بە گوتەی ئەو، گرنگترین هۆکار بۆ پاراستنی تەندروستی دڵ بریتییە لە پەیڕەوکردنی خۆراکی هاوسەنگ، و وازهێنان لە خواردنە خێرا و چەورەکان، کە هەموو ئەمانە ئاستی کۆلیسترۆڵی خراپ زیاد دەکات کە زیان بە تەندروستی دڵ و خوێنبەرەکان دەگەیەنێت.
ئەو پزیشکە ئاماژە بەوە دەکات کە کێشی زیادە ئەگەری تووشبوون بە نەخۆشی شەکرە زیاد دەکات و کاریگەری نەرێنی لەسەر دڵ و خوێنبەرەکان دروست دەکات.
جەختیشی لەوەکردەوە لە بەرامبەردا پێویستە ئەو خۆراکانە بخۆیت کە دەوڵەمەندن بە پرۆتین و ترشی ئۆمیگا ٣، سەوزە و میوەکان.
جگە لەوەش "پێویستە واز لە خووی خراپ بهێنیت و فشاری دەروونی کۆنتڕۆڵ بکەیت و بێگومان چالاکیی جەستەیی بۆ ماوەی ٣٠ خولەک لە ڕۆژێکدا یان چوار جار لە هەفتەیەکدا بۆ ماوەی ٤٠-٥٠ خولەک ڕاهێنان بکەیت، سادەترین چالاکیی جەستەییش بریتییە لە ڕۆیشتنێکی خێرا، مەلەکردن، پاسکیلسواری."