سەرۆک وەزیرانی عێراق، لە پەیوەندییەکی تەلەفۆنیدا لەگەڵ سەرۆکی فەرەنسا، کۆمەڵێک پرسی تایبەت بە دۆخی ناوچەکەیان تاوتوێ کرد، هەردوولا جەختیان لە هەماهەنگیی هاوبەش بۆ بەرزکردنەوەی ئاستی سەقامگیری وڵات و دوورکەوتنەوە لە گرژییەکان کردەوە.
نوسینگەی سەرۆک وەزیرانی عێراق راگەیەندراوێکی بڵاوکردەوە و دەڵێت، محەمەد شیاع سودانی، سەرۆک وەزیرانی عێراق و ئیمانوێل ماکرۆن، سەرۆکی فەرەنسا لە پەیوەندییەکی تەلەفونیدا هاوڕابوون تیمێكی دووقۆڵی واده‌ی سه‌ردانه‌كه‌ی ماكرۆن بۆ به‌غدا دیاریی بكه‌ن.
بە
پێی ڕاگەیەنراوەکە هەردوولا لەبارەی پرۆسەی سیاسی سوریا هاوڕابوون و جەختیان لەوە
کردەوە، کە پێویستە پرۆسەکە رەنگدانەوەی فرەچەشنی وڵاتەکە بێت.
ئەوەش
خراوەتەڕوو، سەبارەت بە بارودۆخی ناوچەکە، رێککەوتن لەسەر هەماهەنگیی هاوبەش بۆ بەرزکردنەوەی
سەقامگیری و دوورکەوتنەوە لە پەرەسەندنی زیاتر.
لە
پەیوەندییە تەلەفونییەکەدا، سودانی پابەندبوونی عێراقی بۆ پتەوکردنی پەیوەندییە
دووقۆڵییەکان و زیادکردنی هاوکارییەکان لە ئاستە جیاجیاکاندا لەگەڵ فەرەنسا دووپات
کردەوە.
هەروەها لای خۆیەوە ماکرۆن، جەختی لە ئامادەیی
فەرەنسا بۆ هەماهەنگیی لەگەڵ عێراق لە شەڕی دژی تیرۆر کردەوە و رەزامەندیشی
نیشاندا بۆ پێکەوە کارکردن لەگەڵ عێراق لە بوارە جیاجیاکاندا.