باس لەوەش کراوە، بەهۆی جەنگەوە فەڵەستینییەکانی غەززە رووبەڕووی بارودۆخێکی سەخت بوونەتەوە و ئیسرائیل تاوانی جەنگی ئەنجامداوە و جینۆسایدی فەڵەستینییەکانی کردووە.

ئاماژە بەوەش کراوە، ئیسرائیل بەشێوەیەکی نایاسایی رێگری لە چوونەژوورەوەی هاوکارییە مرۆییەکان بۆ غەززە دەکات و بەو هۆیەوە دانیشتوانی غەززە بە کۆمەڵ ئاوارە دەبن.

ئەوەش خراوەتە روو، لە غەززە برسێتی و نەخۆشی بڵاوبووەتەوە و هاوکاری تەندروستی پێویست ناگات بە بریندارەکان.

جەنگی غەززە لە ٧ـی ئۆکتۆبەری ساڵی رابردووەوە سەری هەڵداوە و تا ئێستاش درێژەی هەیە، جەنگەکە دوای ئەوە دروستبوو کە بزوتنەوەی حەماس بە پێنج هەزار مووشەک هێرشی کردە سەر ئیسرائیل و لەو کاتەوە بڵێسەی ئاگری جەنگی نێوانیان پەرە دەسەنێت.

لە جەنگی غەززەدا سەرەڕای هەموو زیانەکانی؛ دۆخی تەندروستی لە وڵاتەکەدا بە جۆرێک خراپە، چەندین نەخۆشی و بەتایبەتیش نەخۆشی پێست بڵاوبوونەتەوە و منداڵانیش قوربانی یەکەمی جەنگەکەن.

سەرەڕای هۆشداری وڵاتان و هەوڵەکانیان بۆ راگەیاندنی ئاگربەست و راگرتنی جەنگ، بەڵام هێشتا هیچ ئومێدێک بە راگرتنی جەنگ نییە و هێرشەکانی ئیسرائیل پەلی هاویشتووە بۆ لوبنان و سوریا و ئیرانیش.