راوێژکاری یاسایی کۆمسیۆنی هەڵبژاردنی عێراق دەڵێت، دوای کۆتاییهاتنی پرۆسەی هەڵبژاردن و پەسەندکردنی ناوی کاندیدە براوەکان لەلایەن دادگای فیدراڵیەوە وادەی خەرجکردنی پارەی کارمەندانی سەر سندوق دیاری دەکرێت.

سەرۆکی ئەمریکارێککەوتنی ئاشتیی لەنێوان دوو وڵاتی ئەفریقادا کە کۆنگۆی دیموکرات و رواندا راگەیاند.

کەشناسی عێراق دەڵێت، لە رۆژی یەکشەممەوە شەپۆلێکی بارانبارین ناوچەکانی هەرێمی کوردستان و بەشێکی ناوچەکانی عێراق دەگرێتەوە و پلەکانی گەرما دادەبەزن. کەشناسیی هەرێمیش دەڵێت، شەپۆلەکە ماوەی پێج رۆژ بەردەوام دەبێت.

حكومه‌تی ماوەبەسەرچوو سه‌باره‌ت به‌ سه‌ردانی مه‌سعود بارزانی بۆ جزیرێ دەڵێت، "به‌ پێویستی ده‌زانین هه‌مولایه‌كمان به‌ هاوكاریی یه‌كتر، هه‌وڵی ره‌واندنه‌وه‌ی نیگه‌رانیه‌كان بده‌ین".

دوای راگەیاندنی هەڵمەتی ١٦ رۆژەی بەرەنگاربوونەوەی توندوتیژی دژی ژنان لەلایەن بەرێوەبەرایەتى بەڕەنگاربوونەوەى توندوتیژى دژى ژنانەوە، قوباد تاڵەبانی وتی، کاردەکەن بۆ نەهێشتنی توندوتیژی دژی ژنان.

مەڵبەندی هەولێری یەکێتی، تۆمەتەکانی دژی کادیرێکیان رەتدەکاتەوە و داوا دەکات لیژنەیەکی بێلایەن پێکبهێنرێت تا راستی ئەو تۆمەتانە لە کەشێکی ئارامدا بۆ هەموولایەك ساغ بکرێتەوە.

بەڕێوەبەری راگەیاندنی فڕۆکەخانەی نێودەوڵەتیی سلێمانی رایگەیاند، تاوەکو کۆتایی ئەمساڵ، سێ هێڵی ئاسمانیی دیکە دەست بە گەشت بۆ فڕۆکەخانەی سلێمانی دەکەنەوە.

دەزگای ئاسایشی هەرێم رەتیكردەوە ئەمڕۆ كۆتا مۆڵەت بووبێت بۆ تۆماركردنی ئۆتۆمبێلە بێسەرەتاكان و دڵنیایی دەداتە خاوەنەكانیان كە پرۆسەكە بەردەوامە.

١٢ ساڵ تێپەڕی بەسەر تیرۆرکردنی رۆژنامەنووس، کاوە گەرمیانی و بەشێک لە ئەندامان و چالاکوانانی کورد لە وڵاتی بەریتانیا گردبوونەوە لەبەردەم نوێنەرایەتی هەرێم.

قائیمقامی دەربەندیخان رایگەیاند، بارهەڵگرێک لە نزیک تونێلی دەربەندیخان وەرگەڕا و شۆفێرەکەی بە سەختی برینداربوو.

نزیکەی ١٥ گۆڕی کریستیانەکانی گوندی هەرمۆتە لە کۆیە لە گۆڕستانی تایبەت بە خۆیان لە گوندەکە شێوێنراوە و ئەمەش تووڕە و خەمباری کردوون، داواش دەکرێت ئەو دەستەی دەیەوێت برایەتی ئەوان و مسوڵمانەکان تێکبدا، سزابدرێت، بەڕێوەبەری ئەوقافی کۆیەش دەڵێت ئەمە کارێکی تیرۆریستییە.

ئه‌نجومه‌نی‌ ئاسایشی‌ هه‌رێم رایگه‌یاند، ژماره‌یه‌ك لایه‌نی‌ ناوخۆیی و ده‌ره‌كی‌ ده‌ستیان له‌ رووداوەکانی گوندی لاجانی سنووری خەبات هه‌بووه‌.

مام ئەحمەد و پورە عائیشە دوو هاوسەر بوون لە سنووری هەڵەبجە کە ماوەی ٦٥ ساڵ پێکەوە ژیان، بە وتەی کەسوکارەکەیان، خۆشەوستی نێوانیان ببووە سەرگوزشتەی ناو خەڵکی، قەدەریان وابوو، پورە عائیشە بەهۆی نەخۆشییەوە کۆچی دوایی کرد، مام ئەحمەدی هاوسەریشی دوای ئەوەی هەواڵەکەی پێدەدەن، تەنیا ٣٠ خولەک بەرگەی مانەوەی لەژیان گرت و ئەویش کۆچی دوایی کرد.

سەرۆکی کۆمەڵەی مۆلیدە ئەهلییەکان رایگەیاند، "پرۆژەی رووناکی ئەو گرێبەستەی لەگەڵ ئێمە هەیبوو هەڵیوەشاندووەتەوە، نازانین چارەنووسمان چی لێدێت".

دەستەی دادوەریی هەڵبژاردن دەڵێت، سەرجەم ئەو تانانەی لەسەر ئەنجامەکانی هەڵبژاردن پێشکەش کرابوون، یەکلایی کراونەتەوە، کۆمسیۆنی باڵای سەربەخۆی هەڵبژاردنەکانیش وتی، رۆژی یەکشەممە ئەنجامەکان بۆ داگای باڵای فیدراڵی دەنێرن بۆ پەسندکردنی.

وتەبێژی بەنزینخانەکانی سلێمانی دەڵێت، لە دوای کاتژمێر چواری دوانیوەڕۆ نرخی هەر سێ جۆرەکەی بەنزین لە سلێمانی، بە بڕی ٢٥ دینار دادەبەزێت.

کەشناسیی دەڵێت، هەرێمی کوردستان لە ماوەی ئەم سێ هەفتەیە دەکەوێتە ژێر کاریگەری شيپۆلێکی بارانبارین.

ئەنجومەنی زێڕی جیهانی دەڵێت، عێراق هەنگاوێکی گەورەی ناوە بۆ بەرزکردنەوەی یەدەگی زێڕ و لەماوەی چەند مانگێکدا بڕێکی زۆر زێڕی کڕیوە و زیادیکردووە بۆ سەر خەزێنەی وڵات و قەبارەی یەدەگی زێڕی وڵاتەکە گەیشتووەتە ١٧٠ تۆن و ٩ کیلۆگرام.

تەندروستیی سلێمانی دەڵێت، پێویستە حکومەتی هەرێم مووچەی پزیشکانی دەروونی زیادبکات.

کەشناسێک دەڵێت، مانگی یەکی ساڵی داهاتوو زۆر سارد دەبێت و ئەگەری بەفربارینی زۆر باش هەیە.

رۆژی یەكشەممە ٧ـی ١٢ـی ٢٠٢٥ ، ئەو كامێرا چاودێرییەی لە ژێر یەكتربڕی ئارام دانراوە دەخرێتە كار و خێرایی زیاتر لە ٦٥ کم تۆماردەکات.

بڕیارە ئەمڕۆ کۆمسیۆنی ئاشتی و برایەتی پەرلەمانی تورکیا بۆ تاوتوێکردنی بۆچوونەکانی ئۆجەلان کۆببنەوەو، سەرۆکی پەرلەمان ناوەڕۆکی کۆبوونەوەی شاندە کۆمسیۆنێکە و عەبدوڵا ئۆجەلان دەخاتەڕوو.

چوارچێوەی هەماهەنگی نۆ کاندیدی بۆ پۆستی سەرۆک وەزیرانی داهاتووی عێراق دیاریکردووە وتەبێژی فەرمی هاوپەیمانی ئەساسیش دەڵێت، بە كۆدەنگی سەرۆك وەزیرانی داهاتوو هەڵدەبژێردرێت.

پەیامنێری ئێن ئاڕ تی دەڵێت، تا ئێستا وادەی دابەشکردنی پارەی کارمەندانی سەر سندوق یەکلاینەکراوەتەوە و لەگەڵ عێراق جیاوازی دەبێت.

وەزارەتی ئەوقاف دەڵێت، مامەڵەی حاجیان بۆ رۆژی دووشەممەی داهاتوو درێژکرایەوە.

رەنگە درک بەوە نەکەیت هەندێک لە خووی بەیانیان زیانی تەندروستی پێست دەگەیەنن و هۆکارن بۆ دروستبوونی زیپکە و پەڵە و رەشی ژێر چاو.

پەیامنێری ئێن ئاڕ تی رایگەیاند، یەکێک لە بریندارەکانی ئاڵۆزییەکانی گوندی لاجان، دوای زیاتر لە شەش رۆژ مانەوەی لە نەخۆشخانە، بەهۆی سەختی برینەکەیەوە گیانی لەدەستدا.

بەهای زێڕ لە بازاڕەکانی جیهاندا دابەزی و ئۆنسەیەک لەو کانزا زەردە بە چوار هەزار و ١٨٦ دۆلار مامەڵەی پێوەدەکرێت؛ نرخی مسقاڵێک زێڕی عەیارە ٢١ـیش بە ٨٤٠ هەزار دینارە.

نرخی نەوت لە بازاڕەکانی جیهاندا بەراورد بە دوێنێ ٢٧ سەنت بەرزبووەوە ئەمڕۆ نرخی بەرمیلێک نەوتی خاوی برێنت بە ٦٢ دۆلار و ٩٤ سەنت مامەڵەی پێوە دەکرێت.

وته‌بێژی فه‌رمانده‌ی گشتی هێزه‌ چه‌كداره‌كانی عێراق ئەنجامی لێکۆڵینەوەکان له‌ هێرشه‌كه‌ی سه‌ر كێڵگه‌ی كۆرمۆر ئاشكراكرد و به‌پێی ئه‌نجامه‌كانیش، هێرشەکە له‌ڕێگه‌ی دوو درۆنه‌وه‌ و له‌ خورماتوه‌وه‌ هێرشه‌كه ئەنجامدراوە و ناسنامەی ئەنجامدەرانیش ئاشکرا کراوە کە کەسانی لەیاسا دەرچوون.

ئەمریکا گەورەترین کونسوڵخانەی خۆی لە شاری هەولێر کردەوە، جێگری وەزیری دەرەوەی ئەمریکاش لە رێوڕەسمی کردنەوەی کونسوڵخانەکە وتی، هەرێمی کوردستان و عیراق بۆ ئەمریکا گرنگن و کردنەوەی کونسوڵخانەکەش هەنگاوێکە بۆ بەهێزکردنی پەیوەندییە دیپلۆماسییەکانی نێوان هەردوو وڵات و نێچیرڤان بارزانیش وتی، کردنەوەی ئەم کونسوڵخانەیە سەرەتای فراوانکردنی هەماهەنگی نێوان ئەمریکا و هەرێمە.

بەپێی زانیارییەکان بەهۆی کۆتاییهاتنی حساباتی ساڵەوە، چاوەروان دەکرێت ئەم مانگە عێراق زووتر دەست بە دابەشکردنی مووچە بکات و لەگەڵیدا مووچەى مانگی ١٠ـی هەرێمیش بنێرێت، بەڵام تا ئێستا چارەنووسی دوو مووچەى کۆتایی ئەمساڵ نادیارە.

بەپێی زانیارییەکان، بە بڕیارێکی حکومەتی عێراق بەشێکی بانکەکانی هەرێم هەڵدەوەشێندرێنەوە و دادەخرێن لە ساڵی داهاتووە و مووچە بە ئەلیکترۆنی دەکرێت.

لە دوای وڵاتانی سعودییە و لوبنان و جەزائیر، عێراق چوارەم وڵاتی عەرەبییە کە خاوەن زۆرترین یەدەگی زێڕ بێت، کە بڕەکەی زیاتر لە هەشت تەنە.

