لە ماوەی ئەم هەفتەیەدا بانکی ناوەندی پێنج رۆژ فرۆشی دۆلاری هەبووە و بە تێکڕا زیاتر لە یەک ملیار و ٣٩٦ ملیۆن دۆلاری بە نرخی فەرمی بە بانک و بازرگانەکان فرۆشتووە.
لە ٢٧ تاوەکو ٣١ـی ١٠، بانکی ناوەندیی عێراق بڕی یەک ملیار و ٣٩٦ ملیۆن و ٦٧٩ هەزار و ٦٥٧ دۆلاری بە بانک و بازرگانەکان فرۆشتووە.
هەر بەپێی داتاکانی بانکەکە، بڕی ٤٦ ملیۆن و ٨٥٠ هەزار دۆلاری بەشێوەی کاش
فرۆشراوە، بەرزترین فرۆشی کاش لە رۆژی سێشەممە ٢٩ـی ١٠، فرۆشراوە و بڕەکەی ١٦
ملیۆن و ٨٠٠ هەزار دۆلار بووە.
هاوکات، بڕی یەک ملیار و ٣٤٩ ملیۆن و ٨٢٩ هەزار و ٦٥٧ دۆلاری بەشێوەی حەواڵەی
دەرەکی فرۆشراوە.
ئەوەش لەکاتێکدایە، لە هەفتەی رابردوودا، بانکی ناوەندی بە تێکڕا یەک ملیار و ٣٣٨ ملیۆن و ٦٥٠ هەزار و ٧٦٢ دۆلار لەڕێگەی
بانکەکەوە بە نرخی فەرمی فرۆشتووە، ٤٥ ملیۆن و ٨٠٠ هەزار دۆلاری بەشێوەی کاش و بڕی یەک ملیار و ٢٩٢ ملیۆن و
٨٥٠ هەزار و ٧٦٢ دۆلاری بەشێوەی حەواڵەی دەرەکی فرۆشراوە.