شاندی دانوستانکاری حکومەتیماوەبەسەرچوو لەگەڵ مەکتەبی سیاسی پارتی و فراکسیۆنی ئەو حزبە لە پەرلەمانی عێراق کۆبوونەوە و جەخت لەسەر جێگیرکردنی ماف و شایستە دەستووری و داراییەکانی هەرێم کرایەوە، بە تایبەتی دابینکردنی مووچەی مووچەخۆران بە شێوەیەکی بەردەوام و بێ دواخستن و دوورخستنەوەی پرسی مووچە لە ناکۆکییە دارایی و سیاسییەکان.
ئەمڕۆ شەممە ١٢ـی ئەیلوولی ٢٠٢٦، لە راگەیەندراوێکدا شاندی دانوستانکاری هەرێم بڵاویکردەوە و رایگەیاند، لە کۆبوونەوەکەدا، شاندی دانوستانکار ئەنجامی کۆبوونەوە و گفتوگۆکانی ئەم دواییەی خۆی لە بەغدا لەگەڵ وەزارەتەکانی دارایی، پلاندانان و وەزارەتی نەوتی عێراق خستەڕوو، تێڕوانین و پێشنیارە سەرەکییەکانی هەرێم سەبارەت بە بودجەی ساڵی ٢٠٢٧، تاوتوێ کران.
وتیشی،
جەختیان کردەوە لەسەر جێگیرکردنی ماف و شایستە دەستووری و داراییەکانی هەرێم، بە
تایبەتی دابینکردنی مووچە و شایستە داراییەکانی مووچەخۆرانی هەرێم بە شێوەیەکی بەردەوام
و بێ دواخستن.
هاوکات
جەخت کرایەوە لەسەر بایەخی هەماهەنگی لە تەواوی قۆناغەکانی ئامادەکردن و پەسەندکردنی
پڕۆژەیاسای بودجەدا.
جەختیشکرایەوە
لەسەر هەماهەنگی لەگەڵ سەرجەم فراکسیۆن و نوێنەرانی کوردستان لە پەرلەمانی عێراق،
لە پێناوی پاراستنی ماف و شایستەکانی خەڵکی هەرێمی کوردستان لە بودجەی فیدڕاڵی دا.
هاوکات
شاخەوان عەبدوڵڵا، سەرۆکی فراکسیۆنی پارتی لە پەرلەمانی عێراقیش رایگەیاند، هێشتا
لەسەر دیاریكردنی پشكی هەرێمی كوردستان لەسەر بنەمای ڕێژەی دانیشتووان ڕێكنەكەوتوون
و وتیشی، هەوڵدەدەن پرسی دامەزراندنی گرێبەستەكان، یەكەمەكان و دەرچووانی پزیشكی لە
بودجە بچەسپێنن.
ئاماژەی
بەوەشکرد، پێویستە مووچەی هەرێم لە چوارچێوەی خەرجیی کرداری دەربچێت و هاوشێوەی سەرجەم
مووچەخۆرانی عێراق مانگانە لە چوارچێوەی بودجەی قەرەبووكردنەوەی فەرمانبەرانی حكومی
خەرجبكرێت.
سەبارەت بە سووتەمەنیش وتی، دەبێت لە نەوت و بەنزین
پشكی هەرێمی كوردستانیش دابین بكرێت.
بڕیارە
شاندەکەی هەرێم بۆ هەمان مەبەست سەردانی لایەنە سیاسیەکانی دیکەی هەرێمیش بکەن.