ئاماژەی بەوەشکرد، بڕیارەکە بە شێوەی زارەکی بە پۆلیسی پاسەوانی وتراوە بەبێ ئەوەی بڕیارێکی وەزارەتی ناوخۆ بۆ ئەو بابەتە بوونی هەبێت.

هەروەها، خواردنی رۆژانەی پۆلیسی پاسەوانی بارەگای هێزە سیاسییەکان لەسەر خۆیانە و هەمویان لەو بارەگایانە نان دەخۆن کە پاسەوانی دەکەن و بەڵام پێیان وتراوە ئەو ٦٠ هەزار دینارەی لێتان دەبڕدرێت، بۆ نانخواردنە و ئەمەش ناڕەزایەتی لەناو پۆلیسی پاسەوانییدا سەبارەت بەو بڕیارە دروستبووە و دەڵێن ئێمە کە خواردنی رۆژانەمان لەسەر حیزبەکانمانە، بۆچی دەبێت بە بڕیارێکی سەرپێیی و نایاسایی ٦٠ هەزار دینار لە موچەکانمان ببڕدرێت.

باسی لەوەشکرد، بەپێی زانیارییەکان، ئەوە پشتڕاستدەکەنەوە کە بڕیارەکە حیزبییە و دەستی یەکێتی و بە دیاریکراویش قوباد تاڵەبانی لەپشتە و دەیەوێت بەو پارەیە، خواردنی پۆلیسی فەرمانگە حکومییەکان دابیبن بکرێت لەکاتێکدا پۆلیسی فەرمانگە حکومییەکان مانگانە بڕێک لە موچەکانیان بۆ هەمان مەبەست دەبڕدرێت.

ئەوەش لەکاتێکدایە، پۆلیسی پاسەوانی بارەگای هێزە سیاسییەکان ژمارەیان زیاتر لە حەوت هەزار کارمەندە و، ئەم بڕیارە ناڕەزایەتی گەورەی دروستکردووە و بەپێی زانیارییەکان، سەدان پۆلیسی پاسەوانی بڕیاریانداوە وەک ناڕەزایەتییەک سبەی موچە وەرنەگرن.