سبەینێ پێنجشەممە، دوا وادەیە بۆ وەرگرتنى مامەڵەى حاجیان، حەج و عومرەى کوردستانیش هۆشدارى دەدات کە هەرکەسێک دوا بکەوێت خۆى بەرپرسیارە.

بەپێی بڕیارێکی وەزیری خوێندنی باڵای هەرێم، خوێندکارانی دەرەوەی وڵات دەتوانن بۆ پشووەکانی سەری ساڵ، لە ١٩ـی ئەم مانگەوە بگەڕێنەوە کوردستان و بۆ ماوەی ١٧ رۆژ بمێننەوە.

سەرۆک وەزیرانی عێراق دەڵێت، وڵاتەکەی خاوەن یەدەگێکی گەورەی نەوتە، کە دەگاتە ١٥٠ ملیار بەرمیل، داوا دەکات پشکی هەناردەی عێراق لە ئۆپیکدا هەڵسەنگاندنەوەی بۆ بکرێت، بە شێوەیەک لەگەڵ قەبارەی گەورەی یەدەگی نەوتی عێراق بگونجێت.

ئەمڕۆ رۆژی جیهانیی کەسانی خاوەن پێداویستی تایبەتە، بەڵام نیگەرانن لە خراپی دۆخی ژیانیان و دەڵێن، چەندین ساڵە داوای مافەکانیان دەکەن و وەڵامیان نادرێتەوە و پشتگوێخراون.

وا بریارە هەفتەی داهاتوو دەستبكرێت بە دابەشكردنی هاوکاری هاوپەیمانان بۆ مانگی ١١، هاوكات بەراورد بە مانگی رابردوو بڕی هاوكارییەكە لە ٧٦ هەزار دینارەوە بۆ ٩٥ هەزار دینار زیادیكردووە.

سەرۆکی کۆمەڵەی مۆلیدە ئەهلییەکان بە ئێن ئاڕ تی وت، پارەی ئەو چەند کاتژمێرەی مۆلیدە ئەهلییەکان کاریانکرد لە هاوڵاتییان وەرناگیرێت.

جێگری سەرۆکی حکومەتی ماوەبەسەرچوو دەڵێت، ئامادەین بۆ پێكهێنانی کابینەی نوێی حکومەتی هەرێم لەسەر بنەمای هاوسەنگی و هاوبەشیی راستەقینە.

پارێزگاری بانکی ناوەندی عێراق دەڵێت، بەردەوامن لە پەرەپێدان و چاکسازیکردن لە کەرتی بانکی عێراقیدا و دەشڵێت، دڵنیاییش لەبارەی پلانی چاکسازیی بانکەکانەوە دەدات و پڕۆژەی دیناری دیجیتاڵی لە قۆناغی جێبەجێکردندایە.

وەزارەتی دارایی عێراق دابەشکردنی مووچەی مانگی کانونی یەکەمی توێژێکی راگەیاند.

وەزارەتی کار و کاروباری کۆمەڵایەتیی عێراق پەیڕەوی تایبەت بە دامەزراندنی کرێکارانی بیانی راگەیاند و جەختی لەسەر جێبەجێکردنی بڕیارێکی حکومەت کردەوە، کە تێیدا هاتووە پێویستە عێراقییەکان ٨٠٪ـی هێزی کار پێکبهێنن، لە بەرامبەردا کرێکارانی بیانی تەنیا ٢٠٪ پێکبهێنن.

سەرۆک وەزیرانی عێراق لە وەڵامی قسەکانی ترەمپدا دەڵێت، "بە پەرۆش بووم لەسەر دروستکردنی دۆستایەتییەک کە خزمەت بە عێراق بکات، هەر لە سەرەتاوە لەوە تێگەیشتم کە پەیوەندی دۆستایەتی سەقامگیری و خۆشگوزەرانی بۆ وڵاتەکەمان دەستەبەر دەکات".

لەسەر بڵاوکردنەوەی هەواڵ لەلایەن چەند میدیایەکی پارتییەوە بەناوی سەرچاوەیەکی نەوەی نوێیوە، ئوفیسی میدیایی جوڵانەوەکە دەڵێت، هیچ کەسێکی نەوەی نوێ نە بەرپرس نە تەنانەت خۆبەخشێکیش لێدوان بۆ کەناڵێک نادات بە پارەی دزراوی میللەت بەڕێوە بچێت.

كەشناسی عێراق دەڵێت، لە رۆژی هەینییەوە شەپۆلێكی بارانبارین ڕوو لە ناوچەکانی عێراق لە هەرێمی كوردستان دەكات و تا رۆژی یەكشەممە بەردەوام دەبێت كە خۆی لە نمەباران، باران و هەورەبروسەکە دەبینێتەوە.

لە کۆبوونەوەی ئەنجومەنی ئاسایشی باسی دوواكەوتنی پێكهێنانی حكومەتی هەرێم كراوە، داواش کراوە بە زووترین کات پێکبهێندرێت.

ئەمڕۆباڵەخانەی نوێی کونسوڵخانەی ئەمەریکا لە هەولێر دەکرێتەوە کە بە گەورەترین کونسوڵخانەی ئەو وڵاتە دادەنرێت لەسەر ئاستی جیهان.

بەهۆی رێکنەکەوتنی پارتی و یەکێتییەوە کابینەی نوێی حکومەت پیکنەهێنراوە و هەردوولا چاویان لەسەر نەوەی نوێیە، گرێکوێرەی پێکهێنانی حکومەت بکاتەوە و نەوەی نوێ نەچێتە حکومەتەوە دۆخەکە بە چەق بەستویی دەمێنێتەوە.

ساڵی نوێ پرۆگرامێکی خزمەتگوزاری تاکسی لە تەواوی پارێزگاکانی عێراق دەستپێدەکات، بە ئامانجی درووستکردنی تۆڕێکی گواستنەوەی هاوچەرخ و ئاسانکاری بۆ هاوڵاتیان و سەرجەم تاکسییەکان پێکەوە دەبەسترێن و کرێکەشی دیاریکراوە.

ئەنجومەنی باڵای دادوەری دوایین ئاماری سەبارەت بە جێبەجێکردنی یاسای لێبوردنی بڵاوکردەوە دەڵێت، تا ئێستا نزیکەی ٣٩ هەزار کەس بە لێبوردنی گشتی ئازادکراون.

وڵاتانی ئۆپیک پڵەس لەسەر رێژەی هەناردەکردنی نەوت لە چارەکی یەکەمی ساڵی داهاتوو رێککەوتن و پشکی عێراق رۆژانە چوار ملیۆن و ٢٧٣ هەزار بەرمیل نەوتە.

سەرۆکی حکومەتی ماوەبەسەرچوو دەڵێت، پێویستە پێکهێنانی حکومەتی هەرێم لە سەر بنەمای ئەنجامەکانی هەڵبژاردن بێت.

وەزارەتی دارایی دەڵێت، مووچەی مامۆستایانی گرێبەست و بەشێک لەفەرمانبەرانی هەمیشەیی و گرێبەست دابەش دەکرێت.

لەسەر پێکهێنانی حکومەتی هەرێم یەکێتی دەڵێت، پێویستە حکومەتی نوێ حکومەتێکی خزمەتگوزاربێت و بە بێ جیاکاری خزمەت بکات.

پێنج ڕۆژ بەسەر هێرشەکەی سەر کێڵگەی کۆرمۆر تێپەڕیوە، بەڵام تا ئێستا لیژنەی باڵای ئەمنی عێراق ئەنجامدەرانی هێرشەکەی ئاشکرا نەکردووە، لە کاتێکدا بڕیاربوو لە ماوەی سێ رۆژ ئاشکرا بکرێت.

رێكخراوی په‌یامنێران بۆ ماف و گه‌شه‌پێدان دەڵێت، به‌داخه‌وه‌ له‌ چه‌ند رۆژی رابردوودا به‌هۆی گرژی و ئاڵۆزییه‌كانی ناوچه‌ی لاجان له‌ سنووری پارێزگای هه‌ولێر، رۆژنامه‌نووس و میدیاكاران دووباره‌ كه‌وتنه‌وه‌ به‌ر هێرش و په‌لامار و له‌ درێژه‌ی ئه‌م پێشێڵكاریانه‌دا، کامێرای كه‌ناڵی ئاسمانی ئێن ئاڕ تی شکێنراوە و تیمەکەی دەستگیرکراوە.

دەستەی هەڵبژاردنەکانی هەرێم دەڵێت، دابەشکردنی پارەی کارمەندانى سەر سندوقەکانى دەنگدان دەکەوێتە ساڵى نوێوە و بڕەکەی لە نێوان ١٥٠ بۆ ٤٠٠ هەزار دینارە.

كۆمپانیای دانەغاز دەڵێت، ئەو دەنگۆیەی ماڵپەری ئەلمۆنیتۆر سەبارەت بەوەی لەلایەن نووسینگەی سودانی داوایان لێكرابێت بەرهەمهێنانی غاز لە كێڵگەی كۆرمۆر رابگرن، بێ بنەمایە.

شاندی دەم پارتی بە مەبەستی کۆبوونەوە لەگەڵ عەبدوڵا ئۆجەلان بەرەو ئیمڕاڵی بەرێکەوتن.

ئاژانسی رۆیتەرز دەڵێت، نیکۆلاس مادۆرۆ سەرۆکی ڤەنزوێلا، ئامادەیی دەربڕیوە بۆ جێهێشتنی وڵاتەکەی بەو مەرجەی کە خۆی و ئەندامانی خێزانەکەی لێخۆشبونی یاسایی تەواو وەربگرن.

کارەبای سلێمانی دەڵێت، به‌گوێرەی نرخی سووته‌مه‌نی له‌ بازاڕه‌كاندا بۆ مانگی تشرینی دووەم، نرخی هه‌ر كاتژمێرێك کارەبای موەلیدە بۆ یه‌ك ئه‌مپێر ٤٦ دینارە.

هاتووچۆی هەڵەبجە هاوڵاتیان ئاگادار دەکاتەوە و دەڵێت، هەر شۆفێرێک هەفتەی داهاتوو سەردانی پشکنینەکانی هەزە و بەڕاد دەکات بە مەبەستی بەناو کردنی ئۆتۆمبێل پێویستە عەقدی ئەلکترۆنی لەگەڵ خۆی بهێنێت.

سەرۆک کۆماری تورکیا دەڵێت، پڕۆسەی ئاشتی دەرگای سەردەمێکی نوێ دەکاتەوە، دەوڵەت باخچەلیش دەڵێت، پرۆسەی ئاشتی هەر دەبێت بگاتە ئەنجام و پاشەکشێی لێ ناکرێت.

لەسەر ئاڵۆزییەکانی خەبات و دەرکردنی دانیشتوانی لاجان، پەیامنێرانی ئێن ئاڕ تی رایانگەیاند، تا درەنگانی شەو خۆپیشاندان لە خەبات و تۆپزاوا بەردەوام بووە و هێزەکانی پارتی تەقەیەکی زۆریان کردووە بۆ بڵاوەپێکردنیان.

لیژنەی ئەمنی پارێزگای هەولێر سەبارەت بە رووداوەکەی خەبات دەڵێت، کۆمەڵێک کەسی هاندراو هەوڵی کردەوەی ئاژاوەگێڕی، تەقە و سوتاندنی شوێنە گشتی و فەرمییەکانیان داوە و هێزە ئەمنییەکان دۆخەکەیان کۆنتڕۆڵکرد.

لە خەبات تیمێکی رۆژنامەوانی ئێن ئاڕ تی لەلایەن هێزێکی پارتییەوە دەستگیرکران و بەشێکی کەلوپەلە رۆژنامەوانییەکانیان لەلایەن هێزەکەوە شکێندران.

کەشناسی دەڵێت، ئەمڕۆ و سبەی پلەکانی گەرما دوو بۆ سێ پلە نزم دەبنەوە، کەشناسی سلێمانیش دەڵێت، مانگی رابردوو رێژەی بارانبارین ٢٤ ملیم کەمتر بووە بەراورد بە تێکڕای بارانی ساڵانەی مانگی ١١.

