بەپێی ئاماری بەڕێوبەرایەتی گشتی تەندروستی سلێمانی لە ماوەی ساڵی رابردوودا ٣٢٠ هەزار و ١٣٧ كەس سەردانی نەخۆشخانەی شاریان كردووە.

دەستەی گەشتوگوزاری عێراق دەیەوێت لە رێگەی ستراتیژییەکی نیشتمانییەوە تا ساڵی ٢٠٣٥ پێشوازی لە ١٠ ملیۆن گەشتیار بکات.

دوای ئەوەی پۆلیسی هەڵەبجە هەواڵێکی لەسەر دەستگیرکردنی سێ کەس بە تۆمەتی بەکارهێنانی ماددەی هۆشبەر بڵاوکردەوە، ئاسایشی شارەزوور هەواڵەکە رەتدەکاتەوە و دەڵێت، هیچ کەسێک بەم تۆمەتە دەستگیر نەکراوە.

بەرێوەبەرایەتی چاکسازیی کۆمەڵایەتی هەرێم ئاماری فەرمی لەسەر ژمارەی زیندانییەکانی هەرێمی ئاشکرا کرد و دەڵێت، زیاتر لە حەوت هەزار سزادراو هەن. دەشڵێت، کارتی نیشتیمانی بۆ زیندانییەکان دەردەکرێت و وەزارەتی دادی عێراق تێچووی دارایی لە ئەستۆ دەگرێت.

بەمەبەستی دابینکردنی بەشە نەوت بۆیان، قائیمقامیەتی چۆمان ئاگاداری ئەو کەسانە دەکاتەوە کە تازە هاوسەرگیرییان کردووە و فۆڕمی خۆراکیان نییە.

نزیکەی ١٤٧ کۆچبەری کورد لە لیبیا دەستبەسەرکراون و کەسوکارەکەیان دەڵێن، منداڵەکانیان بەهۆی بێ کارییەوە رێگەی کۆچکردنیان بۆ ئەوروپا گرتووەتەبەر، داواش لەلایەنی پەیوەندیدار دەکەن بە هانای کوڕەکانیانەوە بچێت و منداڵەکانیان بۆ بگەڕێننەوە.

سەرۆک وەزیرانی عێراق رایگەیاند، بەردەوامین لەسەر بەهێزکردنی دەوڵەت لە رێگای پاراستنی ئاسایش و سنووردارکردنی چەك بەدەست دەوڵەتەوە.

شەڕ لەنێوان هەسەدە و حکومەتی کاتی سوریا لە حەلەب دەستیپێکردەوە و هەسەدە لە راگەیەندراوێکدا دەڵێت، هێزەکانی حکومەت خەڵکی سڤیل دەکەنە ئامانج، بەوهۆیەشەوە کوژراو و بریندار هەن.

حکومەتی ماوەبەسەرچوو دەڵێت، زیاتر لە ١٩ ملیۆن بەرمیل نەوتمان لە رێگەی کۆمپانیای سۆمۆ ناردووە، بەڵام دروستکردنی گرفت بۆ ناردنی مووچە هەر بەردەوام بووە و دەشڵێت، "ساڵی رابردوو ٩١٩ ملیار دیناری داهاتی نانەوتی رادەستی عێراق کردووە".

بەپێی زانیارییەکانی ئێن ئاڕ تی، بڕیارە لە چەند رۆژی داهاتوودا پارتی و یەکێتی لەسەر ئاستی باڵا کۆببنەوە.

سەرۆکی کۆمسیۆنی فریاگوزاریی چەمچەماڵ دەڵێت، بڕیاریانداوە بڕی هاوکاریی بۆ ئۆتۆمبێلە زیانلێکەوتووەکان لە ١٠٠ هەزار دینارەوە دەستپێبکات. دەشڵێت، ئۆتۆمبێل بۆ کەس ناگۆڕن و ئەو پارەیەی لە هاوکارییەکان دەمێنێتەوە پڕۆژەی پێدەکەن.

دادگای تورکیا سزای یەک ساڵ و پێنج مانگ و ١٥ رۆژی بەسەر سەڵاحەدین دەمیرتاشدا سەپاند بە تۆمەتی سوکایەتیکردن بە سەرۆکی وڵاتەکە.

سایلۆی سلێمانی دەڵێت، لە سبەینێوە بەشێكی پارەی گەنمی جوتیارانی سنووری پارێزگای سلێمانی دابەش دەكرێت.

بەڕێوەبەرایەتی بازرگانی و کەلوپەلی خۆراک لە سلێمانی رایگەیاند، بەهۆی گرفتێکەوە دابەشکردنی بەشەخۆراک راگیراوە و بەمزووانە گرفتەکە چارەسەردەکرێت.

وەزارەتی سامانە سروشتییەکان دەڵێت، ئەم زستانە ١٣٥ ملیۆن لیتر نەوتیان دابەشکردووە، لەگەڵ ئەوەشدا تا ئێستا زیاتر لە ٤١٥ هەزار خێزان نەوتی ئەم زستانەیان وەرنەگرتووە.

تەندروستیی سلێمانی دەڵێت، ساڵی رابردوو زیاتر لە ١٨ هەزار چارەخواز سەردانی نەخۆشخانەی دڵیان کردووە و چارەسەری پێویستیان بۆ کراوە.

کەشناسی دەڵێت، ئه‌مڕۆ و سبه‌ینێ كه‌شوهه‌وای ناوچه‌ جیاجیاكانی هه‌رێم ئاسایی ده‌بێت و پله‌كانی گه‌رماش چه‌ند پله‌یه‌ك به‌رزده‌بنه‌وه‌.

بەپێی ئامارێکی پزیشکی دادی سلێمانی لە ساڵی رابردوو ٨٣٥ حاڵەتی گیانلەدەستدان تۆمارکراوە کە ٢٢٦ حاڵەتیان بەهۆی رووداوی هاتووچۆوە بوون.

سەرۆکی ئەمریکا دەڵێت، لە ٣٠ رۆژی داهاتوودا ڤەنزوێلا هەڵبژاردن ئەنجام نادات، دەستوەردانی ئەمەریکا لە وڵاتەکەدا زۆر دەخایەنێت و پاڵپشتی هەوڵەکانی کۆمپانیا نەوتییەکان دەکەن بۆ دووبارە بنیاتنانەوەی ژێرخانی وزەی ئەو وڵاتە.

چوارچێوەی هەماهەنگی کۆبوونەوە بۆ یەکلایکردنەوەی کاندیدی سەرۆکوەزیران و نەگەیشتنە رێککەوتن و دووپاتیانکردەوە پێویستە لەوادەی خۆیدا پۆستی سەرۆک وەزیرانی یەکلاییبکرێتەوە.

لە بەرەبەیانی زووەوە ئاگر لە کارگەیەکی درووستکردنی چپس لە پیرزینی سنووری هەولێر کەوتووەتەوە و تاوەکو ئێستاش بەردەوامە.

ئەڵمانیا بە نیازە شۆڕشێکی پزیشکی لە دەرەوەی زەوی ئەنجامبدات ئەویش دروستکردنی یەکەم گورچیلەی مرۆڤە لە بۆشایی ئاسماندا.

نرخی زێڕ لە بازاڕەکانی جیهاندا بەرزبووەوە و ئەمڕۆ یەک ئۆنسە لەو کانزا زەردە بە چوار هەزار و ٤٦٩ دۆلار مامەڵەی پێوەدەکرێت و مستقاڵێک زێڕی عەیارە ٢١ بە ٩٣٦ هەزار دینارە.

نرخی نەوت لە بازاڕەکانی جیهاندا دابەزی و ئەمڕۆ نرخی بەرمیلێک نەوتی خاوی برێنت بە ٦١ دۆلار و ٥٩ سەنت مامەڵەی پێوە دەکرێت.

تەندروستی بەردەڕەش ئاماری مانگی رابردووی بڵاوکردووەتەوە و بەپێی ئامارەکان مانگی رابردوو ٥٩ حاڵەتی پێوەدانی دووپشک و ٣١ حاڵەتی گەستنی سەگ تۆمارکراوە.

پەرلەمانی عێراق کارنامەی دانیشتنی ژمارە سێیەمی خۆی بڵاوکردەوە، بەپێی کارنامەکە دانیشتنەکە تەرخانکراوە بۆ گفتوگۆیەکی گشتی سەبارەت بە داهاتە نانەوتییەکانی عێراق.

پەرلەمانتارێکی نەوەی نوێ لە عێراق لە کۆبوونەوەی پەرلەماندا وتی، مووچەخۆرای هەرێمی کوردستان ساڵی رابردوو لەکۆی ١٢ مانگ تەنها مووچەی ١٠ مانگیان وەرگرتووە و وتیشی، زیاتر لە ١٢ ساڵە مووچەخۆران باجی ناکۆکییە سیاسییەکانی نێوان عێراق و هەرێم دەدەن.

بۆ رزگارکردنی نەخۆشێک لە مردن پزیشک و پەرستارێک لە قەڵادزێ خوێنی خۆیان بە نەخۆشێک دەبەخشن و ژیانی رزگار دەكەن.

هاوپەیمانێتی چوارچێوەی هەماهەنگی لە کۆبوونەوەی ئەمشەویدا جەختی لە پێویستیی یەکلاکردنەوەی پۆستی سەرۆک وەزیرانی نوێی عێراق و تەواوکردنی شایستە دەستوورییەکان کردەوە.

پەرلەمانی عێراق دووەم دانیشتنی خولی شەشەمی بە سەرۆکایەتی هەیبەت حەلبوسی ئەنجامدا، تێیدا جەخت لە رێکخستنی کاروباری پەرلەمان و تەواوکردنی لیژنەکان کردەوە.

یەکەم دانیشتنی دادگاییکردنی نیکۆلاس مـادۆرۆ، سەرۆکی پێشووی ڤـەنزوێلا بەڕێوەچوو، لە دانیشتنەکەدا مـادورۆ بێتاوانی خۆی راگەیاند.

ئاسیاسێڵ پابەندبوونی تەواوەتی خۆی دووپات دەکاتەوە و سەرجەم پابەندبوونە یاسایی و داراییەکانی بەرامبەر بە حکومەتی عێراق جێبەجێ دەکات و دەشڵێت، لە ئێستادا هیچ پابەندبوونێکی دارایی لە ئەستۆی کۆمپانیادا نیە بەرامبەر بە حکومەتی عێراق.

ئەنجوومەنی وزاری ئابووری عێراق بە سەرۆكایەتی سودانی كۆبووەوە و رایگەیاند، نابێت ئەو بڕیارانەی بۆ زیادكردنی داهات و كەم كردنەوەی خەرجییەكان دەردەكرێن كاریگەری لەسەر توانای كڕین و ئاستی ژیانی هاوڵاتیان هەبێت.

وادەی خۆكاندیدكردن بۆ پۆستی سەرۆك كۆمار کۆتاییهات و پارتی و یەکێتیش نەگەشتنە رێککەوتن لەسەر کاندیدێکی هاوبەش، وا بڕیارە هەفتەی داهاتوو بۆ یەکلایکردنەوەی ئەو پرسە کۆببنەوە.

دوای ئەوەی ئەمڕۆ لە سلێمانی، دەستڕێژی گولـلە لە هاوڵاتییەك كرا و كوژرا، چاوگێک لە هێزە ئەمنییەکان رایگەیاند، كەمێك پێش ئێستا تۆمەتباری سەرەكی لەكاتی رووبەڕووبوونەوەی هێزە ئەمنیەكان كوژرا، هەروەها كارمەندێكی هێزە ئەمنیەكان برینداربوو.

سەرۆکی کۆمسیۆنی فریاگوزاری و بووژانەوەی چەمچەماڵ دەڵێت، ئەمڕۆ ٦٣٩ کەس لە چەمچەماڵ ئاگادارکرابوونەوە کە هاوکارییەکانیان وەردەگرن و زۆربەیان هاوکارییەکەیان وەرگرتووە.

بەپێی ئاماری تەندروستی سلێمانی لە ماوەی ساڵی رابردوودا سێ هەزار و ١٤٥ حاڵەتی توشبوون بە شێرپەنجە لە نەخۆشخانەی هیوا تۆماركراوە و لەو ژمارەیەش ١٩٠ توشبوویان منداڵ بوون.

