لەسەر پێکهێنانی حکومەتی هەرێم، وا بڕیارە پاش کەمێکی دیکە ئەنجومەنی باڵای نەوەی نوێ و مەکتەبی سیاسیی یەکێتی بە سەرۆکایەتی شاسوار عەبدولواحید و بافڵ تاڵەبانی کۆببنەوە.
ئەمڕۆ چوارشەممە ٩ـی ئەیلوولی ٢٠٢٦، ئەندامانی ئەنجومەنی باڵای نەوەی نوێ لەگەڵ مەکتەبی سیاسیی یەکێتی بە سەرۆکایەتی شاسوار عەبدولواحید و بافڵ تاڵەبانی کۆدەبنەوە.
رۆژى ٢ـی
ئەیلوولی ٢٠٢٦، نەوەى نوێ و یەکێتى رێککەوتنى نێوانیان واژۆکرد، بەئامانجى گەڕاندنەوەى
هاوسەنگى هێز بۆ هەرێمى کوردستان.
بەو رێککەوتنە،
نەخشەى سیاسی لە هەرێمى کوردستان گۆڕانکاریی بەسەردا هات و نەوەى نوێ و یەکێتى
بوونە خاوەنى زۆرترین کورسی بەو پێیەى بەرپرسانى هەردوولا دەڵێن خاوەنى زیاتر لە ٤٠
کورسین، لەکاتێکدا پارتى خاوەنى ٣٩ کورسییە.
لەدواى رێککەوتنەکەیانەوە،
یەکێتى و نەوەى نوێ دەڵێن، کلیلى دیاریکردنى سەرۆک وەزیرانى داهاتوو لەدەستى ئەواندایە،
بەو پێیەى بەپێی یاسا، ئەو هاوپەیمانێتییەى زۆرترین کورسی هەیە مافى ئەوەى هەیە سەرۆک
وەزیران دیارى بکات و کابینەى نوێ پێکبهێنێت.