AM:10:02:11/11/2024
896 جار خوێندراوەتەوە
هەڵبژاردنەوەی ترەمپ وەک سەرۆکی ئەمریکا جموجوڵەکانی لە رۆژهەڵاتی ناوەڕاست زیاد کردووە، شاندێکی باڵای سەربازیی سعودیە بە سەرۆکایەتی سەرۆك ئەركانی سوپای سعودیە گەیشتە تاران و لەگەڵ هاوتا ئێرانییەکەی کۆبووەوە.
فەیاز بن حامد روەیلی سەرۆك ئەرکانی سوپای سعودیە گەیشتە تاران و لەگەڵ محەمەد باقری هاوتا ئێرانییەکەی کۆبووەوە. میدیا ئێرانییەکانیش رایانگەیاند، لە کۆبوونەوەکەدا گفتوگۆ لەبارەی دیپلۆماسیەتی بەرگریی و فراوانكردنی هاوكاری دووقۆڵی نێوان جەمسەرە سەرەكییەكانی ناوچەكە كراوە.
ئەم سەردان و
کۆبوونەوانە لەدوای هەڵبژاردنەوەی دۆناڵد ترەمپە بۆ پۆستی سەرۆکایەتیی ئەمریکا و پێشتریش
ترەمپ لەماوەی سەرۆکایەتیدا هەوڵی ئەوەی دابوو پەیوەندییەکانی نێوان سعودیە و ئیسرائیل
ئاسایی بکاتەوە کە ببوە هۆی دروستکردنی مەترسی بۆسەر ئاسایشی ناوچەکە.
