سەرۆک وەزیرانی عێراق، بە بۆنەی تەواوبوونی پێکهێنانی حکومەتی نوێی لوبنان، پیرۆزبایی لە سەرۆکی کۆماری لوبنان و سەرۆکوەزیرانی لوبنان کرد.
ئەمڕۆ دووشەممە ١٠ی شوباتی ٢٠٢٥، وتەبێژی حکومەتی عێراق، باسم عەوادی لە بەیاننامەیەکدا رایگەیاند، "بە پشتڕاستکردنەوەی پەیوەندییەکانی برایەتی و پەیوەندییە جیاجیاکانی نێوان عێراق و لوبنان، محەمەد شیاع سودانی، سەرۆک وەزیرانی عێراق پیرۆزبایی ئاراستەی جۆزێف عەون سەرۆک کۆماری لوبنان و نەواف سەلام سەرۆک وەزیرانی لوبنان کرد.
محەمەد شیاع
سودانی سەرۆک وەزیرانی عێراق ئاماژەی بەوەشکرد، "بەناوی عێراق و حکومەت و گەلەوە،
بەبۆنەی تەواوبوونی پێکهێنانی حکومەتی نوێی لوبنان، بەو هیوایەم ئەم هەنگاوە ببێتە
سەرەتای سەردەمێکی نوێی سەقامگیری و ئاسایش بۆ لوبنان.
وتیشی، "
هیوادارم حکومەتی نوێی لوبنان دەروازەیەکی متمانەپێکراو بێت بۆ گەیشتن بە خواستەکانی
گەلی لوبنان بۆ خۆشگوزەرانی و ژیانێکی شایستە".
سەرۆکوەزیرانی
عێراق جەختی لەوە کردەوە، "پاڵپشتی بەردەوامی عێراق بۆ برایانی لوبنان و دابینکردنی
هەموو شتێک کە بتوانێت هێزی ئەم وڵاتە ئازیزە بەرز بکاتەوە و خۆڕاگرییەکەی لە بەرامبەر
تەحەددیاتەکاندا، هەروەها ئاوەدانکردنەوە و خۆشگوزەرانی وەک هەمیشە لە لوبناندا هەیە،
بۆ ئەوەی ئەم وڵاتە سەرەکییە لە ناوچەکەدا بەشداری بکات لە پاڵپشتیکردنی گەشەپێدان
و چەسپاندنی یەکگرتنی ئابووری و کولتووری نێوانمان".