ڕاپۆرتە هەواڵگرییەکان بە پاڵپشتی وێنەی مانگی دەستکرد کە لەلایەن ماکسارەوە بڵاو کراوەتەوە، پشتڕاستیان کردەوە، کە رووسیا کەرەستە سەربازییەکانی خۆی لە بنکەی حمەیمیم کۆدەکاتەوە، دواتر گواستراوەتەوە بۆ لیبیا، ئەمەش قسە لەسەر سروشت و ئامانجی ئەو جموجۆڵانە زیاتر دەکات.

ئایا تاکتیکە یان گرێبەستە؟، نزار بوش پرۆفیسۆری زانستە سیاسییەکان لە چاوپێکەوتنێکدا لەگەڵ سامیا لە کەناڵی سکای نیوز عەرەبی وتی: رووسیا بەبێ نرخ لە سوریا ناکشێتەوە، بنکەکانی لە تارتووس و حمەیمیم نوێنەرایەتی گرنگترین پێگەی خۆی دەکەن لە دەریای ناوەڕاست و مەحاڵە بە ئاسانی وازیان لێبهێنێت جگە لە بەرامبەر نرخێک کە کاریگەرییەکانی لە ناوچەکەدا بەهێزتر بکات”.

ئاماژەی بەوەشکرد، بوونی رووسیا لە سوریا لەسەر بنەمای رێککەوتنێکی فەرمی بوو لەگەڵ رژێمی پێشوو کە بۆ ماوەی ٤٩ ساڵ درێژدەبێتەوە. لەگەڵ رووخانی حکومەتی بەشار ئەسەد، مۆسکۆ لە دانوستاندایە بۆ رێکخستنەوەی ئامادەیی سەربازی خۆی هاوتەریب لەگەڵ گۆڕانکارییە سیاسییەکان.

باسی لەوەشکرد، رەنگە رووسیا همەیمیم بەجێبهێڵێت، بەڵام بەهۆی هۆکاری لۆجستی و دەریاییەوە تارتۆس دەهێڵێتەوە.