کامێراى چاودێرى یەکێک لە ناوچەکانى شارى ئەزمیر ساتەوەختى روداوێکیان تۆمارکرد کە تیایدا منداڵێکى تەمەن ٥ ساڵ کە خەریکى یاریکردن بوو دەکەوێتە ژێر بارهەڵگرێکەوە.

وەزارەتى بەرگرى ئێران وەڵامى هەڕەشەکانى ئەمدواییەى ئیسرائیلى دایەوە و جەختى لەسەر ئەوە کردەوە "گەلى ئێران بەوپەڕى هێزەوە وەڵامى هەر کارێکى گەمژانەى دوژمن دەداتەوە".

لە دوێنێوە باران بارینی بە لێزمە شاری ئیستەنبوڵی تورکیای گرتووەتەوە و گرفتی بۆ ژیانی هاوڵاتیان دروستکردووە.

باڵیۆزی ئێران لە عێراق رایگەیاند، داوا لە زیارەتکارانی وڵاتەکەی دەکات کە بەمەستی بەشداریکردن لە مەراسیمی ساڵیادی چلەی ماتەمینی حسێنی کوڕی عەلی سەردانی شارەکانی نەجەف و کەربەلا دەکەن لە هەرێمی کوردستانەوە نەچنە ناو خاکی عێراقەوە.

ماڵپەڕی ئەلعەرەبیە بڵاویکردەوە، دیلان عەبدولرەحمان، لەلایەن خێزانەکەیەوە فشاری لێکراوە بۆ هاوسەرگیریکردن لەگەڵ کوڕی مامیدا، دوای گواستنەوەشی داوای جیابوونەوەی کردووە، بەڵام براکەی دیلانی کوشتووە.

وەزیری دەرەوەی ئێران رایگەیاند، ئەو هەنگاوانەی کە پەرلەمانی وڵاتەکەی ناوییەتی، بووە بەهۆی ئەوەی گەیشتنە رێککەوتنی ئەتۆمی "قورس" بکات.

میدیا ناوخۆییەکانی سوریا بڵاویانکردەوە، پیاوێك لە نەخۆشخانەی ئیبن خەلدونی ناوچەی حەما بە زیندوویى دۆزرایەوە دوای ئەوەی سێ ساڵ لەمەوبەر کەسوکارەکەى هەواڵی مردنیان راگەیاندبوو.

باوکێکی سوری کچە تەمەنە ١٣ ساڵانەکەی لە ناوچەی شێخ مەخسودی تورکیا سوتاند بەهۆی ئەوەی رەتیکردبووەوە کە هاوسەرگیری بکات و لە ئەنجامدا گیانی لەدەستدا، دوابەدوای رووداوەکەش پۆلیس باوکی کچەکەی دەستگیرکرد.

فەرماندەیەکی باڵای سوپای پاسداران پەیامێک ئاراستەی حکومەتی هەرێم و حزبەکانی رۆژھەڵاتی کوردستان دەکات.

موفتی میسر لەبارەی مامەڵەکردن لەگەڵ بانکەکەکانی وەبەرهێنان رایگەیاند، لە رووی ژیانی رۆژانەی خەڵک و پێداویستییەکانیان، مامەڵەکردنی هاوڵاتییان لەگەڵ بانکەکانی وەبەرهێنانی میسر و رۆڵیان لە ئابوری وڵاتدا تەواو جیاوازە لە "ریبا."

ئاژانسی هەواڵی فارس نیوزی ئێرانی بڵاویکردەوە، سەرلەبەیانی ئەمڕۆ حەسەن فەیرۆز ئابادی سەرۆکی پێشووی هێزەچەکدارەکانی ئێران و راوێژکاری سەربازی عەلی خامنەیی رابەری باڵای شۆڕشی ئیسلامی ئێران بەهۆی نەخۆشییەوە کۆچی دواییکردووە، بەبێ ئەوەی جۆر و هۆکاری نەخۆشییەکە ئاشکرابکات.

بومەلەرزەیەک بەگوڕی پێنج پلە بە پێوەری رێختەر، لە پارێزگای کوتاهیا لە ناوچەی ئیجەی رۆژئاوای تورکیا روویدا.

