PM:03:56:30/01/2025
2392 جار خوێندراوەتەوە
میدیای ١٢ی ئیسرائیلی بڵاویکردەوە، ئەربیل یەهوود رادەستی خاچی سوور کراوە، هەروەها لە گرتە ڤیدیۆییەکاندا دەرکەوتووە کە لە خان یونس لە باشووری غەززە لەلایەن جەماوەرێک و چەکدارە فەلەستینیەکانەوە دەورە دراوە.
ئەمڕۆ پێنجشەممە ٣٠ی کانونی دووەمی ٢٠٢٥، میدیای ١٢ی ئیسرائیل بڵاویکردەوە، ئەربیل یەهود و چەند بارمتەیەکی تر رادەستی خاچی سوور کران.
ئازادکردنی بارمتەکان بەشێکە لە رێککەوتنی ئاگربەستی نێوان ئیسرائیل
و حەماس کە شەڕی کەرتی غەززەی راگرت لە بەرامبەر ئازادکردنی دەیان بارمتە کە لە
کەرتی غەززە راگیراون و سەدان زیندانی فەلەستینی کە لەلایەن ئیسرائیلەوە
دەستبەسەرکرابوون.
سەرچاوەیەک لە بزووتنەوەی حەماس رایگەیاند: "نێوەندگیرییەکان لیستی
ئەو بارمتانەی رادەستمان کرد کە بڕیارە رۆژی پێنجشەممە ئازاد بکرێن"، "ئەربیل
یەهود (٢٩ ساڵ)، ئاگام بێرگەر (١٩ ساڵ)، گادی مۆزەس ( تەمەنی ٨٠ ساڵە) هەموویان ئازاد
دەکرێن”.
