سوپای پاسدارانی ئێران تەقینەوە و ئاگرکەوتنەوەی لە کەشتییەکی نەوتهەڵگری زەبەلاح بەهۆی بەرکەوتنی بە مین لە باشووری گەرووی هورمز راگەیاند.

پەیامنێری ئێن ئاڕ تی رایگەیاند، شۆفێرانی بارهەڵگر بەهۆی کێشەی گومرگەوە لە بازگەی چیمەن مانیان گرت و رێگای کەرکووک - سلێمانیان داخست، بەڵام دوای چەند کاتژمێرێک کێشەکە چارەسەر کرا و رێگاکە کرایەوە.

سەرۆکی یەکێتیی نیشتمانیی کوردستان، بە سەرۆکایەتیی شاندێکی باڵا و لەسەر بانگهێشتی فەرمیی وەزارەتی دەرەوەی ئێران، سەردانی تاران دەکات.

دەستەی وەبەرهێنانی هەرێمی کوردستان بەرزبوونەوەی بەرچاوی نرخی چیمەنتۆ و شیش و بلۆکی لە بازاڕەکاندا راگەیاند و سێ هۆکاری سەرەکیی تێچوو و ئاڵۆزییەکان لەپشت ئەو گرانبوونەوە ئاشکرا دەکات.

بەڕێوەبەرایەتیی هاتووچۆی هەولێر جەخت لە قەدەغەکردنی راگرتنی ئۆتۆمبێل شەوانە و رۆژێک پێشتر لە نۆرەی بەنزینخانەکاندا دەکاتەوە و هۆشداری دەداتە شۆفێران لە راگرتنی ئۆتۆمبێلەکانیان لە دەوروبەری بەنزینخانە و کۆڵانەکاندا.

لە شاری پاریس و بە ئامادەبوونی سەرۆکوەزیرانی عێراق، وەزارەتی کارەبای عێراق لەگەڵ کۆمپانیای تۆتاڵ ئینێرجیزی فەڕەنسی بنەماکانی رێککەوتنێکی بۆ دابینکردنی گازی شل واژۆ کرد.

پەرلەمانتارێکی فراکسیۆنی نەوەی نوێ لە پەرلەمانی عێراق دەڵێت، حکومەتی ماوەبەسەرچوو هیچ شەرعییەتێکی نەماوە و کۆبوونەوەشی لەگەڵ لایەنەکان بۆ رووسپیکردنەوەی خۆی بەکاردەهێنێت و وتیشی، تەنها نەوەی نوێ کۆبوونەوەی لەگەڵ حکومەتێکی ناشەرعی رەتکردووەتەوە.

پارتی یەکسانی و دیموکراسیی گەلان (دەم پارتی) وردەکاریی کۆبوونەوەی لەگەڵ عەبدوڵڵا ئۆجەلان ئاشکرا کرد، کە تێیدا تاوتوێی هەنگاوەکانی پڕۆسەی چارەسەری و داهاتووی ئاشتی لە ناوچەکەدا کراوە.

مەسعود بارزانی لە پیرمام پێشوازی لە کاربەڕێکەری نوێی باڵیۆزخانەی ئەمریکا لە عێراق کرد و تاوتوێی ئاسایشی ناوچەکەیان کرد.

ئەندامێکی لیژنەی دارایی پەرلەمانی عێراق دەڵێت، وەزارەتی دارایی عێراق بەپێی وادە یاساییەکان لە ١٥ـی تشرینی یەکەمی داهاتوو پڕۆژەیاسای بودجەی گشتیی ساڵی ٢٠٢٧ دەنێرێتە پەرلەمان.

وەزارەتی تەندروستی بڕیاری پێکهێنانی لیژنەیەکی لێکۆڵینەوەی دا لەسەر کەیسی گەنجێکی دەرمانسازی تەمەن ٢٤ ساڵ لە شاری هەولێر، کە پاش ئەنجامدانی دوو نەشتەرگەری و وەرگرتنی دەرزی لە سەنتەرێکی تایبەت، بیناییی چاوێکی بە تەواوی لەدەستداوە.

لە شاری سلێمانی، عەلی باپیر سەرۆکی کۆمەڵی دادگەریی کوردستان، سەردانی بافڵ جەلال تاڵەبانی سەرۆکی یەکێتیی نیشتمانیی کوردستانی کرد و، تاوتوێی گوزەرانی هاووڵاتییان و ئاڵۆزییەکانی ناوچەکەیان کرد و داوایان کرد دەسەڵات هەنگاوی کرداری بۆ چارەسەرکردنی گرفتەکانی خەڵک بنێت.

لە رێوڕەسمێکدا بە سەرپەرشتیی سەرۆک وەزیرانی عێراق و سەرۆکی فەڕەنسا لە کۆشکی ئەلیزێ، هەردوو وڵات سێ رێککەوتن و لێکتێگەیشتنیان لە بوارەکانی وزە، گواستنەوەی ئاسمانی و رەخساندنی دەرفەت بۆ گەنجان واژۆ کرد.

وەزارەتی دارایی حکومەتی ماوەبەسەرچوو خشتەی مووچەی مانگی هەشتی بڵاوکردەوە، بە گوێرەی خشتەکەش، سبەی مووچەی وەزارەتەکانی خانەنشینانی شارستانی و پێشمەرگە دابەش دەکرێت.

قائیمقامیەتی ڕانیە بڕیاریدا بە قەدەغەکردنی هێنانی خواردنەوەی وزەبەخشی جۆری (4U) بۆ سنوورەکەی، ئەوەش بەهۆی زۆربوونی خواست لەسەری لەلایەن منداڵانەوە و بوونی مەترسیی پێکهاتەکانی لەسەر تەندروستییان.

دەستەی دەستپاکیی عێراق ڕایگەیاند، بە تۆمەتی زیادکردنی سەروەت و سامان بە شێوەیەکی نایاسایی، دادگای تاوانەکانی بەرەنگاربوونەوەی گەندەڵی سزای حەوت ساڵ زیندانیکردنی بۆ بەڕێوەبەری گشتیی کۆمپانیای دابەشکردنی کارەبای ناوەند دەرکرد، و پابەندیشی کرد بە گەڕاندنەوەی زیاتر لە ٢٥ ملیار دینار بۆ خەزێنەی دەوڵەت.

وەزارەتی بازرگانیی عێراق دڵنیایی دەدات کە کۆگای ستراتیژیی گەنم و خۆراک بەشی ١٨ مانگی هاوڵاتییان دەکات.

بەرگری شارستانی عێراق رایگەیاند، "بەهۆی لێچوونی غازی ئەمۆنیا لە کارگەی پەینی باشوور لە پارێزگای بەسڕە، دوو کرێکار گیانیان لەدەستدا و زیاتر لە ٥٠ کەسی دیکە بریندار بوون".

وەزارەتی دارایی حکومەتی ماوەبەسەرچوو ڕایگەیاند، زیاتر لە ٨٣١ ملیار دینار وەک پارەی مووچەی مانگی هەشت خرایە سەر هەژماری بانکی وەزارەتەکەیان، دوای تەواوکردنی ڕێکارەکان لیستی مووچە بڵاودەکەرێتەوە و لە نزیکترین کاتدا دەست بە دابەشکردنی دەکرێت.

کەشناسیی هەرێم ڕایگەیاند، ئەمڕۆ و سبەی پلەکانی گەرما چەند پلەیەک دادەبەزن و ئاسمان ساماڵ دەبێت. هاوکات شارەزایەکی کەشناسیش پێشبینی دەکات لەکۆتاییەکانی ئەم مانگە شەپۆلێکی بارانبارین ڕوو لە ناوچەکانی هەرێم بکات.

لە رووداوێکی تەقەکردندا لە کۆمەڵگەی بەنێنانی سنووری بەردەڕەش، شەڕەتەقە لە نێوان دوو بنەماڵەدا ڕوویدا و بە وتەی پۆلیس، لە رووداوەکەدا کەسێک کوژراوە.

پۆلیسی سلێمانی دەڵێت، تۆمەتبارێک لەلایەن مەفرەزەکانی نوسینگەی نەهێشتنی تاوانی سەیدسادقەوە دەستگیرکرا، کە بڕی چوار ملیۆن دیناری لەناو دەغیلەی ماڵێکدا دزیبوو.

دەزگای ئاسایشی هەرێم ڕایگەیاند بەرەبەیانی ئەمڕۆ بە پێنج مووشەك هێرشكرایە سەر زڕگوێزەڵە، شارەزوور و قەرەداغ. هێرشەكان تەنها زیانی ماددییان لێ كەتووەتەوە، هاوکات داوا لە هاوڵاتیان دەكات لە پاشماوەی مووشەكەكان دوور بكەونەوە.

شارەوانیی سلێمانی ئاگادارییەکی بڵاوکردەوە و ڕایگەیاند، شەقامی ڕۆیشتن لە ئاڕاستەی سلێمانییەوە بەرەو کەرکوک بۆ ماوەیەک بەربەست دەکرێت، هاوکات داوا لە شۆفێران دەکات کە شەقامی جێگرەوە بەکاربهێنن.

شەوی ڕابردوو كچێكی ٢٠ ساڵان لە ناو ماڵی خۆیدا لە كۆمەلگەی هیزاوا لە زاخۆ كوژرا، پۆلیسیش دەڵێت، تاوانەكە لە سەر كێشەیەكی كۆمەلایەتی بووە و تاكو ئێستا سێ كەس لە كەسوکاری قوربانییەكە دەستگیركراون.

بەرەبەیانی ئەمڕۆ چه‌ند ده‌نگێكى به‌هێز له‌ سنوورى هه‌ڵه‌بجه ‌و شاره‌زوور بیستران و تا ئێستاش نازانرێت ته‌قینه‌وه‌ى درۆنبووه‌ یان كه‌ره‌سته‌ى دیكه‌ى سه‌ربازیی، بەڵام هاوکاتی ئەو هێرشە مووشەکیانە بوو کە ئەمشەو کرایە سەر زڕگوێزەڵە لە سنووری سلێمانی.

ئەنجامە سەرەتاییەكانی هەڵبژاردنی سوید، ململانێیەكی زۆر نزیكی لە نێوان بەرەی چەپ و ڕاست نیشان دەدەن، بەرەی ئۆپۆزسیۆن بە سەرۆكایەتی پارتی سۆسیال دیموكرات بە جیاوازی یەك كورسی لە پێش هاوپەیمانیی ڕاستڕەوەكانە، ئەمەش وای كردووە داهاتووی حكومەتی نوێ نادیار بێت.

دوای دابەزینی نرخی نەوت لە چەند رۆژی رابردوودا، ئەمڕۆ بەشێوەیەکی بەرچاو نرخەکەی بەرزبووەتەوە و هەر بەرمیلێک لە سەروو ١٠٧ دۆلارەوە مامەڵەی پێوە دەکرێت.

شەوی ڕابردوو بە سێ مووشەک هێرشکرایە سەر کەمپێکی حزەکانی رۆژهەڵاتی کوردستان لە سنووری زڕگوێزەڵە لە پارێزگای سلێمانی و بە وتەی چاوگە ئەمنییەکان هێرشەکە تەنیا زیانی ماددی هەبووە.

میدیایی ئەمریکا بۆ یەكەمجار دیمەنی ڕزگاركردنی ئەو دوو فڕۆکەوانەیان بڵاوکردەوە كە فڕۆكەكەیان لە ناو خاكی ئێران خرابووە خوارەوە، لە ئۆپراسیۆنێكدا كە ٩٠ سەربازی تایبەت و ٢١ فڕۆكە تێیدا بەشدار بوون، توانرا ئەفسەرەكان لە ناوچە شاخاوییەكانی ئەسفەهان ڕزگار بكرێن و بگەڕێندرێنەوە.

بەهۆی داوای چەند وڵاتێکی ناوچەکە و بە مەبەستی رەخساندنی زەمینەی گونجاوتر بۆ دیالۆگ، عومان دواخستنی کۆبوونەوەی شاری سەڵاڵەی راگەیاند، کە بڕیار بوو بە بەشداریی هەشت وڵاتی کەناراوەکانی کەنداو و دەریای عومان بەڕێوەبچێت.

حکوومەتی ئیسپانیا گەڕاندنەوەی زیاتر لە پێنج هەزار و ٣٠٠ کۆچبەری بۆ وڵاتی مەغریب بە شێوەیەکی ئارەزوومەندانە راگەیاند، کە دوای شەپۆلە گەورەکەی کۆچکردنی مانگی تەممووزی رابردوو لە شاری سێوتا مابوونەوە، هاوکات هەوڵەکانیشی بۆ فراوانکردنی توانای وەرگرتنی ناوەندەکانی داڵدەدانی کۆچبەران چڕکردووەتەوە.

لە ئەنجامی دزەکردنی گازی ئامۆنیا لە کۆمەڵگەی پەینی کیمیایی باشوور لە ناوچەی خۆر ئەلزوبێر لە پارێزگای بەسرە، دوو کارمەندی کارگەکە لە نەخۆشخانە گیانیان لەدەستدا و ١٥ـی دیکەش تووشی خنکان بوون.

وەزیری دارایی عێراق جەخت لەسەر بەردەوامیی حکومەت لە پشتیوانیکردنی کەرتی تایبەت و رەخساندنی ژینگەیەکی لەبار بۆ وەبەرهێنان دەکاتەوە، هاوکات ئامادەیی وەزارەتەکەی بۆ هەمەجۆرکردنی ئابووری و پێشکەشکردنی ئاسانکاری بۆ کۆمپانیا ناوخۆیی و نێودەوڵەتییەکان دەردەبڕێت.

لە دەستپێکی گەشتەکەیدا بۆ ئەوروپا کە بڕیارە هەریەک لە فەرەنسا و ئەڵمانیا بگرێتەوە، سەرۆکوەزیرانی عێراق گەیشتە پاریسی پایتەختی فەرەنسا، بۆ بەهێزکردنی پەیوەندییە ئابووری و گەشەپێدان و ئەمنییەکان.

لە شاری هەولێر گەنجێک دوای ئەنجامدانی دوو نەشتەرگەری لە ماوەی ١٠ رۆژدا چاوێکی لەدەستدا، لەکاتێکدا گەنجەکە، پزیشکەکە بە پچڕاندنی تۆڕی چاوی تۆمەتبار دەکات، پزیشکەکەش نەخۆشەکەی لە نەخۆشخانە دەرکردووە و سکاڵای یاسایی لەسەر تۆمار کردووە.

لە گەڕەکی ئاوباریکی سەر بە قەزای رزگاری لە ئیدارەی سەربەخۆی گەرمیان، گەنجێکی تەمەن ٢٠ ساڵ بە فیشەکی دەمانچە گیانی لەدەستدا، بەپێی وتەی کەسوکارەکەی رووداوەکە خۆکوژی بووە و پۆلیسیش لێکۆڵینەوەی دەستپێکردووە.

