مێژووی چاپەمەنی کوردی پڕە لە دەربەدەری، ستەم و هێرش، بەڵام ئێمەی رۆژنامەوانان و میدیاکاران بەرەنگاری هەموو ئەوانە بووینەتەوە و لە دژیان جەنگاوین. ئەمڕۆ ئەو رۆژەیە کە ئەم خەباتە بچێتە قۆناغێکی نوێوە، بۆ بەدیهاتنی ئەوەش، کاتی هاتووە کۆببینەوە و دامەزراوەیەکی نوێ لە دەرەوەی وڵات بنیات بنێن.

وەک دەزانرێت سەدان رۆژنامەنووسی کورد لە سەرتاسەری کوردستانەوە بە هۆکاری جۆراوجۆر ناچاربوون روو لە دەرەوەی وڵات بکەن و لە تاراوگە درێژە بە ژیانی خۆیان بدەن، بەڵام جێهێشتنی وڵات هۆکار نەبوو بۆ دابڕانیان کاری میدیایی و خەبات بۆ ئازادیی کورد و کوردستان، ئەم دۆخەی رۆژنامەنووسانی کورد دەتوانێرێت بە شێوەیەکی گەورەتر و رێکخراوتر بەردەوام بێت، لە دەرەوەی وڵات هەریەکەمان لەلای خۆیەوە بەردەوامە لە پەیوەندیکردن لە گەڵ دامەزراوە و پلاتفۆرمە جیاوازە میدیایەکان، ئەوەش بەبێ ئاستەنگ و ئاڵەنگاری نییە و دەبێتە هۆی کەمبوونەوەی کاریگەرییەکانی میدیای کوردیی.

بۆ تێپەڕاندنی ئەو ئاستەنگ، ئاڵەنگاریانە و درێژەدان بە میراتی رۆژنامەگەریی کوردیی و گەورەترکردنەوەی خەبات، پێویستە بەرلەهەموو شتێک لە ژێر چەتری دامەزراوەیەکدا کۆببینەوە، گفتوگۆ بکەین و رێکخستنی خۆمان تاوتوێ بکەین.

رەنگە بیروڕامان و ئەو دامەزراوانەی کاریان تێدا دەکەین جیاواز بن، ئەمە هۆکارێک نییە بۆ گەشەپێنەدانی رۆژنامەگەری کوردی و پێکەوە نەبوونمان، بۆ ئەوەی لە دەرەوەی وڵات چەترێک بۆ میدیای کوردیی دامەزرێنین و پەیوەندی لەگەڵ دامەزراوە هاوشێوەکانی لە ولاتانی جیهاندا دروست بکەین تا لە رێگەیەوە دەنگ و رەنگی گەل و نیشتمانەکەمان ببیستن و ببینن، پێویستە ئیرادەیەکی هاوبەش و پێکەوەکارکردنمان هەبێت، ئەمە تەنها ئەرکێکی مێژوویی نییە، بەڵکو دەرفەتێکە بۆ سەرجەم ئێمەی رۆژنامەنووسانی کورد بۆ زیاتر خۆڕیخستن و پەرەدان بەکاری میدیایی.

ئەمڕۆ، ئێمە کۆمەڵێک رۆژنامەنووسی سەرجەم بەشەکانی کوردستان بانگتان دەکەین بۆ ئەوەی کۆببنەوە، ئێمە ئەم بانگەوازە بۆ گەشەی زیاتری پەیوەندی رۆژنامەنووسان، راگەیاندنە کوردییەکان و پیکهێنانی رێکخراوێکی رۆژنامەوانی گەورە دەکەین، ئامانجمان بەستنی کۆنفرانسێکە بە بەشداری سەرجەم رۆژنامەنووسانی کورد بەبێ جیاوازی بیروڕا، تا لەو کۆنفرانسەدا هەموو بابەتەکان پێکەوە تاوتوێ بکەین. شیکردنەوەی بۆ هەموو کێشە و دەرفەتەکان بکەین و ستراتیژی بۆ داهاتوو داربڕێژین. ئەم کۆنفرانسە دەتوانێت نوێنەرایەتی ئیرادەی هەموو بەشداربووان بکات، تا لەرێیەوە بەرپرسیارێتیمان هەبێت بۆ گەیشتن بە ئامانجە هاوبەشەکانمان. ستراتیژیەکی دروست و هاوبەش وا دەکات کە چاپەمەنی کوردیی لە ئاستی جیهاندا هێزێکی کاریگەری هەبێت.

ئەم بانگەوازە بۆ فراوانکردن و بەڕێخستنکردنی رۆژنامەگەریی کوردییە. بانگەوازێکە بۆ یەکڕیزی و بەرپرسیارێتیی، با ئیرادەی بەکۆمەڵمان نیشان بدەین، میدیاکانمان فراوانتر بکەینەوە و بەشێک بین لە خەباتی پیرۆزی خەڵکی کوردستان.

رۆژنامەنووسانی کورد