لە یەکەم سەردانی فەرمیدا بۆ ئەوروپا، سەرۆک وەزیرانی عێراق بە مەبەستی تاوتوێکردنی دۆسیەکانی وزە، ئاسایش و ئابووری لەگەڵ سەرکردەکانی فەرەنسا و ئەڵمانیا کۆدەبێتەوە.
ئەمڕۆ یەکشەممە ١٣ـی ئەیلوولی ٢٠٢٦، نووسینگەی ڕاگەیاندنی سەرۆک وەزیران لە بەیاننامەیەکی ڤیدیۆییدا بڵاویکردووەتەوە، عەلی فالح زەیدی بە سەرۆکایەتیی شاندێکی باڵای فەرمی، سەردانێک بۆ فەڕەنسا و ئەڵمانیا ئەنجام دەدات.
ئاماژەی
بەوەشکردووە، پێویستە عێراق پێگەی خۆی بگەڕێنێتەوە و پەیوەندییەکانی لەسەر بنەمای
بەرژەوەندیی هاوبەش بنیاد بنێتەوە.
بەپێی
بەیاننامەکە، سەرۆک وەزیران جەختی لەوە کردووەتەوە کە لەگەڵ پاریس دەرگای نوێ بۆ
هاریکاری، وەبەرهێنان و گەشەپێدان دەکەنەوە و هەروەها سەبارەت بە پەیوەندییەکانیان
لەگەڵ ئەڵمانیا وتویەتی، "لەگەڵ بەرلین کار دەکەین بۆ دامەزراندنی هاوبەشی لە
بوارەکانی رۆشنبیری، تەکنەلۆجیا و پیشەسازی کە لەسەر بنەمای بەرژەوەندیی هاوبەش و
گەشەپێدان دامەزرابێت".
لە کۆتاییشدا
زەیدی ئەوەی خستووەتەڕوو، ئەمڕۆ عێراق بە متمانەوە دەڕوانێتە جیهان و کار دەکات بۆ
بونیادنانی هاوبەشیی ڕاستەقینە، بە جۆرێک کە تواناکانی بکاتە هێزێکی ئابووری و هەرێمیی
کارا لە ناوەندە نێودەوڵەتییەکاندا.