شەوی رابردوو چوارچێوەی هەماهەنگی لە ماڵی مالیکی کۆبوونەوە و نەگەیشتن بە هیچ بڕیارێکی یەکلایی کەرەوە، دوای کۆبوونەوەکەش چوارچێوەی هەماهەنگی وتی، پابەندن بە جێبەجێکردنی ئەرکە نیشتمانییەکان لە وادەی دەستووریدا.

كارەبای سلێمانی نرخی كارپێكردنی مۆلیدەی ئەهلیان دیاریکرد بۆ ئەو پرۆژە نیشتەجێبووانەی تا ئێستا مۆلیدە کاریان تیا دەکات.

دۆناڵد ترەمپ و نیکۆلاس مادۆرۆ پەیوەندییەکی تەلەفۆنیان ئەنجامدا، بەپێی راپۆرتێکی رۆژنامەی میامی هیراڵد ئەمریکی، ترەمپ بە مادۆرۆی وتووە لەگەڵ خانەوادەکەت ڤەنزوێلا چۆڵ بکە.

مامۆستایانی چوار بەشی ئێوارانی پەیمانگای تەكنیكی سلێمانی بایكۆتی دەوامیان كرد، بەهۆی وەرنەرگرتنی شایستە داراییەكانیان.

لەسەر پێکهێنانی هەردوو حکومەتی هەرێم و عێراق، مەکتەبی سیاسیی یەکێتی لە سلێمانی کۆبوونەوە، دوای کۆبوونەوەکەش بافڵ تاڵەبانی دەڵێت، یەکێتی رۆڵی خۆی دەگێڕێت لە هەرێم و بەغدا.

حەیدەر هەركی، برای خورشید هەركی، کەسایەتی دیاری هەركییەكان لە قەزای خەبات لە پەیامێكی ڤیدیۆیدا هەڕەشە لەو هێزە ئەمنییانە دەکات كە گەمارۆی گوندی لاجانیان داوە و دەڵێت، ئەگەر نەكشێنەوە پاڵاوگەی نەوت لە نزیك كەورگۆسك و وێستگەی كارەبا دەتەقێننەوە.

بانکی رەشید دەڵێت، دابەشكردنی مووچەی مانگی ١٢ـی خانەنیشنان لە عێراق دەستپێكرد و مووچەی خانەنشینانی مەدەنی و سەربازی زیادکراوە و داوا لە هاوڵاتیان دەکات دەكات سەردانی لقەکانی بانکەکە بکەن بۆ وەرگرتنی مووچەكەكانیان.

تەندروستی هەرێم دەڵێت، لە ١١ مانگی ئەمساڵدا زیاتر لە ٦٠٠ تێستی پشکنینی تاقیگەیی بۆ دۆزینەوەی ڤایرۆسی ئایدز ئەنجام دراوە و ٨٧ حالەتی نوێ دەستنیشان کراوە، کە ٦٤ حالەتی بیانی و هاوڵاتییانی دەرەوەی هەرێم و ٢٣ حالەتی هاوڵاتی و دانیشتوی ناو هەرێمن.

ئەنجومەنی سیاسی نیشتمانی سوننەكان دەڵێت، شەش كەس وەك كاندید بۆ لەئەستۆ گرتنی پۆستی سەرۆكی ئەنجومەنی نوێنەرانی عیراق دەستنیشان دەكەن.

لە خەبات، خۆپیشاندان بۆ پشتیوانی لە دانیشتووانی گوندی لاجان دەستیپێكرد و خۆپیشاندەران رێگەی هەولێر- موسڵیان داخست.

بەرگری شارستانی دەڵێت، تەرمی گەنجێکی نەناسراویان لەئاوی زێی گەورەدا لە سنووری کەڵەک دۆزیوەتەوە و لێکۆڵینەوە لە رووداوەکە دەستیپێکردووە.

وەزیری پەروەردە دەلێت، رەزامەندیدرا لەسەر زیادکردنی کرێی وانەبێژی لە دوو هەزارەوە بۆ چوار هەزار دینار بۆ هەر وانەیەک.

دابەشکردنی مووچەی مانگی نۆ بەردەوامە و لە بەردەم بانکەکاندا قەرەباڵغی دروستبووە، دوێنێ پارە رەوانەی بانکەکان نەکرا، بەوهۆیەوە زۆرینەی مووچەخۆران کە بەپێی خشتەی مووچە دەبوو مووچە وەربگرن مووچەکانیان وەرنەگرتووە. ئەمڕۆش بەهۆی نەبوونی پارە لە بەشێکی ئەی تی ئێمەکان بەشێکی مووچەخۆران نەیانتوانی مووچەکانیان وەربگرن.

پارتی بە زەبری هێز گوندی لاجانی بە دانیشتوانەکەی چۆڵکرد و زیاتر لە ٢٠ کەسیشیان دەستگیرکردووە و لەرێگەی سەگی پۆلیسییەوە ماڵەکان دەپشکنن.

چاوەڕوان دەكرێت مانگی داهاتوو مەزڵوم عەبدی و ئیلهام ئەحمەد سەردانی توركیا بكەن، عەبدولڕەحیم سەماوی سەرۆکی سەنتەری تەمل وتی، لە سەردانەکەدا مەزڵوم عەبدی لە ئیمڕاڵی لەگەڵ ئۆجەلان کۆدەبێتەوە.

هاتووچۆی هەڵەبجە دەڵێت، هاوڵاتیان ئاگادار دەکەنەوە بەشی تۆماری بەڕێوەبەرایەتیی هاتوچۆکەیان، سێرڤەرەکەی لەکارکەوتووە و ناتوانن مامەڵەی هاوڵاتییان رایی بکەن.

ئەمڕۆ شاندی دانووستانکاری پارتی لە هەولێر سەردانی مەکتەبی سیاسی یەکێتی دەکات و سەبارەت بە پێکهێنانی کابینەی نوێی حکومەتی هەرێم و عێراق کۆدەبنەوە.

کۆمسیۆنی باڵای سەربەخۆی هەڵبژاردنەکانی عێراق دەڵێت، سەرجەم رێکارەکانی تانەدان لە ئەنجامی هەڵبژاردنەکان تەواوبوون و پێشکەشی دەستەی دادوەری کرا.

کەمێک پێش ئێستا لەگەڕەکی عەلی کەمال لە سلێمانی بەهۆی ئاگرکەوتنەوەوە کەسێک گیانی لەدەستدا.

بانكی ناوه‌ندی عێراق سیستمێكی نوێ بۆ كۆنترۆڵی دراوی بیانی راده‌گه‌یه‌نێت و بڕیاره‌كه‌ش له‌ سه‌ره‌تای ساڵی داهاتووەوە بە شێوەیەکی گشتگیر و ناچاری ده‌چێته‌بواری جێبه‌جێكردنه‌وه‌.

سه‌رۆك وه‌زیرانی‌ عێراق و نێرده‌ی تایبه‌تی سه‌رۆكی ئه‌مریكا له‌ سوریا باسیان له‌ پاڵپشتیكردنی سه‌قامگیری سوریا و بوژانه‌وه‌ی ئابووری و رێگریكردن له‌ هه‌ر په‌ره‌سه‌ندنێكی زیاتر له‌ ناوچه‌كه‌ كرد.

وتەبێژی وەزارەتی ناوخۆی عێراق دەڵێت، لیژنەی لێكۆڵینەوە لە هێرشەكەی سەر كێڵگەی كۆرمۆر كارەكانی تەواو كردووە و لە چەند رۆژی داهاتوودا ئەنجامەکانی بڵاودەکرێتەوە.

پەیامنێری ئێن ئاڕ تی رایگەیاند، رووداوێکی سەختی هاتووچۆ لەسەر شەقامی سەرەکی بەحرکەی هەولێر روویداوە و بەوتەی شایەتحاڵەکان، لە رووداوەکەدا دوو کەس گیانیانلەدەستداوە و سێ کەسیش بریندار بوون.

بەڕێوەبەرایەتیی دانەوێڵەی سلێمانی دەڵێت، دابەشکردنی بەشە ئاردی نۆیەم دەستیپێکرد و بڕەکەی بۆ هەر کەسێک نۆ کیلۆگرامە.

دوای ئەوەی هاوڵاتیانی سنووری ناحیەی دوبز و پردێ گوێیان لە دەنگی تەقینەوەیەکی بەرز بووە، چاوگێک بە ئێن ئاڕ تی راگەیاند، دەنگەکە تەقاندنەوەی ژمارەیەکی زۆری مین و تەقەمەنی کۆنە و هیچ شتێکی تر رووینەداوە.

شارەزایەکی کەشناسی دەڵێت، سبەینێ لە چەند ناوچەیەک باران دەبارێت و لە ناوچە شاخاوییە بەرزەکانیش بەفر دەبارێت.

وەزارەتی کارەبا دەڵیت، کارەبای ٢٤ کاتژمێری پرۆژەی رووناکی ئاسایی بووەتەوە.

لێپرسراوی پەیوەندییەکانی دەروازەی باشماخ دەڵێت، نرخی گەشتکردن بە ئۆتۆمبێل بۆ ئێران کەمکراوەتەوە و هاوڵاتیان ئازادن لە ژمارەی ئەو گەشتانەی دەیکەن.

یاریدەدەری مەکتەبی رێکخستنی پارتی وتی، بڕیارە سبەینێ پارتی و یەکێتی سەبارەت بە پێکهێنانی کابینەی نوێی حکومەتی هەرێم و عێراق کۆدەبنەوە.

لافاوو زریانێکی بەهێز سریلانکای گرتووەتەوە و دەسەڵاتدارانی وڵاتەکەش دەڵێن، تا ئێستا ١٥٩ کەس گیانیانلەدەستداوە و ٢٠٣ کەسی دیکەش بێسەروشوێنن.

بەڕێوەبەری گشتیی کارەبای سلێمانی دەڵێت، پێدانی کارەبا لە سلێمانی ئاساییبووەتەوە.

دەستەی سەربەخۆی مافی مرۆڤ راگەیەندراوێکی سەبارەت بە رووداوەکانی گوندی لاجان بڵاوکردەوە و بە توندی ئیدانەی دەکات.

هاتووچۆ سەبارەت بە مامەڵەی ئۆتۆمبێل هاوڵاتیان ئاگادار دەکاتەوە و دەڵێت، هەندێک کەس بڕیاری وەزارەتی ناوخۆیان لە بەرژەوەندی خۆیان بەکارهێناوە.

كۆمسیۆن دەڵێت، لەكۆی زیاتر لە ٨٠٠ تانە لە ئەنجامی هەڵبژاردنەكانی پەرلەمانی عێراق، دەستەی دادوەری ٢٠٧ تانەی رەتكردووەتەوە و لە پێداچونەوەدایە بۆ تانەكانی تر.

فراکسیۆنی نەوەی نوێ دەڵێت، جێی شەرمەزارییە حکومەتی ماوەبەسەرچوو بەو شێوەیە جوابی رۆڵەکانیان دەدەنەوە کە خۆپیشاندانێکی مەدەنییان کرد بەڵام بوونە قوربانی داواکارییەکی رەوا.

باوکی گەنجە شەهیدەکەی لاجان دەڵێت، کوڕەکەی تورک نییە و کوردە و خەریکی کاری رۆژانەی خۆی بووە کە شۆفێری بارهەڵگر بووە.

وەزیری کارەبا دەڵێت، پێشبینیدەکەین تا کاتژمێر چواری ئەمڕۆ، دۆخی کارەبای نیشتیمانی ئاسایی بێتەوە و بگەڕێتەوە دۆخی جاران.

چاوگێک لە هاتووچۆی سلێمانی بە ئێن ئاڕ تی راگەیاند، لە ئەمڕۆوە کامێرای چاودێریکردنی خێرایی لە یەکتربڕی ئارام ، لە شەقامی بازنەی مەلیک مەحمود دادەنرێت .

کەشناسیی هەرێم دەڵێت، لە ئێوارەی ئەمرۆوە بارانبارین دەستپێدەکات و تا سبەینێ بەردەوام دەبێت، پلەکانی گەرماش دوو بۆ سێ پلە نزمدەبنەوە.