گرتەیەکی ڤیدیۆیی ٢٧ چرکەیی لە تۆڕەکۆمەڵایەتییەکان بڵاوکراوەتەوە تیایدا دەردەکەوێت، لە پارێزگای غەربییە لە باکوری میسر، لە یەکێک لە فرۆشگەکان ئۆتۆمبێلێک ردەوەستێت و دوو کەس دادەبەزن و منداڵێک دەڕفێنن کە کەمێک پێش ئەوان دەچێتە ناو فرۆشگاکەوە.

سەرۆکی تورکیا لە رێوڕەسمی نمایشی نوێترین فڕۆکەی بێفڕۆکەوانی وڵاتەکەیدا رایگەیاند، ئەوەی دەیەوێت ھەر ھەڵسوکەوتێک لە ناوچەکە بکات، پێش ھەموو شتێک دەبێت تەماشای تورکیا بکات.

ئاژانسی هەواڵی ئەنادۆڵ بڵاویکردەوە، ٣٠ کۆچبەری نایاسایی لەکەناراوەکانی پارێزگای دیدمی تورکیا لە خنکان رزگارکران.

وەلید بن تەڵاڵ، گەورە ملیاردێری سعودی لە پێگەی فەرمی خۆی لە تویتەر بڵاویکردەوە، گەشتی ١٥٣ وڵاتی جیهانی لە شەش کیشوەردا کردووە و زۆربەی وەرزشە جیاوازەکانی ئەنجامداوە.

گفتوگۆی دروستبوون و نەبوونی خواردنی بەشێک لە خواردنە دەریاییەکان لە تورکیا کاردانەوەی لێدەکەوێتەوە و سەرۆکایەتی کاروباری ئاینەکانی ئەو وڵاتەش رایانگەیاند، بابەتەکە نوێ نییە و هەڵوێستیان شتێکی نوێی تێدا نییە.

یەکێتی ئەوروپا رایگەیاند، ئامادەن کاری هاوبەش لەگەڵ حکومەتی نوێی ئێراندا بکەن سەبارەت بە زیندوکردنەوەی رێککەوتنی ئەتۆمی.

لەنێو تۆڕە کۆمەڵایەتییەکانى وڵاتى میسر چەند گرتەیەکى ڤیدیۆیی بڵاوکرایەوە کە تیایدا دەردەکەوێت، لەلایەن پیاوێکەوە گێچەڵی سێکسی بە ژنێک دەکرێت و ژنەکە بەرپەرچى دەداتەوە.

به‌سته‌ڵه‌كه‌كانی چیای ئاگری كه‌ لوتكه‌كه‌ی پێنج هه‌زار و ١٣٧ مه‌تر له‌ رووی ده‌ریاوه‌ به‌رزه‌ و به‌رزترین لوتكه‌یه‌ له‌ توركیا، به‌هۆی گۆڕانی ئاو و هه‌وا و هه‌لومه‌رجی كه‌شناسییه‌وه، توانەوە‌.

ئەمڕۆ پەرلەمانی ئێران کۆبوونەوەی خۆی ئەنجامدا و تیایدا متمانەی بە کابینە وەزارییەکەی ئیبراهیم رەئیسی سەرۆک کۆماری ئێران بەخشی.

یاریدەدەری سکرتێری گشتیی نەتەوەیەکگرتووەکان بۆ کاروباری مرۆیی رایگەیاند، لە مانگی کانوونی دووەمەوە تاوەکو ئێستا ٦٩ کەس لە کەمپی ھۆل لە شاری حەسەکەی سوریا کوژراون. نێردەی تایبەتی نەتەوەیەکگرتووەکان بۆ سوریاش دەڵێت، کۆتاییهاتنی شەڕ زۆر دوورە.

سەرۆکی خزمەتگوزاری بەندینخانە گشتییەکانی ئێران رایگەیاند، کامێراکانی چاودێری لە زیندانی ئەوین لە باکوری تاران "هاک کراون".

مامۆستایەکی فیقهی بەراوردکاری لە زانکۆی ئەزهەر رایگەیاند، هاوسەرگیری کاتی ناسراو بە (پارت تایم) هاوشێوەی هاوسەرگیری موتعە (سیغە) نییە و "ناتوانم بە تاوانی دابنێم."