وەزارەتی کارەبای حکوومەتی ماوەبەسەرچووی هەرێم دەڵێت، نزیکەی ٨٠٠ هەزار هاوبەش لە سەرانسەری هەرێمدا سوودمەند بوون لە داشکاندنی ٥٠٪ـی قەرزی کۆنی کارەبا لە ماوەی چل رۆژدا، ئەمەش وەک هەنگاوێک بەرەو رێکخستنەوەی سیستەمی کۆکردنەوەی کرێی کارەبا هاوشانی پڕۆژەی ڕووناکی.

مەسعوود بارزانی لە پیرمام لە کاتی پێشوازی لە ژمارەیەک کەسایەتی و سەرۆک ‌هۆزی پارێزگاکانی عێراق کرد، جەختی لە بەهێزکردنی پەیوەندیی مێژوویی نێوان کورد و عەرەب کردەوە و رایگەیاند، نابێت ناکۆکییە سیاسییەکان کار بکەنە سەر پێکەوەژیانی پێکهاتەکان.

سەرۆکی شانەی راگەیاندنی ئەمنیی عێراق ئامادەیی تەواوی هێزە ئەمنییەکانی بۆ وەرگرتنەوەی دۆسیەی ئەمنی لە کۆتایی ئەم مانگەدا راگەیاند و هۆشداریشیدا، لە هەوڵی هەندێک لایەن بۆ دروستکردنی ئاژاوە و کەمکردنەوەی توانای هێزە ئەمنییەکان.

بەڕێوەبەرایەتیی گشتیی حەج و عومرەی هەرێمی کوردستان دوا ئاگاداریی ئاڕاستەی ئەو هاووڵاتییانە کرد، کە نامەی ئاگادارکردنەوەیان پێگەیشتووە بۆ چاککردنی کەموکوڕییەکانی فۆڕمی حەج و هۆشداری دەدات، کە رۆژی سێشەممە دوا مۆڵەت دەبێت بۆ راستکردنەوەیان.

لەگەڵ بەردەوامی و قووڵبوونەوەی قەیرانی بەنزین لە هەرێمی کوردستان، لە هەولێر بەهۆی ئاشکرابوونی سەرپێچی و فێڵکردنەوە دەرهێنانی کارتی سووتەمەنی راگیرا، لە سلێمانی و دهۆکیش کەمبوونەوەی پشکی بەنزینی پاڵپشتیکراو و بەرزبوونەوەی نرخەکان، شۆفێرانی تووشی نۆرەگرتنی دوورودرێژ و گرفت کردووە.

شاندێکی وەزارەتی کشتوکاڵ و سەرچاوەکانی ئاوی هەرێمی کوردستان بە سەرۆکایەتی بێگەرد تاڵەبانی لە بەغدان و، دوای کۆبوونەوەیان لەگەڵ وەزیری کشتوکاڵی عێراق، بڕیاریان لەسەر پێکهێنانی لیژنەیەکی باڵای هاوبەشدا بۆ چارەسەرکردنی تەواوی ئاستەنگ و شایستە داراییەکانی جووتیارانی هەرێمی کوردستان.

وەزارەتى خوێندنى باڵای هەرێم چەند ڕێکارێکی رەفتاری پیشەیی مامۆستایانی زانکۆ و رەفتاری قوتابیان و خوێندکارانی زانکۆ بڵاوکردەوە و ئاشکرای کرد، ئەگەر مامۆستای زانکۆ هاوسەرگیری لەگەڵ خوێندکاری خۆی ئەنجام بدات، پێویستە مامۆستاکە بگوازرێتەوە بۆ دەرەوەی بەش و کۆلێژ مافی وانه وتنەوەی لەو بەشه نابیت.

وتەبێژی جوڵانەوەی نەوەی نوێ دەڵێت، لەگەڵ حکومەتێک کۆنابنەوە کە شەرعیەتی نەمابێت. دەشڵێت، هەر هێز و لایەنێک رێز لە دەنگی خەڵک بگرێت شەرعیەت نادات بە حکومەتێک کە حەوت ساڵ پێش ئێستا هەڵبژێردراوە.

وەزارەتی پەروەردەی هەرێم، بڕیاریدا بە کردنەوەی خوێندنی پاراڵێڵ و ئێواران لە سەرجەم پەیمانگەکانی سەر بە وەزارەتەکە بۆ ساڵی خوێندنی (٢٠٢٦-٢٠٢٧)، هاوکات پەیمانگە حکومییەکانیش دەستیان بە وەرگرتنی خوێندکاران کردووە.

هاتووچۆی گەرمیان بڕیاری دا لە سبەینێوە بە بێ پێناسی دیجیتاڵی هیچ مامەڵەیەک لە بەشی تۆمار و مۆڵەت ڕایی نەکات.

چاوگێک لە وەزارەتی دارایی عێراق بە ئێن ئاڕ تی ڕاگەیاند، فالح ساری وەزیری دارایی، واژۆی لەسەر خەرجکردنی مووچەی مانگی هەشتی هەرێم کرد. چاوەڕوان دەکرێت سبەی پارەکە بنێردرێت و دەست بە دابەشکردنی دەکرێت.

وەزیری دارایی عێراق بڕیاری خەرجکردنی ٥٠٠ ملیار دیناری لەپارەی گەنمی جووتیارانی بۆ مانگی نۆ دەرکرد و جەختیشی کردەوە کە خەرجکردنی پارە مانگەکانی داهاتووش بەردەوام دەبێت.

دەستەی دەستپاکیی عێراق ئاشکاری کرد، توانیویانە رێکارەکانی فرۆشتنی دوو موڵکی دەوڵەت لەپارێزگای ئەنبار بەکەمتر لەنرخی ڕاستەقینەیان ڕابگرێت، بەوەش رێگری لەبەهەدەردانی زیاتر لە چوار ملیار دینار لەسامانی گشتی کراوە.

قائیمقامیەتی سلێمانی چەند بڕیارێکی نوێی بۆ ڕێگریکردن لە زیادەڕۆیی و پاککردنەوەی شۆستە و شەقامەکان دەرکرد و هۆشداریش دەدات کە ڕێکاری یاسایی بەرامبەر سەرپێچیکاران دەگیرێتەبەر.

كه‌شناسیی هەرێم رایگه‌یاند، ئه‌مڕۆ و سبه‌ینێ كه‌شوهه‌وای ناوچه‌ جیاجیاكان ساماڵ ده‌بێت و پله‌كانی گه‌رماش تاڕاده‌یه‌ك به‌جێگیری ده‌مێننه‌وه‌.

به‌پێی نوێترین داتاكانی زانیاری وزه‌ی ئه‌مریكا، عێراق له‌ هه‌فته‌ی ڕابردوودا به‌ هه‌نارده‌كردنی ڕۆژانه‌ ٤٦ هه‌زار به‌رمیل نه‌وتی خاو، له‌ پله‌ی ده‌یه‌می گه‌وره‌ترین دابینكه‌رانی نه‌وت بۆ بازاڕه‌كانی ئه‌مریكا جێگیر بووه‌.

هۆشداری دەدرێتە ئەو بریکارانەی کە تا ئێستا پارەی سەبەتەی خۆراکی پێنجیان رادەست نەکردووە و بەڕێوەبەری کەلوپەلی خۆراکی سلێمانیش دەڵێت، دواین وادە رۆژی سێشەممەیە و بەپێچەوانەوە سزایی یاسایی توند دەدرێن.

لە یەکەم سەردانی فەرمیدا بۆ ئەوروپا، سەرۆک وەزیرانی عێراق بە مەبەستی تاوتوێکردنی دۆسیەکانی وزە، ئاسایش و ئابووری لەگەڵ سەرکردەکانی فەرەنسا و ئەڵمانیا کۆدەبێتەوە.

دوای ئەوەی ئێوارەی دوێنێ گەنجێک لەسەر رووباری سیروان خنکا، بەرگری شارستانی گەرمیان جەختدەکاتەوە کە گەڕان بەدوای تەرمەکەیدا بەردەوامە.

شەوی رابردوو لە کەرکوک هێرشکرایە سەر بارەگایەکی سوپای عێراق، دواتر ڕووبەڕووبوونەوە لە نێوان سوپای عێراق و گرووپێکی چەکداری داعش ڕوویداوە.

سەرلەبەیانی ئەمڕۆ هێرش كرایە سەر كەشتییەكی بازرگانی لە دوورگەی قشم و بە گوێرەی میدیاكانی ئێران، لە هێرشەكەدا كەسێك كوژراوە و سێ كەسی تریش بریندار بوون.

عێراق وادەی كردنەوەی سێ دەروازەی سنووری لەگەڵ ئێران دیاریکرد و ڕایگەیاند، لەئەمڕۆوە هاتووچۆی گەشتیاران لە دەروازەکانی شەیب و شەلامچە دەستپێدەکاتەوە.

دەزگای ئاسایشی هەرێم ڕایگەیاند ئەمشەو، لە خورماڵ ئەمیرێك و ٢٢ ئەندامی داعشییان دەستگیر كردووە، گروپەكە كە هەموویان كوردن، چەك و تەقەمەنییان پێ بووە و بە نیاز بوون لە ناوەڕاستی ئەم مانگەدا كردەی تیرۆریستی ئەنجام بدەن، بەڵام لە ئۆپراسیۆنێكی ٩٦ كاتژمێریدا پلانەكەیان پوچەڵكرایەوە.

بە سەرپەرشتی عەلی زەیدی، سەرۆک وەزیرانی عیراق گرێبەستی پەرەپێدان و بەڕێوەبردنی کێڵگەی نەوتی عەجیل لە نێوان کۆمپانیای نەوتی باکوور و کۆمپانیای KEPT واژۆ كرا.

شاندی دانوستانکاری حکومەتیماوەبەسەرچوو لەگەڵ مەکتەبی سیاسی پارتی و فراکسیۆنی ئەو حزبە لە پەرلەمانی عێراق کۆبوونەوە و جەخت لەسەر جێگیرکردنی ماف و شایستە دەستووری و داراییەکانی هەرێم کرایەوە، بە تایبەتی دابینکردنی مووچەی مووچەخۆران بە شێوەیەکی بەردەوام و بێ دواخستن و دوورخستنەوەی پرسی مووچە لە ناکۆکییە دارایی و سیاسییەکان.

پەیامنێری ئێن ئاڕ تی ڕایگەیاند، لەسەر رووباری سیروان نزیک پردی تازەدێ هاوڵاتییەک کە رۆشتووە بۆ مەلە کردن خنکاوە، بەپێی وتەی بەرگری شارستانی گەرمیان گەڕان بەدوای تەرمەکەیدا بەردەوامە.

فەرماندەیی ئاسایشی ناوخۆی سوریا رایگەیاند، بەهۆی رووداوی ئاگرکەوتنەوە لە ناو زیندانی کۆبانێ، حەوت کەس گیانیان لەدەستدا و دەیان کەسی دیکەش بەهۆی دووکەڵ و سووتانەوە بریندار بوون، هاوکات روونی کردەوە کە بەڕێوەبردنی زیندانەکە هێشتا بە فەرمی رادەستی حکومەت نەکراوە.

وتەبێژی فەرماندەی گشتی هێزە چەکدارەکانی عێراق دەڵێت، عێراق و ئێران لێکۆڵینەوەی هاوبەش لەسەر دۆزینەوەی سەکۆی هەڵدانی درۆن لەسەر سنوری نێوان هەردوو وڵات دەکەن.

سەرۆکی یەکێتی دەڵێت، ئیدانەی هێرشەکەی ئەمدواییەی سەر سعودییە دەکات و دەڵێت، پەرەسەندنێکی مەترسیدارە و هەڕەشە لە سەقامگیری عێراق و ناوچەکە دەکات. دەشڵێت، "به‌ توندی ئیدانەی ئه‌م هێرشانە و هه‌ر كرده‌وه‌یەکی توندوتیژ ده‌كه‌ین كه‌ ژیانی هاوڵاتییان بخاته‌ مه‌ترسییه‌وە".

هاتووچۆی سلێمانی بۆ چارەسەرکردنی کێشەی وەرگرتنی کۆدی سەردانیکردن، مەرج و ڕێکارێکی نوێی بۆ هاوڵاتییان ڕاگەیاند و جەخت دەکاتەوە کە لە کاتی پڕکردنەوەی فۆڕمدا دەبێت زانیاری و وێنەی دروستی کەسەکە دابنرێت، بەپێچەوانەوە مامەڵەکانیان ڕایی ناکرێت.

سەرۆک کۆماری عێراق، سەرکۆنەی ئەو هێرشانە دەکات کە کرانە سەر شانشینی عەرەبیی سعودیە و جەختی کردەوە، عێراق بە هیچ شێوەیەک رێگە نادات خاک یان ئاسمانی بۆ دەستدرێژیکردنە سەر وڵاتانی دراوسێ بەکاربهێنرێت.

دەستەی دەروازە سنوورییەکانی عێراق ئاشکرای کرد، ئەو رێکارانەی لە دەروازە سنوورییەکانی هاوبەش لەگەڵ ئێران گیراونەتە بەر، رێکاری کاتیین و ئامانجیان رێکخستنەوەی کارەکان و بەرزکردنەوەی ئاستی ئامادەییە لە ناو هەندێک لە دەروازەکاندا.

سەرۆکی ئەمریکا ئاشکرای کرد، گەرووی هورمز کۆنتڕۆڵ دەکەن و بەمزووانەش شەڕی ئێران کۆتایی دێت. جەختیشی کردەوە دوای کۆتاییهاتنی شەڕ نرخی نەوت بەشێوەیەکی بەرچاو دادەبەزێت.

نەخۆشخانەی رزگاریی فێرکاری لە ئاگادارییەکدا داوا لە هاوڵاتییان و سەردانیکاران دەکات منداڵەکانیان لەگەڵ خۆیان نەبەن بۆ ناو نەخۆشخانە.

نێچیرڤان بارزانی ئیدانەی هێرشکردنە سەر بۆرییەکانی نەوتی سعودیە دەکات و دەڵێت، نابێت خاکی عێراق ببێتە سەرچاوەی هەڕەشە بۆ سەر وڵاتانی دراوسێ.

سەرۆک وەزیرانی عێراق بڕیاریدا بە دوورخستنەوەی بەڕێوەبەری پۆلیسی پارێزگای میسان لە پۆستەکەی و رەوانەکردنی سەرجەم بەڕێوەبەرانی دەزگا ئەمنییەکانی پارێزگاکە بۆ لێکۆڵینەوە.

مقاوەمەی ئیسلامیی عێراق بە ئامانجگرتنی دامەزراوە نەوتییەکانی سعوودیە لە لایەن هێزەکانییەوە ڕەت دەکاتەوە و ئامادەیی خۆشیی بۆ بەشداریکردن لە لێکۆڵینەوەکانی حکومەت بۆ ئاشکراکردنی ڕاستییەکان دەردەبڕێت.

سه‌رۆكی پەرلەمانی عێراق ئیدانەی ئه‌و هێرشانه‌ دەکات كه‌ كرانه‌ سه‌ر خاكی سعودیه‌ و دەڵێت، به‌كارهێنانی خاك یان ئاسمانی عێراق بۆ هه‌ڕه‌شه‌كردن له‌ ئاسایشی وڵاتانی دراوسێ كارێكی به‌ ته‌واوی ڕه‌تكراوه‌یه‌ و له‌گه‌ڵ به‌رژه‌وه‌ندییه‌ باڵاكانی عێراقدا یه‌كناگرێته‌وه‌.

