AM:09:31:09/12/2024
1288 جار خوێندراوەتەوە
وەزارەتى بەرگری ئەمریکا رایگەیاند، فڕۆکەکانیان زیاتر لە ٧٥ ئامانجی داعشیان لە سوریا بۆردومانکردووە، ئەوەش بە مەبەستی رێگریکردن لە ئەنجامدانی ئۆپەراسیۆنی دەرەکی و دڵنیابوون لەوەی کە هەوڵی سود وەرگرتن لە دۆخی ئێستا نادەن.
ئەمڕۆ دووشەممە ٩ـی ١٢ـی ٢٠٢٤، فەرماندەیی ناوەندیی ئەمریکا لە بەیاننامەیەکدا بڵاویکردەوە، بە چەند فڕۆکەیەکی جۆراوجۆری فڕۆکەی بۆمبڕیژکراوی بی ٥٢ و ئێف ١٥ ، کەمپەکان و ئەندامانی داعشیان کردووەتە ئامانج لە ناوەڕاستی سوریا.
ئاماژە بەوەش کراوە،
ئەم بۆردومانە دەکەوێتە چوارچێوەی هەوڵەکان بۆ لاوازکردنی داعش و لەگەڵ هاوپەیمانانەکانیان
بەردەوام دەبن لە ئۆپەراسیۆنەکان بۆ رێگریکردن لە سەرهەڵدانەوەی ئەو رێکخراوە.
ئەوەش خراوەتەڕوو،
رێگەنادەن داعش جارێکی تر خۆی کۆبکاتەوە و سوود لەم باردودۆخەی ئێستای سوریا وەربگرێت
و لێپرسینەوە لەگەڵ هەر دەستەیەکیش دەکەن کە پەیوەندی بە داعشەوە هەبێت، وتیشی لەلێکۆڵینەوە
بەردەوامن و بۆردومانەکانیش نەبووەتە هۆی زیانگەیاندن بە هاوڵاتی مەدەنی.
