AM:10:38:20/01/2025
988 جار خوێندراوەتەوە
کەشناسی بەریتانیا رایگەیاند، ساڵی رابردوو خێراترین ساڵ بووە بۆ بەرزبوونەوەی پلەکانی گەرما و زیادبوونی دوانەئۆکسیدی کاربۆن، هاوکات هۆشداریشیدا لە زیاتر گەرمبوونی زەویی و لە کۆنتڕۆڵ دەرچوونی بۆ ساڵی ٢٠٢٥.
ئەمڕۆ دووشەممە ٢٠ـی کانونـی دووەمـی ٢٠٢٥، کەشناسی بەریتانیا ئاماژەی بەوەشکردووە، ساڵی ٢٠٢٤ گەرمترین ساڵ بووە لە ٧٠ ساڵی رابردوودا کە تۆمارکراوە و تێکڕای پلەی گەرمای ساڵانە بۆ یەکەمجار زیاتر لە یەک پۆینت ٥ پلەی سیلیزی بەرزبووەتەوە، هۆکارەکەیشی گەڕاندەوە بۆ زیادبوونی دوانەئۆکسیدی کاربۆن کە بەهۆی پیشەسازی و کارگەکانەوە زیادی کردووە.
باسی لەوەشکرد، هۆکارەکانی تری گەرمبوونی زەویی گۆڕانی کەش و هەوا و رووداوە
سروشتییەکانن.
هاوکات ئەوەش خراوەتەڕوو، ئەگەر چارەسەرێک بۆ زیادبوونی دوانەئۆکسیدی کاربۆن
نەدۆزرێتەوە پلەکانی گەرما زیاتر بەرزدەبنەوە.