تەندروستی گەرمیان دەڵێت، لە ماوەی یەک هەفتەی پشووی سەری ساڵدا، زیاتر لە هەزار کەس سەردانی نەخۆشخانەی شەهید هەژاریان کردووە و ١٠ نەشتەرگەریشیان ئەنجامداوە.

هاتووچۆی سلێمانی ئاگادارییەکی بڵاوکردەوە و کەوتنەکاری کامێراکانی خاڵ بۆ خاڵی لە رێگەیەکی سەرەکی راگەیاند.

وتەبێژی جوڵانەوەی نەوەی نوێ دەڵێت، سەرەڕای تەوابوونی ماوەی زیندانیەکەی شاسوار عەبدولواحید ئازادنەکراوە و راگیراوە. دەشڵێت، رەوشی تەندروستی شاسوار عەبدولواحید باش نیە و براوەتە نەخۆشخانە. وتیشی، سەرۆکی نەوەی نوێ بڕیاردەدات نەوەی نوێ لە پەرلەمانی عێراق بۆ پرسی سەرۆک کۆمار بڕیاری چی دەبێت.

لە رووداوێکی تەقەکردندا لە گوندێکی سنووری سلێمانی کەسێک کوژرا و بەپێی زانیارییەکان تا ئێستا تۆمەتبارەکە دەستگیرنەکراوە.

پارتی بە فەرمی فوئاد حسێن، وەزیری دەرەوەی عێراق كاندید دەكات بۆ پۆستی سەرۆك كۆماری عێراق و لەلایەكی دیكەوە لەتیف رەشید، سەرۆك كۆماری ئێستا چاوی لە پۆستەكەیە و دەیەوێت جارێكی دیكە ئەو پۆستە وەربگرێتەوە.

سبەینێ لە عێراق پشووی فەرمییە، ئەو پشووەش بەبۆنەی دامەزراندنی سوپای عێراقە، بەڵام هەرێمی كوردستان ناگرێتەوە، و سبەینێ تەمەنی سوپای عێراق دەبێتە ١٠٥ ساڵ.

یەکێتی نزار ئامێدی بۆ پۆستی سەرۆک کۆماری عێراق کاندید کرد، وتەبێژی حزبەکەش دەڵێت، نزار ئامێدی کاندیدی فەرمی یەکێتییە.

دوای هەفتەیەک لە داخستنی مەرزی کێلێ، ئەمڕۆ بەرووی گەشتیاراندا کرایەوە.

ئەمڕۆ کۆتا وادەی تۆمارکردنی کاندیدی سەرۆک کۆماری عێراقە و پارتی و یەکێتی لە دانوستاندان لەسەر کاندیدێک، پارتیش بە مەرج پشتگیری کاندیدی یەکێتی بۆ ئەو پۆستە دەکات.

دەروازەی نێودەوڵەتیی زێت دەڵێت، دوای داخستنی دەروازەکە لە ئێستادا کراوەیە بە رووی گەشتیاراندا.

دوای زیاتر لە هەفتەیەک لە ناردنی پارەی مووچە لەلایەن بەغداوە هێشتا بەشێکی مووچەخۆران مووچەی مانگی ١٠ـی ساڵی رابردوویان وەرنەگرتووە.

بەرپرسی دۆسیەی عێراق لە بارەگای بارزانی دەڵێت، ململانێکان لەسەر پۆستە باڵاکان لە عێراقدا بۆ دەستکەوتی کەسییە.

شارەزایەکی کەشناسی دەڵێت، لە سبەینێوە پلەکانی گەرما بەرزدەبێتەوە و تا کۆتایی ئەم هەفتەیە بەردەوامدەبێت.

شارەزای بواری تەکنەلۆژیای هیندی پانکاج تانوار، خەڵکی شاری بەنگالۆرە، تەکنەلۆژیایەکی دروستکردووە کە کڵاوی ماتۆڕسکیلەکەی دەگۆڕێت بۆ ئامێرێکی زیرەک کە توانای دەستنیشانکردنی سەرپێچیەکانی هاتوچۆی هەیە و راستەوخۆ راپۆرتدەدات بە پۆلیس، ئەم داهێنانە لە ناڕەزایەتییەکەیەوە سەرچاوە دەگرێت لە بەرامبەر نەبوونی جێبەجێکردنی هاتووچۆ لە شارەکەیدا.

نرخی زێڕ لە بازاڕەکانی جیهاندا بەرزبووەوە و ئەمڕۆ یەک ئۆنسە لەو کانزا زەردە بە چوار هەزار و ٤٠٨ دۆلار مامەڵەی پێوەدەکرێت و مستقاڵێک زێڕی عەیارە ٢١ بە ٩١٠ هەزار دینارە.

نرخی نەوت لە بازاڕەکانی جیهاندا دابەزی و ئەمڕۆ نرخی بەرمیلێک نەوتی خاوی برێنت بە ٦٠ دۆلار و ٥٠ سەنت مامەڵەی پێوە دەکرێت.

لەبارەی ناجێگیریی نرخی دینار بەرامبەر بە دۆلار، راوێژکاری دارایی سەرۆک وەزیرانی عێراق دەڵێت، ئەو گۆڕانکارییانە کاتیین و هیچ مەترسییەکی راستەقینە لەسەر سەقامگیریی ئابووریی عێراق دروست ناکەن.

سەرۆكی په‌رله‌مانی عێراق و دوو جێگره‌كه‌ی كۆبوونه‌وه‌ و تاوتوێی ئاماده‌كارییه‌كانیان بۆ دانانی خشته‌ی دانیشتنه‌كانی په‌رله‌مان كرد به‌ جۆرێك كه‌ مانگانه‌ په‌رله‌مان هه‌شت دانیشتن بكات و هه‌روه‌ها جه‌ختیشیان له‌ په‌له‌كردن له‌ پێكهێنانی لیژنه‌ هه‌میشه‌ییه‌كانی په‌رله‌مان كرده‌وه‌.

سەرۆكی كۆمەڵەی پەنابەرە گەڕاوەكانی ئەوروپا لە هەرێم دەڵێت، نزیکەی ١٠٠ گەنجی هەرێمی كوردستان لە لیبیا دەستبەسەرن و رێكارە یاساییەكان بۆ گەڕاندنەوەیان تەواوكراون و بەردەوام لەسەر هێڵ دەبن تا دەگەڕێنەوە.

سەرۆکی یەکێتی دەڵێت، پابەندن بە وادە دەستوورییەکان بۆ پێکهێنانی حکومەتی نوێ لە عێراق و جەختیش لە پێویستیی بەردەوامیی گفتوگۆی بنیاتنەر لە نێوان لایەنە سیاسییەکان دەکەنەوە.

لێپرسراوی بەشی ئایتی لە هاتووچۆی سلێمانی دەڵێت، شۆفێران دەتوانن دوای وەرگرتنی كۆد، مامەڵەكانیان لەبەشی مۆڵەت رایی بكەن. دەشڵێت، "رۆژانە مامەڵەی ٣٥٠ شۆفێر لە بەشی مۆڵەتی بەڕێوەبەرایەتی هاتووچۆی سلێمانی تەواودەكرێت."

وەزیری خوێندنی باڵا بڕیارێکی نوێ بۆ خوێندکارانی چەمچەماڵ دەرکرد و دەڵێت، "چیتر خوێندکاران پێویستیان بە هێنانی پشتگیری نییە بۆ لێخۆشبوونی کرێی خوێندن".

بەهۆی ساردبوونی کەشوهەواوە لە ئێستادا خواست لەسەر بەکارهێنانی کارەبا زیاد دەکات، بەڵام بەشێکی ناوچەکانی هەرێم رۆژانە پێنج کاتژمێر کارەبایان پیدەدرێت.

حکومەتی ماوەبەسەرچوو دوو مووچەی ساڵی رابردووی مووچەخۆرانی فەوتاند و پەرلەمانتارێکی نەوەی نوێش دەڵێت، فەوتانی دوو مووچەی ساڵی رابردووی مووچەخۆران بەهۆی بێبەرنامەیی و بێ پلانی حکومەتی ماوەبەسەرچووەوەیە.

سەرۆک وەزیرانی عێراق، لەگەڵ جێگری سەرۆکی کۆمپانیای شیڤرۆنی ئەمریکی کۆبووەوە و لە دیدارەکەدا پەرەپێدانی هاوکارییەکانی نێوان وەزارەتی نەوت و کۆمپانیا ئەمریکییەکە لە بوارەکانی وزە و وەبەرهێنان تاوتوێ کرا.

ئەمڕۆ تا کۆتایی دەوام، ٤٢ کەس فۆڕمی خۆکاندیدکردنیان بۆ پۆستی سەرۆک کۆماری عێراق پڕکردەوە، سبه‌ی دووشه‌ممه‌ش ده‌رگای خۆپاڵاوتن داده‌خرێت.

وه‌زاره‌تی دادی عێراق ئازادكردنی ١٥ هه‌زار و ٩١٤ زیندانی له‌ ناوه‌نده‌كانی چاكسازی له‌ ماوه‌ی ساڵی ٢٠٢٥ـدا راگه‌یاند، له‌ چوارچێوه‌ی رێكاره‌ یاساییه‌ په‌سه‌ندكراوه‌كان و دوای ته‌واوبوونی پرۆسه‌كانی وردبینی و پێداچوونه‌وه‌ له‌لایه‌ن لیژنه‌كانه‌وه‌.

وته‌بێژی هه‌سه‌ده‌ رایگەیاند، کۆبوونەوەی شاندێکی سەرکردایەتی هێزەکانیان و بەرپرسانی حکومەتی دیمەشق، سەبارەت بە یه‌كخستنی هه‌سه‌ده‌ له‌ چوارچێوه‌ی سوریادا كۆتایی هاتووه‌ و "گفتوگۆکان بە شێوەیەکی پیشەیی و بەرپرسیارانە بەڕێوەچوون".

وەزارەتی سامانە سروشتییەکان دەڵێت، نەوتی سپی بەسەر نزیکەی ٧٠٠ هەزار خێزان لە پارێزگا و ئیدارە سەربەخۆکانی هەرێمی كوردستان دابەش کراوە و ٤١٥ هەزار خێزانیش ماون نەوت وەربگرن.

گرانبوونی کارتەکانی مۆبایل و ئینتەرنێت بە رێژەی ٢٠٪ کە بڕیارە لە ١٦ـی ئەم مانگەوە جێبەجێ بکرێت هەرێمی کوردستان ناگرێتەوە و تەنها بۆ عێراقە.

وەزارەتی دارایی عێراق کۆبوونەوە سەبارەت بە میکانیزمەکانی بەرزکردنەوەی داهاتی گشتی و خێراکردنی ئۆتۆماتیکی و گۆڕینی دیجیتاڵی لە بەش و دامەزراوەکانی وەزارەت.

پڕۆسەی خۆتۆمارکردن لە فۆرمی ئەلیکترۆنی خۆراک دەستیپێکردەوە و ئەو هاوڵاتییانەی کە ناوەکانیان بلۆک ببوو یان لە دەرەوەی وڵات بوون، دەتوانن ناوەکانیان تۆمار بکەن.

کۆبوونەوەی نێوان شاندێکی باڵای هەسەدە و بەرپرسانی حکومەتی سوریا لە بارەی تێکەڵکردنی هێزەکانیان کۆتاییهات.

وه‌زیری ده‌ره‌وه‌ی ئه‌مریكا دەڵێت، ره‌نگه‌ ئیداره‌ی دۆناڵد تره‌مپ ، ئاواته‌خوازی ئه‌وه‌ بێت كه‌ دوای ڤه‌نزوێلا كوبا بكاته‌ ئامانج، ئه‌مه‌ش له‌ چوارچێوه‌ی هه‌وڵه‌كانی بۆ گه‌ڕاندنه‌وه‌ی كاریگه‌رییه‌كانی ئه‌مریكا له‌ رۆژئاوادا.

پۆلیسی هه‌ڵه‌بجه‌ دەڵێت، تۆمه‌تبارێك ده‌ستگیركرا كه‌ چوه‌ته‌ سه‌ر ماڵی دراوسێیه‌كیان و چه‌ند پارچه‌ ئاڵتون و كامێرایه‌كی چاودێری و جوانكاری خانمانی دزیوه‌.

