AM:10:29:21/01/2025
1232 جار خوێندراوەتەوە
گروپە چەکدارەکانی غەززە رایگەیاند، هەفتەی داهاتوو بەشی دووەمی بارمتەکانی ئیسرائیل ئازاد دەکەین و خاچی سووری فەلەستینیش بڵاویکردەوە، تیمەکانیان بەردەوام ئامادەن بۆ ئاڵوگۆڕکردنی بارمتەکان لە نێوان ئیسرائیل و حەماسدا.
ئەمڕۆ سێشەممە ٢١ی کانونی دووەمی ٢٠٢٥، گروپە چەکدارەکانی غەززە بڵاویان کردەوە، رۆژی شەممەی داهاتوو لەکاتی خۆیدا بەشی دووەمی بارمتەکانی ئیسرائیل ئازاد دەکەن و ئامادەن ئاڵوگۆڕی بارمتەکان بکەن لەگەڵ ئیسرائیل.
هاوکات خاچی سووری نێودەوڵەتیش ئاماژەی بەوەکرد، تیمەکانیان بەردەوام ئامدەن
بۆ ئاڵوگۆڕکردنی بارمتەکان لە نێوان ئیسرائیل و حەماسدا و دەشڵێت، تەواوی هەوڵی خۆیان
دەدەن بۆ ئەوەی بەسەلامتەی بارمتەکان بگوازنەوە.
ئەوەش لەکاتێکدایە رۆژی یەکشەمە ئاگربەستی نیوان حەماس و ئیسرائیل چووە
بواری جێبەجێکردنەوە و ئاڵوگۆڕی بارمتەکان دەستی پێکرد، حەماس سێ بارمتەی ئازادکرد
و لەبارامبەریشدا ئیسرائیل ٩٠ بارمتەی فەلەستینی ئازادکرد.
