PM:11:28:15/03/2025
1864 جار خوێندراوەتەوە
سەرۆكی ئەمریكا دەستپێكردنی هێرشی سەربازی بۆسەر حوسیەكانی یەمەن رایگەیاند و دەڵێت،"کاتی حوسیەكان تەواو بووە' و پێویستە هێرشەکانیان بوەستێنن، ئەگەر هێرشەکان نەوەستێنن ئاگر بەسەریاندا دەبارێنین".
ئەمڕۆ شەممە ١٥ـی ئازاری ٢٠٢٥، دۆناڵد ترەمپ، سەرۆکی ئەمریکا بڵاویكردەوە، فەرمانم بە هێزی سەربازی ئەمریکا کردووە کە چالاکی سەربازی یەکلاکەرەوە و بەهێز لە دژی حوسیەكان لە یەمەن دەستپێبکەن كە هێرشێكی زۆری دەریایی و توندوتیژی و تیرۆریان لەدژی کەشتی و فڕۆکە و فڕۆکەی بێفڕۆکەوانی ئەمریکی و ئەوانی دیکە ئەنجامداوە.
ئاماژەی بەوەشكرد، وەڵامی جۆ بایدن، سەرۆكی پێشووی
ئەمریكا لاواز بوو، بۆیە حوسییەكان بەردەوام بوون، ئەوان بە پارەی ئێران، مووشەکیان
ئاراستەی كەشتەیە ئەمریکییەکان کردووە و سەرباز و هاوپەیمانەکانیانیان کردووەتە
ئامانج.
باسی لەوەشكرد، ئەو هێرشە بەردەوامانە زیانی
چەندین ملیار دۆلاری بە ئەمریکا و ئابووری جیهانی گەیاندووە و لە هەمانکاتدا ژیانی
بێتاوانەکانی خستووەتە مەترسییەوە.
ئەوەشی خستەڕوو، "کاتی ئێوە تەواو بووە و پێوستە
هێرشەکانتان بوەستێنن، لە ئەمڕۆە دەستپێدەکات، ئەگەر نەتانكرد، دۆزەخ بەسەرتاندا
دەبارێت، بەجۆرێك كە پێشتر نەتانبینیبێت".