بە مەبەستی پاراستنی سامانی ئاو و ڕێگریکردن لە بەفیڕۆدانی تۆڕەکانی ئاوی ماڵان، لایەنە پەیوەندیدارەکانی شاری کەلار بڕیاریاندا بە سەپاندنی سزای دارایی بەسەر ئەو هاوڵاتییانەی سەرپێچی ڕێنماییەکان دەکەن و ئاو بەفیڕۆ دەدەن.

دوای ئەوەی هەفتەی ڕابردوو نرخی زێڕ ڕووی لە بەرزبوونەوە کرد، ئەمڕۆ نرخەکەی ڕووی لە دابەزین کردەوە و هەر مسقاڵێک نزیکەی پێنج هەزاری لێبووەوە.

کەشناسیی هەرێم بڵاویکردەوە، ئەمڕۆ ئاسمان پەڵەهەور دەبێت و پلەکانی گەرما بە جێگیری دەمێنێتەوە نزیک دەبێتەوە لە تۆمارەکانی دوێنێ، هەروەها سبەینێ ئاسمان نیمچە هەوردەبێت.

شانەی ڕاگەیاندنی ئەمنی بڵاویکردەوە، ئەمڕۆ دەستپێکردنی پڕۆسەیەکی ڕێکخستنەوەی کارگێڕی و ئەمنی لە ژمارەیەک دەروازەی سنووریی عێراق بەڕێوە دەچێت، کە بەهۆیەوە ئەو دەروازانە دادەخرێن، هاوکات هەردوو دەروازەی زرباتیە و مونزیریە بەڕووی گەشتیاراندا کراوەن.

دوێنێ لە شاری کۆبانێ، بەهۆی ناڕەزایەتی دەربڕین لەسەر بڕیاری گواستنەوەی دەستگیرکراوان بۆ زیندانی حەلەب، لەناو بینای ئاسایشی ناوخۆی شارەکە ئاگرکەوتنەوە روویدا و بەهۆیەوە نۆ کەس گیانیان لەدەستدا و ١٧ کەسی دیکەش بریندار بوون.

وتەبێژی وەزارەتی دەرەوەی ئێران ئاشکرای دەکات، دووشەممەی داهاتوو لە وڵاتی عومان کۆبوونەوەی وڵاتانی کەناراوی کەنداو و دەریای عومان بە بەشداریی ئێران و عێراق بەڕێوەدەچێت، بە ئامانجی تاوتوێکردنی رێڕەوێکی سەلامەت بۆ کەشتیوانیی بازرگانی لە گەرووی هورمزدا.

جووتیارانی دەڤەری باڵەکایەتی لە سنووری ئیدارەی سەربەخۆی سۆران، بەهۆی ڕێگریکردن لە ساغکردنەوە و فرۆشتنی بەرهەمە کشتوکاڵییەکانیان گرد بوونەوە و ڕێگەی سەرەکیی نێوان چۆمان - سۆرانیان داخست.

ئەحمەد سەحاف، هەڵسوڕێنەری کارەکانی باڵیۆزخانەی عێراق لە لیبیا ئاشکرای کرد، تاوەکو ئێستا ٣٨٨ کۆچبەری عێراقی گەڕێنراونەتەوە و هەماهەنگیی ئاستبەرز لەگەڵ لایەنە ئەمنییەکانی لیبیا بەردەوامە بۆ رزگارکردنی کۆچبەرانی دیار و نادیار و ئامادەکردنیان بۆ گەڕانەوەی ئارەزوومەندانە.

کۆمپانیای دابەشکردنی بەرهەمە نەوتییەکانی عێراق سەرلەبەری ئەو دەنگۆیانەی رەتدەکاتەووە کە باس لە بەرزبوونەوەی نرخی سووتەمەنی دەکەن و دەڵێت، بەرهەمە نەوتییەکانی تایبەت بە هاووڵاتییان بە نرخە پاڵپشتیکراوەکەی پێشووی خۆیان دەمێننەوە.

لە ماوەی ٢٤ کاتژمێری ڕابردوودا، گۆڕەپانی سەربازی و سیاسیی یەمەن شایەتی ئاڵۆزیی بەرچاو بووە. پاش کۆنترۆڵکردنی بەندەری ستراتیژیی مەخا لەلایەن چەکدارانی حوسییەوە، ئاسایشی کەشتیوانی لە دەریای سوور رووبەڕووی مەترسیی جدی بووەتەوە، لە کاتێکدا هەوڵە نێودەوڵەتی و ناوچەیییەکان بۆ کۆنترۆڵکردنی دۆخەکە بەردەوامن.

سندووقی دراوی نێودەوڵەتیی دەڵێت، سەرەڕای ئاڵۆزییە جیۆپۆلیتیکییەکان، قەیرانی وزە و ئاستەنگەکانی بازرگانی، گەشەی ئابووریی جیهان بۆ ئەمساڵ دەگاتە ٣٪ کە ئەمەش لە ئاستی پێشبینییە سەرەتاییەکان بەرزترە.

دەستەی دەستپاکی عێراق هەڵمەتێکی لە پارێزگای سەڵاحەدین ئەنجامدا و توانی بەڕێوەبەری بەشی وەبەرهێنان لە شارەوانیی تکریت دەستگیر بکات، بە تۆمەتی راییکردنی مامەڵەی وەبەرهێنان و بەخشینی زەوی بە شێوەیەکی نایاسایی و بۆ دەستکەوتی کەسی لەسەر حسابی دەوڵەت.

ئەمڕۆ ٢٥ ساڵ بەسەر هێرشە خوێناوییەکانی ١١ی سێپتەمبەری ساڵی ٢٠٠١دا تێپەڕی، ئەو رووداوەی بڕبڕەی پشتی ئاسایشی نێودەوڵەتیی هەژاند و بووە دەستپێکی گۆڕانکارییەکی ریشەیی لە سەرجەم هاوکێشە سیاسی و سەربازی و جیۆپۆلەتیکییەکانی جیهاندا.

ئاژانسەکان دەڵێن، دۆناڵد ترەمپ سەرۆکی ئەمریکا، داواکارییەکی محەمەد بن سەلمانی شازادەی جێنشینی سعوودیەی بۆ ئەنجامدانی هێرشی سەربازی بۆ سەر حوسییەکان لە یەمەن رەتکردووەتەوە.

بەڕێوەبەرایەتیی پۆلیسی گەرمیان ئاشکرایکرد، ئەو دەنگۆیانەی لەسەر بەردبارانکردن و شکاندنی جامی ماڵ و ئۆتۆمبێلەکان لەلایەن "جنۆکە"وە لە شاری کفری بڵاوکرابوونەوە دوورن لە راستییەوە، دەرکەوتووە چوار منداڵ لەپشت کردەوەکەوە بوون و ئێستاش لەلایەن هێزەکانی پۆلیسەوە دەستگیرکراون.

سەرەڕای بەڵێنەکانی حکوومەت بۆ دابینکردنی کارەبای ٢٤ کاتژمێری و گرانکردنی نرخەکەی، ئاستی پێدانی کارەبای نیشتمانی لە دهۆک و ناوچەکانی دەوروبەری هەولێر بە شێوەیەکی بەرچاو دابەزیوە و هاووڵاتییان رووبەڕووی قەیرانێکی نوێ بوونەتەوە.

حوسییەکان شاری موخای یەمەنیان لە نزیک دەریای سوور و گەرووی بابولمەندەبیان کۆنترۆڵ کرد.

دەزگا ئەمنییەکانی حەسەکە ژمارەیەک لە تۆمەتبارانی تاوانی کوشتنی شەڕڤان (سامی شێخموس حەسۆ)یان دەستگیرکرد، و سیپان حەمۆ بریکاری وەزیری بەرگریی سوریا رایگەیاند، تەواوی ئەنجامدەرانی تاوانەکە کە عەرەبن رادەستی دادگا دەکرێن.

بەڕێوەبەرایەتیی گشتیی کەشناسی و بومەلەرزەزانیی هەرێم بڵاویکردەوە، لە ٤٨ کاتژمێری داهاتوودا پلەکانی گەرما کەمێک بەرزدەبنەوە و ئاسمانی هەرێم بە شێوەیەکی گشتی ساماڵ دەبێت.

نرخی نەوت بەراورد بە دوێنێ دابەزینێکی کەمی بەخۆیەوەبینی، نرخی نەوتی برێنت لە سەرووی ١٠٦ دۆلار و نەوتی تەکساس لە سەرووی ١٠١ دۆلار مامەڵەیان پێوەدەکرێت.

ئەمینداری گشتیی بزوتنەوەی عەسائیبی ئەهلی حەق دەڵێت، هێزەکانی پێشمەرگە دامەزراوەیەکی دەستوورین و چەمکی "داماڵینی چەک" نایانگرێتەوە، هاوکات جەختی لە گرنگی کۆنترۆڵکردنی چەکی گرووپە چەکدارەکان لەلایەن دەزگا ئەمنییەکانەوە کردەوە و ئاماژەی بەوەدا، کە رۆژی ٣٠ـی ئەیلول دەبێتە ساتەوەختێکی یەکلاکەرەوە.

نرخی زێڕ لە بازاڕەکانی جیهاندا بەراورد بە دوێنێ دابەزینی بەخۆوەبینی و ئۆنسەیەک لەو کانزا زەردە گەیشتووەتە چوار هەزار و ٣٢٣ دۆلار.

وەزارەتی گەنجینەی ئەمریکا سزای نوێی بەسەر کۆمەڵێک کەسایەتی و کۆمپانیای عێراقی w لوبنانی و سوریدا سەپاند، کە پەیوەندییان بە ئێران و کەتیبەکانی حزبوڵڵا و حزبوڵڵای لوبنانەوە هەیە.

قوباد تاڵەبانی رایگەیاند یەکێتیی نیشتمانیی کوردستان بەردەوام دەبێت لە هەوڵەکانی بۆ پێکهێنانی کابینەی نوێی حکومەتی هەرێم، بەڵام جەختی کردەوە، دەبێت ئەو حکومەتە لەسەر بنەمای هاوبەشیی راستەقینە بێت و بە بێ جیاوازی خزمەتی هاووڵاتییان بکات.

وەزارەتی خوێندنی باڵا و توێژینەوەی زانستیی هەرێمی کوردستان دەڵێت، لە کۆتایی هەفتەی داهاتوودا سیستەمی زانکۆلاین بۆ دەرچووانی پۆلی ١٢ـی ئامادەیی کارا دەکرێت و زۆربەی ئامادەکارییە تەکنیکییەکانیش بەکۆتا هاتوون.

مەکتەبی سیاسیی پارتی دیموکراتی کوردستان جەخت لەسەر پتەوکردنی هەماهەنگیی سەرجەم لایەنە سیاسییەکانی هەرێم دەکاتەوە بۆ چارەسەرکردنی کێشەکان و پاراستنی قەوارەی هەرێم، لە کاتێکدا یەکێتی و نەوەی نوێ ئامادەیی خۆیان بۆ پێکهێنانی کابینەی نوێی حکومەت رادەگەیەنن.

چەکدارە حووسیەکانی یەمەن دەستیان بەسەر دوورگەکانی زوقر و حەنیشی گەورە و بچووکدا لە باشووری دەریای سوور گرتوو، بەوەش لە کۆنتڕۆڵکردنی رێڕەوت دەریایی بابولمەندەب نزیکدەبنەوە.

سەرۆکوەزیرانی عێراق سەرپەرشتی کۆبوونەوەی پێنجەمی دەستەی باڵای هەماهەنگی نێوان پارێزگاكانی کرد و تێیدا بڕیار لەسەر جێبەجێکردنی دەستپێشخەریی دروستکردنی ١٥ شاری نوێی وەبەرهێنان لە سەرجەم پارێزگاکان و رێکارەکانی دابەشکردنی ملیۆنێک پارچە زەویی نیشتەجێبوون درا.

لە ئەنجامی تەشەنەسەندنی ئاڵۆزییە سیاسیەکان و دروستبوونی مەترسی لەسەر هێڵەکانی دابینکردنی وزە لە رۆژهەڵاتی ناوەڕاستدا، نرخی بەرمیلێک نەوتی خاوی برێنت بۆ زیاتر لە ١٠٧ دۆلار بەرزبوویەوە، نرخی ئۆنسەیەک زێڕیش گەیشتە چوار هەزار و ٤٢٣ دۆلار.

وەزارەتی بازرگانیی عێراق دەستپێکردنی پرۆسەی دابەشکردنی بەشەخۆراکی شەشەمی ئاردی مانگانەی راگەیاند و ئاشکرایکرد، لە قۆناغی یەکەمدا ناوچە هەژارنشینەکان سوودمەندی یەکەم دەبن.

لە گەڕەکی راپەڕینی شاری سلێمانی رووداوێکی تەقەکردن روویدا و بەهۆیەوە هاووڵاتییەک بە سەختی برینار بوو، پۆلیسی سلێمانیش دەڵێت، فەرمانی دەستگیرکردن بۆ تۆمەتبارەکە دەرچووە و بەدواداچوون بەردەوامە.

وەزارەتی پێشمەرگەی حکومەتی ماوەبەسەرچووی هەرێمی کوردستان بە فەرمی کۆتاییهاتنی پرۆسەی یەکخستنەوە و رێکخستنەوەی تەواوەتیی هێزەکانی لە ژێر چەتری وەزارەتەکەدا راگەیاند و دەڵێت، هەرێم دەبێتە خاوەنی سوپایەکی سەردەمیانە و یەکگرتوو.

ئەنجومەنی نوێنەرانی عێراق خوێندنەوەی دووەمی بۆ هەموارکردنەوەی یاسای هاتووچۆ کۆتایی پێهێنا، کە زنجیرەیەک ئاسانکاریی وەک کەمکردنەوەی سزاکان و هەڵوەشاندنەوەی دووقاتکردنەوەی سزاکان و رێگەدان بە رەشکردنی جامی ئۆتۆمبێل و درێژکردنەوەی وادەی بەکاربوونی ساڵانە لەخۆدەگرێت.

حکومەتی عێراق رایدەگەیەنێت سەرەتای هەفتەی داهاتوو سەرۆکوەزیران سەرپەرشتی شاندێکی باڵا دەکات بۆ ئەنجامدانی گەشتێک بۆ هەردوو وڵاتی فەرەنسا و ئەڵمانیا، بە مەبەستی بەهێزکردنی پەیوەندییە ئابوورییەکان و راکێشانی وەبەرهێنانی دەرەکی.

سەرۆکی جووڵانەوەی نەوەی نوێ لەگەڵ باڵیۆزی رووسیا لە عێراق و کونسوڵی گشتیی ئەو وڵاتە لە هەرێمی کوردستان کۆبووەوە و گۆڕانکارییەکانی پێکهێنانی کابینەی نوێی حکومەت و دۆخی ناوچەکەیان تاوتوێ کرد.

