رۆژین باسی لەوە کردووە، لە ساڵی ٢٠١٤ـدا چەکدارانی داعش ئەوانیان بردووەتە سوریا و بەهۆی ئەوەی منداڵ بوون و خێزانێک هەڵی گرتوونەتەوە و دواتر ئەو خێزانە فرۆشتوونی بە خێزانێکی دیکە.

ئاماژەی بەوەش کردووە، دوای کۆتایی هاتنی داعش لە سوریا ڕەوانەی کەمپی دەستبەسەرکردنی هۆل کرا، بەڵام کەسێک دەدۆزێتەوە و بە قاچاخ لەو کەمپە دەیباتە دەرەوە و ساڵانێک لە سوریا دەژیت و ئەوەی لە توانایدا بووە کردوویەتی بۆ ئەوەی پارەیەک پاشەکەوت بکات بۆ گەڕان بەدوای خێزانەکەیدا.
ئەوەشی خستووەتە روو، "کە لە هۆل هاتمە دەرەوە مۆبایلێکم کڕی و دەستم کرد بە گەڕان لە سۆشیال میدیا، لە فەیسبووکدا بەدوای ناوی براکەمدا دەگەڕام، چەندین کاتژمێرم لە گەڕان و گەڕان بەسەر برد تا ناوی براکەمم دۆزیەوە کە ئایدن حەدید بوو، داواکاریی هاوڕێیەتیم بۆ نارد و دەستم کرد بە پەیوەندی لەگەڵیدا."
دوای دۆزینەوەی هەژماری یەکدی، لە کۆتاییدا، ئایدین لە سەرەتادا باوەڕی نەکردووە رۆژین برای بێت بەڵام رۆژین چەندان بەڵگەی داوەتە ئایدین و لە کۆتایدا باوەڕی کردووە کە رۆژین برایەتی و دواتر دەستیان کردووە بەوەی پلان دابنێن بۆ یەکتربینینەوە و ژیانکردن پێکەوە. 
سەرەڕای دڵخۆشی دووبراکە بە یەکگرتنەوەیان ئاسان نەبوو یەکتر ببینن، بەو پێیەی ڕۆژین هیچ ناسنامە و بەڵگەنامەیەکی گەشتکردنی نەبووە، دەبوو بە قاچاخ بڕواتە دەرەوەی سوریا. 
رۆژین دەڵێت، "پەیوەندیم بە ماممەوە کرد بۆ ئەوەی ڕێگەیەک بدۆزمەوە بۆ ئەوەی دەربچم و مامی من وتی، باشە، نیگەران مەبە، هەوڵ دەدەم ڕێگەیەکت بۆ ڕێکبخەم، پێم گوت باشە، چاوەڕێ دەکەم و دوای نزیکەی دوو سێ ڕۆژ مامم وتی کەسێک پەیوەندیت پێوە دەکات بۆ ئەوەی دەرت بکات و بە خێزان و براکەم شادبوومەوە".
ئەو دوو برا ئاماژە بەوە دەکەن لە ئێستادا، ژیانێکی ئارام دەژین و بیر لەوە دەکەنەوە لە داهاتوودا خوێندیان تەواو بکەن و کارێک بۆ خۆیان بدۆزنەوە یان بچنه دەرەوەی وڵات بۆ کارکردن و خوێندن.