زیاتر لە ٥٠ کەس لە بەغدا بەهۆی خواردنی ریزۆوە گەیەندرانە نەخۆشخانە و بەپێی ئامارەکان زۆرینەیان منداڵن و خواردنەکە لەلایەن دوو کەسی گەڕۆکەوە دابەشکراوە.

سەرەڕای تێپەڕبوونی هەفتەیەک بەسەر تەواوبوونی ماوەی زیندانییەکەی شاسوار عەبدولواحید بەڵام ئازادنەکراوە و دەستگیرکردنەکەی بۆ ١٢ـی مانگ درێژکرایەوە.

کارەبای سلێمانی دەڵێت، هاوڵاتیانی هەرێم روویان لە دانانی سیستمی کارەبایی کردووە لە رێگەی وزەی خۆرەوە و لە ئێستادا زیاتر لە دوو هەزار و ٥٠٠ هاوبەش ئەو سیستمە بەکاردەهێنن.

کەشناسیی هەرێم دەڵێت، سبەینێ لە بەشێکی ناوچەکان کەش سارد دەبێت و دیاردەی بەستن روودەدات.

عێراق دەست بە دابەشکردنی دووهەمین بەشەنەوت دەکات و تا ئێستاش بەشێکی زۆری هاوڵاتییانی شارەکانی هەرێم نەوتی ئەم زستانەیان وەرنەگرتووە.

بەهای دۆلار لە بازارەکانی عێراق و هەرێم بەشێوەیەکی بەرچاو بەرزبووەوە و بەهای ١٠٠ دۆلار ١٤٥ هەزار دیناری تێپەڕاند.

سەرۆکی ڤەنزوێلا لەژێر چاودێرییەکی توندی سەربازیدا گەیەندرایە نیویۆرک و میدیا ئەمریکیەکانیش دەڵێن، سبەینێ لە دادگای مانهاتن دادگایی دەکرێت.

شارەزایەکی کەشناسی رایگەیاند، ئەمشەو لە هەندێک ناوچە پلەکانی گەرما بۆ -١١ پلەی سیلزی دادەبەزن.

بڕیارە ئەمڕۆ مەکتەبی سیاسیی یەکێتی سەبارەت بە دیاریکردنی کاندیدی خۆیان بۆ پۆستی سەرۆک کۆمار کۆببنەوە.

دوای مانگێک لە وەستانی، بڕیاربوو ئەمڕۆ پڕۆسەی خوێندن لە چەمچەماڵ دەستپێبکاتەوە بەڵام بەهۆی تەواونەبوونی نۆژەندکردنەوەی چەند قوتابخانەیەک کە لافاو زیانی پێگەیاندبوون، ٨٥٠ قوتابی ناتوانن دەست بە خوێندن بکەنەوە.

دادگای باڵای دادوەریی ڤەنزوێلا بە فەرمی دێڵسی رۆدریگێزی، وەک سەرۆکی راسپێردراو دیاری کرد و راشیگەیاند کە نیکۆلاس مادورۆ بەهۆی رفاندنـەوە توانای جێبەجێکردنی ئەرکەکانی نەماوە.

لە ساڵی ٢٠٢٦دا، زیرەکی دەستکرد (AI) رووبەڕووی تاقیکردنەوەیەکی چارەنووسساز دەبێتەوە بۆ سەلماندنی بەهای راستەقینەی خۆی دوای چەندین ساڵ لە چاوەڕوانییەکی زۆر و وەبەرهێنانی گەورە.

نرخی زێڕ لە بازاڕەکانی جیهاندا بەرزبووەوە و ئەمڕۆ یەک ئۆنسە لەو کانزا زەردە بە چوار هەزار و ٣٣٢ دۆلار مامەڵەی پێوەدەکرێت.

نرخی نەوت لە بازاڕەکانی جیهاندا کەمێک دابەزی و ئەمڕۆ نرخی بەرمیلێک نەوتی خاوی برێنت بە ٦٠ دۆلار و ٧٥ سەنت مامەڵەی پێوە دەکرێت.

پەرلەمانی عێراق رایگەیاند، ڕۆژی دووشەممەی داهاتوو، دوا وادە دەبێت بۆ پێشکەشکردنی داواکاریی ئەو کەسانەی ئارەزوو دەکەن خۆیان بۆ پۆستی سەرک کۆماری عێراق بپاڵێون.

ساڵی ڕابردوو زیاتر لە ٢٠٢ هەزار منداڵ لە نەخۆشخانەی د.جەمال ئەحمەد رەشیدی تایبەت بە منداڵان چارەسەر كراون.

بێژەر و پێشکەشکاری بەناوبانگی جەزیرە و بی بی سی عەرەبی، جەمیل عازر لە تەمەنی ٨٩ ساڵیدا کۆچی دوایی کرد.

سەرۆکی ئەمریکا دەڵێت، هێزەکانیان لە شەوێکی تاریکدا چوونە سەر شوێنی مانەوەی مادورۆ و هێرشێکی سەرکەوتوویان کرد، هیچ سەربازێکمان لەدەستنەدا. دەشڵێت، "لە ئێستادا مادۆرۆ و هاوسەرەکەی لەسەر کەشتییەکن و بەڕێگەوەن بەرەو نیویۆرک".

وەزارەتی پەروەردە بەفەرمی لەسەر راگەیاندنی پشوو لەو شوێنانەی ئاستەنگی هاتووچۆ دروستبووە هاتە دەنگ و رایگەیاند، سبەینێ دەوامی فەرمییە و پەروەردەی سلێمانیش دەڵێت، "دەسەڵاتمان داوە بە بەڕێوەبەری پەروەردەکان بۆ دەوامی سبەینێ"‌.

پەرلەمانی عێراق بەرنامەی کاری دانیشتنی رۆژی دووشەممەی بڵاوکردەوە و لە دانیشتنەکەدا پەرلەمان دەنگ لەسەر پەیڕەوی ناوخۆ دەدات و هەنگاوی کردەیی بۆ رێکخستنی لێژنە پەرلەمانییەکان دەنێت.

سەرۆکی ئەمریکا دەڵێت، لە رێگەی شاشەی تەلەفزیۆنەوە راستەوخۆ چاودێری پرۆسەی دەستگیرکردنەکی کردووە و دەشڵێت، بڕیار بووە ئۆپەراسیۆنەکە چوار رۆژ پێشتر ئەنجام بدرێت، بەڵام بەهۆی ناجێگیری کەشوهەواوە دواخراوە.

لە پێناو پاراستنی سەلامەتیی قوتابییان و بەهۆی نزمبوونەوەی پلەکانی گەرما بۆ ژێر سفری سیلیزی، پەروەردەی شارەزوور بڕیاریدا کاتی دەستپێکردنی دەوامی بەیانیان بۆ ماوەی یەک کاتژمێر لە سەرجەم ناوەندەکانی خوێندنی سنوورەکە دوابخات.

پەیامنێری ئێن ئاڕ تی رایگەیاند، کەمێک پێش ئێستا لە گەڕەکی هوانەی سلێمانی ئاگر لە ماڵێک کەوتووەتەوە و وتەبێژی بەرگریی شارستانیی سلێمانیش بە ئێن ئاڕ تی وت، بەهۆی ئاگرەکەوە ژنێک گیانی لەدەستداوە.

کاسبکارانی بازاڕی رزگاری دژی گۆڕینی شوێنی کارکردنیان ناڕەزایەتییان دەربڕی و دەڵێن، ئەو جێگایەی ئێستا بۆیان دانراوە لە سەنتەری قەزاکەوە دوورە و کاریگەریی لەسەر کەسابەتیان دروستکردووە. دەشڵێن، حکومەت بە بیانووی دروستبوونی لافاو شوێنکاری پێشتری پێ چۆڵکردوون.

سەرۆکی پارتی و سەرۆکی ئەنجوومەنی باڵای دادوەریی عێراق کۆبوونەوە و بارودۆخی سیاسیی عێراقیان تاوتوێکرد. سەرۆکی ئەنجوومەنی باڵای دادوەری عێراقیش رایگەیاند، گرنگە ناوی کاندیدەکان بۆ پۆستی سەرۆک کۆماری عێراق لە ماوەی دیاریکراودا پێشكەش بكرێن.

بە هۆی بارینی بەفرێکی زۆر، پەروەردەی سۆران، بە مەبەستی پاراستنی سەلامەتیی گیانی مامۆستا، فەرمانبەر و قوتابیان، پشووی بۆ گشت قوتابخانەکانی سنووری ئیدارەی سۆران راگەیاند.

کەشناسی هەرێم رایگەیاند، بەفر و باران کۆتایی هات و کەشوهەوا ئاسایی دەبێتەوە، دەشڵێت ئاسمان ساماڵ دەبێت و سەرماکەش کەمێک دەڕەوێتەوە و پلەی گەرما بەرزدەبێتەوە.

راوێژکاری دارایی سەرۆک وەزیرانی عێراق دەڵێت، "هێرشی ئەمریکا بۆ سەر ڤەنزوێلا وا دەکات نرخی نەوت لە بازاڕەکانی جیهاندا بەرز بێتەوە و بازاڕی وزە بکەوێتە مەترسی".

وەزیری دەرەوەی ئەمریکا دەڵێت، نیکۆلاس مادۆرۆ، سەرۆکی ڤەنزوێلا لای ئه‌مریكا ده‌ستبه‌سه‌ره و لای ئێمەش دادگای دەکرێت.‌ دەشڵێت، ئەمەریکا هیچ نیازێکی نییە بۆ درێژەدان بە چالاکیی سەربازیی لە ڤەنزوێلا.

لە کۆبوونەوەی مەکتەبی سیاسیی پارتیدا، بڕیاردراوە شاندێکی دانوستانکاری حزبەکە لەبارەی پۆستی سەرۆک کۆمار گفتوگۆ لەگەڵ لایەنە سیاسییەکان بکات.

جێگری سەرۆکی ڤەنزوێلا دەڵێت، حکومەت بێئاگایە لە شوێنی مانەوەی نیکۆلاس مادۆرۆ و هاوسەرەکەی، ئەمەش دوای ئەوەهات، سەرۆکی ئەمریکا رایگەیاند، هێزەکانیان سەرۆکی ڤەنزوێلا و هاوسەرەکەی دەستگیرکراون و گوازراونەتەوە بۆ دەرەوەی وڵات.

دوای ساڵانێک لە داواکردنی لەلایەن ئەمریکاوە، دەنگۆی ئۆپەراسیۆنێکی سەربازیی نهێنی بۆ سەر کۆشکی سەرۆکایەتی ڤەنزوێلا بە هەموو جیهاندا بڵاوبووەوە، بەپێی ئەو زانیارییانەی میدیا جیهانییەکان بڵاویانکردووە، هێزە تایبەتەکانی ئەمریکا ناسراو بە دەلتا فۆرس لە ئۆپەراسیۆنێکدا توانیویانە نیکۆلاس مادورۆ، سەرۆکی ڤەنزوێلا و هاوسەرەکەی دەستگیر بکەن.

دوو سبەى وادەی پێشکەشکردنی کاندیدانی سەرۆک کۆماری عێراق کۆتایی دێت و تا ئێستاش چەند کەسێک لە یەکێتی و لایەنەکانی تر خۆیان کاندید کردووە.

ئەنجوومەنی باڵای دادوەریی عێراق لە راگەیەنراوێکدا دووپاتی دەکاتەوە، دەستوەردان لە پرسی کاندیدکردنی هیچ کەسایەتییەکی سیاسی بۆ پۆستی سەرۆک وەزیرانی عێراق ناکات.

سه‌رۆكی ئه‌مریكا رایگه‌یاند، هێرشێكی گه‌وره‌ و فراوانیان كردووه‌ته‌ سه‌ر ڤه‌نزوێلا و سه‌رۆكی ڤه‌نزوێلا و هاوسەرەکەیان ده‌ستگیركردووه‌ و له‌ ڤه‌نزوێلا براوه‌ته‌ ده‌ره‌وه‌. میدیاكانی ئه‌مریكاش دەڵێن، هێزی دەلتای ئەمریکا ئۆپەراسیۆنەکەیان ئەنجامداوە.

بەڕێوبەرایەتی گشتی بانکە بازرگانیەکان رایگه‌یاند، سبه‌ی یه‌كشه‌ممه‌ پشووی بانكییه‌ له‌سه‌رجه‌م بانکە حکومیەکانی سەر بە بەڕێوبەرایەتی گشتی بانکە بازرگانیەکان.