سەرۆکی حکومەتی ماوەبەسەرچوو دەڵێت، لەگەڵ کۆمپانیای دانە غاز گەیشتوونەتە رێککەوتن بۆ دەستپێکردنەوەی بەرهەمهێنان لە کێڵگەی کۆرمۆر، دەشڵێت لە چەند کاتژمێری داهاتوودا کارەبا دەگەڕێتەوە.

نێردەی ئەمریکا بۆ عێراق دەڵێت، عێراق دەتوانێت رۆڵێکی گەورەتر لە ناوچەکە ببینێت، بە مەرجێک پرسی چەکی دەرەوەی دەسەڵاتی دەوڵەت بە تەواوی چارەسەر بکرێت و شکۆی دامەزراوە فەرمییەکان بپارێزرێت.

بەڕێوەبەرایەتی رێکخستنی پسووڵەی خۆراكی هەولێر دەڵێت، ئەوانەی دەیانەوێت بلۆكی سەر ئەندامانی خێزانەكەیان لە ئەپڵیكەیشنی پسووڵەی خۆراك لابەرن و پارەیان داوە سەیری بەرنامەكە بكەن و ئەگەر نەكرابووەوە چاوەڕێی گەیشتنی نامە بكەن.

سامانە سروشتییەکان دەڵێت، یەکەمین کاروانی غازی ماڵان (LPG) لە وەزارەتی نەوتی عێراقەوە گەیشتە هەرێم.

دوای ئەوەی دوو ساڵ لەمەوپێش گەنجێکی کۆچبەری سنوری رانیە لە دەریای ناوەراست گیانی لەدەستدا ئەمڕۆ روفاتەکەی دەگەڕێتەوە بۆ زێدی خۆی.

رێکخراوی پەیامنێران دەڵێت، هێزە ئەمنییەکان هەوڵ بۆ بڵاوکردنەوەی ترس و تۆقاندنی رۆژنامەنووسان دەدەن، کە ئەمەش جێگەی قبوڵ نییە.

لەسەر خۆپیشاندان وناڕەزایەتی هاوڵاتیانی گوندی لاجان، تۆڕی هاوپەیمانی ١٩ دەڵێت، هەموو روکارێکی توندوتیژی رەتدەکەنەوە و پێویستە هێزە ئەمنیەکان مافی هاوڵاتیان لە رێکخستنی خۆپیشاندان و گردبوونەوە بپارێزن.

وەزارەتی کارەبا دەڵێت، زۆربەی كێشە تەكنییەكانی داناغاز چارەسەر كراوە و هەر کاتێک دەست گواستنەوەی گازی سرووشتی بۆ وێستگەکانی کارەبا كرا، هاوڵاتیان ئاگادار دەكەنەوە.

روانگەی ئیکۆی عێراقیی دەڵێت، زیانی رۆژانەی هێرشەکەی سەر کۆرمۆر زیاتر لە حەوت ملیۆن دۆلارە و سێ هەزار مێگاوات کارەباش کەمیکردوە.

فراکسیۆنی نەوەی نوێ لە پەرلەمانی کوردستان دەڵێت، لە رووداوێکی چەند بارە بووەوەدا، ئەمڕۆ لەلایەن هێزێکی چەکدارەوە بە تەقە کردن وەڵامی خۆپیشاندانی مەدەنیانەی کۆمەڵێک گەنج و دانیشتوانی گوندی لاجانی سنووری پارێزگای هەولێر درایەوەو بەداخەوە تا نووسینی ئەم بەیاننامەی گەنجێک شەهیدکراوە و چەند گەنجێکی تریش بریندارن.

نوێنەری مامۆستایانی گرێبەست بە ئێن ئاڕ تی راگەیاند، لەم هەفتەیەدا مووچەی مامۆستایانی گرێبەست دابەشدەکرێت.

لە گوندی لاجانی سنووری هەولێر هاوڵاتیان خۆپیشاندانیان کرد و گرژی و ئاڵۆزی درووستبوو، لە ئەنجامدا یەک کەس شەهیدبوون و ١٠ کەسیش برینداربوون.

سەرۆکی کۆمەڵەی مۆلیدە ئەهلییەکان دەڵێت، داوا لە سەرجەم مۆلیدە ئەهلییەکانی سلێمانی کراوە لە کاتژمێر ٤ بۆ ١٢ـی شەو کار بە مۆلیدەکانیان بکەن.

وەزارەتی دارای هەرێم خشتەی مووچەی مانگی نۆی فەرمانبەران و مووچەخۆرانی هەرێمی بڵاوکردەوە و بڕیارە سبەینێ دابەش بکرێت.

وتەبێژی وەزارەتی پلاندانانی عێراق دەڵێت، بەراورد بە مانگی رابردوو رێژەی هەڵئاوسان لەسەدا سفر پۆینت سێ کەمیکردووە، بەتایبەت نرخی مادە خۆراکیەکان و خانووبەرە.

کەشناسی هەرێم دەڵێت، لە سبەینێوە بارانبارین دەستپێدەکاتەوە و بەشێوەی پچڕ پچڕ تەواوی ناوچەکانی هەرێمی کوردستان دەگرێتەوە.

وەزارەتی دارایی عێراق مووچەی مانگی نۆی مووچەخۆرانی هەرێم رەوانە کرد کە بڕەکەی ٩٤١ ملیار دینارە. بڕیاره‌ له‌ نزیكترین كاتدا وه‌زاره‌تی دارایی خشته‌ی دابه‌شكردنی مووچه‌ بڵاوبکاتەوە و دەستبەدابەشکردنی مووچەی مانگی نۆ بکرێت.

بازرگانی هەرێم دەڵێت، دابەشکردنی به‌شه‌خۆراكی مانگی حەوت و به‌شه‌ئاردی مانگی نۆ به‌ره‌و كۆتایی ده‌ڕوات و دواتر ده‌ست به‌ دابه‌شكردنی به‌شه‌خۆراك و ئاردی نوێ ده‌كرێت.

بەبۆنەی رۆژی سەركەوتنەوە لە تەواوی عێراق رۆژێک كرا بە پشوو، بەڵام تا ئێستا حكومەتی هەرێم بڕیاری نەداوە.

وه‌زاره‌تی كاره‌بای عیراق دەڵێت، هەناردەی غازی ئێران راگیرا بۆ ئیشپێکردنی وێستگەکانی کارەبا.

کونسوڵخانەی ئێران لە هەولێر دەڵێت، ئیدانەی هێرشە درۆنییەکەی سەر کێڵگەی گازی کۆرمۆر دەکەن و هێرشەکە قبووڵکراو نییە.

کاتژمێر ٢ـی بەرەبەیانی شەممە بە کاتی کوردستان، کۆتا وادەی دەنگدانەبە هاندەرانی یانەی وەرزشی زاخۆ کە پاڵێوراون بۆ بردنەوەی خەڵاتی باشترین هاندەر لە جیهاندا.

نوسینگەی حەج و عومرەی سلێمانی دەڵێت، ئەو کەسانەی ناویان گەڕاوەتەوە بۆ پرۆسەی حەجی ٢٠٢٦ رۆژانی شەممە و دووشەممە سەردانی نەخۆشخانەی شیرەکە بکەن بۆ تەواوکردنی رێکارەکانی حەج.

لە کۆبوونەوەکەی ئەمڕۆی کۆرمۆر بڕیاردرا، ژوورێکی هاوبەشی ئەمنی و هەواڵگیریی لەنێوان دەزگا ئەمنییەکان بۆ پاراستنی کێڵگەکە پێکبهێنرێت و ٧٢ کاتژمێر دوای کۆبوونەوەکە ئەنجامی لێکۆڵینەوەکان ئاشکرا بکرێن.

لە شاری دوبەی پەردە لەسەر گەورەترین پارچە زیو لە جیهاندا لادرا کە کێشەکەی نزیکەی دوو تۆنە و درێژیشی زیاترە لە مەترێک.

وتەبێژی دەم پارتی دەڵێت، دیدارەکەی کۆمیسیۆنی ئاشتی لەگەڵ عەبدوڵا ئۆجەلان وەرچەرخانێکی مێژوویی بوو و لە سەرەتای مانگی داهاتوودا وردەکاریی ئەو دیدارە ئاشکرادەکرێت.

نێردەی تایبەتی ترەمپ دەڵێت، فەرمانی سەردانیکردنی بۆ عێراق لە دۆناڵد ترەمپی سەرۆکی ئەمریکاوە وەرگرتووە.

یۆنامی لە بڵاوکراوەیەکدا دەڵێت، بە تووندترین شێوە ئیدانەی هێرشەکەی سەر کیڵگەی کۆرمۆر دەکات لە سلێمانی.

شاندی حکومەتی عێراق گەیشتە کێڵگەی کۆرمۆر و سەرقاڵی لێکۆڵینەوەن لەسەر هێرشەکە.

چوارچێوەی هەماهەنگی دەڵێت، بە توندی ئیدانەی ئەو بەئامانجگرتنە غەدرکارانەیە دەکات کە کێڵگەی غازی کۆرمۆری گرتەوە.

نووسەر و رۆژنامەنووسێکی کورد لە کەنەدا خەڵاتی باشترین نووسەری کەنەدای بۆ ساڵی ٢٠٢٥ وەرگرت لەپای ئەو کارانەی بۆ بەرگریکردن لە مافەکانی مرۆڤ و ئازادی رادەربڕین، هەروەها بۆ بەرگریکردن لە کەیسی رۆژنامەنووس شێروان شێروانی و هاوڕێ سزادراوەکانی ئەنجامیدا.

سەرۆکی ئەمریکا دەڵێت، بەنیازە کۆچكردن لە وڵاتانی جیهانی سێیەمەوە بۆ ئەمریكا بەشێوەیەكی هەمیشەیی رابگرێت، ئەوەش رۆژێک دوای رووداوی تەقەكردنی هاوڵاتیەكی ئەفغانی لە دوو سەربازی پاسەوانی نیشتمانی لە واشنتن.

بەهای زێڕ لە بازاڕەکانی جیهاندا بەرزبووەوە و ئۆنسەیەک لەو کانزا زەردە بە چوار هەزار و ١٨٢ دۆلار مامەڵەی پێوەدەکرێت؛ نرخی مسقاڵێک زێڕی عەیارە ٢١ـیش بە ٨٤٥ هەزار دینارە.

کونسوڵخانەی گشتی ئەمریکا لە هەولێر رایگەیاند، ئەمریکا بە توندی ئیدانەی هێرشی تیرۆرستی بۆ سەر کێڵگەی گازی کۆرمۆر لە پارێزگای سلێمانی دەکات. دەشڵێت، "داوای هەنگاوی کرداریی دەستبەجێ لە حکومەتی عێراق دەکەین بۆ لێپرسینەوە لە ئەنجامدەرانی ئەم هێرشە تیرۆرستییە و ئامادەین پشتیوانی پێشکەش بکەین بۆ هەوڵەکانی پاراستنی ئەم ژێرخانە گرنگە".

وەزارەتی ناوخۆی هەرێم لە راگەیەندراوێکدا دەڵێت، لە نێوان 15ی حوزەیرانی 2025 و 25ی تەمموزی 2025 دا، کێڵگە نەوتییەکان و دامەزراوە نەوتییەکان، لەگەڵ چەندین دامەزراوەی گرنگ لە هەرێمی کوردستان، دووچاری هێرشی فڕۆکەی بێفڕۆکەوان بوون، بۆ لێکۆڵینەوە لەو هێرشە مەترسیدارانە حکومەتی فیدراڵ بڕیاری پێکهێنانی لیژنەیەکی هاوبەشی دەرکرد.

بەپێی زانیارییەکانی ئێن ئاڕ تی، لەسەر رێگای کۆیە رووداوێکی سەختی هاتووچۆ روویداوە و کەسێک گیانی لەدەستداوە.

وەزیری کارەبا دەڵێت، بەهۆی هێرشەكەی شەوی رابردوو، دوو هەزار و ٧٠٠ تا سێ هەزار مێگاوات كارەبا كەم بووەتەوە.

