لیستێکی نوێی موچە
چەکدارانی حوسی رایانگەیاند، بە موشەکی بالیستی هێرشیان بۆ ناو قوڵایی ئیمارات و سعودیە ئەنجامداوە، ئیماراتیش دەڵێت، بەرپەرچی موشەکەکانیان داوەتەوە.
لە سنوری کەرکوک بۆمبێک بە هێزە ئەمنییەکانی سوپای عێراقدا تەقییەوە و چوار ئەندامی هێزە ئەمنییەکان کوژران و چواری دیکەش برینداربوون.
وەزارەتى خوێندنى باڵا و توێژینەوەى زانستى هەرێم رایگەیاند، لە رێکەوتى ١ی ٢ی ٢٠٢٢ بەدواوە ئەگەر هاوڵاتییان لەکاتى سەردانیان بۆ وەزارەت کارتى وەرگرتنى ڤاکسینیان پێنەبێت رێگەیان پێنادرێت سەردانى وەزارەت بکەن بۆ رایکردنى مامەڵەکانیان.
بەڕێوەبەرایەتی هاتوچۆی هەڵەبجە هۆشداری دەدات لە سەهۆڵبەندانبوونی رێگاکانی هەورامان و داوا دەکات، شۆفێران بۆ کاری زۆر پێویست نەبێت سەردانی ئەو ناوچەیە نەکەن.
ئەمڕۆ دووشەممە، بەپێی بۆرسەی جیهانی، نرخی یەک ئۆنسە زێڕ بە هەزار و ٨٣٨ دۆلار مامەڵەی پێوەدەکرێت.
وتەبێژی پارتی رایگەیاند، بۆیان روون بووەتەوە یەکێتی روانگەیەکی روونی نییە و توانای بڕیاردانی نییە.
چاوگێک لە وەزارەتی دارایی هەرێم بە ئێن ئاڕتی راگەیاند، سبەینێ دابەشکردنی موچە دەستپێدەکات، لەکاتێکدا تاوەکو ئێستا موچەی بەشێک لە خانەنشینان دابەشنەکراوە.
بەڕێوەبەرایەتی گشتی کەشناسی و بومەلەرزەزانی هەرێم پێشبینی نوێی بۆ دۆخی کەش و هەوا بڵاوکردەوە.
بەڕێوەبەرایەتی گشتی کەشناسی و بومەلەرزەزانی هەرێم رایگەیاند، قەزای پێنجوێن ساردترین ناوچەی هەرێم بووە و پلەکانی گەرما بۆ ١٦ پلە ژێر سفر دابەزیوە، لەکاتێکدا دوێنێ ٢٥ پلە ژێر سفر بووە.
نوێنەری حکومەتی هەرێمی کوردستان لە تاران ئاشکرای کرد، فەرماندەی فەیلەقی قودسی ئێران بە سەرکردایەتی کوردی راگەیاندووە نابێت کورد ببێتە لایەنگری لایەنێکی شیعە بۆ دروستکردنی زۆرینەیەک بۆ دیاریکردنی سەرۆکی ئەنجومەنی وەزیران و پێکهێنانی حکومەت. دەشڵێت، "ترس هەیە بمانگەڕێننەوە بۆ رووداوەکانی دوای ریفراندۆم".
وەزیری دەرەوەی ئەمریکا رایگەیاند، ئەگەر روسیا سنورەکانی ئۆکرانیا تیپەڕێنێت دەبیت خۆی بۆ وەڵامێکی توندی ئەمریکا و هاوپەیمانەکانی ئامادە بکات.
وەزارەتی پێشمەرگەی حكومەتی هەرێمی كوردستان رایگەیاند، بۆشایی ئەمنی لە نێوان هێزەكانی پێشمەرگە و سوپای عێراقی هەر ماوە و پڕنەكراونەتەوە. دەشڵێت، "هەماهەنگی بەردەوام و ئۆپراسیۆنی هاوبەش لە نێوانیاندا هەیە".
چاوگێکی ئەمنی عێراق رایگەیاند، ماتۆڕسیکلێک دوای ئەوەی دەستی بەسەردا گیرا لەلایەن هێزە ئەمنییەکانەوە تەقێنرایەوە. هاوکات، لەشەقامی فەلەستینینیش لە شوێنی چاککردنی پاسەکان ئاگرێکی گەورە کەوتەوە.
وەزیری بازرگانی عێراق بڕیاریدا بە دابەشکردنی سەبەتەی خۆراکی تایبەت بە خانەی منداڵانی بێ سەرپەرشتیار و بەساڵاچوان و خاوەن پێداویستییە تایبەتەکان. دەشڵێت، "سەبەتە خۆراکییەکە لە حەوت مادە پێکهاتووە".
ئەمڕۆ دووشەممە، نرخی یەک بەرمیل نەوتی خاوی برێنت لە بازاڕی نەوتی جیھانیدا بە ٨٨ دۆلار و ٦٦ سەنت مامەڵەی پێوەدەکرێت، بەمەش بەراورد بە دوێنێ نرخی یەک بەرمیل نەوت دۆلارێک و ٢٣ سەنت دابەزیوە.