کەشناسی هەرێم دەڵێت، لە ٢٤ کاتژمێری رابردوودا زۆرترین بڕی بارانبارین لە دەربەندیخان بووە کە رێژەکەی ٥٠،٤ ملم بووە، دەشڵێت لە وەرزی بارانبارینی ئەمساڵ، لە چوارتای سنووری سلێمانی زۆرترین و لە شەمامکی سەر بە پارێزگای هەولێر کەمترین باران باریوە.

دەنگی زنجیرەیەک تەقینەوەی بەهێز لەگەڵ دەنگی فڕۆکە لە ئاسمانی کاراکاسی پایتەختی ڤەنزوێلا بیسترا و حکومەتی ڤەنزویلا، باری نائاسایی لە وڵاتەکە راگەیاند و ئەمریکاش بە بۆردومانکردنی وڵاتەکەیان تۆمەتبار دەکات.

بەڕێوەبەرایەتی گشتی بەنداوو کۆگاکانی ئاو دەڵێت، بەهۆی باران بارینەوە ئاستی ئاوی بەنداوەکان زیادیکردووە بەشێوەیەک لە بەنداوی دوکان و دەربەندیخان زیاتر لە نیو ملیار مەتر سێجا ئاو کۆگاکراوە.

کەشناسی دەڵێت، لە ٢٤ کاتژمێردا لە هیرانی سەر بە پارێزگای هەولێر زۆرترین بڕی باران باریوە کە ٧١ ملم بووە و زۆرترین بڕی بەفربارینیش لە حاجی ئۆمەران بووە بە ٥٣ سانتیمەتر و رێژەی بەفر و بارانی ئەمساڵ زۆر زیادیکردووە بە بەراورد بە ساڵی رابردوو ئەم کاتانە.

زانکۆی سۆران دەڵێت، بەهۆی نالەباریی کەشوهەوا بڕیارە خوێندنی خوێندکارانی قۆناغى یەکەمی بەشە زانستییەکانی سەرجەم فاکەڵتییەکانی زانکۆی سۆران بۆ ئەم هەفتەیە بکرێتە ئۆنلاین.

قائیمقامی پێنجوێن دەڵێت، دوانیوەڕۆی ئەمڕۆ رێگەی نێوان پێنجوێن - سلێمانی کە بەهۆی بەفرەوە داخرابوو، کرایەوە و هاتوچۆ ئاساییبووەتەوە.

رووداوێکی هاتووچۆی سەخت لە گوندی سەرتەکی بەمۆ روویدا و ١٣ کەس برینداربوون.

سەرۆکی دەستەی سیاسی بزوتنەوەی رەوتی نیشتمانی خێڵەكان دەڵێت، بڕیاری کۆتایی بۆ دیاریکردنی سەرۆک وەزیرانی عێراق لە دەستی چوارچێوەی هەماهەنگیدایە و وتیشی چوارچێوەکە کاندیدی سەرۆک وەزیرانی دیاریكردووەو لە كاتی گونجاودا رایدەگەیەنێت.

رووسیا دەڵێت، ئۆکرانیا هۆتێلێکی وڵاتەکەی لە هەرێمی خێرسۆن کردووەتە ئامانج و چەند کەسێک کوژراون و برینداربوون.

کەشناسی دەڵێت، ئه‌مڕۆ بارانی مامناوەند لە سنوری پارێزگای سلێمانی و هەڵەبجە و ئیدارەی راپەڕین و ئیدارەی سۆران بەردەوامی دەبێت لە ناوچەکانی دیكه‌ نمەباران و بارانی مامناوەند بە شێوەی پچڕپچڕ دەبارێت.

وتەبێژیشاندی دانوستانکاری ئیدارەی خۆسەر دەڵێت، چاوەروان دەکرێت لە چەند ڕۆژی داهاتوودا بڕگەکانی رێککەوتنی ١٠ـی ئازار لەگەڵ حکومەتی سووریا بکەونە بواری جێبەجێکردنەوە.

وەزارەتی پلاندانانی عێراق دەڵێت، سندوقی گەشەپێدانی کۆمەڵایەتی نزیکەی ٦٠٠ پڕۆژەی لە ئارادایە و ئەمساڵ سەرجەمی ئەو پڕۆژانە تەواو دەبن.

بەهۆی زۆریی رێژەی بەفربارینەوە، رێگای نێوان پێنجوێن – سلێمانی داخرا.

سەرۆکی ڤەنزوێلا دەڵێت، ئامادەن رێککەوتنی بازرگانی و ئابووری لەگەڵ ئەمریکا واژۆبکەن

بەڕێوەبەری نەخۆشخانەی کەلار دەڵێت، لە کەلار بەهۆی غازی سۆپاوە ژنێک گیانی لەدەستدا و خوشکەکەشی بەهۆی ناجێگیری تەندروستییەوە رەوانەی سلێمانی کراوە.

پێنج ئەندامی خێزانێک، بەهۆی غازی زۆپاوە لە گوندێکی سەربە ناحیەی شوان لە کەرکوک دۆخی تەندروستیان تێکچوو و رەوانەی نەخۆشخانەی گشتی تەق تەق کران و بەڕێوەبەری نەخۆشخانەکەش دەڵێت، "لە ئێستادا لە ژێر چاودێری پزیشکیدان و دۆخی تەندروستیان جێگیرە".

ئیدارەی سۆران داوا لە هاوڵاتیان و شۆفێران دەکات ئەگەر بۆ کاری زۆر پێویست نەبێت ئەمشەو هاتووچۆ نەکەن، چونکە جارێکیتر بەفر دەبارێتەوە و پێشبینی دەکەن رێگا بگیرێت.

وەزارەتی تەندروستیی عێراق رایگەیاند، لە شەوی سەری ساڵدا، نزیکەی ٥٠٠ حاڵەتی برینداربوون بەهۆی یارییە ئاگرینەکان، تەقەکردن و رووداوەکانی هاتووچۆ تۆمار کراون.

پەیامنێری ئێن ئاڕ تی رایگەیاند، کەمێک پێش ئێستا گەنجێک لەکاتی هەوڵدان بۆ داگیرساندنی مۆلیدە لە ماڵی خۆیان لە شارەدێی وەرتێ کەوتووەتە خوارەوە و گیانی لەدەستدا.

کەشناسی هەرێم بڕی باران و بەفر بارینی بەشێک لە ناوچەکانی هەرێم و رەوشی کەشوهەوای ئەمشەوی بڵاوکردەوە و دەڵێت، "شەپۆلی بەفربارین بەردەوام بێت لە سەرجەم ناوچە شاخاوییەکان و ئەو ناوچانەی کە نزیکن لە ناوچە شاخاوییەکان".

لە دوانیوەڕۆی ئەمڕۆوە کارەبای ٢٤ کاتژمێری لە سۆران کوژاوەتەوە و کارەبای سۆرانیش دەڵێت، کێشەیەک لە وێستگەی دانە غاز هەیە، بووە هۆی کوژانەوەی گشتی، تیمەکان لە هەوڵی چارەسەرکردنیدان.

سەرەڕای کۆتاییهاتنی ئەرکەکانیان لە عێراق، تیمی نەتەوە یەکگرتووەکان جەخت لە بەردەوامی و بەهێزیی هاوبەشییەکانیان لەگەڵ عێراق دەکاتەوە و دەڵێت" لە چەند بوارێکی گرنگدا لە پاڵپشتیکردنی عێراق بەردەوام دەبن".

بەهۆی بەفربارینەوە سەرجەم رێگاکانی سۆران داخران و لە ئێستادا ئیدارە سەربەخۆی سۆران بە تەواوی لە هەموو شار و شارۆچکەکانی هەرێم دابڕاوە.

پۆلیسی كه‌ركوك رایگه‌یاند، دوو کەسیان بە تۆمەتی كوشتنی ژنەکەی گه‌ڕه‌كی حسێن له‌ كه‌ركوك، دەستگیرکرد.

وتەبێژی حەج و عومرەی هەرێم رایگەیاند، یەکەم عومرەکاری کورد لە ساڵی ٢٠٢٦ـدا لە مەدینە بەهۆی نەخۆشییەوە کۆچی دوایی کرد.

هاتووچۆی سۆران ئاگادارییەکی بەپەلە ئاراستەی سەرجەم شوفێران و هاوڵاتییان دەکەنەوە سەبارەت بە گرتنی یەکێک لە رێگا سەرەکییەکان بەهۆی تێکچوونی کەشوهەواوە.

پۆلیسی سلێمانی رایگەیاند، لە بازاڕی سەیدسادق کەسێکیان دەستگیر کردووە کە بڕێک پارەی ساختەی پێ بووە و ویستوویەتی لە بازاڕدا ساغی بکاتەوە.

ئەندامێکی چوارچێوەی هەماهەنگی دەڵێت، تاوەکو ئێستا لایەنەکان رێکنەکەوتوون لە سەر دیاریکردنی یەک کاندید بۆ پۆستی سەرۆک وەزیران، بۆیە هەفتەی داهاتوو چوارچێوەی هەماهەنگی بۆ تاوتوێکردن و دەستنیشانکردنی کاندیدی سەرۆک وەزیرانی داهاتوو کۆدەبێتەوە.

سەرەڕای ئەوەی دوێنێ دەروازەی زێت وتبووی کە ئەمڕۆ پێنجشەممە دەکەنە پشووی فەرمی، بەڵام ئەمڕۆ کە پشووەکەی بۆ ماوەی پێنج رۆژ درێژکردەوە.

گەنجێکی سەیدسادق كە ماوەی هەفتەیەکە رێگای ئەوروپای گرتووەتەبەر، درەنگانی شەوی رابردوو هەواڵی گیانلەدەستدانی لەناو بەفردا بە خانەوادەکەی راگەیاندرا.

به‌رهه‌م ساڵح وه‌ك كۆمیسیاری باڵای نه‌ته‌وه‌ یه‌كگرتووه‌كان بۆ كاروباری په‌نابه‌ران ده‌ستبه‌كاربوو، فیلیپۆ گراندیش ماڵئاوایی لە پۆستەکەی کرد.

مەکتەبی سیاسی یەکێتی دەڵێت، پابەندن بەسیاسەتی راستكردنەوەی رێڕەوی حوكمڕانیو پێكهێنانی كابینەیەکی کارا و خزمەتگوزار لە حكومەتی هەرێم و عێراق.

تەندروستی سلێمانی دەڵێت، ساڵی رابردوو نۆ هەزار و ٨٤٨ لە نەخۆشخانەی منداڵبوون لەدایکبوون.

سلێمانی شەوی سەری ساڵی تێپەڕاند و یارییە ئاگرینەکان زیانی بە دەموچاوی ٢٢ هاوڵاتی گەیاندووە، كۆمەڵێك رووداوی دیكەش تۆماركراون و چارەسەر بە هاوڵاتیان دراوە.

مەکتەبی سیاسی پارتی هەفتەی داهاتوو کۆدەبێتەوە و پۆستی سەرۆک کۆمار و پێکهێنانی حکومەتی نوێی هەرێم و عێراق تاوتوێ دەکرێت.

كەشناسیی هەرێم لەبارەی کەشوهەوای یەکەم رۆژی ساڵی نوێ دەڵێت، چاوەڕێدەكرێت نمەباران و بارانی مامناوەند لە زۆربەی ناوچەکان ببارێت.

لەکاتی ئاهەنگگێڕانی سەری ساڵدا لە شارۆچکەیەکی سویسرا تەقینەوەیەک روویدا و رۆژنامەیەکی سویسریش دەڵێت، نزیکەی ٤٠ گیانیان لەدەستداوە.

بەهۆی تێکچونی کەشوهەوا و بارینی بەفرێکی زۆر، هاتووچۆی گەشتیاران لەدەروازەی نێودەوڵەتی زێت لەنێوان هەرێم‌ و تورکیا بۆ کاتێکی نادیار راگیرا.

کۆمەڵەی بەرگری لە ئازادی رۆژنامەوانی هۆشداریدەدات لە دابەزینی ئازادی كاری رۆژنامەوانی لە عێراق بۆ ئاستێکی مەترسیدار لە ماوەی ساڵی ٢٠٢٥ـدا و دەڵێت، زۆرترین پێشێلکاری لە بەغدا و دواتر لە سلێمانی تۆمارکراوە.

