PM:12:57:25/03/2025
1712 جار خوێندراوەتەوە
دەستەی باڵای حەج و عومرەی عێراق رایگەیاند، بڕیارەکەی سعودییە بۆ سنووردارکردنی بەشداری کەسانی بەتەمەن گشتگیرە و پێوەی پابەند دەبین.
ئەمڕۆ سێشەممە ٢٥ـی ئازاری ٢٠٢٥، دەستەی باڵای حەج و عومرەی عێراق راگەیاندراوێکی دەربارەی بڕیارەکەی سعودییە بڵاوکردەوە و رایگەیاند، پابەند دەبن بە جێبەجێکردنی بڕیارەکەی وڵاتی سعودییەوە بۆ سنووردارکردنی کەسانی بەتەمەن لە پڕۆسەی حەج و عومرەدا.
ئاماژەی بەوەشکرد، سعودییە ساڵانێکە کورسی
تایبەتی بە کەسانی بەتەمەن و بەساڵاچوو تەرخانکردووە، بۆ ئەمساڵیش بڕیارەکەی لە
سەرجەم وڵاتانی جیهان و ئیسلامی دەگرێتەوە و گشتگیرە.
هاوکات، وەزارەتی حەج و عومرەی سعودییە بڕیاریدا
بە سنووردارکردنی کەسانی بەتەمەن بۆ جێبەجێکردنی حەج و عومرە بە جۆرێک ئەو کەسانەی
تەمەنیان لە ٧١ ساڵ زیاترە و لەدایکبووی ١٩٥٤ـن، رێژەی بەشداریکردنیان دەبێتە ٧٪ـی
کۆی سەرجەمی بەشداربووانی حەج و عومرە.
