دانوستان لەنێوان حه‌ماس و ئیسرائیل بەردەوامە و نزیكن لەرێکەوتن لەسەر کۆتایی هێنان بەجەنگ لە غەززە و ئازادکردنی بارمتەکان.
ئەمڕۆ یەکشەممە ١٢ـی کانونی دووەمـی ٢٠٢٥، ئاژانسی عەرەبییە بڵاویکردووەتەوە، بەهاوکاری ولاتانی ئەمریکا و قەتەڕ دانوستانه‌كان به‌ره‌و پێشچوون و نزیكه له‌وه‌ی رێكه‌وتنی ته‌واوه‌تی رابگه‌یه‌نرێت، به‌پێی زانیارییه‌كانیش ته‌واوی بارمتەکانیش له‌لایه‌ن حه‌ماسه‌وه ئازاد ده‌كرێن و سوپای ئیسرائیلیش بەچەند قۆناغێک لە غەززە دەکشێنەوە.
ئاماژەیان
بەوەشکردووە، رێكه‌وتنه‌كه له چه‌ند قۆناغێك پێكدێت و له دوای ته‌واوبوونی هه‌ر
قۆناغێك گفتوگۆ له‌سه‌ر قۆناغێكی دیكه ده‌كرێت، به‌رده‌وامبوونی گفتوگۆكانیش كلیلی
سه‌ركه‌وتنی دانوستانه‌كان و راگرتنی جه‌نگه.
ئەمریکا
و قەتەڕیش لەم بارەیەوە دەڵێن، هەردوولایەن ده‌بێت به‌ڵێن بدەن باپەندبن بە
ئاگربەست و شەر دەست پێنەکەنەوە. دەبێت بارمتە ئیسرائیلیەکانیش لەلایەن حەماسەوە
ئازاد بکرێن.
ئەوەشیان
خستووەتەڕوو، ئه‌م رێكه‌وتنه باشترینە بۆ ئیسرائیل و حەماس، هیچ یه‌كێك له لایه‌نه‌كانی
جه‌نگ رێكه‌وتنی له‌مه باشتر نابینن، چونكه مه‌رجه‌كانی هه‌ردوولا كه بریتین
له ئازادكردنی دیله‌كان و راگرتنی شه‌ڕ له خۆ ده‌گرێت.
هاوکات
باسیان لەوەکردووە، له قۆناغی یه‌كه‌می ئاگربه‌ستدا حه‌ماس به‌شێك له دیله‌كان
ئازاد ده‌كات كه بریتی ده‌بن له كه‌سانی به‌ساڵاچوو و نه‌خۆش، له به‌رامبه‌ریشدا
ئیسرائیل جه‌نگ راده‌گرێت و هاوكاری مرۆیی ده‌چێته نێو كه‌رتی غه‌ززه‌وه.
هه‌روه‌ها
له پاش ته‌واوبوونی قۆناغی یه‌كه‌می ئاگربه‌ست، گفتوگۆ له‌سه‌ر قۆناغی دووه‌م ده‌كرێت
كه تێیدا ئیسرائیل ده‌بێت بەتەواوی کۆتایی بە شەڕ بهێنێت و نه‌گه‌ڕێته‌وه بۆ جه‌نگ،
له به‌رامبه‌ریشدا حه‌ماس ته‌واوی بارمتەکان دیكه ئازاد ده‌كات، كه بریتین له
سه‌رباز و كارمه‌ندانی حكومه‌ت.