ئەمڕۆ دوا مۆڵەتی سوودوەرگرتن لە داشکاندنی ٥٠٪ـی قەرزی کۆنی کارەبا کۆتایی هات و پڕۆژەی رووناکیش درێژکردنەوەی وادەکە رەتدەکاتەوە، لە کاتێکدا زیاتر لە ٦٠٪ـی هاوبەشان قەرزەکانیان گەڕاندووەتەوە.

وتەبێژی وەزارەتی پەروەردەی هەرێم رایگەیاند، ئەنجامی پۆلی ١٢ـی قوتابیان بۆ وەزارەتی خوێندنی باڵا و توێژینەوەی زانستی نێردرا.

لەسەر راسپاردەی بانکی ناوەندیی عێراق، حکومەتی ماوەبەسەرچووی هەرێم بڕیاری لادانی بەپەلەی بۆ سەرجەم نووسینگە و کۆمپانیاکانی تایبەت بە فۆڕێکس و ئاڵوگۆڕی دراوە ئەلیکترۆنییەکان دەرکرد.

بەپێی زانیارییەکان، دادگایکردنی لاهور جەنگی و دەستگیرکراوەکانی لالەزار بۆ هەفتەی داهاتوو دواخرا و رۆژی یەکشممە، ١٣ـی ئەیلوولی ٢٠٢٦، وادەی نوێی دادگاییکردنەکە دیاری دەکرێت.

وتەبێژی فەرماندەیی هێزە چەکدارەکانی عێراق ڕایگەیاند، رۆژی ٣٠ـی ئەم مانگە وادەی کۆتایی دەبێت بۆ کۆتاییهاتنی ئەرکەکانی هاوپەیمانان. دەشڵێت، پڕۆسەی ڕێکخستنی چەک بەردەوامە و هیچ مۆڵەتێکیش بۆ چەکدانانی گروپە چەکدارەکان دیاری نەکراوە و جەختیشی کردەوە، هیچ چەکێک لە دەرەوەی دەسەڵاتی دەوڵەت قبوڵ ناکرێت.

نوێنەرانی مامۆستایان و فەرمانبەرانی گرێبەست لە سلێمانى و هەڵەبجە و گەرمیان و راپەڕین گردبوونەوە و داوا دەکەن لەپڕۆژەى بودجەى عێراقدا پرسی دامەزراندنیان جێگیر بکرێت، ئەگەرنا پەنادەبەنە بەر بایکۆتکردنى دەوام لە فەرمانگە و ناوەندەکانى خوێندن

وەزارەتی پەروەردەی هەرێم ساڵنامەی خوێندنی بۆ ساڵی نوێی (٢٠٢٦ - ٢٠٢٧) پەسەند کرد و ڕۆژی یەکشەممە، ٢٠ـی ئەم مانگەی وەک یەکەم ڕۆژی دەستپێکی ساڵی نوێی خوێندن دیاریکرد، هاوکات خشتەی تاقیکردنەوەکان و پشووە فەرمییەکانیش ئاشکرا کران.

نرخی زێڕ لە بازاڕەکانی جیهاندا بەرزبووەوە و ئۆنسەیەک لەو کانزا زەردە بە چوار هەزار و ٤٠٠ دۆلار مامەڵەی پێوەدەکرێت و لە بازاڕەکانی هەرێمیش هەر مسقاڵێک زێر هەشت هەزار دیناری دیکەی چووەسەر.

هێزەکانی هاوپەیمانان دەستیان بە ڕێکارەکانی کشانەوە لە لە هەرێمی کوردستان کردووە و وەزیری ناوخۆش دەڵێت، نابێت بۆشایی ئەمنی لە عێراق دروست بێت.

لە کەلار، منداڵێکی تەمەن دوو ساڵان کەوتبووە ناو سەتڵێک ئاوەوە و بە خنکاوی گەیەنرایە نەخۆشخانەی فریاکەوتنی کەلار، بەڵام تیمە پزیشکییەکان لە دوایین ساتەکاندا توانییان لە ڕێگەی فریاگوزاریی خێراوە دڵی بخەنەوە کار و دواتریش بەهۆی خراپیی دۆخی تەندروستییەوە ڕەوانەی نەخۆشخانەی شار لە سلێمانی کراوە.

به‌های دۆلار به‌رامبه‌ر دینار له‌ هه‌رێمی كوردستان به‌ به‌رزی مایه‌وه‌ و ١٠٠ دۆلار به‌رامبه‌ره‌ به‌ ١٥٦ هه‌زار دینار، تمه‌نی ئێرانیش تادێت زیاتر داده‌به‌زێت و ١٠٠ دۆلار به‌رامبه‌ره‌ به‌ ٢٣ ملیۆن تمه‌ن.

کونسوڵخانەی گشتیی چین لە هەولێر بەیاننامەیەکی سەبارەت بە گیانلەدەستدانی (محەمەد سەعدەدین هادی)، خوێندکاری دکتۆرا لە زانکۆی زەریای چین بڵاوکردەوە و ڕایگەیاند، تیمێکی تایبەت بۆ لێکۆڵینەوە لە ڕووداوی خنکانی ئەو خوێندکارە پێکهێنراوە و ئامادەیی خۆشیان بۆ هاوکاریکردنی خێزانەکەی دەربڕیوە بەمەبەستی گەشتکردن بۆ چین.

چاوگێکی ئەمنیی ئاشکرای کرد، ئەمڕۆ ئەو تۆمەتبارانەی لەسەر بنەمای دانپێدانانەكانی عه‌دنان جومه‌یلی، بریكاری پێشووی وەزیری نەوتی عێراق دەستگیركراون، دادگایی دەكرێن.

بەپێی نوێترین پێشبینییەکانی کەشوهەوا بۆ ٤٨ کاتژمێری داهاتوو، کەشوهەوای هەرێم بەگشتی جێگیر دەبێت و پلەکانی گەرماش بەراورد بە دوێنێ کەمێک بەرزبوونەوە بەخۆیانەوە دەبینن و گەرمیان گەرمترین و حاجی ئۆمەرانیش فێنکترین ناوچە دەبن.

بەپێی داتای نوێی روانگەی كۆپەرنیكۆس، مانگی ئابی ئەمساڵ بوو بە گەرمترین مانگی ئاب لە مێژوودا و تێكڕای پلەی گەرمای زەوی گەیشتووەتە ١٦.٩٦ پلەی سیلیزی.

وه‌زاره‌تى دادى عێراق ڕایگەیاند، لە ماوەی جێبەجێکردنی یاسای لێبووردنی گشتییەوە، زیاتر لە ١٣ هەزار زیندانی لە زیندان ئازاد کراون، ڕێکارەکانی ئازادکردنی نزیکەی حەوت هەزار سزادراوی دیکەش بەردەوامە.

کارەبایی سلێمانی ڕاگەیاند، ئەمڕۆ کۆتا ڕۆژی داشکاندنی ٥٠٪ی قەرزی کارەبای پێش پرۆژەی ڕووناکییە و وادەکەی بە هیچ شێوەیەک درێژ ناکرێتەوە. تاوەکو ئێستاش نزیکەی ٦٥٠ هەزار کەس لەو داشکاندنە سوودمەند بوون.

بڕیارە ئەمڕۆ، پرۆسەی دادگایکردنی گیراوانی لالەزار بەڕێوەبچێت، وتەبێژی تیمی پارێزەرانی لالەزار ئاشکرای کرد، "لاهوور جەنگی و پێنج گیراوی دیکە دادگایی دەکرێن".

سەرۆکی ئەمریکا، بەڵێنیدا پێنج هەزار دۆلار ببەخشێت بە هەر هاوڵاتییەکی پێگەیشتووی ئەمریکی، بەمەرجێک کۆمارییەکان لە هەڵبژاردنەکانی نیوەی خول لە کۆنگرێس سەرکەوتووبن.

دوای کردنەوەی بازاڕەکانی ئاسیا، نرخی نەوت بەبەهێزی ماوەتەوەو نرخی نەوتی برێنت لەسەرووی ١٠٠ دۆلارەوە مامەڵەی پێوەدەکرێت، هۆکارەکەشی توندبوونەوەی جەنگی نێوان ئێران و ئەمریکایە کەبووەتە جەنگی کەشتییەکان.

سەرۆکی ئەمریکا دەڵێت هێرشی زیاتر دەکەنە سەر ئێران و تا ئێستا نۆ کەشتیی ئەو وڵاتەیان تێکشکاندووە، هاوکات جەختی کردەوە، جەنگی ئێران راستەوخۆ دوای هەڵبژاردنە نیوەییەکانی مانگی تشرینی دووەمی داهاتووی ئەمریکا کۆتایی پێدێت.

ئەنجومەنی پارێزگارانی ئاژانسی نێودەوڵەتیی وزەی ئەتۆم لە بڕیارنامەیەکی نوێدا رەوانەکردنی دۆسیەی ئەتۆمیی ئێرانی بۆ ئەنجومەنی ئاسایشی نەتەوە یەکگرتووەکان پەسەند کرد، لە بەرامبەریشدا ئێران و هاوپەیمانەکانی هۆشداریی دەدەن و بڕیارەکە بە سیاسی و شکستخواردوو ناودەنێن.

نەخۆشخانەی منداڵبوون و ئافرەتان لە کەرکوک رووداوێکی دەگمەنی پزیشکیی تۆمارکرد و تێیدا دایکێک چوار دووانەی کچی بە تەندروستییەکی باشەوە هێنایە دنیاوە.

وەزارەتی کار و کاروباری کۆمەڵایەتیی هەرێمی کوردستان لە بڕیارێکی نوێدا ژمارەی قیستەکانی دانەوەی قەرزی دەستەبەری کۆمەڵایەتیی بۆ خاوەنکاران لە ٢٠ قیستەوە بۆ ٣٠ قیست زیادکرد، بە مەبەستی رەچاوکردنی دۆخی دارایی کەرتی تایبەت و پاراستنی مافی کرێکاران.

بەهۆی نزیکبوونەوەی کۆتاییهاتنی وادەی لێخۆشبوونی ٥٠٪ـی قەرزی کارەباوە، دەوامی کارمەندانی دابەشکردنی کارەبای رۆژهەڵات و رۆژئاوا تا کاتژمێر ٩ی شەوی پێنجشەممە درێژ دەکرێتەوە.

کۆشکی کرملین ئەگەری ئەنجامدانی کۆبوونەوەیەکی لوتکەی سێ قۆڵی لە نێوان ڤلادیمێر پوتین و دۆناڵد ترەمپ و شی جێنپینگ لە مانگی تشرینی دووەمی داهاتوودا ئاشکراکرد، کە بڕیارە لە پەراوێزی لوتکەی (APEC) لە چین بەڕێوەبچێت.

چاوگێک لە وەزارەتی دارایی عێراق بە ئێن ئاڕ تی وت، پارەی تەواوی مووچەی فەرمانبەرانی هەرێمی کوردستان ئامادەیە و ناردنی تەنیا بەندە بە واژۆکردنی نووسراوی تەمویل لەلایەن وەزیری داراییەوە.

شاندی حکومەتی ماوەبەسەرچووی هەرێمی کوردستان بە سەرۆکایەتیی وەزیری سامانە سروشتییەکان بەوەکالەت، لە شاری بەغدا لەگەڵ وەزیری نەوتی عێراق کۆبوونەوە و پرسی ئامادەکردنی پڕۆژەیاسای نەوت و گازیان تاوتوێ کرد.

لە پارێزگای دهۆک نرخی کەرەستەکانی بیناسازی بە شێوەیەکی بەرچاو زیادیکردووە و نرخی تەنێک چیمەنتۆ تەنیا لە ۱۰ رۆژدا ٥٠ هەزار دیناری چووەتە سەر، ئەمەش بازاڕی بیناسازی لە ناوچەکەدا سست کردووە.

لەگەڵ بەردەوامیی شەڕ و پێکدادانەکانی نێوان هێزەکانی حکومەتی یەمەن و حوسییەکان لە پارێزگای تەعەز، پاکستان هەڕەشەی چالاککردنەوەی رێککەوتنی سەربازیی مەککە دەکات لە بەرامبەر هێرشە بەردەوامەکانی حوسییەکان بۆ سەر خاکی سعودیە.

دەستەی دەستپاکی و دەستەی دەروازە سنوورییەکانی عێراق دەڵێن، لە دوو چالاکیی جیاوازدا تۆڕێکی خێزانیی بەرتیل وەرگرتنیان لە پارێزگای بابل دەستگیرکرد و رێگریان کردووە لە بەهەدەردانی زیاتر لە ۳۱ ملیۆن دینار لە دەروازەی زرباتیە.

ئەنجوومەنی باڵای جووڵانەوەی نەوەی نوێ و مەکتەبی سیاسیی یەکێتیی نیشتمانیی کوردستان کۆبوونەوە و لە ڕاگەیێندراوێکی هاوبەشدا ئامادەیی خۆیان بۆ پێکهێنانی کابینەی نوێی حکومەت دەربڕی و دەشڵێن، رێگریکردن لە پێکهێنانی حکومەت زیان بە ژیان و داهاتووی خەڵکی کوردستان دەگەیەنێت.

دەستەی وەبەرهێنانی هەرێمی کوردستان بە فەرمی دەستپێکردنی پرۆسەی هەناردەکردنی گەنمی زیادەی جووتیارانی بۆ بازاڕەکانی دەرەوە راگەیاند، کە بەشێکی هەرە زۆری ئاراستەی تورکیا کراوە.

وەزارەتی گواستنەوەی عێراق ئاشکرای کرد، کەشتییەکی گواستنەوەی سووتەمەنی لەناو ئاوە هەرێمییەکانی عێراق لە لایەن سەرچاوەیەکی نادیارەوە کرایە ئامانج، بەڵام هیچ زیانێکی گیانی و ژینگەیی لێ نەکەوتووەتەوە.

نێچیرڤان بارزانی، واژۆی لەسەر فەرمانێکی هەرێمی کردووە کە تایبەتە بە بەرزکردنەوەی پلەی (٥١٩) ئەفسەر لەسەر میلاکی وەزارەتی ناوخۆ - بەڕێوەبەرایەتیی گشتیی هێزەکانی ئاسایشی ناوخۆ، بڕیارەکە لە ئەمڕۆوە دەچێتە بواری جێبەجێکردنەوە.

وەزارەتی پلاندانانی عێراق لەگەڵ شاندێکی هەرێم کۆبووەوە بۆ تاوتوێکردنی رەشنووسی یاسای بودجەی گشتیی فیدراڵی بۆ ساڵی ٢٠٢٧ و جێگیرکردنی شایستە داراییەکانی هەرێم و لە کۆبوونەوەکەدا درێژە بە تاوتوێکردنی بودجەی وەبەرهێنان بۆ ساڵی داهاتووی ٢٠٢٧ درا.

دەستەی دەستپاکی عێراق ئاشکرای کرد، زیاتر لە ٤١ هەزار باجدەر لە ساڵی ٢٠٢٥ـدا خۆیان لەو باجانە لاداوە، کە لەسەریان بووە بیدەن، هاوکات داوای کرد ڕێکارى یاسایی بگیرێتەبەر بۆ بەهێزکردنی کۆکردنەوەی باج و زیادکردنی داهاتەکان.

