AM:09:53:16/03/2025
2636 جار خوێندراوەتەوە
سەرۆکی یەکێتی رایگەیاند، هەمیشە دەست لەسەر سنگ، هاوسۆزین لەگەڵ خانەوادەی سەربەرزی شەهیدان و قوربانیانی چەکی کیمیایی، هەڵەبجە بۆ ئێمە هێمای قوربانی و مەزڵومیەتی گەلەکەمانە.
ئەمڕۆ یەکشەممە ١٦ـی ئازارـی ٢٠٢٥، بافڵ تاڵەبانی سەرۆکی یەکێتی رایگەیاند، دوای ٣٧ ساڵ لە جینۆسایدکردن و کیمیابارانکردنی هەڵەبجە، تاوەکو ئێستا ئاسەوار و کاریگەرییە خراپەکانی بەسەر خەڵک و خاکی شارەکەوە ماوە.
ئاماژەی بەوەشکرد، کاتی هاتووە دوور لە دروشم،
هەنگاوی کرداری بنرێت بۆ ئاوەدانکردنەوەی زیاتری هەڵەبجە و بە یەک دەست هەموومان
بە پرۆژەیەکی نیشتمانییەوە کاربکەین بۆ سەرخستنی هەنگاوەکانی دەنگدان بە
پارێزگابوونی هەڵەبجە لە ئەنجوومەنی نوێنەرانی عیراق و قەرەبووکردنەوەی قوربانیان،
و گەیاندنی خزمەتگوزاری زیاتر بە ناوچەکە.
باسی لەوەشکرد، ئەرکی حکومەتیشە خزمەتکردنی
هەڵەبجە و ئاوڕدانەوەی زیاتر لە شارەکە بکاتە ئەولەویەتی کارکردنی و بودجە و
شایستەی دارایی پێویست دابینبکات کە لە ئاست گەورەیی هەڵەبجەدا بێت.
