AM:10:34:20/11/2022
60552 جار خوێندراوەتەوە
کەشناسی هەرێم پێشبینییەکانی کەشوهەوای بڵاوکردەوە و ئاماژەی بەوەکردووە، ئەمڕۆ ئاسمان ساماڵ و پەڵە هەور دەبێت و سبەینێش لە کاتەکانی ئێوارە دەگۆڕێت بۆ نیمچە هەور، کەشناسی عێراقیش دەڵێت، "لە رۆژانی چوارشەممە و پێنجشەممە باران لە ناوچەکانی هەرێمی کوردستان دەبارێت."
بەڕێوەبەرایەتی گشتی کەشناسی و بومەلەرزانی هەرێم راگەیەندراوێکی لەبارەی کەشوهەوای ئەمڕۆ و سبەینێوە بڵاوکردەوە و ئاماژە بەوە کراوە، ئەمڕۆ ئاسمان ساماڵ و پەڵە هەور دەبێت و لەناوچە شاخاوییەکان نیمچە هەور دەبێت.
لەبارەی کەشوهەوای
سبەینێشەوە باسی لەوەکردووە، ئاسمان ساماڵ دەبێت و لە ئێوارەدا دەگۆڕێت بۆ نیمچە هەور و خێرایی با لەنێوان
١٠ بۆ ١٥ کیلۆمەتردا دەبێت لە هەر کاتژمێرێکدا.
دەستەی کەشناسی عێراقیش ئاماژەی بەوەکردووە، لە رۆژانی چوارشەممە و
پێنجشەممەی ئەم هەفتەیەدا ئەگەری باران بارین بە شێوەی پچڕ پچڕ هەیە لەناوچەکانی
هەرێمی کوردستان و ناوەڕاستی عێراق.
