PM:07:06:26/03/2025
1064 جار خوێندراوەتەوە
وەزیرى پلاندانانی عێراق رایگەیاند، خشتەکانی بودجەی ٢٠٢٥ تەواوکراون و رەوانەی ئەنجوومەنی وەزیرانیان کردووە، دەشڵێت، ئەنجامەکانی پرۆسەی سەرژمێری ئامادەیە و چاوەڕانی داتاکانی پەیوەست بە هەرێمی کوردستان دەکەن.
ئەمڕۆ چوارشەممە ٢٦ـی ئازاری ٢٠٢٥، محەمەد تەمیم، وەزیری پلاندانانی عێراق ئاماژەی بەوەکرد، وەزارەتەکەیان خشتەکانی بودجەی ساڵی ٢٠٢٥ـی تەواو کردووە و خشتەکانیش رەوانەی ئەنجومەنی وەزیرانی عێراق دەکەن.
پێشتریش مەزهەر ساڵح راوێژکاری دارایی سەرۆک
وەزیرانی عێراق رایگەیاندبوو، لە دوای پەسەندکردنی خشتەکانی بودجەوە حکومەتی عێراق
دەستدەکات بە بەستنەوەی سەرەمووچە و پلەبەرزکردنەوەی فەرمانبەرانی عێراق و هەرێمی
کوردستانیش.
بودجەی ٢٠٢٥ـی عێراق ٢٠٠ ترلیۆن دینارە و
کۆیکورتهێنانی گریمانەییش تێیدا ٦٤
تریلیۆن دینارە، حکومەتی عێراقیش لە پلانیدایە کورتهێنانەکە لە لایەن قەرزی
ناوخۆوە پڕبکاتەوە.
