AM:09:24:10/12/2024
2088 جار خوێندراوەتەوە
سەرۆکی دەستەی تەحریر شام رایگەیاند، دەسەڵاتی نوێ بەم نزیکانە لە سوریا ناوی ئەو کەسانە بڵاو دەکاتەوە کە ئەشکەنجەی زیندانیان و هاوڵاتیانی سوریایان داوە و وتیشی، داوای ئەو کەسانە دەکاتەوە کە هەڵاتون بۆ دەرەوەی وڵات و دەبێت رووبەرووى یاسا بکرێنەوە.
ئەمڕۆ سێشەممە ١٠ـی ١٢ـی ٢٠٢٤، محەمەد جۆلانی، سەرۆکی دەستەی تەحریر شام بڵاویکردەوە، لیستی ناوی ئەشکەنجەدەرانی زیندانیان و هاوڵاتیان بڵاو دەکەنەوە بۆ ئەوەی لێپرسینەوە و لێپێچینەوەیان لەگەڵدا بکرێت.
ئاماژەی بەوەش کرد، داوای ئەو کەسانە دەکاتەوە
کە هەڵهاتوون بۆ دەرەوەی وڵات و لە تاوانەکانی جەنگدا دەستیان هەیە و تێوەگلاون و
سزای دادپەروەرانەی خۆیان وەردەگرن.
ئەوەش خراوەتەڕوو، پاداشتی هەر کەسێک دەکەن
کە زانیاری لەسەر ئەفسەر و پلەباڵاکانی سوپا هەبێت بۆ ئەوەی بە سزای خۆیان بگەیەندرێن.
رۆژى هەشتى ئەم مانگە، بەشار ئەسەد هەڵهات
و رژێمەکەى کوت و بەشێک لە بەرپرسە ئەمنییەکان ونبوون و ئێستا چەکدارانى ئۆپۆزسیۆن
بەدوایاندا دەگەڕێن.
