PM:06:33:20/11/2022
6720 جار خوێندراوەتەوە
بەڕێوەبەری گشتی بەرهەمهێنانی كارەبا لە وەزارەتی كارەبای حکومەتی ماوەبەسەرچووی هەرێم رایگەیاند، لە كابینەی نۆیەمدا نزیكەی ٧٠٠ مێگاوات كارەبا زیادكردووە، دەشڵێت، خەرجی بەرهەمهێنانی کارەباش کەمکراوەتەوە.
پێشڕەو نوری بەڕێوەبەری گشتی بەرهەمهێنانی لە وەزارەتی كارەبا رایگەیاند، لەگەڵ هاتنی وەرزی زستان و سەرما، بەكارهێنانی كارەبا بەڕێژەیەكی بەرچاوی ڕووی لە هەڵكشان كردووە، ئەمەش بووەتە هۆی كەمبوونەوەی ماوەكانی پێدانی كارەبا.
وتیشی، بەرهەمهێنانی كارەبا
بەهیچ شێوەیەك كەمنەبووەتەوە، بۆ ئەو مەبەستەش لە داهاتوویەكی نزیكدا چەند یەكەیەكی
دیكەی بەرهەمهێنانی كارەبا لە وێستگەکانی بازیان و دیرەلۆك بەگەڕ دەخرێن.
راشیگەیاند، بەرهەمهێنانی
كارەبا بە وزەی خۆر لە هەولێر و دهۆك و سلێمانی لە ماوەیەكی نزیكدا بەردی بناغەیان
بۆ دادەنرێت.
