەستێت و سەیر ناکات کاردانەوەی دەبێت بۆ ئەو مەترسیانەی روو لە سوریا دەکات

وەزیری بازرگانی تورکیا رایگەیاند، دەمانەوێت قەبارەی بازرگانی لەگەڵ عێراق بگەیەنین بە ٣٠ ملیار دۆلاری سالانە لە داهاتوودا.

جەنگی نێوان سوپای سوریا و گروپە چەکدارەکان بەردەوامە و دوای ئەوەی گروپە چەکدارەکان توانیان بچنە نێو شارەکە، سوپای سوریا فڕۆکەخانەی حەلەب و سەرجەم رێگانی بۆناو شارەکە داخست.

سوپای سوریا بە هاوکاری گروپە چەکدارەکان و فڕۆکە جەنگییەکانی رووسیا هێرشی پێچەوانەی بۆ سەر گروپە چەکدارەکانی ئۆپۆزسیۆن لە شاری حەلەب دەستپێکرد و رایگەیاند، چەندین گەڕەکیان کۆنتڕۆڵکردووەتەوە.

سوپای لوبنان رایگەیاند، دوێنێ و ئەمڕۆ ئیسرائیل چەندجارێک ئاگربەستی لە باشووی لوبنایان شکاندووە و ئەوەش بووەتە هەڕەشە بۆ گەڕانەوە ئاوارەکان بۆ ماڵەکانیان.

راوێژکارێکی باڵای عەلی خامنەیی رایگەیاند، ئێران خۆی ئامادە دەکات بۆ وەڵامدانەوەی ئیسرائیل دوای ئەو هێرشە ئاسمانییەی کە مانگی رابردوو کردییە سەر وڵاتەکەیان.

وتەبێژی کۆشکی سپی رایگەیاند، وڵاتەکەی هیچ فەرمانێکی دەستگیرکردنی سەرۆک وەزیرانی ئیسرائیل جێبەجێ ناکات.

سەرۆکی ئاژانسی وزەی ئەتۆمی رایگەیاند، هیچ ئاماژەیەک نییە بۆ بوونی ئەتۆم لەو کۆمەڵگە سەربازییانەی ئێران کە مانگی رابردوو ئیسرائیل بۆردوومانی کردن.

وەزارەتی پیشەسازی و بازرگانیی ئێران رایگەیاند، لە مانگی رابردوودا عێراق بە بڕی زیاتر لە دوو ملیار دۆلار کاڵای لە ئێرانەوە هاوردە کردووە. دەشڵێت، قەبارەی بازرگانیی ئێران لەگەڵ وڵاتانی دیکەدا ٣٩٪ زیادی کردووە.

میدیاکانى ئیسرائیل رایانگەیاند، رەشنووسی پێشنیازی ئەمریکایان بڵاوکردەوە بۆ کۆتاییهێنان بە جەنگی لوبنان کە گرنگترین بڕگەکانی بریتین لە، كشانەوەی سوپای ئیسرائیل لە لوبنان و چەك داماڵینی هێزە نافەرمیەكانى لوبنان لە ماوەی ٦٠ رۆژدا.

سەرکردەیەکی باڵا لە چەکدارانى فەڵەستین رایگەیاند، ئامادەن بۆ راگرتنى جەنگی غەززە بە مەرجێک ئیسرائیل پابەندى رێککەوتن بێت و داواشى لە دۆناڵد ترەمپ کرد فشار بخاتەسەر ئیسرائیل بۆ پابەندبوون بە راگرتنى جەنگەکە.

سەرۆك وەزیرانی عێراق و سەرۆکی سوریا کۆبوونەوە و جەختیان لە گرنگی و هەماهەنگی هەڵوێستەکانیان کردەوە. راشیانگەیاند، "پەیوەندییەکانیان بەرەوپێشەوە دەبەن".

وتەبێژی سوپای ئیسرائیل رایگەیاند، داوا لە ٢١ گوندی باشووری لوبنان کردوووە گوندەکانیان چۆڵ بکەن، چونکە بۆردوومان دەکرێن.

هەڵبژاردنەوەی ترەمپ وەک سەرۆکی ئەمریکا جموجوڵەکانی لە رۆژهەڵاتی ناوەڕاست زیاد کردووە، شاندێکی باڵای سەربازیی سعودیە بە سەرۆکایەتی سەرۆك ئەركانی سوپای سعودیە گەیشتە تاران و لەگەڵ هاوتا ئێرانییەکەی کۆبووەوە.