قائیمقامییەتی قەزای رانیە لە راگەیەندراوێکدا دەڵێت، پڕۆژەی ڕووناکی کەوتۆتە کار و گرێبەستی موەلیدەکان هەڵوەشاوەتەوە و بۆ کارپێکردنیان پێویستە حکومەتی ماوەبەسەرچوو لەڕێگای پڕۆژەی ڕووناکیەوە گرێبەست لەگەڵ خاوەن موەلیدەکان ئەنجام بدات.

سەرۆکی کۆمەڵەی مۆلیدە ئەهلییەکان دەڵێت، ئەگەر گازیان بۆ دابینبکرێت ٢٤ کاتژمێر کارەبا دابیندەکەن ئەمپێری بە سێ هەزار دینار.

سەرۆکایەتی کۆماری عێراق دەڵێت، پێویستە لێکۆڵینەوەیەکی هاوبەش سەبارەت بە هێرشی سەر كێڵگەی کۆرمۆر و ئاشکراکردنی بكەرانی ئەو هێرشە بکرێت .

دوای ئەوەی لە ١٨ـی ئەم مانگە هەڵبژاردەی عێراق رووبەڕووی هەڵبژاردەی ئیمارات بووەوە و توانیی بە ئەنجامی دوو بە یەک براوەبێت، چەند دیمەنێکی بێستوون تاوگۆزی کۆمێنتاری کەناڵ ئێن ئاڕتی سپۆرت لە یارییەکەدا دەنگدانەوەی زۆریی لە عێراقدا لێکەوتەوە.

فه‌رمانگه‌ی په‌یوه‌ندییه‌كانی ده‌ره‌وه‌ی هەرێم، هێرشه‌كه‌ی شه‌وی رابردووی سه‌ر كێڵگه‌ی غازی كۆرمۆر به‌ كرده‌وه‌یه‌كی تیرۆریستی ناودەبات، داواش له‌ كۆمه‌ڵگه‌ی نێوده‌وڵه‌تی ده‌كات سیسته‌می به‌رگریی ئاسمانی دابین بكه‌ن بۆ پاراستنی ژێرخانی هه‌رێم.

باره‌گای بارزانی لە راگەیەندراوێکدا دەڵێت، هێرشه‌كه‌ی‌ كۆرمۆر دژی ژێرخانی ئابووری و به‌رژه‌وه‌ندییه‌كانی هه‌رێم و عێراقه‌ و كاتی ئه‌وه‌ هاتووه‌ هه‌نگاوی جددی و عه‌مه‌لی هێرشه‌ ناڕه‌واكان بگیرێته‌به‌ر.

سەرۆكوزیرانی عیراق كۆبوونەوەیەكی بەپەلەی لەگەڵ دەزگا ئەمنییەكان ئەنجامدا و بڕیاریدا بە پێكهێنانی لیژنەیەكی لێكۆڵینەوە لە هێرشەكەی سەر كێڵگەی كۆرمۆر و وەزیری ناوخۆی هەرێمیش ئەندامی لیژنەكە دەبێت.

نوێنەری ترەمپ لە عێراق، دڵنیای دەدات کە پشتیوانی هەرێمە و هەڕەشە لە گروپە چەکدارەکان دەکات و دەڵێت، ئەم وڵاتە شوێنی ئەوانی تیانابێتەوە.

وتەبێژی کۆمسیۆنی باڵای سەربەخۆی هەڵبژاردنەکانی عێراق دەڵێت، سەرجەم تانەکان ئاڕاستەی دەستەی دادوەریی هەڵبژاردن کران.

چاوگێک بە ئێن ئاڕتی راگەیاند، تەیف سامی واژۆی ناردنی مووچەی هەرێمی کرد ویەکشەممە یان دووشەممە پارەکە دەنێردرێت.

وەزیری کارەبای هەرێم دەڵێت، ئەگەر تەنها کۆگای کێڵگەی کۆرمۆر کرابێتە ئامانجلە ٤٨ کاتژمێری داهاتوودا دۆخی کارەبا یاسایی دەبێتەوە و دەشڵێت، لە ئێستادا شەش بۆ هەشت کاژمێر کارەبا دابین بکەن.

پەیامنێری ئێن ئاڕ تی رایگەیاند، لە خورماتوو رووداوێکی سەختی هاتووچۆ روویدا و چوار کەس گیانیانلەدەستدا.

کەشناسی عێراق دەڵێت، رۆژی یەکشەممە شەپۆلێکی بارانبارین روو لە ناوچەکانی عێراق و هەرێم دەکات.

کاردانەوەکان دژی هێرشەکەی سەر کێڵگەی کۆرمۆر فراوانتر دەبێت و بەریتانیا و فەڕەنساش ئیدانەی هێرشەکە دەکەن.

سەرۆکوەزیرانی عێراق پەیوەندی بە مەسرور بارزانییەوە کرد و هێرشەکەی سەر کۆرمۆری بە هێرش بۆسەر هەموو عێراق ناوبرد.

بەشێک لە شۆفێرانی تانکەری ئاو دەڵێن، بەهۆى هێرشەکەى سەر کێڵگەى کۆرمۆر و کەمبووەنەوەى کارەبا، مەترسى بێئاوى لەسەر نۆ پرۆژەی نیشتەجێبوونی سلێمانى دروست دەبێت و بەهۆى نەبوونى کارەبا، شەمعەى شێرکوژ کوژاوەتەوە کە ئاو بۆ پرۆژە نیشتەجێبووەکانی سنوورى قولەرەیسى دابین دەکات.

وتەبێژی بەنزینخانەکانی سلێمانی بە ئێن ئاڕ تی راگەیاند، ئەمڕۆ لەدوای كاتژمێر چواری دوانیوەڕۆوە لە سلێمانی، نرخی هەر لیترێك بەنزین بۆ هەرسێ جۆرەكەی ٢٥ دینار دادەبەزێ.

بافڵ تاڵەبانی دەڵێت، هێرشە تیرۆریستییەکەی سەر کێڵگەی غازی کۆرمۆر جێگای قبوڵ نییە و بە توندترین شێوە ئیدانەی دەکەن.

کارەبای هەرێم دەڵێت، هەتا ئەو کاتەی هەناردەی غاز لە کێڵگەی کۆرمۆر دەستپێدەکاتەوە دۆخی کارەبا بەمجۆرەی ئێستا دەبێت و پێویستیان بە ٢٤ کاتژمێر دەبێت بۆ ئەوەی دۆخی بەرهەمهێنانی کارەبا ئاسایی بکەنەوە.

قوباد تاڵەبانی سەبارەت بە هێرشەکەی سەر کێڵگەی کۆرمۆر دەڵێت،ئەم هێرشە بە ئامانجگرتنی ژیان و گوزەرانی رۆژانەی خەڵک و ژێرخانی ئابوریی هەرێم و هەموو عێراقە.

وەزارەتی کارەبای عێراق دەڵێت، به هۆی راگرتنی بەرهەمی کێڵگه ی غازی کۆرمۆر له شاری سلێمانی ١٢٠٠ مێگاوات كارەبایان لەدەستداوە.

نێچیرڤان بارزانی سەبارەت بە هێرشەکەی سەر کێڵگەی کۆرمۆر دەڵێت، ئەم هێرشە دژی ژێرخانی ئابووری و خزمەتگوزارییە گشتییەکانی عێراق و هەرێمە.

کۆمپانیای دانەغاز راگەیەندراوێکی لەبارەی هێرشەکەی دوێنێ شەوی سەر کێڵگەی کۆرمۆر بڵاوکردەوە و دەڵێت، هێرشەکە هێرشی مووشەکی بووە و زیانی گیانی نەبووە.

لە دوێنیوە هێزە ئەمنییەکانی سلێمانی مامۆستایەکی بەشی فیزیای زانکۆی سلێمانییان دەستگیرکردوە، بەرێوەبەری سەنتەری میترۆش بە ئێن ئاڕ تی وت، مامۆستاکە لە ئاسایشی سلێمانی دەستگیرکراوە.

ئاگرەکەی کێڵگەی کۆرمۆر کۆنتڕۆڵکرا و داواش لە کارمەندانی کێڵگەکە کراوە، بگەڕێنەوە دەوام.

فەرمانگەی میدیا و زانیاری دەڵێت، بەرهەمهێنانی کارەبا لە ٢٤ کاتژمێر بۆ پێنج کاتژمێر کەم دەبێتەوە.

شانەی راگەیاندنی ئەمنی عێراق دەڵێت، "ئەو هێرشەی کراوەتە سەر کێڵگەی گازی کۆرمۆر هەڕەشەیەکی راستەوخۆیە بۆ سەر بەرژەوەندیی عێراقییەکان.

مەسرور بارزانی رایگەیاند، "بە تووندترین شێوە سەرکۆنەی هێرشە ترسنۆکانەکەی سەر کێڵگەی غازی کۆرمۆر دەکەم و داوا لە حکومەتی عێراق دەکەم بکەرانی بدۆزێتەوە و راپێچی دادگەیان بکات".

کاتژمێر ١١:٣٠ خولەکی ئەمشەو هێرشێک کرایە سەر کێڵگەی کۆرمۆر کە گومان دەکرێت هێرشەکە بە دوو درۆنی خۆکوژ ئەنجام درابێت، چاوگێک لەناو کێڵگەکەش دەڵێت، کۆگایەکی نەفتا و سێ شەمعی بارکردنی نەفتای کردووەتە ئامانج و خەزانەکە گڕی گرتووە و ئاگرەکە بۆ شەمعە و تاوەرەکان گوازراوەتەوە.

وتەبێژی وەزارەتی كارەبای هەرێم دەڵێت، بەهۆی وەستانی ناردنی گاز لە كێڵگەی كۆرمۆرەوە بۆ وێستگەكانی كارەبا، ئاستی بەرهەمهێنانی وزەی كارەبا بە رێژەی ٧٥٪ تاوەكو ٨٠٪ كەمدەبێتەوە.

فڕۆکەخانەی نێودەوڵەتی سلێمانی دەڵێت، دەنگۆی راوەستانی گەشتە ئاسمانییەکان لە فڕۆکەخانەی نێودەوڵەتی سلێمانی دوورە لە راستییەوە.

وەزارەتی سامانە سروشتتییەکان و کارەبا لە راگەیێندراوێکی هاوبەشدا دەڵێن، بەهۆی هێرشەکەی سەر کێڵگەی کۆرمۆر تەواوی هەناردەی گاز بۆ وێستگەکانی کارەبا راگیرا.

کەمێک پێش ئێستا ئاگرێکی گەورە لە بەشی ئێڵ پی جی کێڵگەی کۆرمۆر کەوتووەتەوە، گومان دەکرێت بە مووشەک هێرشی مووشەکی بێت. چاوگێک لەناو کێڵگەکە بە ئێن ئاڕ تی وت، زیانەکان تەنیا زیانی ماددییە و تاوەکو ئێستا هیچ زیانێکی گیانی تۆمار نەکراوە.

لە نزیک کۆشکی سپی رووداوێکی تەقەکردن روویدا و وتەبێژی کۆشکی سپیش دەڵێت، بەهۆی رووداوێکەوە کۆشکی سپی بۆ ماوەیەکی کاتی داخراوە و دۆناڵد ترەمپیش لە رووداوەکە ئاگادار کراوەتەوە.

وەزارەتی بازرگانیی عێراق وردەکاریی مەرجە نوێیەکانی بۆ هاوردەکردنی ئۆتۆمبێل ئاشکرا کرد و دەڵێت، بەمەبەستی پاراستنی سەلامەتیی هاوڵاتیان و رێکخستنەوەی هاتووچۆ، رێگە بە هاتنە ناوەوەی چوار جۆر ئۆتۆمبێلی زیانلێکەوتوو نادرێت.

فڕۆکەخانەی نێودەوڵەتیی سلێمانی رایگەیاند، بەشێک لە ماڵپەڕی دامەزراوەکان لەکارکەوتوون.

