PM:01:23:31/12/2024
2016 جار خوێندراوەتەوە
ئەمریکا سەبارەت بە توندوتیژییەکانی ئەم دواییانەی سوریا نیگەرانی خۆی بە حکومەتی راگوزەر گەیاندووە و وەزیری دەرەوەی حکومەتی راگوزەریش دەڵێت، ئەوەی ئەنجامدراوە چەکدارانی سەر بە حکومەتی راگوزەر نین و ئەوان لە هەوڵی هێورکردنەوەی دۆخی وڵاتەکەدان.
لە چەند رۆژی رابردوودا دانیاڵ رۆبشتاین نێردراوی وەزارەتی دەرەوەی ئەمریکا سەردانی دیمەشقی کرد و لەگەڵ ئەحمەد شەیبانی کۆبووەتەوە و باسیان لەوەکردووە، ئەمریکا نیگەرانە لەو توندوتیژیانەی ئەنجامدەدرێت.
دانیاڵ ئاماژەی بەوەشکردووە، سەرقاڵی لێکۆڵینەوەن لەو گرتە
ڤیدیۆیانەی کە کۆمەڵیک چەکدار ئەشکەنجەی پیاوێک دەدەن و دەشڵێت، پێویستە ئەو
توندوتیژیانە بوەستێنرێت، لەبەرامبەریشدا شەیبانی ئەوەی خستوەتەڕوو، ئیدارەی راگوزەر دژی ئەو
جۆرە توندوتیژیانەیەو وتیشی، زۆرینەی ئەو كارانە گروپەكانی تر ئەنجامیدەدەن نەك
دەستەی تەحریری شام، باسی لەوەشکردووە، حکومەت و دەسەڵاتی نوێ لە هەوڵی ئەوەدایە دۆخی
سوریا هێور بکاتەوە.