بەڕیوبەرایەتی پاسپۆرتی سلێمانی دەڵێت، سەرەی ئەلکترۆنی پاسپۆرت کارا کراوە و دەتوانن سەرە بگرن لە رێی ئەو Qr کۆدەی دانراوە و نرخی تێچووی پاسپۆرت ٩٢ هەزار دینارە ، گەر سەرەی ئەلکترۆنی (حجز الكتروني) ھەبێت .

بەڕێوبەرایەتی نەوت و کانزاکانی هەولێر دەڵێت، لە رێگەی بریکارەکانی خۆراکەوە کارتی وەرگرتنی سووتەمەنی (کارتی زیرەک) بۆ هاوڵاتیان درووستدەکرێت، کە نەوت و غاز و بەنزینی پێوەردەگیرێت.

لەگەڵ یەکەم رۆژی ساڵی نوێدا لە عێراق دەستکرا بە دابەشکردنی مووچەی مانگی یەکی خانەنشینان و بانکی رافیدەین داوا لە خانەنشینان دەکات مووچەکانیان وەربگرن.

سەرۆکوەزیرانی عێراق پیرۆزبایی ساڵی نوێی لە گەلی عێراق کرد و دەڵێت، پابەند دەبێت بە خزمەتکردنی گەلەکەیانەوە.

نێردەی ترەمپ بۆ عێراق، بەبۆنەی ساڵی نوێوە پەیامێکی هۆشداری ئاراستەی گەندەڵکارانی عێراق کرد و دەڵێت، کاتی ئێوە کۆتایی هات و ئێستا کاتی عێراق و عێراقییەکانە، هاوکات بەڵێنی عێراقێکی جیاوازیدا لە ساڵی نوێدا.

شۆربای نۆک یەکێکە لە شۆربا زستانییە بەناوبانگەکانی وڵاتانی عەرەبی، جگە لەوەی کە جەستە گەرمدەکاتەوە سەرچاوەیەکی باشە بۆ وزە و پرۆتین و ریشاڵ، چەندین سوودی تەندروستی هەیە.

نرخی زێڕ لە بازاڕەکانی جیهاندا دابەزی و ئەمڕۆ یەک ئۆنسە لەو کانزا زەردە بە چوار هەزار و ٣٢٥ دۆلار مامەڵەی پێوەدەکرێت؛ نرخی مسقاڵێک زێڕی عەیارە ٢١ـیش بە ٨٧٢ هەزار دینارە.

نرخی نەوت لە بازاڕەکانی جیهاندا دابەزی و ئەمڕۆ نرخی بەرمیلێک نەوتی خاوی برێنت بە ٦٠ دۆلار و ٨٥ سەنت مامەڵەی پێوە دەکرێت.

پزیشکانی دانەمەزراوی دەرچووی دەرەوەی وڵات کە ژمارەیان ٥٣ پزیشکە، "کەمپینی ٥٣ و لۆگۆیەکی فەرمی خۆی دەناسێنێت و بە چالاکیی نوێ بەردەوام دەبێ.

بەڕێوەبەرایەتیی گشتیی شارەوانییەکانی گەرمیان دەڵێت، سبەی بەبۆنەی سەری ساڵەوە ژینگەپارێزانی ناوچەکەیان پشوو وەردەگرن.

لە هەولێر گۆشتفرۆشێک ئاژەڵی رێوی سەربڕیوە، بە هاوڵاتییانی فرۆشتووە، لەلایەن لیژنەکانی قائیمقامییەت شوێنەکەی داخرا.

هاتوچۆی کۆیە دەڵێت، لە رووداوێکی هاتووچۆدا لەسەر رێگەی کۆیە بۆ دوکان، سێ کەس گیانیان لەدەستدا و چوار کەسی دیکەش برینداربوون.

جێگری سەرۆکی حکومەتی ماوەبەسەرچوو دەڵێت، "پێویستە هەموو لایەنە سیاسییەکان وانە لە ناتەبایی و ناکۆکییەکانی ساڵانی رابردوو وەربگرن و لە ساڵی نوێدا کاربکەن بۆ تێبپەڕاندی چەقبەستوویی و رێکخستنەوەی ناو ماڵی کورد".

وەزارەتی پلاندانانی عێراق ئاماری هەڵاوسانی لەسەر هەردوو ئاستی مانگانە و ساڵانە بڵاوکردەوە و بە گوێرەی ئامارەکە، هەڵاوسان لەسەر ئاستی ساڵانە لە عێراق کەمیکردووە.

سەرجەم رێگاکانی پارێزگای هەولێر بەستوویانە و داوا لە هاوڵاتییان دەکرێت تا بۆیان دەکرێت نەچنە دەرەوە، داوایش لە سەرجەم گەشتیاران دەکات، یارمەتی تیمەکان بدەن بۆ خاوێنکردنەوە و راماڵینی بەفر لە رێگاکان.

بەڕێوەبەرایەتی بەنداوەکانی هەرێم دەڵێت، بەهۆی بارانی ئەم دواییانەوە، بەنداوی دەربەندیخان ئاستی ئاوەکەی چوار مەتر و نیو زیادیکردووە و بەڕێوەبەرایەتی بەنداوی دوکانیش دەڵێت، تەنها لەم مانگەدا ئاستی ئاوی بەنداوەکە سێ مەتر و نیو زیادیکردووە.

لە عێراق هەفتەی داهاتوو رۆژێك كراوەتە پشوو، ئەو پشووەش بەبۆنەی دامەزراندنی سوپای عێراقە، بەڵام هەرێمی كوردستان ناگرێتەوە.

سەرۆکی حکومەتی ماوەبەسەرچوو دەڵێت، بەمەبەست رێگری لە پێکهێنانی حکومەتی نوێی هەرێم دەکرێت و دەشڵێت، ئومێدەوارین کابینەی نوێی فیدراڵیش، لە ئاییندەیەکی نزیکدا، لەسەر بنەما و لەبەرچاوگرتنی پرنسیپەکانی هاوبەشی و هاوسەنگی و سازان پێک بهێنرێت.

هاتووچۆی ناو شاری سلێمانی ئامادەکاری دەکات بۆ داخستنی بەشێکی شەقامی سالم، ئەویش بەبۆنەی هاتنی سەری ساڵ و دەیانەوێت لە شەقامەکە لە جیاتی هاتووچۆی ئۆتۆمبێل، هاوڵاتیان بە پێ هاتۆوچۆی پێدابکەن.

پەرلەمانی عێراق مەرجەکانی خۆپاڵاوتنی بۆ بوون بە سەرۆک کۆماری عێراقی بڵاوکردەوە و پشتبەست بە مادەکانی دوو و سێ لە یاسای ژمارە هەشتی ساڵی ٢٠١٢.

تەندروستی سلێمانی ئاماری نەخۆشخانەی نەشتەرگەری فێركاری بۆ ئەمساڵ بڵاوکردەوە و کۆی گشتی ئەو نەشتەرگەریانەی ئەنجامدراون بریتی بووە لە سێ هەزار و ٥٨٧. دەشڵێت، لەماوەی ئەم ساڵەدا ٨٩ نەشتەرگەری چاندنی گورچیلە بەسەركەوتوویی ئەنجامداوە.

وتەبێژی دەستەی گەشتوگوزار دەڵێت، بۆ پشووەكانی سەری ساڵ چاوەڕوانی هاتنی زیاتر لە ٢٠٠ هەزار گەشتیار دەكەین بۆ هەرێمی كوردستان. دەشڵێت، زۆرینەی گەشتیارەكانیش لە ناوەڕاست و باشووری عێراقەوە دێنە هەرێمی كوردستان.

دوای ئەوەی لە چەند رۆژی رابردوودا نرخی زێڕ گەیشتە بەرزترین ئاستی خۆی لە مێژوودا، ماوەی سێ رۆژە دەستی کردووەتەوە بە دابەزین و بەجارێک زیاتر لە ٢٠٠ دۆلار لە ئۆنسەیەک دابەزی.

كەشناسیی هەرێم دەڵێت، لە دوای نیوەڕۆی ئەمڕۆوە شەپۆلێكی دیكەی بەفر و بارانبارین دەستپێدەكات و پلەکانی گەرماش بە نزمی دەمێننەوە.

دەستەی خانەنشینیی عێراق دەڵێت، تەواوی رێکارەکانی خەرجکردنی مووچەی مانگی یەکی خانەشینان کۆتایی هاتووە و لەگەڵ دەستپێکردنەوەی دەوام دەست بە دابەشکردنی مووچەكانیان دەکرێت.

شەوی رابردوو لە گەڕەکی موسەڵای سەر بە کەرکوک ژنێکی تەمەن ٤٠ ساڵ لەلایەن کەسێکەوە کوژرا و پۆلیسی کەرکوکیش دەڵێت، لێکۆڵینەوەیان لە رووداوەکە دستپێکردووە.

وەزارەتی دارایی عێراق دەڵێت، دابەشکردنی مووچەی مانگی ١٢ـی ئەمساڵ تەواوبووە و چاوگێکیش بە ئێن ئاڕ تی وت، هەموو حساباتێکی دارایی ٢٠٢٥ـیان لە تەواوی عێراق و لەگەڵ هەرێمیش داخستووە.

بەپێی زانیارییەکانی ئێن ئاڕ تی، یەکێتی نزار ئامێدی ئەندامی مەکتەبی سیاسی حزبەکەی بۆ پۆستی سەرۆک کۆمار کاندید دەکات.

رێگای دەربەند بۆ سەنگەسەر لە دەڤەری راپەڕین بەستوویەتی و بەوهۆیەوە ئۆتۆمبێلێک وەرگەڕاوە و پۆلیسی راپەڕین دەڵێت، تا بۆتان دەکرێت مەچنە ئەو رێگایە.

شەپۆلێکی دیکەی بەفروباران روو لە هەرێمی کوردستان دەکات و کەشناسی هەرێم دەڵێت، لەمشەوەوە پلەکانی گەرما لە زۆربەی ناوچەکان دەچنە ژێرسفر.

دوای تەواوكردنی رێكارەكانی هەڵبژاردنی دەستەی سەرۆكایەتی پەرلەمانی عێراق و دەسبەكاربوونی دەستەكە، پەرلەمان دەرگای خۆکاندیدکردن بۆ پۆستی سەرۆک کۆمار بەفەرمی كردەوە و بۆماوەی سێ رۆژ بەردەوام دەبێت، هەروەها یەکەم کۆبوونەوەشی بۆ پێنجی مانگی داهاتوو هەڵگرت.

له‌ده‌نگدانی خولی سێیەمی هەڵبژاردنی جێگری دووەمـی سەرۆکی پەرلەمانی عێراق، فه‌رهاد ئه‌تروشی، كاندیدی پارتی توانی ده‌نگی زۆرینه‌ی ئه‌ندامان به‌ده‌ستبهێنێت و بۆ پۆستی جێگری دووه‌می سه‌رۆكی په‌رله‌مان هه‌ڵبژێردرا.

تاوانباری رووداوی کوشتنی ژن و مێردەکەی سنووری پارێزگای هەولێر دەستگیرکراو و ئاسایشی هەولێر دەڵێت، "تۆمەتبار دانی بە تاوانەکەیداناوە و رووداوەکە بەهۆی کێشەیەکی کۆنی کۆمەڵایەتیەوە بووە".

بەڕێوەبەرایەتیی چاککردنەوە و پاراستنی رێگاوبانی هەولێر هۆشداری بە هاوڵاتییان و گەشتیاران دەدات و دەڵێت، ئەوانەی لە دەرەوەی شارن بگەڕێنەوە ماڵەکانیان.

وتەبێژی بەرگری شارستانی سلێمانی دەڵێت، لە لێکۆڵینەوە سەرەتاییەکاندا دەرکەوتووە، تەقینەوەی سیستمی غازی باڵەخانەی بەنزینخانەکە، بەهۆی لێچوونی بەنزینەوە بووبێت.

کەشناسی هەرێم رێژەی بارانبارینی ٢٤ کاتژمێری رابردووی بڵاوکردەوە و دەڵێت، زۆرترین رێژەی بارانبارین لە پێنجوێنی سەر بە پارێزگای سلێمانی بووە، کە ٣٠ ملم باران باریوە.

