میدیاکانی بزووتنەوەی حەماس رایانگەیاند، وتەبێژی بزووتنەوەی حەماس لە هێرشە ئاسمانییەکانی ئیسرائیل کوژرا.
ئەمڕۆ پێنجشەممە ٢٧ی ئازاری ٢٠٢٥، میدیاکانی سەر بە حەماس رایانگەیاند، وتەبێژی بزووتنەوەی حەماس عەبدوللەتیف قانووع لە هێرشێکی ئاسمانی ئیسرائیل بۆ سەر باکووری غەززە کوژرا، ئەمەش دوایین کەسایەتی گروپە کە لەدوای دەستپێکردنەوەی ئۆپەراسیۆنەکانی ئیسرائیل لەو ناوچەیە کوژراوە.
تەلەفزیۆنی ئەقسا
کە سەر بە بزووتنەوەی حەماسە، بڵاویکردەوە، عەبدوللەتیف قانووع لە کاتی کرانە
ئامانجی چادرەکەی لە جەبەلیە کوژراوە.
سەرچاوە پزیشکییەکان
رایانگەیاندووە، لە هەمان هێرشدا ژمارەیەک کەسی دیکە برینداربووە، هاوکات لە هێرشە
جیاوازەکاندا لانیکەم شەش کەس لە شاری غەززە کوژراون و یەکێک لە خان یونس لە
باشووری غەززە کوژراون.
سەرەتای ئەم
هەفتەیە ئیسرائیل ئیسماعیل بەرھوم ئەندامی نووسینگەی سیاسی حەماس و سەڵاح بەردەویل
سەرکردەیەکی دیکەی باڵای کوشت.
هەردوو بەردەویل
و بەرھوم ئەندامی دەستەی بڕیاردەری حەماس کە لە ٢٠ کەسی پێکهاتووە، ئەو فەرمانگەی
سیاسییە بوون، کە ١١ کەسیان لە سەرەتای دەستپێکردنی شەڕەوە لە کۆتاییەکانی ٢٠٢٣
کوژراون، بەپێی سەرچاوەکانی حەماس.
هەفتەی ڕابردوو
ئیسرائیل بە دەستپێکردنەوەی بۆردومان و ئۆپەراسیۆنە زەمینییەکان کۆتایی بە ئاگربەستێکی
دوو مانگە هێنا، ئەمەش فشارەکانی لەسەر حەماس زیادکرد بۆ ئازادکردنی ئەو بارمتە
ماونانەی لە دیلەکانیدا ماونەتەوە.