PM:03:19:02/04/2025
828 جار خوێندراوەتەوە
وەزیری گواستنەوەی تورکیا رایگەیاند، لەچەند رۆژی داهاتوودا سەرۆک وەزیرانی عێراق سەردانی تورکیا دەکات و دواتریش ئەردۆغان سەردانی عێراق دەکات، ئامانجی سەردانەکانیش تاوتوێکردنی چەند پرسێکی نێوان هەردوو وڵات دەبێت.
ئەمڕۆ چوارشەممە ٢ـی نیسانـی ٢٠٢٥، عەبدولقادر ئورالئۆغڵو، وەزیری گواستنەوەی تورکیا بە میدیاکانی وڵاتەکەی راگەیاند، لەچەند رۆژی داهاتووودا محەمەد شیاع سەردانی تورکیا دەکات و لەگەڵ ئەردۆغان کۆدەبێتەوە.
هاوکات ئاماژه‌ى به‌وه‌شكردووه، لەماوەی دوو مانگی داهاتوودا ئەردۆغان سەردانی
عێراق دەکات، بۆ تاووتوێی چەند پرسێک، دیارترینیان پرۆژەی رێگەی گەشەپێدانە کە قۆناغێکی
بەرچاوی بڕیووە و بە درێژایی هەزار و ٢٠٠ کیلۆمەتر تورکیا بە بەندەری فاوەوە دەبەستێتەوە.