وەزارەتی نەوتی عێراق دەڵێت، ١٠٠ لیتر نەوت بۆ هەر خێزانێكی چەمچەماڵ و كەركوك تەرخانكراوە كە بەهۆی لافاوەوە زەرەر و زیانیان بەركەوتووە.

چاوگێک بە ئێن ئاڕ تی راگەیاند، ئامادەکاری دەکرێت بۆ کشانەوەی هەردوو کاندیدەکەی جێگری دووەمـی سەرۆکی پەرلەمانی عێراق و بەپێی زانیارییەکان رێککەوتن کراوە و پارتی فەرهاد ئەتروشی لە جێگەی شاخەوان عەبدوڵا کاندید دەکات.

تەقینەوەیەکی بەهێز لە بەنزینخانەیەکی سلێمانی روویدا و بەپێی زانیارییەکان بەهۆی رووداوەکەوە پێنج کەس برینداربوون و دۆخی تەندروستی سەرجەم بریندارەکان جێگیرە.

دەستەی گومرگی عیراق دەڵێت، لە هەفتەی داهاتووەوە باجی گومرگی نوێ بەڕێژەی ١٥٪ بەسەر ئۆتۆمبێلی كارەباییدا دەسەپێنن.

شەوی رابردوو لەشاری هەولێر ژن و مێردێک کوژران و بەپێی زانیارییە سەرەتاییەکان هۆکارەکەی دەگەڕێتەوە بۆ کێشەیەک چەند ساڵێک لەمەوبەر روویداوە.

وه‌زاره‌تى كارو كاروبارى كۆمه‌ڵایه‌تى عێراق دەڵێت‌، له‌ساڵى نوێدا بڕیاردراوه‌ قه‌رزێك بدرێته‌ هاوڵاتیان‌ و ئه‌وكه‌سانه‌ى ئاره‌زوویان هه‌یه‌ ببنه‌ خاوه‌نكارى تایبه‌تى خۆیان، دەشڵێت، "بڕى قه‌رزه‌كه‌ زۆره‌ و هیچ سوودێكیشى ناچێته‌سه‌ر".

لە ماوەی ٢٤ کاتژمێری رابردوودا، شەپۆلێکی چڕی بەفربارین ناوچە جیاجیاکانی هەرێمی گرتووەتەوە، بەپێی ئامارەکان، بەرزاییەکانی پارێزگای دهۆک و هەولێر زۆرترین بڕی بەفریان لێ باریوە، بەجۆرێک لە هەندێک ناوچە ئاستی بەفر نیو مەتر و زیاتری تێپەڕاندووە.

قایمقامیەتی چەمچەماڵ دەڵێت، لێخۆشبوون بۆ کرێی خوێندنی خوێندکارانی پەیمانگا و زانکۆکانی سنووری چەمچەماڵ دەرکراوه.

کەشناسی هەرێم رایگەیاند، لە سبەینێ چوارشەممەوە شەپۆلێکی دیکەی بەفربارین بەشێک لەناوچەکانی هەرێم دەگرێتەوە و پێشبینی دەکرێت تا ١٠ سانتیم بەفر ببارێت، پلەکانی گەرماش روو لە نزمبوونەوەی زیاتر دەکەن.

عەبدوڵا ئۆجه‌لان بە ئاماژەدان بە پڕۆسەی یەکگرتنی نێوان هه‌سه‌ده‌ و سوپای نوێی سوریا رایگه‌یاند، "جێبەجێکردنی رێککەوتنەکە دەبێتە هۆی ئاسانکاری و خێراترکردنی پرۆسەکە، زۆر گرنگە تورکیا رۆڵێکی ئاسانکاری و بنیاتنەر لەو پڕۆسەیەدا بگرێتە ئەستۆ".

دوای ئەوەی لە چەند رۆژی رابردوودا نرخی زێڕ گەیشتە بەرزترین ئاستی خۆی لە مێژوودا، لە دوێنێوە دەستی کردووەتەوە بە دابەزین و بە شێوەیەک کە هەر ئۆنسەیەک ٢٠٠ دۆلاری لێبووەتەوە.

پارێزگای كەركووك بڕیاریدا دەوامی سەرجەم ناوەندەکانی خوێندن بۆ ماوەی دوو رۆژ رابگرێت، هۆکارەکەشی بۆ دابەزینی پلەکانی گەرما بۆ ژێر سفڕ دەگەڕێنێتەوە.

کەشناسی هه‌رێم له‌ هۆشدارییه‌كدا رایگه‌یاند، لە درەنگانی ئەمشەوەوە بۆ كاته‌كانی سه‌رله‌به‌یانی سبه‌ی سێشه‌ممه‌، پله‌كانی گه‌رما بۆ ژێر سفر پله‌ی سیلیزی داده‌به‌زن و پێشبینی دروستبوونی شەختە دەکەن.

وه‌زیری ده‌ره‌وه‌ی رووسیا رایگەیاند، ئۆكرانیا "هێرشی تیرۆریستی"ی له‌ڕێگه‌ی فڕۆكه‌ی بێفڕۆكه‌وان (درۆن)ه‌وه‌ بۆ سه‌ر شوێنی نیشته‌جێبونی ڤلادمیر پوتن سه‌رۆكی رووسیا له‌ ناوچه‌ی نۆڤگۆرۆد ئه‌نجامداوه‌.

بەهۆی ئەو شەپۆلە بەفر و بارانەی ناوچەکەی گرتووەتەوە، دەروازەی نێودەوڵەتی زێت هاوڵاتییان و گەشتیاران ئاگادار دەکاتەوە، سبەی سێشەممە هاتووچۆ دەوەستێت.

کەمێک پێش ئێستا بە زۆرینەی دەنگ عەدنان فەیحان وەک جێگری یەکەمی سەرۆکی پەرلەمانی عێراق هەڵبژێردرا.

ئەمڕۆ وادەی زیندانیکردنی شاسوار عەبدولواحید کۆتایی هات بەڵام سەرباری ئەمە ئازاد نەکرا و جارێکی تر رەوانەی زیندانی گرتن و گواستنەوە کراوەتەوە.

لە دەروازەی نێودەوڵەتی حاجی ئۆمەران بەهۆی هاتنی بەفرێکی زۆر و سەختی رێگاکان و نالەباری کەشوهەواوە ئاگاداری ئەوە بڵاوکراوەتەوە کە لەدیوی ئێرانیشەوە رێگاکان تەواو داخراون و هاتووچۆی گەشتیاری نەماون.

بزوتنەوەی حەماس بە فەرمی کوژرانی ئەبو عوبەیدەی، وتەبێژی باڵە سەربازییەكەی راگەیاند و جێگرەوەکەی لە ڤیدیۆیەکی نوێدا دەرکەوت هەروەها کوژرانی محەمەد سینوار، محەمەد شەبانە، رائید سەعد و ئەبو عومەر ئەلسوری سەركردەكانی بزوتنەوەكەشی راگەیاند.

هاتووچۆی هه‌ولێر دەڵێت، ئاگاداری شوفێران ده‌كه‌ینه‌وه‌ به‌هۆی بارینی به‌فر رێگای هه‌ولێر به‌ره‌و شه‌قڵاوه‌ ئاسته‌نگی هاتووچۆ دروستبووه‌، داوا له‌ شوفێران ده‌كه‌ین ئه‌م رێگایه‌ بەکارنەهێنن.

بەرگری شارستانی سۆران، هۆشداری بە تەواوی هاوڵاتیانی ئیدارەکەیان دەدات کە بەهۆی دروستبوونی ئاستەنگ لە زۆربەی شەقامە ناوخۆیی و رێگا دەرەکییەکانی ئیدارەکەیان مەترسی زۆر دروستبووە و داوایان لێدەکات لە ماڵەوە نەیەنە دەرەوە و هاتوچۆ نەکەن .

بەپێی زانیارییەکان یەکێتی بڕیاریداوە دەنگ بداتە رێبوار کەریم، کاندیدی هەڵوێست بۆ پۆستی جێگری دووەمی سەرۆکی پەرلەمانی عێراق.

هەیبەت حەلبووسی، کاندیدی حزبی تەقەدووم بە زۆرینەی دەنگ بە سەرۆکی پەرلەمانی عێراق هەڵبژێردرا.

دامەزراوەیەکی ئابووری دەڵێت، لە ساڵی ٢٠٢٥ـدا عێراق لە پلەی شەشەمی جیهان و دووەمی وڵاتانی عەرەبیدا بووە بۆ هەرزانی نرخی کارەبا.

پارتی و یەکێتی بۆ دەنگدان بە کاندیدی پارتی بۆ جێگری دووەمی سەرۆکی پەرلەمان رێککەوتوون و نەوەی نوێش کاندیدی هەیە بۆ ئەو پۆستە.

ناوی كاندیدانی سه‌رۆكی په‌رله‌مانی عێراق ئاشكراكرا و هه‌ریه‌كه‌ له‌ هه‌یبه‌ت حه‌لبوسی و عامر عەبدولجه‌بار و سالم عیساوی كێبڕكێ له‌سه‌ر به‌ده‌ستهێنانی كورسی سه‌رۆكی په‌رله‌مانی عێراق ده‌كه‌ن، ئه‌وه‌ش دوای ئه‌وه‌ی موسه‌ننا سامه‌ڕائی كشایه‌وه‌.

نرخی دۆلار بەردەوامە لە بەرزبوونەوە و لە کەمتر لە هەفتەیەدا نزیکەی دوو هەزار دینار چووەتە سەر نرخەکەی و لە هەندێک بازاڕی ئاڵوگۆڕگەی دراویش بە زیاتر ١٤٥ هەزار مامەڵەی پێوە دەکرێت.

فەرمانگەی کەشناسیی کشتوکاڵی سلێمانی رێژەی بارانبارینی دوو ساڵی بەداتا بڵاوكردەوەو دەڵێت، لەناوچەکانی سنووری هەردوو پارێزگای سلێمانی و هەڵەبجەی رێژەی بارانبارین بەئاستێكی باش زیادیكردووە.

وەزارەتی کشتوکاڵی هەرێم رایگەیاند، بەهۆی دوایین شەپۆلی بارانبارین لە بەنداوەکانی دوکان و دەربەندیخان زیاتر لە ١٠٠ ملیۆن مەترسێجا داهاتی ئاو کۆگاکراوە.

زەنگی یەكەم كۆبوونەوەی پەرلەمانی نوێی عێراق لێدرا، بەمەبەستی سوێندخواردنی ئەندامانی نوێی بۆ خولی شەشەم، به‌ سه‌رۆكایه‌تیی عامر فایز، وه‌ك به‌ته‌مه‌نترین ئه‌ندام پەرلەمان، بڕیاریشە دوای سوێندخواردنی ئەندامان، دەستەی سەرۆكایەتی پەرلەمان هەڵبژێردێت.

بەرەبەیانی ئەمڕۆ لە نزیک گوندی بیرەسپان لەسەر رێگای نێوان کەرکوک - پردێ رووبەڕووبوونەوە لە نێوان پۆلیس و چەند بازرگانێکی مادەی هۆشبەر روویدا، بەهۆیەوە "پۆلیسێكیش له‌و شه‌ڕه‌دا كوژراوه‌ و دووانى دیكه‌ش بریندارن".

کەشناسی هەرێم دەڵێت، شەپۆلێکی دیکەی بەفر و باران روو لە هەرێم دەکات و کەشەکە بەتەواوەتی دەیبەستێت، بەجۆرێک لە زۆربەی ناوچە شاخاوییەکان پلەی گەرما دەچێتە ژێر سفر پلەی سیلیزی و زیاتریش.

بەرگریی شارستانیی سۆران رایگەیاند، تیمەکانیان توانیویانە بگەن بەو کەسانەی کە لە دوێنێوە لە سیدەکان لەناو بەفردا گیریان خواردبوو و لە ئێستادا تەندروستییان جێگیرە.

سەرۆکی پارتی لە راگەیەندراوێکدا لەبارەی پۆستی سەرک کۆماری عێراق وتی، نابێت چیتر لایەنێک ئەو پۆستە بە موڵکی خۆی بزانێت و پێویستە میکانیزمی هەڵبژاردنی سەرۆک کۆمار گۆڕانکاری بەسەردابێت.

