PM:10:42:21/12/2024
3240 جار خوێندراوەتەوە
فەرماندەی گشتی هێزەکانی سوریای دیموکرات رایگەیاند، لەگەڵ یەکپارچەیی سوریان و داوای هەرێمێکی فیدڕاڵی ناکەن.
ئەمڕۆ شەممە ٢١ی کانونی یەکەمی ٢٠٢٤، مەزڵوم عەبدی فەرماندەی گشتی هێزەکانی سوریای دیموکرات (هەسەدە) بە ماڵپەڕی شەرقی راگەیاند، پێشوازی لە لێدوانەکانی دەسەڵاتی نوێی سوریا دەکەن و لێدوانەکانیان ئەرێنین.
ئاماژەی بەوەشکرد، دەیانەوێت ببنە بەشێک لە سووپای نیشتمانی سووریا ئەگەر دروست بکرێت،
باسی لەوەشکرد، تا ئێستا لەگەڵ دەسەڵاتی نوێی سوریا کۆنەبوونەتەوە، بەڵام ئامادەن
کۆببینەوە و گفتوگۆ بکەن.
ئەمە لەكاتێكدایە، كە ئەمڕۆ ئەحمەد شەرع، فەرماندەی ئۆپراسیۆنە سەربازییەكانی
سوریا (مورهەف ئەبو قەسرە)ی راسپارد بۆ وەزیری بەرگری لە كابینەی نوێی وڵاتدا و بڕیاریدا
سەرجەم گرووپە چەكدارەكان یەكبگرن لەژێر چەتری وەزارەتی بەرگری.