دواى ئەوەى چەند شەوى رابردووى ناوچەى عوزێمى پارێزگاى دیالە چەکدارانى داعش هێرشیانکردە سەر سریەیەکى سوپاى عێراق، کە ١٠ سەرباز و ئەفسەرێکى عێراقى کوژران، حکومەتى عێراق چەند بەرپرسێکی باڵاى سەربازى رەوانەى لیژنەى لێکۆڵینەوە دەکات.
لە سنوری کەرکوک چەند چەکدارێکی نەناسراو شوانێکیان رفاند.
ئیدارەی رۆژئاوای کوردستان بەهۆی شەڕی زیندانی غوێرانەوە هەفتەیەک قەدەغەی هاتوچۆی لە حەسەکە راگەیاند.
چاوگێک لە وەزارەتی دارایی هەرێم بە ئێن ئاڕتی ڕاگەیاند، تاوەکو ئەمڕۆ زیاتر لە ٤٠٠ ملیار دینار گەڕاوەتەوە بۆ وەزارەتەکەیان و بۆ دابەشکردنی موچەی مانگی یەک ئامادەکراوە.
شەڕ و پێکدادان لە نێوان هێزەکانی هەسەدە و چەکدارانی داعش لە گرتووخانەی غوێران و دەوروبەری بەردەوامە و لەوبارەیەوە، هێزەکانی هاوپەیمانانی نێودەوڵەتیش روونکردنەوە دەدەن.
ئەنجومەنى سەرکردایەتى یەکێتیی لەسەر پرسى کاندیدى سەرۆک کۆماری عێراق کۆبووەوە و رایگەیاند، ئەو حزبە مافی خۆیەتی کە پۆستی سەرۆککۆمار بە ئیستیحقاقی کورد و خۆى بزانێت، بەرهەم ساڵحیش وەک کاندیدى حزبەکە بۆ ئەو پۆستە دووپاتکرایەوە.
پاش ئەوەی لە ماوەی رابردوودا لە هەولێر زیاتر لە ١٧٠ کەس بە تۆمەتی لەشفرۆشی دەستگیرکران، ئەمڕۆ بە کەفالەت ئازاد دەکرێن و کەفیلەکانیش لە بەرامبەر کارەکەیاندا پارە وەردەگرن.
تادێت ململانێ و کێبڕکێی لایەنەکان لەسەر وەرگرتنی پۆستە باڵاکانی عێراق و دوورخستنەوەی لایەنە نەیارەکانیان لە گۆڕەپانی سیاسیدا توندتر دەبێتەوە لەو چوارچێوەیەدا رۆژنامەى ئیندیپێندنت عەرەبى راپۆرتێکی بڵاوکردووەتەوە و چەند زانیارییەکی ئاشکراکردووە.
شارەزایەکی بواری پەیوەندییەکان ئاشکرایکرد، گونجاوترین ماوە بۆ کارکردنی سیمکارتی هەر مۆبایلێک پێنج ساڵە، دەشڵێت، "بەکارهێنەرەکەی دەتوانێت دوای ئەو ماوەیە بیگۆڕێت بە سیمکارتێکی دیکە."
شەڕ و پێکدادان لە نێوان هێزەکانی هەسەدە و چەکدارانی داعش لە گرتووخانەی غوێران و دەوروبەری بەردەوامە و هێزەکانی هاوپەیمانانیش هاوکاری هەسەدە دەکەن لە کۆنترۆڵکردنەوەی گرتووخانەکە.
ئەمڕۆ یەکشەممە، لەکاتی داخستنی بازاڕدا نرخی ١٠٠ دۆلار بە ١٤٨ ھەزار و ١٠٠ دینار مامەڵەی پێوەدەکرێت بەمەش بەراورد بە دوێنێ ٥٠ دینار دابەزی.
پارێزگاری سلێمانی رایگەیاند، لە سبەینێوە دەوامی فەرمی سەرجەم دامودەزگاکان لە سنوری پارێزگای سلێمانی ئاسایی دەبێتەوە.
بانکی ناوەندی عێراق رایگەیاند، ئەمڕۆ لە زیادکردنێکی ئاشکرادا بڕی ٢٠٦ ملیۆن دۆلاری خستووەتە بازاڕەوە. بەمەش بەراورد بە رۆژانی رابردوو بە رێژەی ٥.٠٧٪ بڕی خستنە بازاڕی دۆلاری کەمکردووەتەوە.
وه‌زاره‌تی دارایی و ئابوری حكومه‌تی هه‌رێمی كوردستان نوسراوێکی بەمەبەستی کردنەوەی بنكه‌ی گومرگی تیله‌كۆ له سنوری ئیداره‌ی گه‌رمیان دەرکرد.
هاتوچۆی کۆیە بە ئێن ئاڕ تی راگەیاند، لە سێ شوێنی جیادا لە سنوری قەزای کۆیە بەهۆی رووداوی هاتوچۆوە پێنج هاوڵاتی برینداربوون.
