AM:11:01:14/01/2025
2384 جار خوێندراوەتەوە
سوپای ئیسرائیل رایگەیاند، لە ئەنجامی هێرشێکی موشەکی گروپە چەکدارەکانی یەمەنەوە بۆسەر چەند پێگەیەکی گرنگیان ١١ کەس بریندار بوون و وتەبێژی گروپە چەکدارەکانیش دەڵێت، جگە لە هێرشی موشەکی بە فڕۆکەی بێفڕۆکەوانیش هێرشیان کردووەتەسەر بنکە سەربازییەکانی ئیسرائیل.
ئەمڕۆ سێشەممە ١٤ی کانونی دووەمی ٢٠٢٥، سوپای ئیسرائیل بڵاویکردەوە، بەهۆی هێرشێكی موشەکی گروپە چەکدارەکانی یەمەنەوە بۆسەر چەند پێگەیەکیان لە یافا ١١ کەس بریندار بوون.
دەشڵێت، دۆخی تەندروستی بەشێک لە
بریندارەکان ناجێگیرە.
هاوکات وتەبێژی گروپە چەکدارەکانی یەمەنیش
ئاماژەی بەوەکردووە، موشەکەکە لە جۆری هایپەرسۆنیک بووە و جگە لە هێرشی
موشەکی لە رێگەی فڕۆکەی بێفڕۆکەوانەوە چەند هێرشێکیان کردووەتەسەر چەند پێگەیەکی
گرنگی ئیسرائیل.
