AM:09:40:05/11/2024
3448 جار خوێندراوەتەوە
وتەبێژی یەکێتی رایگەیاند، لیژنەیەکیان پێکهێناوە بۆ پێکهێنانی حکومەت و سەردانی هەموو لایەنەکان دەکەن جگە لە پارتی.
ئەمڕۆ سیشەممە، سەعدی پیرە وتەبێژی یەکێتی رایگەیاند، بۆ پێکهێنانی حکومەتی نوێ شاندێکی دانوسانکاریان پێکهێناوە و سەردانی سەرجەم لایەنەکان دەکەن جگە لە پارتی ئەوەش بە مەبەستی راوێژ و راگۆرینەوە لەبارەی پێکهێنانی حکومەتی نوێی هەرێم.
دوێنێش، مەسعود بارزانی سەرۆکی پارتی رایگەیاند، ڤیتۆیان لەسەر هیچ لایەنێك
نییە و شاندێکیان بۆ گفتووگۆ پێکهێناوە.
هاوکات،مەسرور بارزانی سەرۆکی حکومەتی
کاربەڕێکەر رایگەیاند، پێویستە حکومەتی نوێ حکومەتێکی سەرتاسەری و بەهێز و
یەکگرتوو بێت و لەسەر بنەمای دەنگی لایەنە سیاسییەکان و بەرکەوتەی هەڵبژاردن بێت.