بێکاری لەناو گەنجانی سنووری ئیدارەی راپەڕین بە جۆرێکە لە هەر ١٠ گەنجێک حەوتیان بێکارن، بەو هۆیەشەوە ساڵانە زۆرترین ژمارەی گەنج بەرەو وڵاتانی ئەوروپا کۆچ دەکەن و بەگوێرەی ئامارەکان تەنها لەمسالدا هەزار ٥٠٠ گەنج کۆچیان کردووە و چوار کەسیان گیانیان لەدەستداوە و ژمارەیەکیشیان بێ سەروشوێنن.

بەڕێوەبەرایەتیی هاتووچۆی کۆیە دەڵێت، ئەمشەو کامێراکانی دیاریکردنی تیژڕەوی، لە ناوچەیەکی دیکە دەکەونەکار.

پەیامنێری ئێن ئاڕ تی لە بەغدا رایگەیاند، بەشی زۆری رێکارەکانی تەمویلکردنی مووچەی مانگی نۆی هەرێم تەواوبوون و خەرجکردنی لە ئانوساتدایە، چاوگێک لە دارایی عێراقیش دەڵێت، سبەی یان سەرەتایی هەفتەی داهاتوو مووچەی مانگی نۆی هەرێم دەنێردرێت.

راوێژكاری سه‌رۆك وه‌زیرانی عێراق بۆ كاروباری پیشه‌سازی دەڵێت، مانگی داهاتوو گه‌وره‌ترین كارگه‌ی به‌رهه‌مهێنانی داووده‌رمانی شێرپه‌نجه‌ له‌ناوچه‌كه‌دا ده‌كه‌نه‌وه‌.

وەزارەتی کارەبا دەڵێت، "بەهۆی چاککردنەوە لە تۆڕی کارەبا لەچەند مانگی داهاتوودا دەکرێت بەشێک لە هاوڵاتیان کارەبایان بپچڕێت، داوا لە هاوڵاتیان دەکەین پشوو درێژبن".

ئاگرێکی گەورە لە باکوری هۆنگ کۆنگ کەوتەوە و ١٣ کەس گیانیانلەدەستدا و ژمارەیەکی زۆریش برینداربوون، دەسەڵاتدارانیش بەرزترین ئاستی مەترسییان راگەیاند.

سەرۆکی حکومەتی ماوەبەسەرچوو دەڵێت، بۆ یەکهەڵوێستی کورد لە بەغدا پارتی لیژنەیەکی دروست کردووە و سەردانی لایەنەکان دەکەن، لەسەر پۆستی سەرۆک کۆماریش وتی، پێویستە لەناو کورد دا رێککەوتن بکرێت.

بەشێک لە خاوەنی مۆلیدە ئەهلییەکانی هەولێر دەڵێن، دوو ساڵە بەردەوام کارەبا دەدەنە بیرەکانی هەولێر، بەڵام تاوەکو ئێستا حکومەت پارەی بۆ خەرجنەکردوون.

لەسەر حکومەتی داهاتووی عێراق، سەرۆکی یەکێتی دەڵێت، هەوڵەکانیان لەو چوارچێوەیەدایە بگەن بە حکومەتێکی خزمەتگوزاری نیشتمانی کە بنەماکەی هاوبەشێتی و پێکەوەیی بێت.

ئەمڕۆ لە شاری سلێمانی شاندێکی یەکگرتوو سەردانی یەکێتی کرد و گفتوگۆی چەند پرسێکیان کرد.

دەسەڵاتدارانی ئێران دەڵێن، بڕیارە یەکشەممەی داهاتوو سێ مانگی دەستکرد بنێردرێنە بۆشایی ئاسمان.

وتەبێژی کۆمسیۆن بە ئێن ئاڕ تی راگەیاند، لەكۆی ٨٧٢ تانەی هەڵبژاردن، وەڵامی ٥٢٨ تانەیان ئامادەكردووە.

دادوەریی عێراق ئاماری فەرمیی هاوسەرگیری و جیابوونەوەی مانگی رابردووی بڵاوکردەوە و بەپێی ئامارەکان، لەو مانگەدا رێژەی پرۆسەی هاوسەرگیری لە ئاستێکی بەرزدا بووە.

پەیامنێری ئێن ئاڕ تی دەڵێت، دوای ئەوەی پڵنگێک پەلاماری منداڵێکی دا لە باخچەیەکی ئاژەڵانی هەولێر بە سەختی برینداری کرد، دواتر گەیەندرایە نەخۆشخانە و ژیانی رزگار کرا و دەستی لە بڕینەوە نەجاتی بوو.

لە شاری هەولێر، شاندێکی پارتی بە سەرۆکایەتی هۆشیار زێباری، سەردانی یەکگرتوویان کرد و کۆبوونەوە و باسیان لە پێکهێنانی کابینەی نوێی حوکمەت کرد.

لە دوێنێوە کەسێک لە کەلار بێسەروشوێنە کە رۆژنامەنووسە و پارتیش دەڵێت، کادری پارتییە.

ئاسیاسێڵ لەگەڵ کۆمپانیای سیسکۆ هاوبەشییەکی نوێ لە لوتکەی جیهانیی مۆبایل لە دەوحە MWC 25 رادەگەیەنن بۆ دابینکردنی دڵنیایی تۆڕی پاڵپشتیکراو بە ژیریی دەستکرد و بەهێزکردنی متمانەی پەیوەندیکردنی تۆڕەکەی لە عێراق.

وەزارەتی ئەوقاف دەڵێت، ماوەی راییکردنی مامەڵە و تێچووی حەج بۆ ماوەی هەفتەیەک درێژکرایەوە.

جێگری بەڕێوەبەری نەخۆشخانەی شار دەڵێت، نووسەری کورد شێرزاد حەسەن بە تەندروستیەکی باش نەخۆشخانەی بەجێهێشت.

بانکی ناوەندیی عێراق دەڵێت، لەرێگەی پلانێکەوە یەدەگی زێڕ زیاددەکەن.

شاندێکی یەکگرتوو سەردانی نەوەی نوێیان کرد و باسی پێکهێنانی حکومەتی عێراق کرا

پلاندانانی عێراق لە کۆنگرەیەکی رۆژنامەوانیدا ئەنجامی کۆتایی سەرژمێریی ساڵی ٢٠٢٤ـیان راگەیاند و دەڵێن، ژمارەی دانیشتووانی عێراق زیاتر لە ٤٦ ملیۆن کەسە، وتیشی بەپێی بڕیاری دادگای فیدراڵی ئەنجامەکانی سەرژمێری بۆ هیچ پرسێکی سیاسی بەکارناهێندرێت.

بڕیارە ١٥ـی کانونی یەکەمی ٢٠٢٥ تاقیکردنەوەی وەرزی یەکەم لە هەموو ناوەندەکانی خوێندن لە سەرتاسەری هەرێم ئەنجامبدرێت و پەروەردەی سۆرانیش خوێندکارانی پۆلی ١٢ ئاگادار دەکاتەوە، دەتوانن تا سبەینێ پێنجشەممە مامەڵەی دەرەکی ئەنجامبدەن بە پێچەوانەوە، مافی بەشداریکردنیان لە تاقیکردنەوەکان نامێنێت.

ئاسایشی سلێمانی سەبارەت بە دوا وادەی تۆمارکردنی ئۆتۆمبێلە بێ سەرەتەکان هۆشداری دەدات.

پەروەردەی هەرێم بژاردەیەکی خستە بەردەم ئەو مامۆستایانەی بڕیارە لە ٣١ـی کانونی یەکەمی ٢٠٢٥ خانەنشین بن.

شێلم بەیەکێک لە خۆشترین خواردنەکان دادەنرێت بەتایبەت لە وەرزی زستاندا و چەندین سوودی تەندروستی هەیە.

بەهای زێڕ لە بازاڕەکانی جیهاندا بەرزبووەوە و ئۆنسەیەک لەو کانزا زەردە بە چوار هەزار و ١٦٦ دۆلار مامەڵەی پێوەدەکرێت؛ نرخی مسقاڵێک زێڕی عەیارە ٢١ـیش بە ٨٤٢ هەزار دینارە.

لە بازاڕەکانی جیهاندا نرخی بەرمیلێک نەوتی خاوی برێنت بە ٦٢ دۆلار و ٧٤ سەنت مامەڵەی پێوەدەکرێت و نرخەکەی کەمێک بەرزبووەوە.

دەستەى دەستپاکیی عێراق دەڵێت، دوای بەدواداچوون و وردبینى ئەو دوو تریلیۆن و ٥٠٠ ملیار دینارەی وەزارەتی سندوقی چاوێریی کۆمەڵایەتی کە لە ژێر گوماندا بوو، لە شوێنی خۆیدایە و خەرج نەکراوە.

وتەبێژی یەکگرتووی ئیسلامی دەڵێت، داوای کۆبوونەوەیەکی هاوبەش لە مەکتەبی سیاسی لایەنە براوەکانی هەڵبژاردنی پەڕلەمانی عێراق لە هەرێم دەکەن تاوەکو بەیەکەوە نەخشە رێگایەک دابڕێژن و رێککەوتن لەگەڵ لایەنە عێراقییەکاندا بکەن.

سەرۆکی ئەمەریکا بە ئەرێنی باس لە رێککەوتنی نێوان رووسیا و ئۆکرانیا دەکات و رایگەیاند، پێم وایە لە رێککەوتنی نێوانیان نزیکین.

وتەبێژی وەزارەتی ئەوقاف بە ئێن ئاڕ تی وت، هەفتەی داهاتوو پشکنینی پزیشکی بۆ هەموو ئەو کەسانە دەکرێت کە ناویان بۆ حەجی ساڵی داهاتوو دەرچووە.

جێگری سەرۆکی پەرلەمانی عێراق دەڵێت، "پارتی داوایکردووە سەرجەم حزبەکان بە نەوەی نوێشەوە بەشداربن لە حکومەت و پێشتریش بە نەوەی نوێمان وت بەشداری حکومەت بکەن بەڵام نەهاتنە پێش". دەشڵێت، نەوەی نوێ ژمارەیەکی زۆر کورسییان هەیە و دەتوانێت هاوکاربێت لەوەی حکومەت رووبەڕووی کێشەکان ببێتەوە.

ئەنجومەنی وەزیرانی عێراق ٤٧ـەمین دانیشتنی ئاسایی خۆی بە سەرۆکایەتی سودانی ئەنجامدا و تیایدا نرخی تەنێک گەنم بە ٤١٠ هەزار دینار جێگیرکرا، هەروەها دامەزراندنی نەخۆشخانەیەکی ٤٠٠ قەرەوێڵەیی لە کەرکوک و پڕۆژەی ئاوەڕۆی کەرکوک.

بانکی خانوبەرەی عێراق قەرزی خانووبەرە دەداتە هاوڵاتیان، کە بڕەکەی دەگاتە ١٠٠ ملیۆن دینار و لەماوەی ٢٠ ساڵدا دەبێت بگەڕێندرێتەوە.

لە رووداوێکی سەختی هاتووچۆدا لەسەر رێگای کەرکوک - تکریت سێ کەس گیانیان لەدەستدا و کەسێکی دیکەش برینداربوو.

لە گەڕەکێکی هەولێر زیاتر لە ٣٠ کاتژمێرە کارەبایان کوژاوەتەوە و هاوڵاتیانیش دەڵێن، پەیوەندییان بە لایەنی پەیوەندیدارەوە کردووە بەڵام تا ئێستا چارەسەر نەکراوە، وەزارەتی کارەباش دەڵێت، هۆکاری پچڕانی کارەباکە لەماوەی ٤٨ کاتژمێری رابردوودا سازدانەوەی تۆڕی کارەبا بووە.

هەڵسوڕێنەری کاروباری باڵیۆزخانەی ئەمریکا لە عێراقلە کۆبوونەوەیدا لەگەڵ وەزیری سامانە سروشتیەکانی هەرێم وتی، دەیانەوێت رێکەوتننامەی سێ قۆڵی بۆ هەناردەکردنی نەوتی هەرێم درێژخایەن و بەردەوامبێت.

