PM:12:51:14/09/2026
688 جار خوێندراوەتەوە
بەرگری شارستانی عێراق رایگەیاند، "بەهۆی لێچوونی غازی ئەمۆنیا لە کارگەی پەینی باشوور لە پارێزگای بەسڕە، دوو کرێکار گیانیان لەدەستدا و زیاتر لە ٥٠ کەسی دیکە بریندار بوون".
ئەمڕۆ دووشەممە ١٤ـی ئەیلوولی ٢٠٢٦، بەپێی ڕاگەیەندراوەکەی بەرێوەبەرایەتی بەرگری شارستانیی عێراق، تیمێکی تایبەت بە فریاکەوتن و وەڵامدانەوەی خێرا بە ماددە مەترسیدارەکان (CBRN) توانیویەتی ڕووداوەکە کۆنترۆڵ بکات.
ئاماژەی بەوەشکردووە، ڕووداوەکە لە کۆمپانیای دروستکردنی
پەینی باشوور، سەر بە وەزارەتی پیشەسازی و کانزاکان، لە ناوچەی خۆڕ زوبێر لە پارێزگای
بەسڕە ڕوویداوە.
بەرگری شارستانی عێراق ئەوەشی خستەڕوو، تیمەکانی بەرگری
شارستانی توانیویانە ١٠ فەرمانبەر لە ناو کۆمپانیاکە ڕزگار بکەن.
