AM:08:52:15/09/2026
224 جار خوێندراوەتەوە
دوای دابەزینی نرخی نەوت لە چەند رۆژی رابردوودا، ئەوە دوو رۆژە لەسەر یەک بەشێوەیەکی بەرچاو نرخەکەی بەرزبووەتەوە و هەر بەرمیلێک لە سەروو ١٠٧ دۆلارەوە مامەڵەی پێوە دەکرێت.
ئەمڕۆ سێشەممە ١٥ـی ئەیلوولی ٢٠٢٦، لەکاتی کردنەوەی بازاڕی جیهانیی نەوت، نرخی یەک بەرمیل نەوتی خاوی برێنت بە ١٠٧ دۆلار و سێ سەنت دیاری کراوە و نرخەکەی بەراورد بە شەوی رابردوو بەڕێژەی ١.٦٧٪ بەرزبووەتەوە.
هاوکات نرخی یەک بەرمیل نەوتی سووکی تەکساس بە ١٠٣ دۆلار
و دوو سەنت مامەڵە دەکرێت و ئەویش نرخەکەی بەڕێژەی ١.٨٠٪ بەرزبووەتەوە.
ئەم بەرزبوونەوەیەی نرخی نەوت دوای ئەوە دێت کە گرژی و
ئاڵۆزییەکانی نێوان ئەمریکا و ئێران لە گەرووی هورمز خەریکە پەرە دەستێنێتەوە و دوێنێ
چەند کەشتییەک لە نزیک ئاوەکانی ئێران کرانە ئامانج.
لەلایەکی دیکەشەوە ئاڵۆزیەکانی یەمەن و نزیکبوونەوەی حوسیەکان
لەداخستنی تەواوەتی گەرووی بابولمەندەب هۆکارێکی دیکەیە بۆ بەرزبوونەوەی نرخی نەوت.
