ئەمڕۆ کاتژمێرحەوتـی بەیانی پرۆسەی سەرژمێری دانیشتووان دەستی پێکرد، هەروەها لە پرۆسەکەدا زیاتر لە ١٣٠ هەزار بژمێر بەشدار دەبن و چەند پرسیارێکی تایبەت بە ژیان و گوزەرانی هاووڵاتییان دەکەن.
دوێنێ عەبدولفەتاح ڕەئووف، بەڕێوەبەری گشتی فەرمانگەی کاروباری تەکنیکی لە دەستەی ئامار و سەرۆکی بەشی تەکنیکی و مەیدانی بۆ سەرژمێری لە وەزارەتی پلاندانانی عێراق، رایگەیاند، کەوا ئەمڕۆ چوارشەممە، ٢٠ی ١١ی ٢٠٢٤ ، بژمێرەکان لە کاتژمێر ٧ـی بەیانییەوە، بە مەبەستی پشتڕاستکردنەوەی ئەو زانیارییانەی کە پێشوەختە بە شێوەی ئەلیکترۆنی تۆماریان کردووە سەردانی ماڵەکان دەکەن.
دەشڵێت: " جگە لە تۆمارکردنی خێزانەکان، تیمەکانی سەرژمێری چەند
پرسیارێکی تایبەت بە ژیان و گوزەران و ئابووری هاووڵاتییان دەکەن".
ناوبراو ئاماژەی بەوەش دا، بژمێرەکان سێ جار سەردانی ماڵەکان دەکەن
بۆ پشتڕاستکردنەوەی زانیاری و داتاکان.
هاوکات وتیشی ،بژمێرەکان
دەستەواژەی "خانووەکە داخراوە" لەسەر ئەو خانووانە دەنووسن، کە
دانیشتووانەکەی دەرگە ناکانەوە یاخوود لەوێ نین، دوای ئەوەی سێ جار بۆ
دڵنیابوونەوە سەردانیان دەکەن.
ئەو بەڕێوەبەرە گشتییە گوتی: "ژمارەی بژمێرەکان ١٣٠ هەزار کەسی
تێپەڕاندووە ئەمە جگە لە سەرپەرشتیاران".
بەپێی ئامارەکانی قۆناغێ یەکەم ؛ هه‌ولێر ٩٥٪ سلێمانى ٧٨٪، دهۆك ٪٨٦.٢
خێزان سەرژمیری کراوە.
بڕیارە ئەمڕۆ ٢٠ کە قۆناغی دووەمە و لەگەڵ سبەی ٢١، لە سەرتاسەری
عێراق و هەرێمی کوردستان پرۆسەی سەرژمێری گشتیی دانیشتووان بەڕێوە بچێت.