وەزارەتی نەوتی عێراق بڵاویكردەوە، هەناردەی نەوتی خاو لە مانگی شوباتی رابردوودا ٩٥ ملیۆن و ١٤٨ هەزار و ١٦٧ بەرمیل بووە.
ئەمڕۆ پێنجشەممە ٢٧ـی ئازاری ٢٠٢٥، وەزارەتی نەوتی عێراق رایگەیاند، بەپێی ئامارێکی رێکخراوی بە بازاڕکردنی نەوتی عێراق (سۆمۆ) هەناردەی نەوت لەمانگی رابردوودا ٩٥ ملیۆن و ١٤٨هەزار و ١٦٧ بەرمیل بووە.
لە ئامارەکەدا ئاماژە بەوە کراوە، کۆی گشتی بڕی
هەناردەکراوی نەوتی خاو بۆ مانگی شوباتی رابردوو لە کێڵگە نەوتییەکانی ناوەڕاست و
باشوری عێراق ٩٤ ملیۆن و ٣٧٥ هەزار و ١٢ بەرمیل بووە، هەناردەکردن بۆ ئوردن بڕی ٤١٩
هەزار و ٨٤٦ بەرمیل بووە و بڕی هەناردەکراوی کێڵگەی گەیارە ٣٥٣ هەزار و ٣٠٩ بەرمیل
بووە.
ئەوەش لە کاتێکدایە، بەراورد بە مانگى کانونی
دووەمی ئەمساڵ هەناردەی نەوتی خاو نزیکەى هەشت ملیۆن بەرمیل کەمتربووە.