PM:04:04:02/01/2025
5708 جار خوێندراوەتەوە
سەرۆك وەزیرانی عێراق لە وتارێكدا لە مەراسیمی كردنەوەی ژمارەیەك پرۆژەی كەرتی نەوت لە قەزای بێجی پارێزگای سەلاحەدین رایگەیاند، "پلانمان ئەوەیە بێجی ببێت بە گەورەترین شاری پیشەسازیی نەوت لەسەر ئاستی عێراق و ناوچەكە".
ئەمڕۆ پێنجشەممە ٢ـی کانونـی دووەمـی ٢٠٢٥، محەمەد شیاع سودانی، سەرۆک وەزیرانی عێراق ئاماژەی بەوەشکرد، وڵاتێك كە رۆژانە زیاتر لە ٤ ملیۆن بەرمیل نەوت بەرهەمبهێنێت ناتوانێت بەردەوام بێت لە هاوردەكردنی بەرهەمە نەوتییەكان و غاز.
ئەوەشی خستەڕوو، هەنگاوی گەورەمان هەڵگرتووە
لە چارەسەری كێشەكان، بەتایبەتی لە بابەتی سوتانی غازدا، ئەمەش لەڕێگەی ئەو گرێبەست
و ریككەوتنانەی كە كراون کە بۆ راگرتنی سوتانی غازی هاوڵ بەڕێژەی ٠٪ تاوەكو ساڵی ٢٠٢٨یان
دیاریكردووە.
هاوکات سودانی وتیشی، هێڵی بۆری ستراتیژیی بەسرە - حەدیسە كە ئەنجومەنی وەزیران دەنگی لەسەرداوە بە توانای زیاتر لە ٢ ملیۆن بەرمیلە.
ئەوەش لەکاتێکدایە، لەبری ئەوەی لە بازاڕە جیهانییەكاندا
بیفرۆشرێت، بەرەو ئەوە دەچن بڕێكی زۆری بەرهەمی نەوتی خاو لە پیشەسازییە نەوتییەكاندا
بەكاربهێنن بەهۆی سودەكانی و رەخساندنی هەلی كارەوە.
