PM:06:21:07/12/2024
1400 جار خوێندراوەتەوە
سەرۆکایەتی کۆماری سوریا بەیاننامەیەکی بڵاوکردەوە و تیایدا ئەو هەواڵانەی رەتکردەوە سەبارەت بەرۆشتنی بەشار ئەسەد بۆ دەرەوەی وڵاتەکەی
ئەمڕۆ شەممە، سەرۆکایەتی کۆماری سوریا بەیاننامەیەکی بڵاوکردەوە لەبەیاننامەکەدا هاتووە: “هەندێک لە دەزگاکانی راگەیاندنی بیانی دەنگۆ و هەواڵی ناڕاست لەسەر جێهێشتنی سەرۆک بەشار ئەسەد لە دیمەشق، یان سەردانی خێرا بۆ وڵاتێک یان وڵاتێکی دیکە بڵاودەکەنەوە”.
سەرۆکایەتی
سوریا "هەموو ئەو دەنگۆیانە رەتدەکاتەوە، ئاماژە بە ئامانجە ئاشکراکانیان
دەکات و پشتڕاستی دەکاتەوە کە نوێ نین. بەڵکو ئەم ئامرازانە پێشتر ئەم شێوازەیان
پەیڕەو کردووە لە هەوڵدان بۆ چەواشەکاری و کاریگەری لەسەر دەوڵەت و کۆمەڵگای سوریا
بە درێژایی ساڵانی رابردووی شەڕەکە".
ئاماژەی
بەوەشکرد، "سەرۆک کۆمار لە دیمەشقی پایتەختەوە بەدواداچوون بۆ کارەکانی و
ئەرکە نیشتمانی و دەستوورییەکان دەکات.
باسی
لەوەشکرد، هەموو هەواڵ و چالاکییەکان و هەڵوێستەکانی پەیوەست بە سەرۆک ئەسەد لە
پلاتفۆرمەکانی سەرۆکایەتی کۆمارەوە سەرچاوە دەگرن لەگەڵ میدیای نیشتمانی سوریا.
