AM:10:58:12/09/2026
1048 جار خوێندراوەتەوە
شانەی ڕاگەیاندنی ئەمنی بڵاویکردەوە، ئەمڕۆ دەستپێکردنی پڕۆسەیەکی ڕێکخستنەوەی کارگێڕی و ئەمنی لە ژمارەیەک دەروازەی سنووریی عێراق بەڕێوە دەچێت، کە بەهۆیەوە ئەو دەروازانە دادەخرێن، هاوکات هەردوو دەروازەی زرباتیە و مونزیریە بەڕووی گەشتیاراندا کراوەن.
ئەمڕۆ ١٢ـی ئەیلولی ٢٠٢٦، ئاژانسی هەواڵی فەرمیی عێراق لە ڕاگەیەندراوێکدا ئاشکرایکرد، شانەکە ڕایگەیاندووە لایەنە ئەمنییە پەیوەندیدارەکان دەستیان بە پڕۆسەیەکی ڕێکخستنەوەی کارگێڕی و ئەمنی لە ژمارەیەک دەروازەی سنووری کردووە، ئەمەش داخستنی ئەو دەروازانە دەخوازێت.
باسی لەوەشکرد، زنجیرەیەک ڕێکاری یاسایی پێویست گیراونەتەبەر
و کارە هەواڵگرییەکان و لێکۆڵینەوە و وردبینی چڕکراونەتەوە، ئەوەش بۆ ئاشکراکردنی
هۆکارەکانی ئەو سەرپێچی و پێشێلکارییانەی لەو دەروازانەدا ڕوویانداوە بەمەبەستی
دانانی چارەسەری گونجاو بۆیان.