لە سنووری ئیدارەی زاخۆ لەکاتی پاککردنەوەی رێگا لە بەفر، مینێکی چێنراو بە ئامێرێکی تیمەکانی بەفر راماڵین تەقیەوە و بەهۆیەوە دوو کەس بریندار بوون.

بۆرییەکی سەرەکی کۆمپانیای غازی باکوور لە داقوق بەهۆی بارانی بەخوڕ و لافاوەوە تەقییەوە و بەشێک لە دانیشتووانی ناوچەکەی بێ کارەبا کرد.

سەبارەت بەو حەوت گەشتیارەی لە کوێستانێکی سنووری سیدەکان لە ناو بەفر گیریان خواردبوو و داوای بەهاناوەچوویان دەکرد، وتەبێژی بەرگری شارستانی سۆران رایگەیاند، تیمەکانیان گەیشتوونەتە لایان و سەرجەمیان سەلامەتن.

شارەوانییەکانی گەرمیان رایگەیاند، بەهۆی نالەباریی کەشوهەوا و دابەزینی پلەکانی گەرما، بڕیاردرا سبەی دووشەممە بکرێتە پشوو بۆ ژینگەپارێزان لە زۆنی یەکی ئیدارەی گەرمیان.

بەهۆی گۆڕانکارییەکانی کەشوهەوا و دەستپێکردنی بەفربارین، لایەنە پەیوەندیدارەکان هۆشداریی توند دەدەنە شۆفێران و هاوڵاتیان تاوەکو لە پێناو سەلامەتیی خۆیان، پابەندی رێنماییەکان بن.

بەڕێوەبەرایەتیی گشتیی حەج و عومرەی هەرێم رایگەیاند، ئەو حاجیانەی لە گەشتی حەجی ساڵی ٢٠٢٥، بەهۆی تێکچوونی دۆخی ناوچەکە بە پاس گەڕاونەتەوە، قەرەبوو دەکرێنەوە.

سوننەکان کۆتا کۆبوونەوەی خۆی دەکات و لەبارەی کاندیدی پێکهاتەکە بۆ پۆستی سەرۆکی پەرلەمانی عێراق و بڕیاری کۆتایی دەدات. چاوگێکیش بە ئێن ئاڕ تی وت، سوننەکان هەیبەت حەلبوسییان لە حزبی تەقەدووم بۆ سەرۆکی پەرلەمانی عێراق کاندید کردووە.

وەزارەتی دارایی هەرێم دەڵێت، رۆژی چوارشەممە ٣١ـی کانونی یەکەم، مووچەی مانگی ١٠ـی مامۆستایانی گرێبەست و بەشێک لەفەرمانبەرانی هەمیشەیی و گرێبەست دابەش دەکرێت.

بەڕێوەبەرایەتیی هاتووچۆی راپەڕین بە ئێن ئاڕ تی راگەیاند، "لەئێستادا چەند رێگەیەکی سەرەکی لە سنووری ئیدارەی راپەڕین بەهۆی شەپۆلی بەفر و بارانەوە داخراون".

سبەینێ دووشەممە ٢٩ـی مانگ ماوەی زیندانیکردنی شاسوار عەبدولواحید کۆتایی دێت و بڕیارە ئازاد بکرێت.

بڕیارە سبەینێ پەرلەمانی عێراق یەکەم دانیشتنی خۆی ئەنجامبدات و چاوگێکیش بە ئێن ئار تی وت، سوننەکان هەیبەت حەلبوسییان لە حزبی تەقەدووم بۆ سەرۆکی پەرلەمان کاندید کردووە.

بەهۆی بارانبارین و لافاوەوە پردی دێوانەی قەرەداغ رووخاوە و دانیشتوانی نزیک ئەو ناوچەیەش داوای بەهاناوەچوون دەکەن، قائیمقامیەتی دەربەندیخانیش چەند رێنماییەکی بۆ هاوڵاتییان بڵاوکردەوە.

وەزارەتی دارایی حکومەتی ماوەبەسەرچوو لیستی مووچەی مانگی ١٠ـی بڵاوکردەوە، بە گوێرەی لیستەکەش، سبەینێ دووشەممە، مووچەی وەزارەتەکانی خانەنشینانی شارستانی و خاوەن پێداویستی تایبەت و زیندانە سیاسیەکان و بەرکەوتووانی کیمیاباران و کەسوکاری شەهیدان و ئەنفالکراوان و پەروەردە و تەندروستی و خوێندنی باڵا دابەشدەکرێت.

لە چیاکانی سنووری سیدەکان لە ئیدارەی سۆران هەشت کەس بێسەروشوێنن و حەوت شاخەوانیش داوای بەهاناوەچوون دەکەن کە لەناو بەفردا گیریانخواردووە.

پەرلەمانتارێکی نەوەی نوێ لە پەرلەمانی کوردستان دەڵێت، مامۆستا و فەرمانبەران تەنها ٩ مووچەیان وەرگرتووە، بەڵام دەبێت کرێی ١٢ مانگ بدەن.

کەشناسی هەرێم رایگەیاند، شەپۆلی بارانبارین و بەفربارین لەسەر ناوچەکەمان بەردەوام دەبێت تا کاتەکانی ئێوارەی ئەمڕۆ. دەشڵێت، پلەکانی گەرما روو لە نزم بوونەوەی زیاتر دەکات و خێرای با لەگەڵ بارانبارین بە چالاکی دەمێنێتەوە.

دارایی هەرێم دەڵێت، بڕی زیاتر لە ٩٤٢ ملیار وەک تەمویلی مووچەی مانگی ١٠ خرایەسەر هەژماری بانکی هەرێم. چاوگێکیش لە حکومەتی ماوەبەسەرچوو رایگەیاند، ئێوارەی ئەمرۆ یان سبەی خشتەی مووچە بڵاودەکرێتەوە و دەست بە دابەشکردنی مووچە دەکرێت.

وەزیری دارایی عێراق واژۆی لەسەر خەرجکردنی مووچەی هەرێم کرد و چاوگێکیش لە دارایی عێراق بە ئێن ئاڕ تی وت، ئەگەری زۆرە ئەمڕۆ پارەکە بگاتە هەرێم.

کەشناسی هەرێم، رێژەی بارانبارینی لەسەرانسەری هەرێمی کوردستان بۆ ماوەی ٢٤ کاتژمێری ڕابردوو بڵاوكردەوەو ئاشكرایكرد، لەسلێمانی زۆرترین ڕێژەی باران باریوە كە زیاتر لە ١٣٢ ملم بووە.

بەهۆی بارانەکەی شەوی رابردوو لە گەڕەکی فەرمانبەرانی هەولێر لافاو دروستبوو و ئاو چووەتە ناو چەند ماڵێکەوە و زیانی بە دانیشتووانی ئەو گەڕەکە گەیاندووە.

محەمەد شیاع سودانی دەڵێت، من و نوری مالیكی و حه‌یده‌ر عه‌بادی كاندیدین بۆ پۆستی سه‌رۆكایه‌تی حكومه‌تی نوێی عێراق". له‌باره‌ی كاندیدبوونەوەی بۆ پۆستی سەرۆک وەزیرانیش رایگەیاند، "خولی دووەم خواستێکی کەسی نییە و ئامانج لێی تەواوکردنی ئەو پڕۆژانەیە کە دەستمان پێکردووە".

کەشناسیى هەرێم رێژەى بارانبارینى ١٢ کاتژمێرى رابردووى بڵاوکردەوە و دەڵێت، کاریگەریی شەپۆلی سەرما و باران بەردەوامیى دەبێت و پێشبینیشدەکرێت بۆ ئەمشەو بەفر و کڕێوەی هەبێت.

پارێزگای کەرکوک بڕیاریدا، بەهۆی خراپی رەوشی کەشوهەواوە سبەینێ لە ناوەندەکانی خوێندن لە پارێزگاکە بکرێتە پشووی فەرمی.

بەهۆی هاتنی شەپۆلێکی چڕی بەفر بارین ئاستەنگی هاتووچۆ لە سنووری مەرزی کێلێ دروستبووە و قائیمقامیەتی پشدەریش دەڵێت، سبەینێ یەکشەممە هاتووچۆی گەشتیاری و بازرگانی لە مەرزکی کێلێ دەوەستێت.

چاوگێک لە وەزارەتی دارایی عێراق بە ئێن ئاڕ تی راگەیاند، سبەی یان دوو سبەی مووچەی مانگی ١٠ـی هەرێم خەرجدەکرێت و تەنها واژۆی وەزیری دارایی عێراق ماوە، جێگری بەرێوەبەری سۆمۆش دەڵێت، رێککەوتنی نەوتیی نێوان هەرێم و بەغدا درێژکرایەوە.

شەپۆلێکی بەفر و باران و سەرما رووی لە ناوچەکانی هەرێم کردووە و شارەزایەکی کەشناسیش دەڵێت، ئەمشەو هەورێکی زەبەلاحی کەڵەکەبووی باراناوی کە بە هەوری سوپەرسێل ناسراوە دەگاتە ئاسمانی هەرێم و ئەگەری بارانی بەخوڕ هەیە.

ئەمڕۆ لە سلێمانی دیداری ناساندن و بڵاوکردنەوەی کتێبی چیرۆکی وێنەیی منداڵان (زارا لە ناو قوتووەکەیدا) بەڕێوەچوو، کە تێیدا بەشێوەی چیرۆکی وێنەیی و گێڕانەوەی هونەریی بەها و بنەما ژینگەییەکان، بە مناڵان ئاشنادەکات.

وا بڕیارە سبەینێ ئەنجوومەنی سیاسی نیشتیمانی هێزە سوننەکانی سەرکەوتوو لە هەڵبژاردنی پەرلەمانی عێراق، کۆبوونەوەیەکی گرنگ ئەنجامبدەن، بۆ بڕیاردان لەسەر سەرۆکی پەرلەمان، ٢٤ کاتژمێر بەر لە دانیشتنی یەکەمی خولی شەشەمی پەرلەمان.

ئەمڕۆ لە یەکێک لە هۆتێلەکانی ناو بازاڕی سلێمانی تەرمێک دۆزرایەوە، چاوگێک لە ئاسایشی سلێمانیش دەڵێت، "بکوژی گەنجەکەی ناو هۆتێلەکەی سلێمانیمان دەستگیرکرد کە برایەکی خۆیەتی".

بەهۆی ئەو شەپۆلە بەفربارینەی ئەمڕۆ بەشێک لە ناوچەکانی هەرێمی کوردستانی گرتووەتەوە، هاتووچۆی سۆران هۆشداری دەدات و دەڵێت، ئەگەر ئۆتۆمبیلەکانتان دەبڵ ئەکسل نەبێت و زنجیردار نەبێت، سەردانی ناوچە شاخاوییەکان مەکەن.

ئەندامێکی کۆمیتەی ناوەندی پارتی دەڵێت، کاندیدیان دەبێت بۆ پۆستی جێگری دووەمی پۆستی سەرۆکی پەرلەمانی عێراق و لە چەند رۆژی داهاتوو ئاشکرای دەکەن.

بەپێی كارنامەی پەرلەمانی عێراق، رۆژی دووشەممەی ئەم هەفتەیە پەرلەمانی عێراق یەكەم كۆبوونەوەی ئاسایی خۆی ئەنجامدەدات، لە كۆبوونەوەكەدا سەرۆك و جێگری سەرۆكی پەرلەمان هەڵدەبژێردرێن.

وا بڕیارە ئەمشەو چوارچێوەی هەماهەنگی بۆ تاوتوێکردنی پرسی کاندیدی سەرۆک وەزیرانی عێراق کۆببنەوە. سه‌ركرده‌یه‌كی ره‌وتی حیكمه‌ش دەڵێت، له‌ كۆی ٤٢ کاندید بۆ وه‌رگرتنی ئەو پۆستە، نۆ کاندیدییان ماونه‌ته‌وه‌ و گفتوگۆكان بۆ ده‌ستنیشانكردنی یه‌كێكیان به‌رده‌وامه‌.

کۆمپانیای ئاڵتونسا کە یەکێکە لە کۆمپانیا دیارەکانی عێراق و ناوچەکە، بۆ سەری ساڵی نوێ ١٢ ئۆتۆمبێلی وەک دیاری پێشکەشی کڕیاران و بەژداربووانی خۆی کرد و لە رێگەی تیروپشکەوە خەڵاتەکانی دابەشکرد.