وتەبێژی یەکێتی دەڵێت، "لەسەر دابەشكردنی پۆستەكان دەرگای گفتوگۆمان كراوەیە تا بە زوویی دانوستانەکان دەستپێبکەینەوە، دەشڵێت لەو رەشنووسەی لەگەڵ پارتی کردوومانە بۆ پێکهێنانی حکومەت پەشیمان نابینەوە".

وەزارەتی تەندروستی عێراق دەرگای داواکاری بۆ دامەزراندنی دەرچووانی کۆلێژە تەکنیکییەکانی تەندرووستی و پزیشکی بۆ ساڵی خوێندنی راگەیاند، دەرچووانی ناوچە کوردستانییەکانی دەرەوەی ئیدارەی هەرێمی کوردستان و کەرکووکیش دەتوانن داواکاری پێشکەش بکەن.

سەرۆکی حکومەتی ماوەبەسەرچووی هەرێم دەڵێت، پێویستە حکومەتی داهاتووی عێراق رێز لە مافە دەستووریەکانی هەرێم بگرێت.

نێردەی تایبەتی ئەمریکا لە عێراق دەڵێت، ئەمەریکا ماوەیەکی زۆرە پاڵپشتیی دامەزراوە ئەمنییە شەرعییەکانی عێراقی دەکات، دەشڵێت کۆمپانیا ئەمەریکییەکان، کە ملیاران دۆلاریان دابین کردووە بۆ کەرەستە و پاڵپشتیی، وەک هاوبەشی سەرەکی دەمێننەوە لە بەهێزکردنی ئاسایش و سەروەریی ئه‌م وڵاته‌دا.

بەڕێوەبەری هاتووچۆی ناوشاری سلێمانی رەتیدەکاتەوە هیچ نووسراوێکیان بەدەست گەشتبێت بۆ دەستبەسەرداگرتنی ئۆتۆمبێلە بێ سەرەتاکان.

کۆمسیۆن بڕیاریدا کاندیدێکی دەرچووی پەرلەمانی عێراق دووربخاتەوە و ئەو دەنگانەشی بەدەستیهێناوە رەتکرایەوە.

وەزارەتی نەوتی عێراق ئاماری فرۆشی نەوتی مانگی رابردووی بڵاوکردەوە و دەڵێت، داهاتی فرۆشی نەوتی مانگی رابردوو زیاتر لە حەوت ملیار دۆلار بووە و وتیشی، نزیکەی شەش ملیۆن بەرمیل نەوتی هەرێم لە رێگەی بەندەری جەیهانەوە فرۆشراوە.

دوای ئەوەی رۆژی هەینی کۆمسیۆنی پرۆسەی ئاشتی لە پەرلەمانی تورکیا بڕیاریدا سەردانی ئیمڕاڵی بکات بۆ چاوپێکەوتن لەگەڵ عەبدوڵا ئۆجەلان، شاندێکی سێ کەسی دوێنێ رۆژی دووشەممە ٢٤ـی تشرینی دووەمی ٢٠٢٥، گەیشتنە ئیمراڵی و بۆ ماوەی سێ کاتژمێر لەگەڵ ئۆجەلان کۆبوونەوە.

تەندروستی عێراق دەرفەتی دامەزراندنی بۆ دەرچووانی کۆلێژە تەکنیکییەکانی تەندروستی و پزیشکی بۆ ساڵی خوێندنی ٢٠٢٣ - ٢٠٢٤ راگەیاند و دەرچووانی ناوچە کوردستانییەکانی دەرەوەی ئیدارەی هەرێم و کەرکوکیش دەتوانن داواکاری پێشکەش بکەن.

هاتووچۆی سلێمانی دەڵێت، له‌وه‌زاره‌تى ناوخۆ و به‌ڕێوه‌به‌رایه‌تى گشتیى هاتوچۆى هه‌رێمه‌وه‌ بڕیار دراوە کە سزای ئۆتۆمبێلە بێسەرەتاکان دەستپێبکاتەوە و دەستیان بەسەردا بگیرێت بەڵام بەهۆی هەندێک بارودۆخەوە رێکارەکانیان راگرتووە.

نەوەی نوێ دەڵێت، هەموو ئەو دەنگۆیانە رەتدەکەنەوە لەبارەی بەشداریکردنیان لە حکومەت و پابەند دەبن بە هەموو بڕیارێک کە سەرۆکی جوڵانەوەکە بیدات.

ئاژانسی هەواڵی رۆیتەرز لە بڵاوکراوەیەکدا دەڵێت، دوای دانوستانەکانی رۆژی یەکشەممە لە جنێف کە بە شێوەیەکی ئەرێنی کۆتایی هات، ئەمریکا و ئۆکرانیا لە بەیاننامەیەکی هاوبەشدا دەڵێن ، رەشنووسی چوارچێوەیەکی ئاشتی گونجاویان ئامادە کردووە، بەڵام ئاماژەیان بە وردەکارییەکان نەدا.

دارایی هەرێم دەڵێت، لیستی موچەی مانگی ١٠ رادەستی بەغدا کرا و لەسەر هاتنی پارەی موچەی مانگی نۆ، چاوگێک لە دارایی عێراق بە ئێن ئاڕ تی وت، کۆتایی ئەم هەفتە یان سەرەتایی هەفتەی داهاتوو پارەی موچە مانگی نۆ دەگاتە هەرێم.

ئەمڕۆ ٢٥ـی نۆڤەمبەر، هەڵمەتی ١٦ رۆژەی بەرەنگاربوونەوەی توندوتیژیی دژی ژنان دەستپێدەکات.

وەزارەتی گواستنەوە و گەیاندنی هەرێمی کوردستان راگەیەندراوێکی سەبارەت بە راگرتنی پەخشی کەناڵەکانی بین سپۆرت بڵاوکردەوە.

شەوی رابردوو سەرۆکی ئەمەریکا و چین پەیوەندییەکی تەلەفۆنییان ئەنجامدا، دوای پەیوەنییە تەلەفۆنییەکەش ترەمپ وتی، پەیوەندییەکانیان لەگەڵ چین زۆر بەهێزە و بانگێشتی یەکتریشیان کردووە بۆ وڵاتەکانیان.

ماست پڕە لە ماددە خۆراکیەکان کە پشتگیری تەندروستی ریخۆڵە دەکەن، یارمەتی بەڕێوەبردنی کێش دەدەن و ئێسکەکان بەهێز دەکەن.

بەهای زێڕ لە بازاڕەکانی جیهاندا بەرزبووەوە و ئۆنسەیەک لەو کانزا زەردە بە چوار هەزار و ١٤٦ دۆلار مامەڵەی پێوەدەکرێت؛ نرخی مسقاڵێک زێڕی عەیارە ٢١ـیش بە ٨١٧ هەزار دینارە.

لە بازاڕەکانی جیهاندا نرخی بەرمیلێک نەوتی خاوی برێنت بە٦٣ دۆلار و ٩ سەنت مامەڵەی پێوەدەکرێت و بەراورد بە دوێنێ کەمێک دابەزی.

توشبووان بۆ چارەسەر ناچاری لە نەخۆشخانە و دەرمانخانە تایبەتەکان بە نرخێکی زۆر دەرمان بکڕن

بەرگریی شارستانیی هەولێر دەڵێت، هۆکاری تەقینەوە بەهێزەکەی پاڵاوگەکەی سەر رێگای گوێر – هەولێر بەهۆی لێچوونەوە بووە.

وەزارەتی کارەبای عێراق دەڵێت، توانای بەرهەمهێنانی کارەبا لە رێگەی وزەی خۆرەوە دەگەیەننە ١٢ هەزار مێگاوات و دەشڵێت، لە رێگەی وڵاتانی کەنداوەوە دوو هەزار مێگاوات بۆ کارەبای نیشتیمانی زیاد دەکەن.

وەزارەتی ئەوقاف و کاروباری ئایینی دەڵێت، ئەمساڵ گۆڕانکاری لە سیستەمی حەجدا کراوە و تەواوی نووسینگەکان بە شێوەی لۆکەیشن بەردەست دەبن.

چوارچێوەی هەماهەنگی دەڵێت، دوای پەسەندكردنی ئەنجامی هەڵبژاردنەكان لەلایەن دادگای فیدڕاڵییەوە، كاندیدی سەرۆكوەزیران دەستنیشان دەكەن .

سەرۆکی پەرلەمانی تورکیا رایگەیاند، كۆبوونەوەى شاندەكەی پەرلەمان و عەبدوڵا ئۆجەلان ئەرێنی بووەو بڕیاریشە، لیژنەکەی پەرلەمانی توركیا لەم هەفتەیەدا جارێکی دیکە کۆببێتەوە و شاندەکە کورتەیەک لە وردەکارییەکانی کۆبوونەوەکە لەگەڵ ئۆجەلان بە لیژنەکە بگەیەنن.

پەیامنێری ئێن ئار تی دەڵێت، لەناو پاڵاوگەیەکی سەر رێگای گوێڕ – هەولێر سێ تەقینەوەی بەهێز روویداوە و ئاگرێکی گەورە کەوتەوە.

حەج و عومرەی سلێمانی دەڵێت، ئەو کەسانەی کە ناویان بۆ حەجی ئەمساڵ دەرچووە لە سنووری سلێمانی و دەورووبەری و ئیشو کاری پارەدانیان تەواو کردووە، بەیانی سەردانی خەستخانەی شیرەکە بکەن.

وەزارەتی خوێندنی باڵای هەرێمی کوردستان رەزامەندی لەسەر وەرگرتنی تەواوی دەرچووانی خوێندنگە کوردییەکانی ناوچەکانی دەرەوەی ئیدارەی هەرێمی کوردستان دەربڕی.

وەزیری کاروباری کۆمەڵایەتی هەرێم دەڵێت، عێراق مووچە بۆ خاوەن پێداویستییە تایبەتە نوێیەکان دابیندەکات.

ئەندامێکی مەکتەبی سیاسی پارتی دەڵێت، پێویستە بەزووترین کات رێککەوتن لەسەر پێکهێنانی کابینەی دەیەم بکرێت. دەشڵێت، ئەگەر لایەنەکان نەگەنە رێککەوتن، ئەوکاتە رێگای دیکە نییە پێویستە بیر لە هەڵبژاردنێکی نوێی پەرلەمانی کوردستان بکەینەوە.

ئەمڕۆ شاندێکی کۆمسیۆنە پەرلەمانییەکەی تورکیا، کە لە سێ پەرلەمانتار پێکهاتووە، چوونە ئیمراڵی بۆ دیداری عەبدوڵا ئۆجەلان.

بانکی ناوەندی عێراق دڵنیایی دەدات لە سەقامگیری نرخی ئاڵوگۆڕ و گەیشتن بە نزمترین ئاستی هەڵاوسان لە عێراق و ناوچەکە.

بەیانی ئەمڕۆ دوو هاوڵاتی لە سنووری داقووق بەهۆی پەلاماری بەرازەوە برینداربوون و لەماوەی هەفتەیەکدا شەش کەس بەهۆی هێرشی رەوە بەرازەوە رەوانەی نەخۆشخانە کراون.

بانکی رەشید دەستپێکردنەوەی خزمەتگوزاری قەرزی ئەلیکترۆنی لە رێگەی کرێدت کارتەوە راگەیاند و دەڵێت، قەرزەکە تا ١٥ ملیۆن دیناری عێراقیی دەڕوات.

پارێزگای کەرکوک و بەغدا و چەند پارێزگایەکی دیکەی عێراق بڕیاریاندا سبەی سێشەممە بەبۆنەی یادی شەهیدبوونی فاتیمەی زەهرا، بكرێتە پشووی فەرمی، هاوکات پشووەکە تەنها بۆ پارێزگاکانی عێراقە و لە هەرێم هیچ پشووەیەک رانەگەیەندراوە.

بەهای دیناری عێراقی بەرامبەر دۆلاری ئەمریكی بەشێوەیەكی بەرچاو دابەزی و ١٠٠ دۆلار بە ١٤٣ هەزار مامەڵەی پێوەدەکرێت و نزیكەی دوو هەزار دیناری بەهاكەی لەدەستدا.

