AM:09:05:14/12/2024
1260 جار خوێندراوەتەوە
وەزیری دەرەوەی ئەمریکا، داوای لە سودانی کردووە، رێگە لە ئێران بگرێت چەك رەوانەی سوریا بكات و رێوشوێنی توندیش دژی میلیشیاكان بگرێتەبەر.
ئەمڕۆ شەممە ١٤ـی ١٢ـی ٢٠٢٤، ئاژانسی بلۆمبێرگ رایگەیاند، بلینكن، وەزیری دەرەوەی ئەمریکا، سەردانەكەی بۆ ناوچەكە قۆستووەتەوە بۆ سەردانیكردنی سودانی كە پێشتر لەبەرنامەی كاریدا نەبووە، تا داوای لێبكات چیتر رێگە بە ئێران نەدات لەڕێی عێراقەوە چەك و كەرەستەی سەربازی رەوانەی سوریا بكات.
ئاژانسەکە ئەوەشی خستەڕوو، بلینكن وتوویەتی دۆخی سوریا هێشتا شلۆقەو
واشنتۆن دەیەوێت عێراق رێگەنەدات چەك بگاتە ئەوێ، كە رەنگە گروپە هاوپەیمانەكانی
بەكاریبهێنن و سەقامگیری لەوڵات تێكبدەن.
ئەوەش لەکاتێکدایە، بلینكن داواشی لە سودانی كردووە رێوشوێنی توند دژی
گروپە چەكدارەكانی هاوپەیمانی ئێران لە عێراق بگرێتەبەر، كە ناوبەناو هێرش دەكەنە
سەر هێزەكانی ئەمریكا لە عێراق.