وتەبێژی پارتی سۆسیال دیموکراتی کوردستان دەڵێت، ناکرێت لەپێناو پلە و پۆست پرسە نیشتیمانییەکان لەبیربکرێن و پێویستە پارتی و یەکێتی بەرژەوەندییە حزبییەکان وەلابنێن و لەسەر پێکهێنانی حکومەت رێکبکەون.

بەرپرسێکی یەکێتیی دەڵێت، یەکێتی دەرگای کراوەیە بۆ دانوستانێکی بنیاتنەر، بەئامانجی پێکهێنانی حکومەتێکی خزمەتگوزار و نیشتمانیی لەهەرێمی کوردستان و عێراق.

کەمێک پێش ئێستا ته‌رمێك له‌ هۆتێلێكی ناو بازاڕی سلێمانی دۆزرایه‌وه‌ كه‌ به‌پێی زانیارییه‌كان ئەو کەسە خه‌ڵكی باكووری كوردستان بووه‌ و به‌چه‌قۆ كوژراوه.

لە دوێنێ شەوەوە شەپۆلێکی بەفر و باران ناوچەکانی هەرێمی گرتووەتەوە و کەشناسیی هەرێمیش دەڵێت، زۆرترین رێژەی بەفر لە دەڤەری بەرواری باڵا باریوە کە ١٥ سانتیم مەترە.

نرخی زێڕ بەرزترین ئاستی مێژووی تۆمارکرد و ئۆنسەیەک لەو کانزا زەردە بە چوار هەزار و ٥٣٤ دۆلاری مامەڵەی پێوەکرا و مسقاڵێک زێڕ عەیارە ٢١ـیش بە ٩٠٥ هەزار دینارە.

بەشێک لە دانیشتوانی گەڕەكی شۆراو لە كەركوک، بەهۆی كێشەی ئاوەڕۆ و نەبوونی کارەبا گردبوونەوە و دەڵێن، "میحاویلەی كارەبایان نییە و لە گەڕەکێکی دیکە کارەبایان راکێشاوە". دەشڵێن، كێشەی ئاوەڕۆیان هەیە، بەشێک لەماڵەکان لە وەرزی زستان و باران لە ترسی لافاو ماڵەکانیان چۆڵ دەکەن.

کشتوکاڵی عێراق بەمەبەستی رێگریکردن لە بەرزبوونەوەی نرخەکان و ساغکردنەوەی بەرهەمی ناوخۆی، قەدەغەکردنی هاوردەی ١١ بەروبوومی راگەیاند.

راوێژکاری دارایی سەرۆک وەزیرانی عێراق دەڵێت، داهاتەگشتییەکان بەسە بۆ دابینکردنی پێدوایستییەکانی دەوڵەت کە ترلیۆنان دینارە و بەشی مووچە و پڕۆژەکان دەکات، هەوڵەکانیش بەردەوامن بۆ زیادکردنی داهاتی نانەوتیی بۆ بەرزکردنەوەی دارایی وڵات.

ئەمڕۆ لە شاری مەدینە لە سعودیە، ژنە عومرەكارێكی كوردی خەڵکی سلێمانی گیانی لەدەستدا، ئەمەش ١٤ـەمین حاڵەتی گیانلەدەستدانی عومرەكانی كوردستانە لەم ساڵدا.

کەشناسیی هەرێم رایگەیاند، "ئەمڕۆ و سبەی نمەباران و بارانی مامناوەند لە زۆربەی کاتەکاندا دەبارێت لەگەڵ بارینی بەفر لەوچە شاخاوییەکان، هاوکات لەناوچە نیمچە بەرزەکان کڕێوە دەبارێت و پلەکانی گەرماش نزم دەبنەوە".

بەهۆی بارینی بەفرەوە رێگای زینی وەرتێ داخرا و رێنمایی شۆفێرانیش دەكرێت نەچن بۆ رێگاكە.

لە حاجی ئۆمەران بەفرێکی زۆر باریوە و تیمەکانی رێگاوبان هاتوونەتەدەر و دەستیان بە پاککردنەوەی رێگاکان کردووە.

وڵاتان هەڕەشەی چەکی ئەتۆمی لە یەکتر دەکەن و لە ئەفریقاش هێشتا خەڵک بە تیر و کەوان شەڕ دەکەن .

وته‌بێژی حه‌ج و عومره‌ی كوردستان رایگه‌یاند، ئه‌مڕۆ حه‌وت كه‌س كه‌ به‌مه‌به‌ستی عومڕه‌ له‌ هه‌رێمی كوردستانه‌وه‌ به‌ره‌و سعودیه‌ به‌ڕێكه‌وتوبوون له‌ كه‌ربه‌لا تووشی رووداوی هاتوچۆ بوون و كه‌سێكیان گیانی له‌ده‌ستدا و شه‌ش كه‌سه‌كه‌ی دیكه‌ش برینداربوون.

هاتووچۆی هەڵەبجە دەڵێت، داوا لە شۆفێران دەکەن بۆ کاری پێویست نەبێت نەچنە دەرەوە.

لەسەر رێگای مەرزی کێلێ رووداوێکی هاتوچۆ روویداو و نۆ كەس بوونە قوربانی.

چاوگێک لە دارایی عێراق دەڵێت، رێکارەکانی ناردنی مووچەی مووچەخۆرانی هەرێم دەستیپێکردووە و چاوەڕوان دەکرێت لە چەند رۆژی داهاتوودا مووچەی هەرێم بنێردرێت.

وەزارەتی ژینگەی عێراق دەڵێت، ئەو جۆرە پلاستیکە قەدەغە دەکەن کە یەکجار بەکاردەهێندرێت.

ئەندامێکی هاوپەیمانی عەزم دەڵێت، سبەینێ ئەنجومەنی سیاسی نیشتمانی سوننەکان کۆبوونەوەی کۆتایی خۆیان ئەنجامدەدەن بۆ دیاریکردنی کاندیدی سەرۆکی پەرلەمانی عێراق.

بەهۆی پێنەدانی مووچە و خراپی دۆخی داراییان، هاوڵاتیان لە شار و شارۆچکەکانی هەرێمی کوردستان روو لە کڕینی کاڵای کۆنە و دەستی دوو دەکەن.

فڕۆکەخانەی نێودەوڵەتیی سلێمانی دەڵێت، سەرجەم گەشتەکانی فڕۆکەخانە لەکاتی خۆیاندا ئەنجامدەدرێن.

فیستیڤاڵی بەرهەمە خۆماڵییەکان لە کفری بە بەشداریی چەندین خاوەن بەرهەم بەردەوامە و تێدا چەندین جۆری بەرهەم و کاری دەستی خراوەتەروو.

سه‌رۆك وه‌زیرانی عێراق دەڵێت، به‌شداری کردنیان له‌ هه‌ڵبژاردندا به‌رپرسیارێتی بۆ دوو هێنده‌ كرد بۆ هه‌موو ئه‌وانه‌ی له‌ پۆستی به‌رپرسیارێتیدان، توانییان ئه‌م قۆناغه‌ سه‌خته‌ به‌ ژیرانه‌ له‌ نێوان ناوچه‌یه‌كی ناجێگیردا تێپه‌ڕێنن.

وتەبێژی وەزارەتی بازرگانیی عێراق دەڵێت، بەشەخۆراکی زیاتر لە چوار ملیۆن کەس دەبڕدرێت.

چەند چاوگێک لە حکومەتی عێراق ئاشکرایان کردووە، بڕیارە لە نیوەی مانگی یەکی ساڵی تازەدا مارک ساڤایا نێردەی تایبەتی ترەمپ بۆ عێراق سەبارەت بە چەند پرسێکی ئەمنی و سیاسی سەردانی عێراق بکات.

هاتووچۆی سلێمانی ئاگاداری شۆفێران دەکات و دەڵێت، بەهۆی نزمبوونەوەی پلەکانی گەرماو دروستبوونی تەمێکی زۆر لەشاری سلێمانی و دەوروبەری و کەمبوونەوەی ئاستی بینین، داواتان لێدەکەین پابەندی یاساو رێنماییەکانی هاتووچۆ بن.

دەم پارتی بەهۆی بڵاوبوونەوەی دروشمی رەگەزپەرستی و سوکایەتیکردن بە خانمە سیاسەتمەداری کورد، لەیلا زانا، سکاڵای یاساییان تۆمار کرد و دەڵێن، پێویستە بکەرانی ئەو کارە سزابدرێن.

پارێزگاری کەرکوک دەڵێت، ئەمساڵ لە کەرکوک وەکو حکومەت هیچ مەراسیمێکیان نابێت بۆ سەری ساڵ بەهۆی ئەو زەرەر و زیانانەی بەهۆی لافاوەوە بەر سنووری چەمچەماڵ کەوتووە.

پاسپۆرتی سلێمانی دەڵێت، بە بڕیاری وەزیری ناوخۆی حکومەتی فیدراڵ سەرجەم کارەکانی پاسپۆرت لە رۆژی یەکشەممەوە بۆ ماوەی هەفتەیەک و تا دوای سەری ساڵی نوێ رادەگیرێت.

وەزارەتی پلاندانانی عێراق میکانیزمێکی بۆ پۆلێنکردنی ئاستی ژیانی خێزانەکان راگەیاند بەپێی داهاتی مانگانەیان و دەشڵێت، رێژەی هەژاریان لە ٪٢٣ بۆ ٪١٧ کەمبکەنەوە.

وەزارەتی کارەبا دەڵێت، گرفتێکی تەکنیکی لە کێڵگەی کۆرمۆر درووستبووە و بەرهەمهێنانی کارەبا کەمدەبێتەوە.

وەزارەتی ئاوەدانکردنەوە و نیشتەجێکردنی عێراق دەڵێت، پڕۆژەیەکی نوێی ئاویان دەستپێکردووە کە ئاوی خواردنەوە بۆ زیاتر لە ٣٠٠ هەزار کەس دابین دەکات.

کەشناسی دەڵێت، لە شەو و رۆژی رابردوودا زۆرترین باران لە سلێمانی و کەمترین لە سۆران باریوە.

فه‌رمانده‌ی گشتیی هێزه‌كانی سوریا دەڵێت، لەگەڵ حکومەتی سوریادا گەیشتوونەتە لێكتێگەیشتنی هاوبەش سەبارەت بە یەكخستنی هێزە سەربازییەكان، بەڵام بە جۆرێک بێت کە لەگەڵ بەرژەوەندی گشتیدا بگونجێت.

راوێژكارێكی سودانی دەڵێت، نزیكەی پێنج هەزار هاوڵاتی عێراقی چوونەتە ریزەكانی سوپای رووسیا و لەگەڵ مۆسكۆ لە هەوڵدان بۆ رێگریکردن لە زیادبوونی ئەو دیاردەیە.

بەرپرسێکی ئەمریکا رایگه‌یاند، کۆشکی سپی فەرمانێکی دەرکردووە كه‌ بۆ ماوه‌ی دوو مانگ گه‌مارۆ به‌سه‌ر نەوتی ڤەنزوێلادا بسەپێنێت.

پێشبینی دەکرێت پێش کۆتایهاتنی ئەمساڵ رێککەوتنێکی سەربازی لەنێوان هەسەدە و حکومەتی دیمەشق ئەنجامبدرێت و ئەمەریکاش نێوەندگیریی دەکات.

چاوگێک دەڵێت، دەستپێکردنەوەی هەناردەی غاز لە ئێرانەوە بۆ عێراق ماوەی هەفتەیەکی پێدەچێت.

کەشناسی دەڵێت، رۆژی شەممە کەشوهەوای زۆربەی ناوچەکانی هەرێم ناسەقامگیر دەبێت و پلەکانی گەرما بە شێوەیەکی بەرچاو دادەبەزن، لە ناوچە شاخاوییەکانیش بەفر دەبارێت.

راوێژكارێکی سودانی دەڵێت، لە كۆتا كۆبوونەوەی چوارچێوەی هەماهەنگیدا مالیكی و سودانی وەک کاندید بۆ پۆستی سەرۆک وەزیران ماونەتەوە، وتیشی سوننەکان رێكناكەون و بە دوو كاندید دەچنە دانیشتنی پەرلەمانەوە.