PM:03:48:06/01/2025
1576 جار خوێندراوەتەوە
وەزیری گواستنەوەی عێراق رایگەیاند، رێگەی گەشەپێدان بە تەواوبوونی، ٢٠ هەزار هەلی کار بۆ گەنجان دەڕەخسێنێت. دەشڵێت، چەندین شاری پیشەسازی بە درێژایی رێگەکە دروست دەکرێن.
ئەمڕۆ دووشەممە ٦ـی کانونـی دووەمـی ٢٠٢٥، رەزاق محێبس سەعداوی، وەزیری گواستنەوەی عێراق ئاماژەی بەوەش کردووە، دیزاینی سەرەتایی پڕۆژەکە تەواوکراوە و لە ئێستاشدا کارکردن لە پڕۆژەکەدا بە شەو و بە رۆژ بەردەوامە، تا بتوانن لەو وادەیەی دیاری کراوە پڕۆژەکە تەواو بکەن.
ئەوەشی خستووەتەڕوو، لەگەڵ تەواوبوونی پڕۆژەکە، بەندەری فاو دەبێتە گەورەترین
ناوچەی پیشەسازی لە تەواوی رۆژهەڵاتی ناوەڕاست و هەزاران هەلی کار بۆ گەنجانیش دەڕەخسێندرێت.
