دەستەکە هۆشداریی تووندیشی داوەتە هەر لایەن و حیزب و بەرپرسێک لە بەرامبەر هەر کەمتەرخەمی و دواخستن یان سازشکردنێک لەسەر مافەکانیان  و رایانگەیاندووە، رێگە بە هیچ بڕیارێکی نیوەناچڵ و یاریی پێکردن بە چارەنووسی مامۆستایانی گرێبەست نادەن.

دەشڵێن، داوا لە سەرجەم مامۆستایانی گرێبەست و خەمخۆرانی کەرتی پەروەردە کراوە بۆ بەدەستهێنانی مافە زەوتکراوەکانیان بەشداریی کارا بکەن لە گردبوونەوە مەدەنییەکەی رۆژی پێنجشەممە ١٠ی ئەیلوولی ٢٠٢٦، کە کاتژمێر ١٠:٠٠ی سەرلەبەیانی لەم شوێنانە بەڕێوەدەچێت:

• سلێمانی: بەردەم بینای بەڕێوەبەرایەتیی گشتیی پەروەردەی سلێمانی (پەروەردەی رۆژهەڵات، رۆژئاوا، قەرەداغ).
• کفری: بەردەم بینای بەڕێوەبەرایەتیی پەروەردەی کفری.
• پشدەر: بەردەم بینای بەڕێوەبەرایەتیی پەروەردەی پشدەر.
• دوکان: بەردەم بینای بەڕێوەبەرایەتیی پەروەردەی دووکان.
• هەڵەبجە: بەردەم بینای بەڕێوەبەرایەتیی پەروەردەی هەڵەبجە.

سەبارەت بە پارێزگاکانی هەولێر و دهۆک، نوێنەرانی دەستەکە ئاماژەیان بەوە کردووە، لە گفتوگۆی چڕدان بۆ رێکخستنی خۆپیشاندانێکی گەورە و سەرتاسەری لە بەردەم ئەنجومەنی وەزیران لە هەولێر، بە مەبەستی سەپاندنی داواکارییەکانیان و رایانگەیاندووە کات و وردەکارییەکەی لە راگەیەندراوی داهاتوودا بڵاودەکەنەوە.