لە دەربەندیخان کرێکارێک لەکاتی کارکردن گیانی لەدەستدا کە خێزاندارە و باوکی پێنج منداڵە.

ئەمڕۆ هەرسێ ئەندامی شاندی کۆمسیۆنی یەکڕیزیی نیشتمانی، برایەتی ‌و دیموکراسی، دەچنە دورگەی ئیمڕاڵی‌ و لەگەڵ ئۆجەلان کۆدەبنەوە.

وەزارەتی بازرگانیی هەرێم دەڵێت، تا ئەمڕۆ ٩٣٪ـی هاوڵاتییانی هەرێمی كوردستان فۆرمی خۆراكیان پڕكردووەتەوە.

کەمێک لەمەوبەر، نوسەر و رۆمانووسى کورد، شێرزاد حەسەن، تووشى رووداوى هاتووچۆ بوو و رەوانەى نەخۆشخانەکراوە.

ئەندامێکی مەکتەبی سیاسیی یەکێتیی دەڵێت، پێویستە کابینەی داهاتووی حکومەتی هەرێم حکومەتێکی "بنکە فراوان" بێت، دەشڵێت، "قبوڵی ناکەین پارتی بەتەنها حاکمی کوردستان بێت".

شارەوانی بەغدا دەڵێت، سزای ئەو کەسانە دەدات کە شەقامە گشتییەکان دەگرن یاخودزبڵ و خاشاک لە شەقامە گشتییەکاندا فرێدەدەن، دەشڵێت، سزاکان تا پێنج ملیۆن دینار دەڕوات و شۆردنی ئۆتۆمبێلیش لە شەقامە گشتییەکان سزاکەی ٥٠٠ هەزار دینارە.

ژمارەی خنکان لە ئاودا بۆ ئەمساڵ نزیک دەبێتەوە لە ژمارەی خنکانی لە تەواوی ساڵی رابردوو و زۆرترین رووداوەکانی خنکانیش لە هەولێر بوون.

هەریەکە لە پارێزگاكانی بابل، میسان و زیقاڕ بڕیاریاندا سبەی سێشەممە بەبۆنەی یادی شەهیدبوونی فاتیمەی زەهرا، بكرێتە پشووی فەرمی.

فڕۆكە جەنگییەكانی ئیسرائیل هەیسەم عەلی تەباتەبایی سوپاسالاری حزبوڵا و دووەم كەسایەتیی ناو حزبەكەیان لە باشووری بەیرووت كوشت، ئیسرائیل بە دەستكەوتێكی گەورەی لەقەڵەم دا و حزبوڵاش کوژرانەکەی پشتراستکردەوە، بەڵام دەتوانێت چی بكات؟

لەدوای تەواوبوونی وەرزی هاوین و هاتنی وەرزی پایز بەهۆی فێنکبوونی کەشوهەواوە بە وەرزێکی خۆش دادەنرێت بەڵام وەرزی پایز بە وەرزێکی زۆر باش دانانرێت بۆ پێست، بە ئەنجامدانی چەند ڕێوشوێنێکی تایبەت دەتوانیت کاریگەرییە نەرێنییەکانی وەرزەکە لەسەر پێست کەم بکەیتەوە.

دەستەی کەشناسیی عێراق دەڵێت، لە سبەینێوە شەپۆلێکی نوێی بارانبارین روو لە ناوچەکانی عێراق و هەرێم دەکات و پلەکانی گەرماش دادەبەزێت.

بۆ یادکردنەوەی ١٥٦ـەمین ساڵیادى دامەزراندنى شارى هەڵەبجە، ئەمڕۆ زنجیرەیەک چالاکیی هەمەڕەنگی (هونەریی و رۆشنبیریی) ساز دەکرێت.

بەهای زێڕ لە بازاڕەکانی جیهاندا دابەزی و ئۆنسەیەک لەو کانزا زەردە بە چوار هەزار و ٤٦ دۆلار مامەڵەی پێوەدەکرێت؛ نرخی مسقاڵێک زێڕی عەیارە ٢١ـیش بە ٨١٧ هەزار دینارە.

لە بازاڕەکانی جیهاندا نرخی بەرمیلێک نەوتی خاوی برێنت بە ٦٢ دۆلار و ٦٢ سەنت مامەڵەی پێوەدەکرێت و بەراورد بە دوێنێ نرخەکەی کەمێک دابەزی.

کەمێک پێش ئێستا بە درۆن هێرش کرایە سەر کێڵگەی کۆرۆمۆر و چاوگێک لە لەناو کێڵگەکە بە ئێن ئاڕ تی وت، درۆنێك دوو جار بەسەر کێڵگەکە سوڕاوەتەوە و لەلایەن هێزەئەمنییەکانەوە تەقەی لێکراوە.

لە کۆنگرەیەکی رۆژنامەنووسیدا لە جنێڤ، وەزیری دەرەوەی ئەمەریکا و سەرۆکی نووسینگەی سەرۆکایەتیی ئۆکرانیا، ئەنجامی گەڕی یەکەمی دانوستانەکانیان بۆ راگرتنی جەنگ بە زۆر ئەرێنی و بەرهەمدار وەسف کرد.

ماوەی ١٠ ساڵ زیاترە حکومەتی ماوەبەسەرچوو نەوتی بە نرخی پاڵپشتیکراو بەسەر هاوڵاتیاندا دابەشنەکردووە و هاوڵاتیانی ناوچە کوێستانییەکانیش دەڵێن، بۆ تێپەڕاندنی وەرزی زستان هەر ماڵێکیان سێ بۆ پێنج بەرمیل نەوتیان پێویستە و حکومەتی ماوەبەسەرچووش نەوتیان پێدەفرۆشێت.

کێشەی بچرانی پرۆژەی رووناکی لە شارەکانی هەرێم بەردەوامە و لە هەندێک ناوچەش رۆژانە ١٠ بۆ ١٢ کاتژمێر کارەبا دەکوژێندرێتەوە. ئەوەش لە کاتێکدا، حکومەتی ماوەبەسەرچوو لە پرۆژەی رووناکی نرخی کارەبای ١٣ هێندەی پێشوو لەسەر هاوڵاتیان و کاسبکاران گران کردووە.

سەرۆکی ئەمەریکا دەڵێت، ئیدارەکەی سەرقاڵی داڕشتنی کۆتا بەڵگەنامەکانە بۆ ئەوەی بە فەرمی "کۆمەڵەی ئیخوان موسلیمین" وەک رێکخراوێکی تیرۆریستیی بیانی بناسێنێت.

زیاتر لە ساڵێکە هەڵبژاردن کراوە و پارتی و یەکێتی کابینەی دەیەمی حکومەتیان پێکنەهێناوە و یەکێتیش دەڵێت، پارتی دەیەوێت کورسیی لایەنەکانی دیکە بکڕێت و بە زۆرینەی پەرلەمانی حکومەتی هەرێم پێکبهێنێت، پارتیش دەڵێت، ئەگەر بيانەوێت کورسیی لایەنەکان بکڕن کورسییەکانی یەکێتی لە هەموویان هەرزانترن.

دارایی هەرێم، لەبارەی پرسی بەبانكیكردنی مووچەی مووچەخۆرانی هەرێم، روونكردنەوە دەدات و دەڵێت، دارایی عێراق كۆتایی ئەمساڵی دیاریكردووە بۆ ئەوەی سەرجەم فەرمانبەران و مووچەخۆرانی هەرێم ببنە خاوەن هەژماری بانكی تایبەت بە خۆیان، بەپێچەوانەوە لە ساڵی نوێدا مووچەیان بۆ خەرج ناكرێت.

حکومەتی سوریا لەپێناو دانپێدانان بە کۆمەڵگەی کوردی، رازیبوو بە هەموارکردنەوەی چەند بڕگەیەک لە دەستووری کاتیی سوریا، لەگەڵ هەسەدەش لەسەر تێکەڵکردنی دەزگا سەربازی و مەدەنییەکانیش رێککەوتن.

وڵاتی کۆریای باشوور، ژمارەیەک کورسیی ماستەر، لە پێنج بواری جیا جیا، بۆ مامۆستایان و فەرمانبەرانی دامودەزگاکانی هەرێمی کوردستان دابین دەکات.

پێنج لایەنە سەرەکییەکەی سوننە لە بەغدا لە ماڵی خەمس خەنجەر سەرکردەی هاوپەیمانی سیادە کۆبوونەوە و ئەنجومەنێکی نیشتمانییان پێکهێنا.

تەقینەوەیەکی بەهێز گەڕەکی خەریکی باشووری بەیرووتی پایتەختی لوبنانی هەژاند و سوپای ئیسرائیلیش دەڵێت، لەو هێرشەدا یەکێک لە دیارترین فەرماندە باڵاکانی بزووتنەوەی حزبوڵڵایان کردووەتە ئامانج.

لە حاڵەتێکی دەگمەندا لە کەرکوک، بۆ یەکەمجار نەشتەرگەرییەکی جیاکردنەوەی دوو منداڵی دووانە کە بەیەکەوە لکابوون ئەنجامدرا.

چاوگێک لە حکومەتی ماوەبەسەرچوو بە ئێن ئاڕ تی وت، "پابەندییەکانی خۆیانیان جێبەجێکردووە و چاوەڕوانی حکومەتی عێراقین مووچەی مانگی نۆ بنێرێت". چاوگێکیش لە حکومەتی عێراق دەڵێت، بەزووترین کات پارەی مووچەی مانگی نۆی هەرێم دەنێرن.

بانکی رەشید دەڵێت، خزمەتگوزاری دانانی پارە و گواستنەوەی بۆ خانەنشینان راگەیاند.

پەیامنێری ئێن ئاڕ تی دەڵێت، لەسەر رێگای کەرکووک رووداوێکی سەختی هاتووچۆ روویداوە و بەو هۆیەوە دوو کەس گیانیانلەدەستداوە.

وەزارەتی تەندروستی عێراق دەڵێت، دەرگای دامەزراندنی بۆ دەرچووانی سێ بەش کردووەتەوە و دەتوانن داواکاریی پێشکەش بکەن.

دەستەی دەستپاکیی عێراق دەڵێت، هەزاران دۆسیە بەر یاسای لێبووردنی گشتی دەکەون و بڕێکی زۆر پارەش گەڕێندراوەتەوە بۆ خەزێنەی دەوڵەت.

فراکسیۆنی نەوەی نوێ دەڵێت، ئەو پارەیەی وەردەگیرێت بۆ ئەنجامدانی حەج زۆر زیاترە بەراورد بە وڵاتانی دیکە.

دواى ئەوەى وەزیرى کار و کاروبارى کۆمەڵایەتى عێراق بە میدیا عێراقییەکانى وت، بڕى دوو ترلیۆن و ٥٠٠ ملیار دینارى سندوقى چاودێریی کۆمەڵایەتی عێراق، دیار نەماوە، وەزارەتى دارایى عێراق روونکردنەوە دەدات و دەڵێت، هیچ بڕە پارەیەک لە هەژماری تۆڕی پاراستنی کۆمەڵایەتی نەبراوە، تەنها هەژمارەکە سڕ کراوە.

ماوەی دوو هەفتە دەبێت حکومەتی عێراقی و وەزارەتی بازرگانی عێراق، داوای ٥٠٠ ملیار دیناریان لە وەزارەتی دارای عێراق کردووە بۆ پارەی گەنمی جوتیاران و بڕیارە لە ماوەی ئەم هەفتەیە تا هەفتەی داهاتوو بڕە پارەکە بگاتە دەست وەزارەتی بازرگانی.

بەڕێوەبەرایەتی کاروباری شەهیدان و ئەنفالکراوانی گەرمیان بە ئێن ئاڕ تی وت، بەهۆی کێشە لە مامەڵەکانیان مووچەی زیاتر لە هەزار کەس لە کەسوکاری ئەنفالکراوان و شەهیدان راگیراوە.

نرخی یەک بتکۆین بە ٨٦ هەزار و ٤٠٠ دۆلار مامەڵەی پێوەکرا، بەراورد بە ماوەی رابردوو دوو هەزار دۆلار بەرزبووەتەوە.