رێکخراوی نەتەوە یەکگرتووەکان رایگەیاند، شیکارییەکی وردیان بۆ ئەو کەسانە کردووە کە لە شەش مانگی سەرەتای جەنگی غەززەوە گیانیان لەدەستداوە و ٧٠٪ـی ئەو کەسانەی لە غەززە گیانیان لەدەستداوە ژن و منداڵن.

وەزارەتی تەندروستیی فەڵەستین رایگەیاند، لە سەرەتای دەستپێکی جەنگی نێوان ئیسرائیل و غەززە ژمارەی گیانلەدەستدان گەیشتووەتە زیاتر لە ٤٣ هەزار کەس و ژمارەی برینداربوونیش بۆ زیاتر لە ١٠٢ هەزار کەس بەرز بووەتەوە.

چاوگێک لە تەندروستی فەڵەستینەوە بە میدیا عەرەبییەکانی راگەیاند، ئیسرائیل رێگری کردووە لە گەشتنی سێ هەزار و ٨٠٠ بارهەڵگری هاوکاری و بەهۆی نەگەشتنی ئەو هاوکارییانەوە ٤٠٠ هەزار فەڵەستینی لە برسێتیدا دەژین.

میدیاکانى ئیسرائیل بڵاویان کردەوە، تەلئەبیب هۆشداری داوەتە بەغدا لە بەكارهێنانی خاكی ئەو وڵاتە لەلایەن گروپە چەكدارەكانەوە بۆ هێرشكردنە سەر ئیسرائیل.

میدیاكانی لوبنان بڵاویانكردەوە، بەیانی ئەمڕۆ دەیان باڵەخانە ، بەهۆی هێرشی فرۆكە جەنگییەكانی ئیسرائیلەوە تەختی زەوی كراون. تەندروستى لوبنانیش دەڵێت، له‌ سه‌ره‌تای هێرشەکانى ئیسرائیلەوە دوو هه‌زار و ٨٦٧ كه‌س کوژراون

مقاوەمەی عێراق رایگەیاند، لە چەند کاتژمێری رابردوودا بە فڕۆکەی بێفڕۆکەوان شەش ئامانجیان لە ئیسرائیل بۆردوومان کردووە.

بە مەبەستی گەیشتن بە ئاگربەست لە نێوان ئیسرائیل و لوبنان،سەرۆکی ئەمریکا نێردەی تایبەتی خۆی رەوانەی ناوچەکە کردووە، کە بەوتەی میدیاکان چانسی سەرکەوتنی لەسەر ئاستی سیاسی زۆر بەرزە.

ئەنجومەنی ئاسایشی نێودەوڵەتى هۆشداری دەدات لە داخستنی دەزگای فریاگوزاری و کاری نەتەوەی یەگرتووەکان بۆ هاوکاری پەنابەرانی فەلەستین. دەشڵێت، داخستنی دەزگاکە کارەساتی مرۆیی بەدوای خۆیدا دەهێنێت.

وەزارەتی تەندروستیی فەڵەستین رایگەیاند، هێرشە ئاسمانییەکانی ئیسرائیل بۆ سەر ناوچەکانی غەززە بەردەوامە و بەپێی دوایین ئامار تا ئێستا زیاتر لە ٤٣ هەزار کەس لە کەرتی غەززە گیانیان لەدەستداوە.

گفتوگۆکانی پرسی ئاگربەست لە غەززە تا دێت گەرمتر دەبێت، بڕیارە لە سعودیە بە بەشداری چەندین وڵات کۆبوونەوەیەک لە ئاستى باڵا بکرێت، لە لایەکی تریشەوە، ئەمریکا و میسڕ پێنشنیاری خۆیان بۆ ئاگربەستەکە خستووەتە روو.

تەندروستیی لوبنان رایگەیاند، عێراق زۆرترین هاوکاری لە بواری پزیشکی و مرۆیی پێشکەش بە وڵاتەکەیان کردوە.

بەڕێوەبەری گشتیی تەندروستیی جیهانی هۆشداری دەدات لە دۆخی تەندروستی لە باکووری غەززە و رایگەیاندووە، کارەسات روودەدات.