شاندى باڵاى هەرێم و وەزارەتى دارایی عێراق لەبەغدا لەکۆبوونەوەدان بۆ رێککەوتن لەسەر پشکى هەرێم لە بودجە.

سبەی سایدێکی شەقامی سەرچنار لە سلێمانی دادەخرێت و نۆژەن دەکرێتەوە، شۆفێران و هاوڵاتیان ئاگادار بن و رێگاکانی دەورووبەر وەک جێگرەوە بەکاربهێنن.

پەرلەمانتارانی نەوەی نوێ لە ڕێگەی نوسراوێکی فەرمییەوە داوایان لە سەرۆک وەزیرانی عێراق کردووە بەرمیلێک نەوتی سپی بە نرخی پاڵپشتیکراو بۆ هەر خێزانێکی هەرێم دابین بکات.

لەسەر پێکهێنانی حکومەتی هەرێم، وا بڕیارە پاش کەمێکی دیکە ئەنجومەنی باڵای نەوەی نوێ و مەکتەبی سیاسیی یەکێتی بە سەرۆکایەتی شاسوار عەبدولواحید و بافڵ تاڵەبانی کۆببنەوە.

پزیشکانی دانەمەزراو لە هەرێم، گردبوونەوە و یاداشتنامەیەکی ناڕەزایەتییان ئاڕاستەی حکومەتی ماوەبەسەرچوو کرد، کە تێیدا داوا دەکەن لە کۆبوونەوەی لیژنە داراییەکانی عێراق و هەرێمدا فشار بکرێت بۆ جێگیرکردنی ڕاژەی دەرچووانی پزیشکی لە بەشە بودجەی ساڵی٢٠٢٧دا.

لە بازاڕەکاندا بەهای دینار بەرامبەر بە دۆلار بەشێوەیەکی بەرچاو ڕووی لە دابەزین کرد و ئەمڕۆ ١٠٠ دۆلار بەرامبەر ١٥٦ هەزار دینار مامەڵەی پێوەکرا.

لەگەڵ بەرزبوونەوەی نرخی نەوت لە بازاڕی جیهانیدا، نرخی زێڕیش گران بوو و لە بازاڕەکانی هەرێم هەر مسقاڵێک هەشت هەزار دیناری دیکەی چووەسەر و مسقاڵێک زێری عەیارە ٢١ بە ٩٦٣ هەزار دینار مامەڵەی پێوەدەکرێت.

نمایشکردنی بڕێکی خەیاڵی لە زێڕ و زێو لە ئاهەنگی هاوسەرگیریدا، خاوەنەکەی ڕەوانەی زیندان کرد، محەمەد فاتیح تانچاڵان، ئەو بازرگانەی کە لە تۆڕە کۆمەڵایەتییەکاندا بە "قەرە حەیدەری وان" ناسراوە، دوای ئەوەی لە ئاهەنگەکەیدا بڕێکی زۆر زێڕی بۆ هاوسەرەکەی کڕیبوو، بە تۆمەتی سیپکردنەوەی پارە لەلایەن دادگاوە سزایی زیندانیکردنی بۆ دەرکرا.

ئەنجومەنی وەزیرانی عێراق بە سەرۆکایەتی عەلی زەیدی، چەند بڕیارێکی لە بوارەکانی ئابووری، وزە و کارگێڕی دەرکرد کە گرنگترینیان ڕاگرتنی گەشتە دەرەکییەکانی (ئیفاد) فەرمانبەران و کەمکردنەوەی خەرجییەکانیانە بە ڕێژەی ٦٠٪، لەگەڵ دیاریکردنی بڕی هەناردەی نەوت بۆ تورکیا لە چوارچێوەی ڕێککەوتنی ئاودا.

بڕیارە سبەینێ ئەنجوومەنى وەزارەتى پەروەردەی هەرێم کۆببێتەوە و یەکەم ڕۆژى ساڵى نوێى خوێندن دیاریی بکات، بەپێی زانیارییەکان چاوەڕواندەکرێت بکەوێتە دوایی ٢٠ـی ئەم مانگە.

گرژییەکانی نێوان ئەمریکا و ئێران گەیشتە ئاستێکی نوێ و لە نوێترین پەرەسەندنیشدا، هێرشی مووشەکی و ئۆپەراسیۆنی سەربازی لە ناوچەکانی کەنداو و ئوردن ئەنجامدران.

دوای ئەوەی درەنگانی شەوی رابردوو فەرماندەیی ناوەندی هێزەکانی ئەمریکا ڕایگەیاند، پێنج کەشتی نەوتهەڵگری ئێرانیان کردووەتە ئامانج، لە تۆڵەی ئەو هێرشەدا سوپای پاسدارانی ئێران بەرەبەیانیی ئەمڕۆ بە مووشەکی بالیستی هێرشی کردە سەر بنکەی ئاسمانیی ئەزرەقی ئەمریکی لە وڵاتی ئوردن.

به‌هۆی مه‌ترسی و نیگه‌رانی به‌رده‌وامی ململانێكان و هه‌ڕه‌شه‌كان له‌سه‌ر گه‌رووی هورمز كه‌ شاده‌مارێكی سه‌ره‌كی هه‌نارده‌كردنی نه‌وتە بۆ هەموو جیهان، نرخی نەوت جارێکی دیکە بەرزبووەوە و نرخی بەرمیلێکی نزیک دەبێتەوە لە ١٠٠ دۆلار.

ئەمریکا کەشتییەکی نەوتهەڵگری ئێرانی لە نزیک دوورگەی خارگ کردە ئامانج، سوپای پاسدارانیش دەستبەسەرداگرتنی ژێردەریاییەکی بێسەرنشینی ئەمریکی راگەیاند، بەڵام سێنتکۆم رەتیدەکاتەوە ئەو درۆنە ئامێری هەستیاری تێدابووبێت.

ئیلهام ئەحمەد سیاسەتمەداری دیاری رۆژئاوای کوردستان دەڵێت، سەرجەم هەنگاوەکانی ناوچەکانی باکوور و رۆژهەڵاتی سوریا بە رێککەوتنی هاوبەش لەگەڵ دیمەشق ئەنجامدەدرێن، هاوکات جەختی لە چەسپاندنی مافەکانی کورد لە دەستوری نوێ و چوونی هێزەکانی هەسەدە بۆ ناو سوپای سوریا کردەوە.

میدیاکانی ئێران دەڵێن، تاران و واشنتن لە رێگەی نێوەندگیرەکانەوە سەرقاڵی ئاڵوگۆڕی مەرج و پێشنیازی نوێن بۆ دەستپێکردنەوەی دانوستانەکان، لە کاتێکدا سەرۆکایەتیی کۆماری ئێران جەخت لەسەر پابەندبوون بە یاداشتی لێکتێگەیشتنی پێشوویان دەکاتەوە و ناکۆکیی سەرەکیی هەردوولاش لەسەر ئاسایشی گەرووی هورمز چڕبووەتەوە.

دەستەی راگەیاندنی ئەمنی عێراق رێککەوتنێکی ئاسایشی هاوبەشی لەنێوان حکومەتی فیدراڵی و هەرێمی کوردستان راگەیاند کە 17 خاڵی ستراتیژیی لەخۆدەگرێت، بە ئامانجی کۆنتڕۆڵکردنی سنوورەکان و دەروازەکان و یەکخستنی بڕیاری ئەمنی هاوشانی نزیکبوونەوەی کاتی کشانەوەی هێزەکانی هاوپەیمانان.

قەیرانی بەنزینی 750 دیناری لە هەرێمی کوردستان تووندتر بۆتەوە، لە کاتێکدا لە سلێمانی و دهۆک بڕی دابەشکردنی بەنزین کەمکراوەتەوە، لە هەولێریش مەرجی کارتی نیشتمانیی دانراوە و لە هەڵەبجەش شۆفێران لەسەر نۆرەگرتنی پێشوەختە سزادەدرێن.

بەهۆی رووداوێکی تەقەکردن لەلایەن کەسێکەوە بۆ سەر ماڵی دراوسێیەکیان لە قەزای رزگاری لە ئیدارەی گەرمیان، کوڕێکی تەمەن ١٨ ساڵ گیانی لەدەستدا و کچێکیش بریندار بوو، پۆلیسی گەرمیانیش دەستگیرکردنی تۆمەتباری رووداوەکەی راگەیاند.

ئەنجومەنی راژەی گشتیی فیدراڵی لە عێراق دەڵێت، کە تەواوی ئامادەکارییە تەکنیکییەکانی بۆ کاراکردنی فۆرمی دامەزراندن ئەنجامداوە، بەڵام کاراکردنی فۆرمەکە بەستراوەتەوە بە پەسەندکردنی یاسای بودجەی گشتی و دابینکردنی پلەی وەزیفی و تەرخانکراوی دارایی.

سەرۆکی ئەمەریکا جەخت لەسەر کاریگەریی بێوێنەی گەمارۆکانی وڵاتەکەی بۆ سەر ئێران دەکاتەوە و دەڵێت، ئامانج لە هەنگاوە سەربازی و ئابوورییەکان رێگریکردن بووە لە دەستگەیشتنی تاران بە چەکی ئەتۆمی و رێگریکردن لە دووبارەبوونەوەی رووداوەکانی هاوشێوەی ١١ـی سێپتەمبەر.

لە چوارچێوەی بەهێزکردنی پەیوەندییە ئابوورییەکانی نێوان بەغدا و ئەنقەرە، بڕیارە لە ئایندەیەکی نزیکدا پڕۆژەی دروستکردنی دەروازەیەکی نوێی سنووری لە ناوچەی فیشخابوور بچێتە قۆناغی جێبەجێکردنەوە، کە لە رێگەی تەلەعفەرەوە دەبەسترێتەوە و دەبێتە پاڵپشتێکی بەهێز بۆ پڕۆژەی ستراتیژیی رێگەی گەشەپێدان.

عێراق و تورکیا رێککەوتوون لەسەر پڕۆژەی دروستکردنی پاڵاوگەیەکی هاوبەشی نەوت لە بەندەری جەیهانی تورکیا لە چوارچێوەی رێککەوتننامەیەکی گشتگیری وزەی نێوانیاندا، کە بڕیارە ساڵی داهاتوو واژۆ بکرێت

وەزیری خوێندنی باڵا و توێژینەوەی زانستی حکومەتی ماوەبەسەرچووی هەرێمی کوردستان دەڵێت، سەرجەم ئامادەکارییەکان بۆ کاراکردنی زانکۆلاین تەواو بوون و بە وەرگرتنی داتاکانی وەزارەتی پەروەردە رادەگەیێندرێت، جەختیسی کردەوە، پلان و توانای پێویستیان هەیە بۆ وەرگرتنی تەواوی دەرچووانی ئەمساڵ و ساڵانی رابردووش.

شاندێکی باڵای حکومەتی ماوەبەسەرچووی هەرێمی کوردستان بە مەبەستی بەشداریکردن لە ئامادەکردنی رەشنووسی پڕۆژەیاسای بودجەی گشتیی فیدڕاڵ بۆ ساڵی ٢٠٢٧ و جێگیرکردنی پشکی هەرێم گەیشتە بەغدا.

گروپە چەکدارەکانی عێراق دەڵێن، پرسی کۆکردنەوەی چەک لە دەستی دەوڵەتدا بەستراوەتەوە بە بەدیهێنانی سەروەریی تەواوەتی بۆ وڵات، هاوکات رێکەوتی ٣٠ی ئەیلولی داهاتوویان وەک تاقیکردنەوەیەک بۆ جدییەتی ئەمریکا و هاوپەیمانان لە کشانەوەیان لە عێراق ناوبرد.

دەستەی گشتیی مامۆستایانی گرێبەست لە هەرێمی کوردستان هۆشداریی تووند دەداتە لایەنە پەیوەندیدارەکان و رۆژی پێنجشەممە ١٠ی ئەیلوولی ٢٠٢٦ی وەک وادەی ئەنجامدانی گردبوونەوەی سەرتاسەری راگەیاند، بە مەبەستی بەدیهێنانی داواکاریی سەرەکییان کە دامەزراندنی هەمیشەیییە بەبێ هیچ مەرجێک.

لە ئۆپەراسیۆنێکی مەیدانیدا بۆ بنبڕکردنی گەندەڵی، دەستەی دەستپاکی عێراق لە پارێزگای سەڵاحەددین توانیویانە بەرپرسی بەشی موڵکایەتی لە بەڕێوەبەرایەتیی شارەوانیی تکریت و فەرمانبەرێکی هەمان بەش دەستگیر بکەن، دوای سەلماندنی تێوەگلانیان لە دەستبەسەرداگرتنی زەویی هاوڵاتییان.

وەزیری دەرەوەی ئێران لە پەیامێکی نوێیدا دەڵێت، گەڕانەوەی ئەمریکا بۆ جێبەجێکردنی ڕێککەوتنی ئیسلامئاباد دەبێتە هۆی ئاساییبوونەوەی بارودۆخی ناوچەکە.

رێکخراوی ئایندە بۆ پاراستنی ژینگە هۆشداریی لە تێکچوونی ژینگە و لەناوچوونی دارستانەکانی هەرێم دەدات و داوا دەکات حکومەت پێش هاتنی وەرزی سەرما، سوتەمەنی بەسەر هاوڵاتییاندا دابەش بکات.

نوێنەرانی هەڵگرانی بڕوانامەی باڵای دانەمەزراو لە هەرێم، کە ژمارەیان ٧٢٩ کەسە، لە راگەیەندراوێکی فەرمیدا ڕایانگەیاند، داواکارییەکانیان ئاراستەی سەرۆکایەتیی هەرێم، حکومەت و لایەنە پەیوەندیدارەکان کرد بۆ یەکلاکردنەوەی دۆسیەی دامەزراندنیان. ئەم خاوەن بڕوانامانە کە دەرچووی ساڵانی ٢٠٠٨ تا ٢٠٢٦ـن.

وەزیری نەوتی عێراق بۆ ئێن ئاڕ تی ئاشکرا کرد، هەناردەی نەوتی عێراق سێ ملیۆن بەرمیلی رۆژانەی تێپەڕاندووە و جەختیشی کردەوە کە بەرزکردنەوەی توانای بەرهەمهێنان و هەناردە، پەرەپێدانی پاڵاوگەکان و وەبەرهێنانی غاز لە کارە لەپێشینەکانی قۆناغی داهاتوون.

شارەوانیی سلێمانی ئاگاداریی شۆفێران و هاوڵاتییانی سلێمانی دەکات، بە مەبەستی خێرا کارکردن لە یەکتربڕی شەوکەت حاجی موشیر، سایدی رۆیشتن لە شەقامی بازنەیی مەلیک مەحمود بە ئاڕاستەی چوارڕیانی سەرچنار دادەخرێت.

کەشناسیی هەرێم بڵاویکردەوە، ئەمرۆ پلەکانی گەرما نزمدەبنەوە دوو بۆ سێ پلەی سیلیزی و لەگەڵ ئەگەری بەرزبوونەوەی تۆزێکی سوک لە کاتەکانی ئێوارە و شەودا لە ناوچەکانی ناوەڕاست و ڕۆژهەڵاتی هەرێم، سبەینێ پلەکانی گەرما نزمدەبێتەوە و لەگەڵ ئەگەری بوونی پەڵەهەور لە کاتەکانی ئێوارە.

