روبەهەنار ئاوی هەناری کوڵاوە لەگەڵ هەندێک پێکهاتەی دیکەدا تێکەڵکراوە بۆئەوەی ببێت بە شلەیەکی چڕ و رەنگ تۆخ کە تام و چێژێکی خۆشی هەیە.
لە بڵاوکراوەیەکی کامه‌ران رسوڵ ژاژڵه‌یی پزیشکی سپۆڕی زانستی خۆراکدا ئاماژە بە دیارترین سوودەکانی روبەهەنار دەکات، بەم شێوەیە:
١. باشترکردنی تەندروستی پێست و پاراستنی
چونکە دەوڵەمەندە بە ڤیتامین C و ماددەی پۆلی فینۆلیدک کە دژە ئۆکسانێکی بەهێزە، هەروەها رێگری دەکات
له پیربوونی پێش وەختەی پێست و دەرکەوتنی چرچ و لۆچی پێست، ڤیتامین B3ـی تێدایە کە گرنگە بۆ توندوتۆڵی پێست.
٢. خۆپاراستن له شێرپه‌نجه بە تایبەت شێرپەنجەی
پڕۆستات و مەمک چونکه ده‌وڵه‌مه‌نده به کۆمەڵێک دژه‌ئۆکسانه‌کانی بەهێز.
٣. بەهێزکردنی
مووەکانی قژ و پاراستنیان لە سپیبوون و هه‌ڵوه‌رینی قژ.
٤. یارمەتی پڕۆسەی هەرس کردنی خۆراک دەدات بە
هۆی بوونی بڕێکی باش له کۆمەڵەی ڤیتامین B کە گرنگن بۆ ماسولکە و دەمارەکان، چارەسەری قەبزی دەکات و یارمەتی
پاککردنه‌وه‌ی رێخۆڵه له مادده ژه‌هراوییه‌کان دەدات و غازات کەم دەکاتەوە.
٥. بەهێزکردنی
کۆئەندامی بەرگریی جەستە و هاندانی دروستبوونی خرۆکە سپیەکانی خوێن.
٦. یارمەتی
دابەزاندنی ئاستی کۆلیسترۆڵی خراپ دەدات لەگەڵ کەمکردنەوەی ئەگەری تووشبوون بە جەڵتە
و نەخۆشیەکانی دڵ.
٧. رێگری
لە که‌مبوونەوەی مادده‌ی ئاسن و که‌مخوێنی دەکات.
٨. یارمەتی
خۆپاراستن دەدات لە برین و هەوکردنی زمان و ناودەم .