هێزەکانی سووریای دیموکرات ناسراو بە هەسەدە لە مەنبج هێرشیان کردە سەر سوپای تورکیا و حەوت سەربازی ئەو وڵاتەیان کوشت.

چاوگێکی ئاگادار بە ئاژانسی هەواڵی سکای نیوزی عەرەبی راگەیاند، لە سەرەتای مانگی داهاتوودا لوتکەیەکی نێودەوڵەتی بۆ تاوتوێکردنی هەوڵەکانی پێکهێنانی ئاشتی لە رۆژهەڵاتی ناوەڕاست بەڕێوە دەچێت.

سوپای ئێران رایگەیاند، لە هێرشەکەی شەوی رابردووی ئیسرائیلدا دوو سەربازیان گیانیان لەدەستداوە.هاوکات وتەبێژی حکومەتی ئێران رایگەیاند، زیانەکانی هێرشەکە سنوردارن.

بەگوێرەی میدیا عەرەبییەکان لە ماوەی ٢٢ رۆژدا بەهۆی هێرشە ئاسمانی و زەمینییەکانی ئیسرائیلەوە لە باکووری غەززە ٨٠٠ کەس گیانیان لەدەستداوە و سەرجەم کارمەندانی نەخۆشخانەی کەمال عەدوان لەلایەن ئیسرائیلەوە دەسگیرکراون.

دەسەڵاتی فڕۆکەوانی ئێران رایگەیاند، سەرجەم گەشتەکانی فڕۆکەخانەکانی ئێران دەستیان پێکردووەتەوە. هاوکات، وەزیری گواستنەوەی عێراقیش رایگەیاند، سەرجەم گەشتەکانی فڕۆکەخانەکان دەستیان پێکردووتەوە و مەترسییەکان کۆتایی هاتوون.

شەوی رابردوو ئیسرائیل چەند ئامانجێکی لە تارانی پایتەختی ئێران بۆردوومان کرد و وتەبێژی سوپای ئیسرائیل رایگەیاند، "هەر لایەنێک ببێتە هەڕەشە بۆسەر ئاسایشی ئیسرائیل باجەکەی بە قورسی دەدات".

لەگەڵ جوڵاندنی پرسی کورد لە پەرلەمانی تورکیا و باسکردنی ئازادکردنى سەرکردەی زیندانیکراوی کورد لە دورگەی ئیمراڵی، هێرش بۆسەر تورکیا و وەڵامەکانی تورکیاش چڕتر بوونەوە. هاوکات، دەم پارتی و جەهەپە و کەجەکە پشتیوانی خۆیان بۆ پرۆسەی ئاشتی لە تورکیا راگەیاند.

ئەمریکا و قەتەر دەستپێکردنەوەی دانوستانەکانیان سەبارەت بە ئاگربەستی غەززە راگەیاند. وەزیری دەرەوەی ئەمریکاش دەڵێت، لەگەڵ سەرۆک وەزیرانی قەتەر بە وردی کاریان بۆ دەستپێکی پڕۆسەکە کردووە.

دەوڵەت باخچەلی سەرۆکی پارتی نەتەوە پەرستی تورکیا لەناو پەرلەمانی وڵاتەکەیەوە داوای ئازادکردنی سەرکردەى زینداینکراوی کورد لە ئیمراڵی تورکیای کرد و داوایکرد بچێتە پەرلەمان و وتار پێشکەش بکات،سەڵاحەدین دەمیرتاش، هاوسەرۆكی پێشووترى هەدەپە دەڵێت ئەگەر سەرکردەی زیندانیکراوەکە، دەستپێشخەری رێگە چارەی سیاسی بكات، بە هەموو هێزی خۆیانەوە پشتیوانی دەكەن.

ئەندامێکی مەکتەبی سیاسی حەماس بە ئاژانسی روسیای راگەیاند، لەگەڵ جێگری وەزیری دەرەوەی روسیادا کۆبووەتەوە و داوای لێکردووە لە لوتکەی برێکس لەگەڵ سەرۆکی فەڵەستین گفتوگۆ بکەن بۆ پێکهێنانی حکومەتێکی یەکگرتوو دوای جەنگ.

وەزیری ناوخۆی تورکیا رایگەیاند، هێرشێکی چەکداری کراوەتە سەر دامەزراوەی پیشەسازیی فڕۆکەوانیی تورکیا و بەهۆیەوە چەند کەسێک کوژران و چەند کەسێکی دیکەش بریندار بوون.