سەرۆککۆماری تورکیا رایگەیاند، ئەو دەنگۆیانەی کە باس لەوەدەکەن یەک ملیۆن و ٥٠٠ هەزار کۆچبەری نایاسایی لە ئەفغانستانەوە بۆ تورکیا هاتوون دوورن لە راستییەوە، دەشڵێت، "ئەگەر پێویست بکات دەتوانین لەگەڵ تاڵیبان کۆببینەوە، واقیعێک لە ئارادایە هەرکاتێکیش بۆ ئەنجامدانی کۆبوونەوە لە دەرگامان بدرێت ئێمە دەرگامان کراوەیە."

لە تۆڕە کۆمەڵایەتییەکان ڤیدیۆیەک بڵاوکراوەتەوە، کە لەناکاو ئۆتۆمبێلێک دەچێتە ناو فرۆشگایەکەوە و دەبێتە هۆی شکاندنی شووشەی شوێنەکە و زیانێکی زۆر دەدات.

دیمەنی کەوتنەخوارەوەی ژمارەیەک هاوڵاتی ئەفغانی لەیەکێک لە فڕۆکە سەربازییەکانی ئەمریکادا، سەرنجی زۆرێک لە میدیاکانی جیهانی بەدوای خۆیدا راکێشا، کەتیایدا یەکێکییان ئەستێرەیەکی دیاری تۆپی پێی ئەفغانستان بوو.

زەکی ئەنواری یاریزانی دیاری هەڵبژاردەی ئەفغانستان لەکاتێکدا کە ویستی لە وڵاتەکەی هەڵبێت و بەرەو وڵاتێکی دیکە کۆچ بکات لە فڕۆکەکە کەوتە خوارەوە و گیانی لەدەستدا.

ناوەندی جێبەجێکردن و توێژینەوەی فێرکاری تورکیا بۆ رووداوەکان رایگەیاند، پێشبییندەکرێت لە هەشت ساڵی داهاتوودا بومەلەرزەیەکی بەهێز بە گوڕی ٧.٤پلە بە پێوەری رێختەر لە شاری ئەستەمبوڵ بدات و هەڕەشە لە ژیانی دوو ملیۆن هاوڵاتی بکات.

لە نیوەڕۆی ئەمڕۆوە تیمەکانی ئاگر کوژێنەوە لە وڵاتى ئیسرائیل سەرقاڵی کۆنتڕۆڵکردنی ئەو ئاگرەن کە لە دارستانەکانی ناوچەی موشاف لە بەیت میئر لە شارى قودس، کەوتووەتەوە.

وڵاتى سعودیە قەدەغەکردنى گەشتى عومرەى لە هاوڵاتیانى ١٣ وڵات نوێ کردەوە کە هەریەک لە هاوڵاتیانى میسر و لوبنان و ئیماراتى تێدایە.

دوای تەقینەوەکەی عەکار لە باکوری لوبنان، یەکەکانی سوپای ئەو وڵاتە دەستیان کرد بە هەڵمەتی دۆزینەوەى ئەو کۆگایانەى بەنزین کە بەشێوەى نایاسایى حەشاردرابوون و لە ئەنجامدا دەستبەسەر هەشت کۆگادا گیرا.

میدیا جیهانییەکان بڵاویانکردەوە، ئێستا چەکدارانی سەر بە بزووتنەوەی تاڵیبان لەسەرجەم دەروازەکانەوە دەستیانکرد بە چوونە نێو کابوولی پایتەختەوە.

بەهۆی تەقینەوەی تانکەرێکی سوتەمەنی لە ناوچەی عەکاری باکوری لوبنان، ٢٠ کەس گیانیان لەدەستدا و ٧٩ کەسیش برینداربوون.

ئاژانسی هەواڵی ئەنادۆڵ بڵاویکردەوە، هێزە ئەمنییەکانی بولگاریا ٢٤ کۆچبەری نایاساییان لە سنووری شاری "کیرکرالی"تورکیا دەستگیرکردووە کە عێراقیشییان تێدایە.

له‌ ئه‌نجامی هه‌ڵدێرانی پاسێك له‌ شارۆچكه‌ی سارز سه‌ر به‌ قایسه‌ری، به‌ پێی ئاماره‌ سه‌ره‌تاییه‌كان ٢٩ كه‌س برینداربوون.