قەیرانی سووتەمەنی لە هەرێم بەردەوامە و چاوەڕواندەکرێت ئەم هەفتەیە پەرلەمانى عێراق بڕیار لەسەر شێوازى چارەسەرکردنى قەیرانى بەنزین لە هەرێم بدات، سامانە سروشتیەکانی هەرێمیش دوو پێشنیارى نوێی لەو بارەیەوە خستەڕوو، پەرلەمانتارێکی نەوەی نوێش کە ئەندامى لیژنەکەى پەرلەمانى عێراقە بۆ لێکۆڵینەوە لە ٥٠ هەزار بەرمیل نەوتەکەى هەرێم دەڵێت، پێشنیارەکانى سامانە سروشتییەکان بۆ چارەسەرکردنی کێشەی بەنزین نییە.

هاتووچۆی کۆیە ڕایگەیاند، لە ڕووداوێکی سەختیی هاتووچۆدا لەسەر رێگای کۆیە – سماقوڵی کەسێک گیانی لەدەستدا و دوو کەسیش برینداربوون.

شەوی رابردوو لە گەڕەکی کۆماریی قەزای خورماتوو، مێردمنداڵێکی تەمەن ١٦ ساڵ دوای ئەوەی حەوت دەفتەر دۆلاری خێزانەکەی لە یارییەکی تیکتۆکدا دۆڕاند، لەلایەن باوک و خاڵییەوە بە سەختی ئەشکەنجەدرا و پێش گەیشتنی بە نەخۆشخانە گیانی لەدەستدا.

سەرۆکی ئەمریکا دەڵێت، وڵاتەکەی لە جەنگی دژ بە ئێران سه‌ركه‌وتن به‌ده‌ست دەهێنێت و ئەمەش دەبێتە هۆی نزمبوونەوەی نرخی نەوت لە تەواوی جیهاندا، دەشڵێت به‌شێكی زۆری هه‌نارده‌كردنی نه‌وت له‌ ڕێگه‌ی گه‌رووی هورمزه‌وه‌ پارێزراو دەبێت.

وتەبێژی حەج و عومرەی کوردستان دەڵێت، ناوی حاجییان و کۆمپانیاکانی تایبەت بە حەج و عومڕە بۆ ساڵی ٢٠٢٧ لە رێگەی تیروپشکی ئەلکترۆنییەوە ئاشکرا دەکرێن. دەشڵێت، پشکی هەرێم بۆ حەج پێنج هەزار کەسە لە کاتێکدا، تا ئێستا ١١٦ هەزار هاوڵاتی فۆرمیان پڕکردووەتەوە.

بەڕێوەبەری نەخۆشخانەی نانەکەلی بۆ شێرپەنجە و خوێن لە شاری هەولێر ئامارێکی دڵخۆشکەر لەبارەی چاکبوونەوەی توشبووانی شێرپەنجە ڕاگەیاند و ئاشکرای کرد، رێژەی چاکبوونەوە لە ئاستێکی زۆر بەرزدایە و گەیشتووەتە ٧٥٪ـی توشبووان.

شاندێکی وەزارەتی دارایی هەرێم بۆ گفتوگۆکردن سەبارەت بە بودجەی ساڵی داهاتوو، لە بەغدایە و بڕیار وایە ئەمڕۆ لەگەڵ وەزارەتی دارایی عێراق، پەیوەست بە بودجە کۆببنەوە.

ئەو گەنجەی ماوەی نزیکەی دوو رۆژ بوو لە رواندز بێ سۆراغ بوو ئەمڕۆ تەرمەکەی لە گەلی دۆزراوەتەوە و بەرگری شارستانی سۆرانیش دەڵێت، تیمەکانیان ئێستا سەرقاڵی گەڕاندنەوەیین.

بەرپرسانی سعودیە لە راگەیەندراوێکی فەرمیدا ئاشکرایانکرد، بەهۆی هێرشی حووسییەکان بۆ سەر چەند شاری باشووری سعودیە، دەیان کەس برینداربوون.

نرخی نەوت بەردەوامە لە بەرزبوونەوە و نرخی بەرمیلێکی ٩٧ دۆلاری تێپەڕاند، ئەوەش به‌هۆی نیگه‌رانی له‌ به‌رده‌وامی ململانێكان و په‌ره‌سه‌ندنه‌وه‌ی گرژییه‌كان له‌ نێوان ئه‌مه‌ریكا و ئێران و نه‌گه‌یشتنی نه‌وتی پێویست بۆ بازاڕه‌كانی جیهان.

چوارچێوەی هەماهەنگی لە کۆبوونەوەی خولیی خۆیدا چەند پرسێکی ستراتیژیی سیاسی و یاسایی تاوتوێ کرد، لەوانەش یەکلاکردنەوەی وەزیرە ماوەکانی ناو کابینەی حکوومەت و خێراکردنی هەنگاوەکان بۆ پەسندکردنی یاسای نەوت و گاز.

سەرۆک کۆماری تورکیا دەڵێت، تەواوی وڵاتانی ناوچەکە و ئابووریی جیهان باجی ئەو شەڕ و ئاڵۆزییانە دەدەن، کە بەهۆی پێشێلکاری و کردەوە سەربازییەکانی ئیسرائیلەوە لە رۆژهەڵاتی ناوەڕاستدا دروستبووە.

راوێژکاری دارایی سەرۆکی وەزیرانی عێراق دەڵێت، بەهۆی ئاڵۆزییەکانی گەرووی هورمزەوە، بەغدا بەدوای رێگەی جێگرەوە و وڵاتانی دراوسێدا دەگەڕێت بۆ هەناردەکردنی نەوتەکەی، بە ئامانجی پاراستنی ئاستی هەناردەی رۆژانەی کە دەگاتە زیاتر لە سێ ملیۆن بەرمیل.

نرخی نەوت بەرزترین ئاستی خۆی لە ماوەی شەش هەفتەی رابردوودا تۆمار کرد، ئەوەش بەهۆی راگرتنی بەشێک لە هەناردەی نەوتی رۆژهەڵاتی ناوەڕاست و ئاڵۆزییە سەربازییەکانی نێوان ئەمریکا و ئێران لە گەرووی هورمز.

پەرلەمانی عێراق خشتەی کاری دانیشتنی ژمارە (١٨)ی بڵاوکردەوە، کە بڕیارە رۆژی پێنجشەممە، ١٠ی ئەیلولی ٢٠٢٦ بەڕێوەبچێت، کە تێیدا خوێندنەوەی یەکەم و دووەم بۆ سێ پڕۆژەیاسا لە بوارەکانی خزمەتگوزاری و ئاودێری و هاتووچۆ دەکرێت.

بەهۆی کەمبوونەوەی کاتژمێرەکانی پێدانی کارەبای ٢٤ کاتژمێری و بەرزبوونەوەی نرخی ئەمپێری مۆلیدە، بەشێک لە هاوڵاتیانی شاری هەولێر گردبوونەوە، لە کاتێکدا کێشەی تەکنیکی و کەمبوونەوەی بەرهەمهێنان تۆڕی کارەبا لە سلێمانی و دهۆکیش تووشی پچڕان کردووە.

سەرۆکوەزیرانی عێراق وەزارەتی دارایی راسپارد بۆ دابینکردنی پلەی دامەزراندن بۆ دەرچووانی کۆنی زانکۆ و پەیمانگاکان لە چوارچێوەی پڕۆژەیاسای بودجەی ٢٠٢٧دا.

بەڕێوەبەری نەخۆشخانەی نانەکەلی تایبەت بە شێرپەنجە و خوێن لە هەولێر ئاشکرایکرد، رێژەی چاکبوونەوە لە نەخۆشی شێرپەنجە لە هەرێمی کوردستان گەیشتووەتە ٧٥٪، بەڵام ساڵانە تاوەکو ١٨٠٠ حاڵەتی نوێی توشبوون تۆمار دەکرێن.

پەرلەمانتار یاسر سەلاح پێشنیازێکی ئاڕاستەی سەرۆکایەتیی پەرلەمانی عێراق کردووە، بۆ گۆڕینی سرودی نیشتمانی و پێکهێنانی لیژنەیەکی تایبەتمەند بۆ ئامادەکردنی سروودێکی نوێ.

بەڕێوەبەری گشتیی دەستەی گومرگی عێراق دەڵێت، ناوەڕاستی مانگی داهاتوو رێوشوێنی کرداریی بۆ جێبەجێکردنی سیستمی نوێی گومرگی (ئەسیکۆدا) لە هەرێمی کوردستان دەستپێدەکات و سەرجەم خاڵە سنورییە نافەرمییەکانیش دادەخرێن.

بەپێی نووسراوێکی فەرمیی وەزارەتی پەروەردەی حکومەتی ماوەبەسەرچووی هەرێم، ژمارەیەک بەڕێوەبەری پەروەردە لە سنووری هەولێر و سلێمانی لە پۆستەکانیان بەخشران و کەسانی نوێ بەوەکالەت لە شوێنەکانیان راسپێردران.

دەزگای ئاسایشی هەرێمی کوردستان دەڵێت، بەرەبەیانی ئەمڕۆ بە سێ درۆن کەمپی پەنابەرانی رۆژهەڵاتی کوردستان لە ناوچەی سورداش کراوەتە ئامانج، بەڵام هێرشەکە هیچ زیانێکی گیانیی لێنەکەوتووەتەوە.

چاوگێک لە وەزارەتی دارایی عێراق بە ئێن ئاڕ تی راگەیاند، پڕۆسەی دابەشکردنی مووچە لە عێراق لە کۆتایی نزیکبووەتەوە و چاوەڕوان دەکرێت لەم هەفتەیەدا تەمویلی مووچەی مووچەخۆرانی هەرێمی کوردستان رەوانە بکرێت.

مەسعود بارزانی لە هەولێر پێشوازیی لە عەممار حەکیم سەرۆکی رەوتی حیکمەی نیشتمانیی کرد، جەختیان لەسەر چارەسەرکردنی کێشەکانی نێوان هەرێمی و بەغدا لەسەر بنەمای دەستوور کردەوە.

کاوە عەبدولقادر، پەرلەمانتاری نەوەی نوێ و ئەندامی لیژنەی نەوت و غاز لە پەرلەمانی عێراق ئاشکرای کرد، وەڵام و پێشنیارەکانی حکومەتی ماوەبەسەرچوو بۆ بەغدا هەوڵ نییە بۆ چارەسەرکردنی کێشەی بەنزین، بەڵکو تەنیا بۆ بەدەستهێنانی بڕێکی زیاتری بەنزینە بە مەبەستی بازرگانیکردن.

باندێک کە بەنیاز بوون ئۆتۆمبێلی بێسەرەتا بە قاچاخ لە بەغداوە بهێننە شارەکانی هەرێمی کوردستان ئەمڕۆ لەلایەن پۆلیسی دیالەوە دەستگیرکران.

نیوەرۆی ئەمڕۆ بومەلەرزەیەک بە گوڕی ٤.٣ بە پلەی ریختەر ناوچە سنوورییەکانی هەرێم و رۆژهەڵاتی کوردستانی هەژاند.

وەزارەتی دارایی بڕیاریدا، کەمترین مووچەی مانگانەی خانەنشینی بۆ کرێکارانی کەرتی تایبەت بە بڕی ٥٠٠ هەزار دیناری عێراقی دیاری دەکرێت.

وەزارەتی سامانە سروشتییەکانی هەرێم داوایەکی ئاڕاستەی بەغدا کردووە بۆ دابینکردنی بەنزینی ٤٥٠ دیناری، دوو پێشنیاریشی هەیە بۆ رادەستکردنی ٥٠ هەزار بەرمیلەکە.

وەزارەتی دارایی هەرێم ڕێنمایی نوێی مۆڵەتی بێ مووچەی بڵاوکردەوە و بەپێی ڕێنمایییەکە، ماوەی مۆڵەتەکە لە پێنج ساڵەوە بووە بە دوو ساڵ و پێویستە فەرمانبەر هۆکاری پێویستی بۆ وەرگرتنی مۆڵەتەکە هەبێت و ئەو ماوەیەشی بە خزمەت بۆ هەژمار ناکرێت.

بڕیارە پەرلەمانی عێراق، دانیشتنی ژمارە ١٦ـی خۆی لە چوارچێوەی خولی هەڵبژاردنی شەشەم، ساڵی یەکەمی یاسادانان و وەرزی دووەمدا ئەنجامبدات، کە تێیدا خوێندنەوەی یەکەم بۆ سێ پڕۆژەیاسا ئەنجام دەدات.

٣٣ کۆچبەری کورد کە بەهۆی بێکارییەوە هەرێمیان بەجێهێشتبوو لە لیبیاوە گەڕێندراونەوە و بەرەبەیانی ئەمڕۆ گەیشتنەوە فڕۆکەخانەی هەولێر.

دەستەی دەستپاکی عێراق تۆڕێکی ساختەکاری و دەستکاریکردنی رێکارەکانی تەرخانکردن و تاپۆکردنی ژمارەیەک زەویوزاری لە شارەوانیی ناسریە ئاشکراکرد و دەستیان بەسەر نووسراوێکدا گرتووە کە تایبەت بووە بە تاپۆکردنی ١٠٤ زەویی کە بەهای هەر یەکێکیان بە نزیکەی ١٠٠ ملیۆن دینار مەزەندە دەکرێت.

وەزارەتی سەرچاوەکانی ئاوی عێراق دەڵێت، ئاستی ئاوی هەردوو ڕووباری دیجلە و فورات بەراورد بە ساڵی ڕابردوو بەرزبوونەوەیەکی بەرچاوی بەخۆیەوە بینیوە، جەختیش دەکاتەوە کە بەردەوامن لە ڕێکارەکانیان بۆ زیادکردنی یەدەگی ستراتیژی و ئامادەکاری بۆ هەر شەپۆلێکی لافاو.

کەشناسی هەرێم ڕایگەیاند، پلەکانی گەرما دادەبەزن و ئەگەری خۆڵبارینێکی کەمیش هەیە، شارەزایەکی کەشناسیش پێشبینی دەکات شەپۆلێکی بارانبارین بەشێک لە ناوچە شاخاوییەکانی هەرێم بگرێتەوە و دەڵێت، "بارانبارین لەم کاتەی ساڵدا بە "کەپرەشینە" ناسراوە و نیشانەیە بۆ هاتنی پایزێکی پڕباران".

هێزە ئەمنییەکانی کەرکووک بۆ ماوەی کاتژمێرێک ناوچەی نزیک بەنزینخانەی ئیسکانیان بەهۆی گومان لە بۆمبڕێژکردنی دوو ئۆتۆمبێل گەمارۆ دا، بەڵام دواتر دەرکەوت شۆفێرەکانیان بۆ نۆرەی بەنزین ئۆتۆمبێلەکانیان بەجێهێشتووە.

