AM:09:50:08/03/2025
1856 جار خوێندراوەتەوە
سەرۆکی سوریا لە دوای گرژییەکانی وڵاتەکەی رایگەیاند، رووبەرڕووی هەموو هەڕەشەیەک دەبنەوە کە سوریا بخاتە مەترسیەوە و بەپێی روانگەی سوریش ژمارەی کوژراوان گەیشتووەتە نزیکەى ٢٤٠ کەس.
ئەمڕۆ شەممە ٨ـی ئازارـی ٢٠٢٥، ئەحمەد شەرع، سەرۆکی سوریا لە پەیامێکدا ئاماژەی بەوەشکردووە، هیچ جیاوازییەک لەنێوان دەسەڵات و گەلی سوریا نییە و گرەنتی ئاشتیی کۆمەڵایەتی لە سوریا دەکەین و داواش لە پاشماوەکانی ئەسەد دەکەن چەک دابنێن و لایەنگرانی ئەسەد هەوڵدەدەن سوریای نوێ تاقیبکەنەوە ئەوەش تاوانێکی گەورەیە کە لێخۆشبوونی نییە.
وتیشى، داواشى لە هێزە ئەمنییەکانى حکومەت کرد کە کۆنترۆڵی خۆیان بکەن و
نابێت سوکایەتی و توندوتیژیی بەرامبەر دیلەکان بکەن.
هاوکات، روانگەی سوریش بۆ مافەکانی مرۆڤ ئاماری زیانە گیانیەکانی ئاڵۆزییەکانی
سوریای بڵاوکردەوە کە ژمارەی کوژراوان گەیشتووەتە ٢٣٧ کەس کە ٥٠ لە هێزە ئەمنییەکانی
سوریایە و ٤٥ کەسیش لە پاشماوەکانی رژێمی ئەسەدە و هاوکات، ئاماژەی بەوەشکرد، ١٤٢
مەدەنیش لە گرژییەکاندا گیانیان لەدەستداوە.