ئاژانسی هەواڵی فرانس پرێس بڵاویکردەوە، بەڕێوبەری دەزگای هەواڵگری ویلیام بێرنس سی ئای ئەی ئەمریکا سەردانی ئیسرائیل دەکات و لەگەڵ بەرپرسانی ئەو وڵاتەدا کۆدەبێتەوە.

پەرلەمانتارێكی ئۆپۆزسیۆنی توركیا قەبارەی ئەو زیانەی ئاشكرا كرد كە لە ئەنجامی ئاگری دارستانەكانەوە لە وڵاتەکەى کەوتووە.

لەگەڵ فراوانبوونی روبەری ئاگرکەوتنەوە لە دارستانەکانی تورکیادا، هاشتاگی "# یارمەتی تورکیا بدەن" مشتومڕێکی زۆری لەو وڵاتەدا دروستکردووە.

بەهۆی وەرگەڕانی پاسێکەوە لە پارێزگای باڵکئەسیر لە تورکیا ١٤ كه‌س گیانیان له‌ده‌ستدا و ١٨ کەسیش برینداربوون.

وەزارەتی حەج و عەمرەی سعودیە رایگەیاند، لە رۆژی دووشەمەی داهاتووەوە، عەرەبستانی سعودیە دەرگای وەرگرتنی عەمرەکارانی بە رووی جیهانەوە دەکاتەوە.

وتەبێژی هێزە چەکدارەکانی ئێران رایگەیاند، لێدوانەکانی ئیسرائیل بۆ هێرشکردنە سەر ئێران تەنیا وەک شەڕی دەرونی دەبینن، دەشڵێت، "ستراتیژی ئەمریکا و بەریتانیا و ئیسرائیل بنەمای ناسەقامگیرکردنی ئاسایشی ناوچەکەیە بۆ لۆمەکردنی ئێران."

چاوگە هەواڵییە ناوخۆییەکانی یەمەن بڵاویانکردەوە، بەهۆی هەورە بروسکەوە لە ناوچەی جوحافی سەر بە پارێزگای زالع لە باشووری یەمەن، سێ کەس گیانیان لەدەستدا.

وەزارەتی دەرەوەی ئێران رایگەیاند، هەڵەی پرۆتۆکۆڵی لە هەڵکردنی ئاڵای کوردستاندا روویداوە، لەرێورەسمی پێشوازیکردن لە نێچیرڤان بارزانی سەرۆکی هەرێمی کوردستان.

سوپای ئیسرائیل رایگەیاند، لە لوبنانەوە چەندین موشەک ئاڕاستەی خاکی ئیسرائیل کراوە، بەڵام قەڵغانی ئاسنین رێگریی لێکردوون، هاوکات حزبوڵای لوبنان بەرپرسیارێتی خۆی لە هاوێشتنی موشەکەکان راگەیاند.

وەزارەتی بەرگری ئەمریکا رایگەیاند، رێکخراوی داعش منداڵانی ناو کەمپەکان دەباتە دەرەوە و لە بیابانەکانی سوریا راهێنانیان پێدەکات، ئەمەش وەک هەوڵێک بۆ ئەوەی ئەندامی زیاتر بۆ رێکخراوەکە کۆبکاتەوە.

ئیبراهیم رەئیسی لە هەڵبژاردنی ئەمساڵی سەرۆکایەتی ئێران سەرکەوتنی بەدەستهێنا و ئەمڕۆ وەکو هەشتەمین سەرۆک سوێندی یاسایی لەبەردەمی پەرلەمانی ئێران بە بەشداری چەند کەسایەتیەکی ناوچەکە و نێودەوڵەتی خوارد.

کەجەکە رەتیدەکاتەوە پەیوەندییان بە ئاگرکەوتنەوەى دارستانەکانی تورکیاوە هەبێت و دەڵێت، ئەم ئاگرە کارەساتێکی گەورەیە و بە ئازاری خەڵکی خەمبارن.

ئەو هاوڵاتییە تورکەی ھەفتەی رابردوو لە تورکیا، حەوت ئەندامی خێزانێکی کوردی کوشت دەستگیرکرا.

جێگری ئەنجومەنی ئیدارەی مافە سروشتییەکانی تورکیا رایگەیاند، هەموو ساڵێک ئەم فیلمە ئەبینینەوە، ئاگر بەردەبێتە دارستانەکان.