لە پارێزگای دهۆک، پێدانی کارەبای نیشتیمانی لە پرۆژەی ناوبراو بە ٢٤ کاتژمێری بۆ کەمتر لە ١٦ کاتژمێر کەم بووەتەوە، و رۆژانە شەش بۆ ١٠ کاتژمێر کارەبا لە هاوڵاتییان دەبڕدرێت.

لیژنەی سووتەمەنی قائیمقامیەتی مەڵبەندی هەڵەبجە چەند مەرجێکی بۆ وەرگرتنی بەنزینی ٧٥٠ دیناری لە پارێزگاکە داناوە و لە رۆژی سێشەممەوە دەچێتە بواری جێبەجێکردنەوە.

دوای بڵاوبوونەوەی داتاکانی کەرتی هەلی کار لە ئەمریکا کە بەهێزتر لە پێشبینییەکان دەرکەوتن، نرخی زێڕ لە بازاڕە جیهانییەکاندا کەمێک دابەزی و ئۆنسەیەکی بە نزیکەی چوار هەزار و ٤١٠ دۆلار مامەڵەی پێوەکرا، هاوکات نرخی مسقاڵێک زێڕی عەیارە ٢١ـیش بە ٩٦٠ هەزار دینارە لە بازاڕەکانی هەرێم.

بەرەبەیانی ئەمڕۆ، لە ڕێگەی درۆنەوە هێرشکرایە سەر کەمپی حزبەکانی ڕۆژهەڵاتی کوردستان لە سورداشی سنووری پارێزگای سلێمانی. بەپێی زانیارییە سەرەتاییەکان، هێرشەکان تەنها زیانی ماددییان لێکەوتووەتەوە و هیچ زیانێکی گیانی نەبووە.

بەهۆی بەردەوامی هێرشەکانی ئەمریکا و ئێران بۆسەر کەشتییە نەوتهەڵگرەکان لە گەرووی هوورمز، نرخی نەوت بەردەوامە لە بەرزبوونەوە و ئەمڕۆ نرخی بەرمیلێک نەوت نزیک دەبێتەوە لە ٩٧ دۆلار.

بەپێی ئامارێکی تەندروستی سلێمانی، مانگی رابردوو زیاتر لە ١٣ هەزار منداڵ لە بەشی راوێژکاری و دەوامی بەیانیانی نەخۆشخانەی د. جەمال ئەحمەدی منداڵانی فێرکاری بینراون و چارەسەری پێویستیان بۆ کراوە.

دەستەی دەستپاکیی عێراق ئاماری چالاکییەکانی مانگی ڕابردووی بڵاوکردەوە و ڕایگەیاند، تەنها لە مانگی رابردوودا ٢٧ فەرمانی دەستگیرکردن بۆ بەرپرسانی باڵا دەرچووە و ١٩١ پڕۆسەی پشکنین و دەستبەسەرداگرتنیش ئەنجام دراوە.

قائیمقامییەتی دەربەندیخان سەرتاشەکان ئاگادار دەکاتەوە و دەڵێت، لەمەودوا سەرتاشخانەکان دەتوانن لە هەشتی بەیانییەوە بۆ بانگی عیشا کار بکەن و دوای ئەوە کارکردن بە سەرپێچی هەژمار دەکرێت.

سەرۆک وەزیرانی عێراق و بەرپرسی کاروباری نوێنەرایەتیی ئەمریکا لە عێراق کۆبوونەوە و جەختیان لە گرنگی گرتنەبەری دیالۆگ و ڕێگەی دیبلۆماسی بۆ کەمکردنەوەی گرژییەکان کردەوە.

دوا نیوەڕۆی ئەمڕۆ، لەسەر رێگای گەلی عەلی بەگ رووداوێکی سەختی هاتووچۆ لە نێوان پیکابێک و ئۆتۆمبێلێکی تایبەتدا روویدا و بە وتەی هاتووچۆی سۆران، بەهۆی رووداوەکەوە دوو کەس گیانیان لەدەستداوە. بەپێی زانیارییەکان ئەو دوو کەسەی گیانیان لەدەستداوە دایک و کوڕن.

کۆمسیۆنی باڵای سەربەخۆی هەڵبژاردنەکانى عێراق ڕایگەیاند، داتای فەرمانبەرانی خۆی وەرگرتووە بە مەبەستی ئەنجامدانی تاقیکردنەوە و بەکارهێنانی کارتی نیشتیمانی لە پرۆسەی هەڵبژاردنی داهاتوودا، ئەمەش دواى بڕیارەکەى سەرۆک وەزیرانى عێراق هات، کە بڕیاری دابوو لە هەڵبژاردنى داهاتوودا هاوڵاتییان بە کارتى نیشتمانى دەنگ بدەن.

کۆبوونەوەیەکی ئاسایشیی ئاستبەرز لە نێوان دەزگا ئەمنییەکانی حکومەتی فیدراڵ و هەرێم بەڕێوە چوو، کە تێیدا چەندین پرسی گرنگی پەیوەست بە دۆخی دەروازە سنوورییەکان و پاراستنی ئاسایشی ناوچەکە تاوتوێ کران.

پارێزگاری بانکی ناوەندیی عێراق دەڵێت، گۆڕینی دراوی نیشتمانی لە دەسەڵاتی راستەوخۆی بانکی ناوەندیدایە، بەڵام پرۆسەی سڕینەوەی سفرەکان لە دراودا پێویستی بە دەرکردنی یاسایەکە لە پەرلەمانی عێراقەوە.

دوای بێسەروشوێنبوونیان دوای هەشت مانگ وا بڕیارە ئەمشەو ٣٣ کۆچبەری دیکەی کورد لە لیبیاوە بگەڕێندرێنەوە هەرێمی کوردستان و سەرۆکی کۆمەڵەی پەنابەرە گەڕاوەکانیش دەڵێت، گەندەڵی و نادادی دوو هۆکاری سەرەکی بێزاربوون و نائومێدبوونی گەنجانە، بۆیە گەنجانیشمان ڕوو لەو ڕێگا ترسناکانە دەکەن.

لە ڕانیە نوێنەری سێ یەکەمەکان گردبوونەوەیەکی ناڕەزایەتییان ئەنجامدا و ڕایانگەیاند، نۆ ساڵە مافمان دەخورێت و لە چاوەڕوانیداین، هەر ساڵێک بە بیانوویەک ڕاماندەگرن، ئیتر پێویستە ئێمەش دوای دەرچوونمان ڕاستەوخۆ هاوشێوەی یەکەمەکانی عێراق دابمەزرێین، نەک لە چاوەڕوانییدا بمانهێڵنەوە.

ئاسایشی هەولێر تۆمەتبارێکی دەستگیر کرد کە لە تۆڕە کۆمەڵایەتییەکاندا دراوی ساختە و دۆلاری بەناوی دۆلاری لیبی دەفرۆشت و هاووڵاتییانی فریو دەدا.

هاتووچۆی گەرمیان دەڵێت، بەهۆی ڕووداوێکی هاتووچۆی جۆری پێکدادان لە کفری ماتۆڕسوارێک گیانی لەدەستدا.

دابەشکردنی بەنزین لە گەرمیان لە گەرمیان کرا بەسیستەمی تاک و جوت، بەڕێوبەرایەتی نەوت و کانزاکانی گەرمیانیش شێوازی دابەشکردنەکەی دەخاتەڕوو.

سەرۆکی پەرلەمانی ئێران، هۆشدارییەکی توندی ئاراستەی ئەمریکا کرد و ڕایگەیاند، پێویستە واشنتن پێش ئەوەی درەنگ بێت لەوە تێبگات کە یاساکانی ململانێ لەگەڵ تاران گۆڕانکارییان بەسەردا هاتووە.

سایلۆی سلێمانی ڕایگەیاند، جوتیارانی ئەو ناوچەیەی کە بۆ وەرزی کشتوکاڵی ٢٠٢٥ گەنمەکانیان لە سایلۆی سلێمانی ڕادەست کردووە، تا ژمارە کارتی هەزار و ٥٣١، دەتوانن لە ڕۆژی دووشەممە، ٧ی ئەیلوولی ٢٠٢٦ سەردانی هۆبەی ژمێریاری بەڕێوەبەرایەتییەکەیان لە شارەدێی پیرەمەگروون بکەن.

بەناز رەمەزان، بەڕێوەبەری پەروەردەی رۆژئاوای سلێمانی دەستی لە پۆستەکەی کێشایەوە و بە پێی زانیاریەکانی کە دەستی ئێن ئاڕ تی کەوتووە چنار حەسەن، بەڕێوەبەری کۆمەڵگەی پەروەردەی کوردستان لە سلێمانی کاندیدە بۆ وەرگرتنی ئەو پۆستە.

پۆلیسی گەرمیان ڕایگەیاند، هێزەکانی بەشی نەهێشتنی تاوان تۆمەتبارێکیان دەستگیرکردووە کە لە ڕێگەی تۆڕە کۆمەڵایەتییەکانەوە هەڕەشەی بڵاوکردنەوەی وێنە و ڤیدیۆی تایبەتی لە هاوڵاتییان کردووە.

وتەبێژی وەزارەتی پەروەردەی هەرێم ئاشکرای کرد، ئەم هەفتەیە سەرجەم داتاکانی دەرچووانی پۆلی ١٢ـی ئامادەیی بە هەموو بەشەکانی زانستی، وێژەیی و پیشەیییەوە، رادەستی وەزارەتی خوێندنی باڵا دەکرێن، هەفتەی داهاتوو سیستمی زانکۆلاین بۆ وەرگرتنی دەرچووان لە زانکۆ و پەیمانگەکان کارا دەکرێت.

کەشناسیی هەرێم، پێشبینییەکانی کەشوهەوای بۆ ئەمڕۆ و سبەینێ بڵاوکردەوە و دەڵێت، لە سبەینێوە بەهۆی کاریگەریی بارستەهەوایەکی فێنکەوە پلەکانی گەرما نزم دەبنەوە و ئەگەری نمەباران لە چەند ناوچەیەکی سنووری هەیە.

وەزیری داراییی عێراق لە کۆبوونەوەیەکدا لەگەڵ تیمی فەرمانگەی بودجە، بەدواداچوونی بۆ قۆناخەکانی داڕشتنی پڕۆژەی بودجەی کارنامە و ئەنجامەکان و تەواوکردنی سەرجەم پێداویستییە تەکنیکی و کارگێڕییەکانی کرد.

بانکی ناوەندیی عێراق سەرجەم ئەو دەنگۆ و هەواڵانەی ڕەتکردەوە کە باس لە بوونی مەبەست یان بڕیارێک دەکەن بۆ بەرزکردنەوەی نرخی ئاڵوگۆڕی دۆلار بەرامبەر بە دینار.

بە کۆی دەنگی ئەندامانی بزووتنەوەکە، دانا ئەحمەد مەجید بە ڕێکخەری گشتیی بزوتنەوەی گۆڕان - کوردسات هەڵبژێردرا‎.

هاتووچۆی سلێمانی ڕایگەیاند، بەهۆی دروستبوونی لۆد و قەرەباڵغی لە بەشی مۆڵەت، هاتوچۆی سلێمانی بڕیاریدا بە شێوەیەکی ئەزموونی شەفتی ئێواران بۆ راییکردنی مامەڵەی هاوڵاتییان بخاتە بواری جێبەجێکردنەوە.

لە ٢٤ کاتژمێری ڕابردوودا لە سنووری سلێمانی و گەرمیان دوو کرێکار گیانیان لەدەستداوە و سەرۆکی سەندیکای بیناسازیش دەڵێت، لەمساڵدا ٢٢ کرێکار لە سنووری پارێزگای سلێمانی گیانیان لەدەستداوە و ئامارەکانی گیانلەدەستدانی کرێکار ڕوو لە هەڵکشانە.

وەزارەتی کۆچ و کۆچبەرانی عێراق ئاشکرای کرد، تاوەکو ئێستا ٢١ هەزار کەسیان لە کەمپی هۆل گێڕاوەتەوە و هیچ کێشەیەکی ئەمنی یان دەرونیان دروست نەکردووە، دەشڵێت، کەمپەکە بەم نزیکانە دادەخرێت و زیاتر لە هەزار عێراقی تێدا ماوە.

فەرماندەیی ناوەندیی هێزەکانی ئەمریکا (سێنتکۆم) رایگەیاند، لە وەڵامی هاویشتنی مووشەکی بالیستیک لەلایەن سوپای پاسدارانەوە بۆ سەر دوو کەشتیی جەنگیی ئەمریکا، سێ کەشتیی نەوتهەڵگری گەورەی ئێرانیان لە ئاوەکانی کەنداو و دەریای عومان بە تەواوی تێکشکاندووە و پەکخستووە.

وه‌زاره‌تی ناوخۆی عێراق، هۆشدارییه‌كی توندی ئاراسته‌ی سه‌رجه‌م ئه‌و كه‌س و لایه‌نانه‌ دەکات كه‌ ژیریی ده‌ستكرد بۆ به‌رهه‌مهێنان و بڵاوكردنه‌وه‌ی ناوه‌ڕۆكی نه‌شیاو و خراپ به‌كار ده‌هێنن و به‌ هەماهەنگی له‌گه‌ڵ ده‌سه‌ڵاتی دادوه‌ریی وڵاتدا، توندترین سزای یاسایی به‌سه‌ر سه‌رپێچیكاراندا ده‌سه‌پێنرێت.

لە دوو رووداوی جیای هاتووچۆدا لە سنووری ئیدارەی راپەڕین، کەسێک گیانی لە دەستدا و چوار کەسی تریش برینداربوون.

بە بڕیاری عەلی زەیدی، سەرۆک وەزیرانی عێراق، یەک ملیۆن پارچە زەوی لە پارێزگاکانی عێراق بەسەر هاوڵاتیاندا دابەش دەکرێت بە سەرجەم خزمەتگوزارییەکانیشەوە.

ئاژانسەکانی هەواڵی ڕووسیا بڵاویان کردەوە، ڤلادیمێر پوتن، سەرۆکی رووسیا فەرمانی ڕاگرتنی بۆردومانەکانی سەر کیێڤی پایتەختی ئۆکرانیای دا بۆ ماوەی سێ رۆژ.

عەلی زەیدی و نوری مالیکی کۆبوونەوە و تاوتوێی بارودۆخی گشتیی وڵات و ژمارەیەک دۆسیەی سیاسییان کرد، و جەختیان کردەوە لەسەر گرنگی پاڵپشتیکردنی هەوڵەکانی حکومت لە بەرەنگاربوونەوەی گەندەڵی و چاکسازیی ئابووری و کارگێڕی و تەواوکردنی کابینەی حکومەت.

بانكی ناوه‌ندیی عێراق ڕایگەیاند، دڵنیایی دایە سه‌رجه‌م هاوڵاتییان و خاوه‌ن پاره‌ و هه‌ژماره‌ دارایییه‌كان له‌ بانكه‌كاندا، سه‌رجه‌م سه‌رمایه‌ و پاره‌كانیان به‌پێی یاسا و ڕێنمایییه‌ كارپێكراوه‌كان به‌ ته‌واوی پارێزراون و هیچ پێشێلکاریەک و زیانێك به‌ر مافه‌كانیان ناكه‌وێت.

