بڕیارە پەرلەمانی عێراق، دانیشتنی ژمارە ١٦ـی خۆی لە چوارچێوەی خولی هەڵبژاردنی شەشەم، ساڵی یەکەمی یاسادانان و وەرزی دووەمدا ئەنجامبدات، کە تێیدا خوێندنەوەی یەکەم بۆ سێ پڕۆژەیاسا ئەنجام دەدات.
ئەمڕۆ دووشەممە ٧ـی ئەیلولی ٢٠٢٦، بەگوێرەى کارنامەى بڵاوکراوە، پەرلەمانی عێراق لە کاتژمێر١:٠٠ـی دوای نیوەڕۆ کۆبوونەوەى خۆى بە خوێندنەوەی چەند ئایەتێک لە قورئانی پیرۆز دەستپێدەکات و بەرنامەی کارەکە ئەم بڕگانەی خوارەوە لەخۆدەگرێت:
خوێندنەوەی یەکەم بۆ پڕۆژەیاسای چوونەپاڵ ڕێککەوتننامەی
بنەڕەتیی ڕێکخراوی گەشەپێدانی ئافرەتان لە وڵاتانی ئەندام لە ڕێکخراوی هاوکاریی ئیسلامی
لەلایەن لێژنەی پەیوەندییەکانی دەرەوە، کە لە ٢ ماددە پێكهاتووە.
خوێندنەوەی یەکەم بۆ پڕۆژەیاسای هەموارکردنی یەکەمی
یاسای مامەڵەکردن بە کەرەستە کشتوکاڵییەکان ژمارە ٤٦ـی ساڵی ٢٠١٢ لەلایەن لێژنەی
کشتوکاڵ و سەرچاوەکانی ئاو و ژینگە و زۆنگاوەکان، بە هاوکاری لێژنەی یاسایی، کە لە
٨ ماددە پێكهاتووە.
خوێندنەوەی یەکەم بۆ پڕۆژەیاسای شەراکەت لەنێوان
کەرتی گشتی و کەرتی تایبەتدا لەلایەن لێژنەی ئابووری و پێشەسازی و بازرگانی، کە لە
٢٧ ماددە پێكهاتووە.