رێوڕەسمى سوێندخواردن و دەستبەکاربوونى ئیبراهیم رەئیسى وەک هەشتەمین سەرۆک کۆمارى ئێران لە حوسەینییەى ئیمام خومەینى بە بەشدارى ژمارەیەک لە بەرپرسانى ئەو وڵاتە، ئەنجامدرا.

وەزارەتی حەج و عەمرەی عەرەبستانی سعودیە رایگەیاند، لە بەرواری ١٠ى ئەم مانگە پێشوازی لە ٢٠ هەزار عومرەکار لە ناوەوە و دەرەوەی سعودیە پێشوازییان لێدەکرێت، ئەمەش وەکو یەکەم کاروان دوای کۆتاییهێنان بە وەرزی فەریزەی حەج.

دەسەڵاتدارانی یۆنان رایانگەیاند، ئاگرێکی گەورە لە خۆرئاوای وڵات کەوتووەتەوە و دەستەی ئاگرکوژێنەوە و پۆلیسی پاراستنی کەناراوەکانی ناچار کردووە چوار گوند و کەناراوی دەریا چۆڵبکەن.

لەبارەی کوژرانی خێزانە حەوت کەسییە کوردەکەوە؛ سولەيمان سۆيڵو وەزيرى ناوخۆی توركيا رایگەیاند، "رووداوەکە هیچ پەیوەندییەکی بە پرسی کورد-تورکەوە نییە و کێشەیەکی خێزانیی ١١ ساڵەیە و تیمەکانمان لەنزیکترین کاتدا دەتوانن بکەرانی رووداوەکە دەستگیر بکەن".

میدیاکانی سعودیە ڤیدیۆی کچێکی یەمەنییان بڵاوکردەوە کە دووپەلی زیادەی لە ناوچەی حەوزی پێوەلکابوو، دوای ئەنجامدانی نەشتەرگەریەک توانرا پەلەزیادەکانی لێبکرێتەوە.

گرتە ڤیدیۆی جوڵەی تەرمێک لە کاتی ئەنجامدانی نوێژی مردودا بەزوویی لە تۆڕە کۆمەڵایەتیەکانی میسردا بڵاو بوویەوە و کاردانەوەی لێکەوتەوە.

ئاژانسی هەواڵی ئەنادۆڵ بڵاویکردەوە، لە سنوری پارێزگای ئیزمیری تورکیا ٣٨٨ کۆچبەر رزگارکران.

ئاژانسی هه‌واڵی ئیرنای ئێرانی بڵاویکردەوە، له‌ شه‌شه‌مین رۆژی خۆپیشاندانه‌كانی پارێزگای خوزستاندا، له‌ شاری به‌نده‌ر مه‌شهه‌ر پۆلیسێك گیانی له‌ده‌ستدا و له‌ شاری ئیزه‌یش خۆپیشانده‌رێك كوژرا.

عومەر فارووق ئەندامی پەرلەمانی تورکیایە لەسەر حزبی پارتی دیموکراتی گەلان (هەدەپە)، دوای ئەوەی کە لە پەرلەمانی تورکیا دەرکرا و خرایە زیندانەوە رایگەیاند، پاش ئەوەی ٩٦ ڕۆژی لە زیندان بردەسەر و دواتر بێ تاوانی سەلمێنرا و ئازادکرا و گەڕاوەتەوە پەرلەمان، تەنیا پـێیان وتووە "ببورە".

وەزارەتی حەج و عومرەی سعوودیە رایگەیاند، لە ئەمڕۆ هەینییەوە پرۆسەی ئەنجامدانی نوێژی لەنیو حەرەمی مەککەدا راگرتووە، ئەمەش وەک رێکارێک لەپرۆسەی پێشوازیکردن لە حاجییان و ئامادەکاری بۆ وەرزی حەج.

چاوگە هەواڵییەکانی سوریا بڵاویانکردەوە، ئێوارەی ئەمڕۆ بەهۆی هێرشە موشەکەکانی حکومەتی سوریاوە بۆ سەر شاری عەفرینی رۆژئاوای کوردستان، دوو کەس کوژران و ١٢ی دیکەش برینداربوون.