دوای ئەوەی وڵاتانی ئەفریقا سکاڵایان کردبوو کیشوەرەکەیان لە نەخشە کۆنەکانی جیهاندا بچووک پێشاندراوە، نەتەوە یەکگرتووەکان هەمواری کردەوە و ئەم نەخشەیەی بە زۆرینەی دەنگ پەسند کرد، هاوکات ئەمریکا دەنگی بە نەخێر دا و رازیی نەبوون بە بچووککردنەوەی نەخشەکەیان.

بەمەبەستی دیاریکردنیان وەک ڕێبەری حاجیان بۆ وەرزی حەجی ساڵی داهاتوو، ئەمڕۆ تاقیکردنەوەیەک بۆ ٤٦٥ مامۆستای ئاینی بەڕێوەچوو.

سایلۆی گەرمیان بڵاوی كردەوە، سبەینێ رۆژی یەک شەممە ٦ـی ئەیلولی ٢٠٢٦، چەکی پارەی گەنمی جووتیاران لە سایلۆی گەرمیان دابەشدەکرێت

حکومەتی ماوەبەسەرچوو بە بیانووی ئەوەی لۆگۆی حکومەتی هەرێم لەبەشی سەرەوەی پۆستەرەکان نەبووە، لە رێگەی بریکاری وەزارەتی رۆشنبیرییەوە نمایشکردنی شانۆیەکی لە هەولێر راگرت و ئەمەش ناڕەزایەتی زۆری لێکەوتووە تا ئەمڕۆ حکومەتی ماوەبەسەرچوو لە بڕیارەکەی پەشیمان بووەوە و دەڵێت، نمایشەکە بەردەوام دەبێت.

لقی هەولێری سەندیکای پزیشکانی کوردستان راگەیەندراوێکی لەسەر رووداوی گیان لە دەستدانی نەخۆشەکەی هەولێر لە ژوری نەشتەرگەریدا بڵاوکردەوە، داواش دەکات میدیاکان رووداوەکان وەک خۆی و پرۆفیشناڵانە بگوازنەوە.

سبەینێ لە سنووری ئیدارەی سەرۆبەخۆی راپەڕین دەست دەکرێت بە دابەشکردنی گوژمەی حەوتەمی پارەی گەنمی جوتیاران بۆ ساڵی ٢٠٢٥.

ڕۆژنامەی نیویۆرک تایمز ڕایگەیاند، ئێران متمانەیەکی زیاتری بە تواناکانی خۆی پەیدا کردووە بۆ هێرشکردنە سەر ئامانجەکان لە رۆژهەڵاتی ناوەڕاست.

کەشناسیی هەرێم بڵاویکردەوە، ئەمڕۆ ئاسمان پەڵە هەور دەبێت و پلەکانی گەرما نزیک دەبێتەوە لە تۆمارەکانی دوێنی، کەشی سبەینێ ئاسمان پەڵە هەور دەبێت و لە کاتەکانی ئێوارە لە هەندێک ناوچە دەگۆڕێت بۆ نیمچە هەور و لەگەڵ ئەگەری بارینی نمە بارانێکی کەم لە ناوچە شاخاویەکانی دهۆک.

لە ئۆپەراسیۆنێکی هاوبەشی نێوان بەڕێوەبەرایەتیی کاروباری مادە هۆشبەرەکانی عێراق و ئاسایشی سلێمانیدا، باندێکی نێودەوڵەتیی قاچاخچییەکان هەڵوەشێنرایەوە و دەست بەسەر ٢٦٠ کیلۆگرام حەبی هۆشبەری جۆری (کەپتاگۆن)دا گیراوە.

بانکی رەشید رێنمایی و مەرجەکانی پێدانی پێشینەی هاوسەرگیریی بە بڕی ۱۰ ملیۆن دینار ئاشکراکرد و دەڵێت، ئەو فەرمانبەرانەی هەرێمی کوردستانیش دەگرێتەوە کە موچەکەی بە بانکی کرابێت و لەسەر بانکی رەشید بێت.

تیمەکانی بەرگریی شارستانیی کۆیە توانییان کۆنتڕۆڵی ئاگرێکی بەهێز لە ناوچەیەکی رەز و باخ و پووش و پاوان کۆنترۆڵ بکەن و رێگریی لە سووتانی بەرفراوانی باخی هاووڵاتییان بکەن.

سکرتێری ئەنجومەنی وەزیرانی حکومەتی ماوەبەسەرچووی هەرێم ئاشکرایکرد، بڕیاری جێبەجێکردنی سیستمی گومرگیی ئەسیکۆدایان رادەستی بەغدا کردووە، بەڵام تاوەکو ئێستا لەسەر میکانیزمی دابەشکردنی داهاتی دەروازە سنوورییەکان بە تەواوی رێکنەکەوتوون.

فەرماندەی پاسەوانی سنووری پارێزگای کرماشان دەڵێت، لە ئەنجامی شەڕ و پێكدادانێک لە نێوان پاسەوانانی سنووری ناوچەی پاوە و گرووپێکی چەکداری نەیاری حکومەتدا، ئەندامێکی پاسەوانی سنووری ئێران کوژراوە.

دەستەی دەستپاکی عێراق دەڵێت، لە چوارچێوەی هەڵمەتەکانی بەرەنگاربوونەوەی گەندەڵیدا لە مانگی ئابی ڕابردوودا، ٧٨ تۆمەتبارمان دەستگیر کردووە و دەیان ئۆپراسیۆنی جیاوازیشمان لە پارێزگاكان ئەنجامدراون.

شاسوار عەبدولواحید، سەرۆکی جووڵانەوەی نەوەی نوێ رایگەیاند، هەر هێزێکی سەربازی فەرمان لە حیزب یان تاکەکەس وەربگرێت و لەژێر رکێفی دامەزراوە دەستوورییەکاندا نەبێت هێزێکی میلیشیاییە، جەختیشی کردەوە، سەرەڕای خەرجکردنی ملیاران دۆلار لەلایەن هاوپەیمانانەوە، پڕۆسەی یەکخستنی هێزەکانی پێشمەرگە شکستی هێناوە.

راوێژکاری سەرۆکایەتی سووریا رایگەیاند، کورد بووەتە یەکێک لە پێکهاتە دامەزرێنەرەکانی سووریا بە ناسنامەی خۆیەوە و پرۆسەی تێکەڵبوونی هێزەکانی سووریای دیموکرات هەسەدە لەگەڵ دامەزراوەکانی دەوڵەتدا بە مانای خۆڕادەستکردن نایەت.

وەزیری گەنجینەی ئەمریکا دەڵێت، یەکێتیی ئەوروپا بە فەرمی پەیوەندیی بە ئۆپەراسیۆنی دابڕاندنی ئابووریی ئێرانەوە کردووە، ئەمەش بە مەبەستی رێگریکردن لە ئێران بۆ بەکارهێنانی سیستەمی دارایی جیهانی بۆ پەرەپێدانی بەرنامە ئەتۆمی و چەکدارییەکانی.

نرخەکانی نەوت لە بازاڕەکانی جیهاندا بەراورد بە دوێنێ روویان لە بەرزبوونەوە کردەوە و نرخی هەر بەرمیلێک نەوتی خاوی برێنت گەیشتە ٩٥ دۆلار و ٤٣ سەنت.

وەزارەتی بازرگانی و پیشەسازیی حکومەتی ماوەبەسەرچووی هەرێم، کۆتاییهاتنی تەواوی رێکارەکانی هەناردەکردنی گەنمی راگەیاند و ئاشکرایکرد، لە هەفتەی داهاتووەوە لە قۆناغی یەکەمدا ۲٤٥ هەزار تۆن گەنم دەنێردرێتە دەرەوەی وڵات.

لە رووداوێکی هاتوچۆدا لەسەر رێگای نێوان سۆران - مێرگەسۆر، ئۆتۆمبێلێکی ئەمبوڵانس خۆی بە ئافرەتێکی تەمەن ٦٠ ساڵاندا کێشا و بەوهۆیەوە ئافرەتەکە گیانی لەدەستدا.

بەڕێوەبەری کۆمپانیای بەبازاڕکردنی نەوتی عێراق (سۆمۆ) رایگەیاند، هەناردەی نەوتی عێراق ژمارەیەکی پێوانەیی نوێی تۆمارکردووە، لە ئێستاشدا بەرمیلێک نەوتی هەرێمی کوردستان بە ٨٥ بۆ ٨٧ دۆلار و بەبێ هیچ داشکاندنێک دەفرۆشرێت.

بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان رەوشی کەشوهەوای ٤٨ کاتژمێری داهاتووی ڕاگەیاند و ئاشکرایکرد، پلەکانی گەرما لە سەرجەم ناوچەکان بە جێگیری دەمێننەوە.

لە رووداوێکی هاتوچۆدا لەسەر رێگای کەرکوک - هەولێر شەوی رابردوو ٣ـی ئەیلولی ٢٠٢٦ ، پێنج کەس گیانیان لەدەستدا و دوو کەسی دیکەش بریندار بوون.

بەپێی بڕیارێکی وەزیری پەیوەندییەکانی عێراق، نرخی ئینتەرنێتی فەرمانگەکانی دەوڵەت بە رێژەی ٤٠٪ کەمدەکرێتەوە و خێرایی ئینتەرنێتی تاوەرەکانیش بۆ هاووڵاتییان زیاد دەکرێت.

وەزارەتی گەنجینەی ئەمریکا جۆرێکی نوێی دراوی ئاسنینی یەک دۆلاری خستە بازاڕەوە کە وێنەی دۆناڵد ترەمپی لەسەرە و بەمەش بووە یەکەم سەرۆکی زیندوو لە مێژووی ئەمریکادا کە وێنەی بچێتە سەر دراوی دۆلار.

بەپێی راگەیەندراوێکی وەزارەتی ناوخۆی عێراق، ئاستی تاوان لە عێراقدا بۆ نزمترین ئاست لە ماوەی چەند ساڵی رابردوودا دابەزیوە، ئەمەش وەک دەستکەوتێک بۆ لایەنی ئەمنی لە ماوەی ١٠٠ رۆژی یەکەمی تەمەنی حکومەتی ئێستادا ئەژمار دەکرێت.

وەزیری نەوتی ئێران دەڵێت، گەمارۆی دەریایی کاریگەری لەسەر پرۆسەی گواستنەوە و گەیاندنی نەوت بە کڕیارانیان دروستکردووە، بەڵام جەختی کردەوە، کە تاران رێوشوێنی پێویستی گرتووەتەبەر بۆ تێپەڕاندن و دەربازبوونی تەواوەتی ئەو ئاستەنگانە.

سەرۆک وەزیرانی عێراق، بڕیاریدا بە بەخشینی قەرزی وەبەرهێنان بە دەستەکانی وەبەرهێنان لە پارێزگاکان بە مەبەستی دروستکردنی ژێرخان بۆ شاری نوێ و هاوچەرخ و دابینکردنی خزمەتگوزارییە بنەڕەتییەکان بە شێوەیەکی تەواو بۆیان.

سەرۆکی ئەمریکا لە ڕاگەیەندراوێکدا بڵاویکردەوە، سەبارەت بە ئۆپەراسیۆنە سەربازییەکەی وڵاتەکەی لە ئێران، رەخنەی لە شێوازی رووماڵکردنی میدیاکان گرت و وتی، بۆ ئەو کەسانەی رەتی دەکەنەوە بە وردی راپۆرت لەسەر ئۆپەراسیۆنە سەربازییەکەمان لە ئێران بڵاو بکەنەوە، ئێمە بڕێکی زۆر لە چەکە قورسەکانمان لە بەردەستدایە، کە زۆر زیاترە لەوەی لەم جەنگەدا یان هەر جەنگێکی دیکەدا بەکاری بهێنین.

شاندێکی وەزارەتی دارایی هەرێمی کوردستان لە بەغدا لەگەڵ وەزیری دارایی عێراق و بەرپرسانی دیکەی حکومەت کۆبووەوە، بە مەبەستی رێکخستنی هەنگاوەکانی ئامادەکردنی پڕۆژەیاسای بودجەی ساڵی ٢٠٢٧ و دیاریکردنی پشکی هەرێم.

هاوپەیمانیی ئاوەدانکردنەوە و گەشەپێدان دوا زانیارییەکانی لەسەر کۆبوونەوەکانی دەستەی سێقۆڵی (سوودانی و مالیکی و عامری) لەگەڵ گروپە چەکدارەکان ئاشکراکرد، کە ئامانج لێی کۆنتڕۆڵکردنی پرسی کۆکردنەوەی چەکە لە دەستی دەوڵەتدا، دەستەکە پشتگیریی لە رێکارەکانی حکومەت دەکات و ئاماژە بەوەش دەکات، دەکرێت رۆژی ٣٠ی ئەم مانگە وەرچەرخانێکی گرنگ بێت بۆ یەکلاییکردنەوەی تەواوەتی ئەم دۆسیەیە.

وەزارەتی بازرگانیی عێراق دەڵێت، پرۆسەی دابەشکردنی بەشەخۆراکی مانگانە (سەبەتەی خۆراک) بەسەر بریکارەکاندا لە بەغدا و سەرجەم پارێزگاکان دەستیپێکردووە، جەختیشی کردەوە، پرۆسەکە لە ناوچە هەژارنشینەکانەوە دەستپێدەکات.

لەبەر گۆڕانکارییەکانی کەشوهەوا و هاتنی وەرزی پایز، نەخۆشییە ڤایرۆسییەکان لەنێو منداڵانی سنووری دهۆک بە شێوەیەکی بەرچاو زیادیان کردووە و نەخۆشخانەی هێڤیی منداڵان لە شارەکە پڕ بووە لە نەخۆش.

پەرلەمانی عێراق بەرنامەی کاری دانیشتنی ژمارە (١٦)ی خۆی بۆ رۆژی دووشەممە، ٧ی ئەیلوولی ٢٠٢٦ بڵاوکردەوە، کە تایبەت کراوە بە ئەنجامدانی خوێندنەوەی یەکەم بۆ سێ پڕۆژەیاسای جیاواز لە بوارەکانی پەیوەندییە دەرەکییەکان و کشتوکاڵ و ئابووریدا.

بەڕێوەبەری پەروەردەی ڕۆژئاوای سلێمانی دەستیلەکارکێشایەوە و چاوگێکیش ئاشکرای کرد کە چنار حەسەن، بەڕێوەبەری کۆمەڵگەی پەروەردەی کوردستان لە سلێمانی کاندیدە بۆ وەرگرتنی ئەو پۆستە.

وەزارەتی کار و کاروباری کۆمەڵایەتیی عێراق، خەرجکردن و دابەشکردنی مووچەی مانگی نۆی چاودێریی کۆمەڵایەتی ڕاگەیاند، کە زیاتر لە دوو ملیۆن خێزان لێی سوودمەند دەبن.

وەزیری خوێندنی باڵا لە لێدوانێکدا بۆ ئێن ئاڕ تی ئاشکرای کرد، سەرجەم ئامادەکارییەکانیان تەواو کردووە و لە چەند رۆژی داهاتوودا سیستمی زانکۆڵاین کارا دەکرێت و رێژەی وەرگرتنی خوێندکارانیش زیاد دەکەن.