AM:08:19:26/09/2024
1320 جار خوێندراوەتەوە
دوای ئەوەی لە چەند هەفتەی رابردوودا نرخی نەوت گەیشتە نزمترین ئاستی سێ ساڵی رابردووی، ماوەی نزیکەی هەفتەیەکە نرخی ئەو زێڕە رەشە بەردەوامە لە بەرزبوونەوە، بەڵام ئەمڕۆ بەراورد بە دوێنێ نرخەکەی جارێکی دیکە دابەزیوە.
ئەمڕۆ پێنجشەممە، نرخی بەرمیلێک نەوتی خاوی برێنت بە ٧٢ دۆلار و ٨٢ سەنت مامەڵەی پێوە دەکرێت و بەراورد بە دوێنێ، نرخەکەی نزیکەی دوو دۆلار دابەزیوە.
لەلایەکی دیکەشەوە، یەک بەرمیل نەوتی رۆژئاوای تێکساس بە ٦٩ دۆلار و نۆ سەنت مامەڵەی پێوە دەکرێت.
بەهۆی فراوانبوونی گرژی و ئاڵۆزییەکانی رۆژهەڵاتی ناوەڕاست و بەتایبەتیش ئیسرائیل و حەماس کە لە غەززەوە باڵی کێشاوە بۆ لوبنان، جگە لەوەش گرژی و ئاڵۆزییەکانی رووسیا و ئۆکرانیا بەردەوامی هەیە، بە بڕوای شارەزایانی ئابووری، دووبارە نرخی نەوت دەگەڕێتەوە بۆ ٧٥ بۆ ٨٠ دۆلار.
